رواية: كافي يا زمن ما عاد فيني صبر أكثر... بقلمي
-

روايات و قصص بالعاميه قصص و روايات باللهجه العاميه

Like Tree303Likes
إضافة رد
 
LinkBack أدوات الموضوع انواع عرض الموضوع
قديم 06-11-2016, 02:42 AM   #1
مميزة الأقسام الفنية
لم يعدل حالته
 
الصورة الرمزية ملـح وخل
 
تاريخ التسجيل: Jun 2016
العضوية : 902076
مكان الإقامة: في بيتنا
المشاركات: 4,539
الجنس: أنثى
مرات الإعجاب: تلقى 907 مرات الإعجاب التي تلقاها
أعطى 1162 مرات الإعجاب التي أعطاها

مشاهدة أوسمتي

نقاط التقييم: 1292321300
ملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond repute
رواية: كافي يا زمن ما عاد فيني صبر أكثر... بقلمي







السلام عليكم ورحمة الله
أقدم بين ايديكم روايتي الأولى بعنوان
" كافي يا زمن ما عاد فيني صبر أكثر"
الصراحة أنا بدأت بتنزيل بارتات في منتدى ثاني لكن للأسف ماشفت تفاعل مع الرواية يرضيني
وحبيت إني أشارككم روايتي هنا يمكن ألاقي التفاعل إلي يحمسني أكمل الرواية
أنا في الأيام العادية أنزل كل إسبوع بارتين لكن مع بداية رمضان صرت أنزل بارت واحد
موعد نزول البارتات في الأيام العادية كل يوم أحد وأربعاء
وفي شهر رمضان كل يوم أربعاء
أتمنى من كل قلبي تنال الرواية على إعجابكم
وآخر شي
إني ما أسمح لأي أحد ينقل الرواية بدون ذكر إسمي معاها
رواية: كافي يا زمن ما عاد فيني صبر أكثر... بقلم: ملـح وخل








ملـح وخل غير متواجد حالياً   رد مع اقتباس

رابط إعلاني
قديم 06-11-2016, 03:01 AM   #2
مميزة الأقسام الفنية
لم يعدل حالته
 
الصورة الرمزية ملـح وخل
 
تاريخ التسجيل: Jun 2016
العضوية : 902076
مكان الإقامة: في بيتنا
المشاركات: 4,539
الجنس: أنثى
مرات الإعجاب: تلقى 907 مرات الإعجاب التي تلقاها
أعطى 1162 مرات الإعجاب التي أعطاها

مشاهدة أوسمتي

نقاط التقييم: 1292321300
ملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond repute
البارت:1





كان قاعد على لابتوبه وحاط السماعات في أذينه
ومندمج حده في شغله إلي تراكم عليه من أيام
وفجأة ينفتح باب الغرفة بقوة رفع عينه بدون مايرفع راسه أو يغير وضعيته
وطالع من فوق نظارته وقال بصوت مبين عليه آثار الزكام والانفلونزا: شنو؟؟
ردت عليه بتوتر لأنها عارفتنه مايحب أحد يدخل عليه
بـ هالطريقة الهمجية على قولته: ههه كنت بقول لك إني جيت أنام في بيتكم
رد عليها ببرود وهو يرجع عينه على اللاب: وشنو المطلوب مني؟
إنقهرت فيه إنه حتى مالاحظ إنها متبللة من فوق لتحت
قالت له: مو مطلوب منك شي يالسيد بس على الأقل إسألني
شنو صاير لي حتى مانتبهت إن شكلي معدوم من المطر
وطلعت وقفلت الباب بقوة حتى إنه كان بينكسر
رجع رفع عينه وناظر في نفس المكان إلي كانت واقفة فيه
إنتبه إن في على الرخام أثر ماي خفيف
هز راسه بلامبالاة وقال في نفسه: شنو فيها هذي؟؟ تفكرني فاضي مثلها

ــــــــــــــــــــــــــــــــــــــــــــــــــــــــ
بعرفكم على أبطال الرواية
مصطفى :رجل عمره 27 سنة من عائلة غنيييية بس ساكن مع بيت جده أبو إمه،
أمه توفت بعد ولادته على طول وأبوه توفى قبل ولادته بخمس شهور،
مواصفاته: طويل... أسمر... شعره أسود سواد الليل... عيونه واسعة وحادة
بنية بس الكل يشوفها سودا لكن لما ينعكس عليها ضوا الشمس يوضح لونها البني...
حواجبه كسرة كثاف شوي وحاجبه اليسار فيه أثر ضربة قديمة... خشمه سلة سيف...
فمه صغير بس شفايفه شوي مليانة... فيه شنب ولحية مكتملة مرتبة قصيرة...
أكتافه عريضة... وجسمه متناسق، صفاته: متواضع... هادي ويحب الهدوء... كريم...
خجول بعض الأحيان... غامض بعض الشيء...عصبي بس مو من النوع إلي يعصب
بسرعة لكن إذا عصب تنطبق عليه مقولة
" إحذر الحليم ساعة الغضب"... يحب يعتمد على نفسه ومايحب الإتكالية أبداً

لين:بنت عمرها 15 سنة في صف أول ثانوي بنت خالة مصطفى وإخته من الرضاعة...
بنت مرجوجة شوي ودلوعة شوي ترتيبها بين أخوانها الرابعة،
مواصفاتها: طولها متوسط يناسب عمرها... شعرها بني لنص ظهرها ناعم...
بشرتها حنطية فاتحة... عيونها بريئة عسلية... خشمها صغير...
فمها صغير شفايفها صغيرة وردية... جسمها متناسق مع طولها
يعني مو ضعيفة ولا متينة، صفاتها: تحب الربشة والإزعاج... وإلي في قلبها على لسانها...
تموت في وائل جسار والمطاعم والموضة والنت والتصوير...
حبوبة تحب الناس بسرعة وهي بعد تنحب بسرعة
ـــــــــــــــــــــــــــــــــــــــــ
دخلت غرفتها وهي معصبة فيه وتقول في نفسها: هالبارد ما أدري من وين جايب كل
هالبرود أكيد إنه من سكان القطب الشمالي أو الجنوبي
رمت نفسها على السرير وبصوت رفيع: غبيييييييييييييييييي عكر مزاجي
وقفت وراحت عند دولابها وفتحته وقالت بصوت مسموع: خلني أخذ شور سريع أحسن من التفكير فيه
طلعت لها جامة قطنية لونها سماوي أكمام مرسوم عليها ميني ماوس، ودخلت الحمام "وإنتوا بكرامة"
في غرفة مصطفى كان يفكر في لين ومو قادر يركز في شغله لأنها طلعت زعلانة منه
طلع من غرفته حس بدوخة خفيفة وسند جسمه على الجدار عشان يتوازن،
لما حس إن الدوخة راحت رجع يمشي وصل غرفتها وطق الباب ثلاث مرات لكن مافي رد
قال في نفسه: لا هذي زعلانة بقووة، رجع يطلع على الباب
وقال بصوت مسموع: لين افتحي الباب أنا آسف ما كان قصدي أزعلك،
ليوونة يلا فتحي الباب بطلب لك من المطعم إلي تحبيه... لكن مافي رد
قال: لاحول ولاقوة إلا بالله هذي شنو يراضيها ألحين...
حس أن في أحد يركب الدرج إلتفت وشاف جدته إبتسم وقال: الله يقويك يمه
ردت عليه: قواك الله بالعافية، ليش واقف هنا؟؟
مصطفى وهو يطالع الأرض: لين زعلانة مني لأني ماعطيتها إهتمام لما جت. ورفع راسه
إم إبراهيم وهي مبتسمة: خلاص أنا ألحين أشوفها وأقول لك تدخل عليها تراضيها
إبتسم وباس راس جدته وقال: الله لا يحرمني منك يالغالية
بعد عن الباب وقربت إم إبراهيم وطقت الباب وهي تقول: لين حبيبتي افتحي الباب هذي أنا إمك إم براهيم
ما جاهم رد فتحت إم إبراهيم الباب ودخلت راسها وما شافت أحد في الغرفة
دخلت وسمعت صوت الماي جاي من الحمام ابتسمت وطلعت
مصطفى وهو متوتر شوي قال: بشري شنو فيها لا تقولي نامت!!
إم إبراهيم حبت إنها توتره أكثر: وإذا نامت شنو بتسوي؟؟
مصطفى بدا يلوم نفسه إنه زعلها: يمه شنو نامت صحيها خلني أراضيها تعرفيني ما
أحب أحد ينام وهو زعلان مني
إم إبرهيم ضحكت وقالت: هههههه الله يقطع إبليسك دامك ما تحب تزعل أحد
ليش زعلتها من البداية، لاتخاف مو نايمة بس شكلها تتروش
مادري شنو تقولوا إنتوا المهم تتسبح
مصطفى ضحك على جدته وقال: خوفتيني والله
إم إبراهيم: خلاص إنت ألحين روح غرفتك وأنا بعد شوي أشوفها وأقول لك تجي تراضيها، زين ألحين؟؟
مصطفى وهو يبوس راس جدته: زين على زين يالغالية، الله لا يحرمني هالطلة
إم إبراهيم وعينها بدت تدمع حاولت إنها ما تبين له ردت عليه: ولا يحرمني منك ياريحة الغوالي
رجع غرفته وهو مرتاح إنه بيراضي لين
ــــــــــــــــــــــــــــــــــــــــ
الجدة أم إبراهيم: مرأة كبيرة في السن تحب أولادها وعيالهم وماترضى عليهم أبداً
ربت مصطفى بعد وفاة إمه وكانت تخاف عليه من كل شي لأنه هو الشي الوحيد إلي بقى ليها من ريحة بنتها
ــــــــــــــــــــــــــــــــــــــ
أما عند لين كانت سامعة إن في حركة في غرفتها بس ما اهتمت
طلعت من الحمام "وإنتو بكرامة" وهي لافة الفوطة فوق راسها،
قعدت على الكرسي إلي قدام التسريحة وطالعت نفسها في المراية
وقالت في نفسها: لك دخيلوا إلي خلأني ما أحلاني >>> الظاهر إنها متأثرة بالمسلسلات السورية
وقفت إلا ينطق باب الغرفة وعلى طول نطت عند الباب
وقالت وهي تفتحه: لك يا أهلين وسهلين ومرحبتين بهالعينتين الحلوين
وباست راس جدتها، أما إم إبراهيم كانت مبتسمة وقالت: يعني إني ما بتوبي عن حركاتك
ردت عليها لين وهي تسكر الباب وراها: كيف أتوب مو إذا تبت عن حركاتي حياتكم ما بيصير ليها طعم
ضحكت إم إبراهيم من قلب على بنت بنتها
قالت لين بعد ماحضنت جدتها: لك بتؤبرني هالضحكة إن شاء الله،
شنو عندها الغالية جاية غرفتي ومنورتنها أكيد فيه شي صاير
إم براهيم ردت عليها بعد ما قعدت على الكنبة: إييه في شي صاير مصطفى كان جاي يراضيك
لين وهي مكشرة: وليش جاي يراضيني؟؟ ألحين حس إن بروده يزعل؟؟
إم إبراهيم وقفت وراحت جنب لين ومسكتها من أكتافها وقالت: ليوونة لاتزعلي منه هذا هو طبعه من لما كان صغير
لين وهي تحضن جدتها: المشكلة إني أعرف وتعودت عليه
وإذا مر يوم وما شفت فيه مصطفى قاعد في قالب ثلج أشك إن الشمس طلعت من الغرب...
لاتخافي يمه مو زعلانة منه بس أتغلى شوي عشان يراضيني هههههه
إم براهيم وهي تهز راسها: الله يعينك على نفسك، يلا أنا بناديه عشان يجي يراضيك
لين بإبتسامة النصر:OK
طلعت إم إبراهيم وهي تهز راسها على هبال لين المعتاد وراحت تنادي مصطفى
وجا مصطفى يراضي لين
مصطفى بحنان: ليوون الحلوة شنو فيك زعلانة يعني
ما تعرفي إن ساعات أصير دفش خصوصاً إذا كنت مشغول؟؟
لين وهي تمثل إنها زعلانة بقوة: يعني بس إذا صرت مشغول تكون دفش إنت طول الوقت دفش
رد عليها بسرعة: أفاااا أنا دفش يلا مقبولة منك، أنا عازمك على أحلى عشا
من أحلى مطعم في الديرة تعشقه معدتك
لين جتها الضحكة بس مسكت نفسها: مابي من المطعم
مصطفى وهو متفاجئ لأنه كان متوقع إنها بتطلب معاه: ليييش؟؟
لين وهي تتصنع الزعل: بس مابي
مصطفى وهو مو عارف كيف يراضيها: إنزين قولي لي شنو أسوي عشان ترضي؟؟
لين وهي تحاول تخفي إبتسامة النصر: مابي شي خلاص رضيت
مصطفى وهو مو مقتنع للحين يحسها زعلانة: لا مارضيتي لو رضيتي
كان شفنا إبتسامتك شاقة الوجه
لين وهي تحس إنها قربت من النصر: يعني لو أطلب منك أي شي بتوافق
مصطفى بسرعة: أكييييد
لين وهي تلعب بأصابيعها: إنزين... أجل بكرة توصلني المدرسة وترجع تاخذني من المدرسة
مصطفى تفاجأ من طلبها وقال: بس
قاطعته: لكن إنت قلت أكيد
مصطفى يحاول يهدي نفسه لأنها بدا يكتشف خطتها وقال ببرود: إن شاء الله
لين وهي مو مصدقة إنه إقتنع بـ هالسرعة: صحييييح
رد عليها بنفس البرود: إيييه، وألحين شنو حابة تاكلي من المطعم؟؟
لين والأرض مو شايلتنها من الفرح عشان إنه مصطفى بيعشيها وبيوصلها وبياخذها من المدرسة: نفس كل مرة
قام مصطفى وطلع برا وطلب ليهم وجابوا الطلب وتعشوا وراح كل واحد غرفته عشان ينام
لين مو عارفة تنام من الوناسة إن خطتها ضبطت،
أما مصطفى كان متضايق شوي من موضوع توصيل لين للمدرسة
قطع عليه حبل أفكاره أصوات المؤذنين إلي تعلن عن دخول وقت صلاة الفجر
تعوذ من الشيطان وقام عشان يصلي

في مكان ثاني بعيد عن بيت أبو إبراهيم
فتحت عيونها بعد مارن المنبه طفت المنبه وظلت منسدحة على السرير
بعد ماخلص الأذان قامت على طول تتوضا، صلت وقرأت شوي من القرآن
بعد الصلاة رجعت على سريرها وأخذت جوالها فتحت الواتس آب
شافت خمس رسايل من لين فتحت المحادثة وبدأت تقرأ...
*دانوووه مابتصدقي شنو صاار
*تخيلي نجحت خطتي ههههههههه ماكنت متوقعة أبداً إنها بتنجح
*بوصلني مصطفى بكرة المدرسة ههههههههه
وبيرجع ياخذني نهاية الدوام
*أخيراً بكسر راس المغرورة رنووه إلي تفكر أن أخوها ملك جمال العالم ههههههه
*أصلاً إذا شافت أخوي مصطفى بتطير عواينها من راسها هههههههههه
جت بترد عليها لكن جوالها طفى
قالت بصوت مسموع: وهذا وقتك تطفي، خلني أحطه في الشاحن
وراحت عند الطاولة ووصلت جوالها بالشاحن
ــــــــــــــــــــــــــــــــــــــــ
أعرفكم على دانة: بنت عمرها 15 سنة أول ثانوي مع لين في الصف وصديقتها الصدوقة...
من عيلة معروفة وغنيية لكنها مو أغنى من عيلة أبو مصطفى...
مواصفاتها: بيضا... شعرها طويل لآخر ظهرها لونه كستنائي ناعم حده كأنه حرير...
قصيرة شوي... ومتينة... عيونها ناعسة لونها رمادي ونظرها ضعيف...
حواجبها مرسومين وكثاف... رموشها طوال وكثاف...
خشمها صغير وجذاب بس مايبان من وجهها المليان...
فمها صغير وشفايفها مليانة ورديين، صفاتها: خجولة مررة... عفوية...
تحب الربشة مثل لين... متواضعة... حنونة مررة... تحب الأطفال مرررة...
ماعندها ثقة في نفسها بسبب إنها متينة... عندها أحلام كثيرة
بس ماتعرف كيف تحققها... وموهوبة في أشياء كثيرة
بس عدم ثقتها في نفسها مخربة عليها.
ــــــــــــــــــــــــــــــــــ
بعد ماوصلته بالشاحن قالت في نفسها: خلني أتجهز للمدرسة قبل لاتجي إمي تهاوشني
توها واقفة إلا تسمع صوت طيحة وباين إنها طيحة قوية جاية من جهة الدرج
نهاية البارت الأول
أتمنى إنكم تتفاعلوا مع الرواية وتعطوني آرائكم وإنتقاداتكم وتوقعاتكم

*

أسئلة نهاية البارت
* مصطفى بيوصل لين أو بيسحب عليها؟؟
* الطيحة إلي سمعتها دانة منو صاحبها؟؟



ملـح وخل غير متواجد حالياً   رد مع اقتباس
قديم 06-11-2016, 04:33 AM   #3
عضو نشيط جداً
الحاله: حقاً !! اشعر بالخذلان
 
الصورة الرمزية *sunrise*
 
تاريخ التسجيل: Jan 2016
العضوية : 900313
مكان الإقامة: in the sky
المشاركات: 1,858
الجنس: أنثى
مرات الإعجاب: تلقى 483 مرات الإعجاب التي تلقاها
أعطى 464 مرات الإعجاب التي أعطاها

مشاهدة أوسمتي

نقاط التقييم: 323564371
*sunrise* has a reputation beyond repute*sunrise* has a reputation beyond repute*sunrise* has a reputation beyond repute*sunrise* has a reputation beyond repute*sunrise* has a reputation beyond repute*sunrise* has a reputation beyond repute*sunrise* has a reputation beyond repute*sunrise* has a reputation beyond repute*sunrise* has a reputation beyond repute*sunrise* has a reputation beyond repute*sunrise* has a reputation beyond repute
الأصدقاء:(32)
أضف *sunrise* كصديق؟
السلام عليكم
كيفك ؟؟ ان شاء الله بخير

اول شئ مشكوووووره على الدعوه الجميله لولاها لما عشت هذه اللحظات السعيده في قراءت البارت

ثاني شئ روايتك جميييييله جدا ابدعتي في الوصف والشخصيات والاحداث احسنتي حقا

ثالث شئ الشخصيات جمال في جمال اعجبتني جدا وخصوصا شخصيه لين المشاغبه الجميله

وشخصيه مصطفى جميله ايضا فشخصيته مزيج من الصفات الرائعه
(اظنني وقعت في حبه )

ننتقل للاسئله :

مصطفى بيوصل لين أو بيسحب عليها؟؟
هممممم يمكن ما اعرف

الطيحة إلي سمعتها دانة منو صاحبها؟؟
يمكن ابوها او امها ... الله يستر

يا حسافه بصبر اسبوع علشان البارت الثاني
الله يصبرني بس

ابدعتي حقا استمري الى الامام
تقبلي ردي القصير ... في امان الله
*sunrise* غير متواجد حالياً   رد مع اقتباس
قديم 06-11-2016, 04:52 AM   #4
مميزة الأقسام الفنية
لم يعدل حالته
 
الصورة الرمزية ملـح وخل
 
تاريخ التسجيل: Jun 2016
العضوية : 902076
مكان الإقامة: في بيتنا
المشاركات: 4,539
الجنس: أنثى
مرات الإعجاب: تلقى 907 مرات الإعجاب التي تلقاها
أعطى 1162 مرات الإعجاب التي أعطاها

مشاهدة أوسمتي

نقاط التقييم: 1292321300
ملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond reputeملـح وخل has a reputation beyond repute
اقتباس:
المشاركة الأصلية كتبت بواسطة *sunrise* مشاهدة المشاركة
السلام عليكم
كيفك ؟؟ ان شاء الله بخير

اول شئ مشكوووووره على الدعوه الجميله لولاها لما عشت هذه اللحظات السعيده في قراءت البارت

ثاني شئ روايتك جميييييله جدا ابدعتي في الوصف والشخصيات والاحداث احسنتي حقا

ثالث شئ الشخصيات جمال في جمال اعجبتني جدا وخصوصا شخصيه لين المشاغبه الجميله

وشخصيه مصطفى جميله ايضا فشخصيته مزيج من الصفات الرائعه
(اظنني وقعت في حبه )

ننتقل للاسئله :

مصطفى بيوصل لين أو بيسحب عليها؟؟
هممممم يمكن ما اعرف

الطيحة إلي سمعتها دانة منو صاحبها؟؟
يمكن ابوها او امها ... الله يستر

يا حسافه بصبر اسبوع علشان البارت الثاني
الله يصبرني بس

ابدعتي حقا استمري الى الامام
تقبلي ردي القصير ... في امان الله

أنا الحمد لله تمام وبعد ردك الرووعة صرت فوووق النخل :baaad:
أسعدتيني بردك الرااائع ربي يسعدك دنيا وآخرة
وبنسبة للبارتات أنا بنزل البارتات إلي نزلتها في المنتدى الثاني
يعني حتى نوصل لآخر بارت نزلته هناك عشان لاتصير عندي لخبطة
إذا شفت تفاعل يحمسني بزيادة بنزل في الليل بارت ثاني
الصراحة مبسوووطة مرررة بردك إلي يفرررح
مشكورة على المرور الرااائع والتوقعات الجمييلة
وعساك ع القوة

ملـح وخل غير متواجد حالياً   رد مع اقتباس
قديم 06-11-2016, 04:25 PM   #5
عضو نشيط جداً
الحاله: سعاادةة | ياقوت
 
الصورة الرمزية Oumnia el
 
تاريخ التسجيل: Mar 2016
العضوية : 901168
مكان الإقامة: المغرب
المشاركات: 2,267
الجنس: أنثى
مرات الإعجاب: تلقى 126 مرات الإعجاب التي تلقاها
أعطى 95 مرات الإعجاب التي أعطاها

مشاهدة أوسمتي

نقاط التقييم: 44165966
Oumnia el has a reputation beyond reputeOumnia el has a reputation beyond reputeOumnia el has a reputation beyond reputeOumnia el has a reputation beyond reputeOumnia el has a reputation beyond reputeOumnia el has a reputation beyond reputeOumnia el has a reputation beyond reputeOumnia el has a reputation beyond reputeOumnia el has a reputation beyond reputeOumnia el has a reputation beyond reputeOumnia el has a reputation beyond repute
الأصدقاء:(58)
أضف Oumnia el كصديق؟
نعم جميل بس اللغة مو حلوة انتي من المغرب صح انا بحب كثير الروايات باللغة العربية الفصحى بتكون احسن
Oumnia el غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رواية فيني هدوء الكون وفيني جنونه حللاي شرقي على غربي روايات و قصص بالعاميه 6 10-18-2013 09:25 AM
رواية الحقيبه السوداء رواية رعب لن تندم اذا دخلت / بقلمي لمحة غيث أرشيف المواضيع الغير مكتمله او المكرره او المنقوله و المخالفه 4 06-27-2012 12:39 AM
رواية ((يوم كنت في الابتدائية))بقلمي ЯỐǿЯỐǿ أرشيف المواضيع الغير مكتمله او المكرره او المنقوله و المخالفه 8 03-14-2012 09:11 PM
أكبر سيبار كافي في العالم !! saber3sa1 أرشيف المواضيع الغير مكتمله او المكرره او المنقوله و المخالفه 14 08-21-2009 11:01 PM
صدقني كافي ؟تعبت والله كافي جريحه القلب أرشيف المواضيع الغير مكتمله او المكرره او المنقوله و المخالفه 15 06-06-2009 09:53 PM


الساعة الآن 09:37 PM.


Powered by: vBulletin Copyright ©2000 - 2006, Jelsoft Enterprises Ltd.
Content Relevant URLs by vBSEO
جميع الحقوق محفوظة لعيون العرب
2003 - 2011