|
#··&..لم أعتقد أن أحب أحد أو يحبني أحد..&··# مرحبا كيف احوالكم أن شاء الله بخير 5:) احممم في الحقيقه حبيت أقدم لكم روايتي و أشوف رايكم فيها في الحقيقه الكل يعرف معنى الحب و معنه وفي منهم يخافون منه ومنهم من يحبه بكل أنواعه ومنهم شايل من باله فكرة الحب او أنه يحب أحد أو أحد يحبه ومنهم من يكرهه ولكن السؤال الذي يطرح نفسه هل يمكن أن يغيرو الاشخاص رأيهم لكل شيء حدو حتى الحب ولكل شخص له كبرياء و كرامه وعزة نفس ولكل شخص لديه ماضي و حاضر وثقه و المحبه والنفس لا نعطيها إلا للأشخاص الذين يستخقونها بجداره لأنهم سيحافضون عليها فهل أحد يوافقني في هذا الرأي ام لا ****************** الشخصيات. #··بيت الجد رائد··# رائد:متوفي حنان :الجده متواضعه و حنونه وطيبه ************** *··بيت بوحسام··* الاب مصطفى:في الخمسينات الأم هدى:في الاربعين حسام:الابن الاكبر متخرج من الجامعه رياضه بدنيه عمره24سنه غاليه :الابنه الكبرى جامعيه جغرافيا عمرها20سنه زياد :عمره 19 سنه ج.دبلوم فرات :عمرها 17سته ث.ثاني علمي سامي :عمره 14سنه فاطمه:10سنوات ساره :5سنوات محمد:4سنوات *************** #··بيت بو محمد ··# الاب عبدالله:في الخمسين الام روبا:في نهاية الاربعين حنان :متزوجه عمرها 22سنه محمد:ج.هندسه عمره20سنه آيات:ث.أدبي عمرها18 جاسم:16سنه *************** *··بيت بو فهد··* الأب أحمد:في الاربعين الأم سحر:في نهاية الثلاثين فهد:20سنه ج.فنون سكينه:18سنه ث. أدبي تهاني :16سنه ث. مقررات بسام :14سنه **************** #··بيت بو بدر ··# الأب سلطان :في بدية الخمسين الأم رغد:في نهاية الاربعين بدر متزوج حنان عمره 26سنه مدرس رياضيات ياسمين:24سنه متخرجه من الجامعه حاسب آلاي عزوز:20سنه ج.هندسه أروى:17سنه ث.ثاني علمي ناصر :15سنه **************** *··بيت بو راكان ··* الأب محمد:متوفي الام مريم:في الخمسين راكان : رجل أعمال و يدرس ج.أدارة أعمال عمره22سنه جوري :19سنه ج.ديكور داخلي ***************** #··بيت بو صقر··# الاب صالح :زوج عمتهم في الاربعين الأم العمه فاطمة:في بداية الاربعين صقر:19سنه ج.دبلوم التوأم نسرين و سوسن :17سنه ث.علمي ****************** *··بيت بو فارس ··* الاب سالم :في الخمسين الام طييبة :في بدية الخمسين فارس :24سنه أخرسنه في ج.أدرة أعمال في الخارج و يشتغل مع أبوه نرجس :22سنه ج. ديكور داخلي فدك :21سنه ج. طب تشريح جود :19سنه.ج.هندسه عز:4سنوات *************** #··بيت بو ياسر··# الأب :خالد في نهاية الخمسين الام زهره:في نهاية الاربعين ياسر :متزوج بنت عمه جميله عمره 26سنه وردة :24متزوجه و طبيبه سلمان:21سنه ج.طب عمليات جراحية دره:19سنه ج. فنون ***************** *··بيت بو مازن··* الأب أمير :في الاربعين الام منيره:في نهاية الثلاثين أميرة :20 سنه ج.أدارة منزليه مازن :19سنه ج.حقوق عبد الملك:18سنه ***************** #··بيت بو بندر··# الاب:آدم الام :أمل بندر :22سنه ج. طب بيطري هديل :19سنه ج.تصميم ندى:18سنه ث.أدبي محمد:15سنه *********************** في أنتظار البارت الاول 5:) رقص3 |
#··&..لم أعتقد أن أحب أحد أو يحبني أحد..&··# &··البات الاول ··& في الأجاة الكبيرة كان الجميع متجمع في بيت الجد رائد -الله يرحمه- الكبير .....في الصباح كانو متجمعين على طاولة الطعام ما عدى البنات كانو متجمعات في المطبخ عشان يأخذون رحتهم في الاكل من دون عباة ((ملاحظة :البنات يقدرون يسالفون مع العيال بس وهم لبسين العباة كامل من قطايه و نقاب و عباه )) عند طاولة الطعام. أبو بدر :اليوم راكان بيجي من السفر أم راكان :أنت تتكلم جد يا بو بدر أبو بدر :أي يا أم راكان أمس أتصل علي و قال لي أنه راح يرجع لديره أم راكان و الدنيا مو سيعتها من الوناسه :الله يسعدك يابو بدر مثل ما أسعدتني بخبر رجعت ولدي حشاشت يوفي. ..أي هذا النسيب و إلا بلاش بو بدر :ههه ولو يا أم راكان بو حسام :أحمم ترى نحن هنا بو محمد :اي ترى أحنى أهنا مافي مديح أبد أم راكان :ههههه أنتو على العين وعلى الراس بو بدر : صج ملاقيف الكل :هههههههههه كانو الشباب مستانسين حيييل ﻷنهم من زمان ماشافو راكان أم صقر :أجل بعد الفطور اروح أخبر البنات بأن ينظفون المكان <<والله مساكين البنات راحو وطي ويجهزون غرفت راكان عشان يرتاح ونعزم قرايبنا عشان يسلمو عليه أم راكان :يا أم صقر ماله داعي هذا كله بوفهد:ولو يا أم راكان ترى هذا راكان ولد محمد الله يرحمه مو أي أحد أم راكان :الله يرحمه ****************** عند البنات كانو يسالفون وضحكون و يستهبلون غالية :هههه بنات شفتو أخت المعرس كيف كانت في العرس آيات وهي تضحك:ههههههه أي حييل شايفه روحها هههه ما أدري على أيش فرات :سمسومه أبي أعرف كيف صديقتك أستحملة أخته هذي أنا كم ساعه و كان و دي أ أقتلها أروى وهي تقلد البنت :و الله أختي ماني عارفه وش أقول لكي و لكن أحنى و بكل تواضع طبعن ما نشتري إلا الاشياء الماركا و الغاليه و. .... قاطعتها فرات :أرووه تراكي ربيعتي وأختي بعد لا تخليني أكرهك أروى وهي ما برحت تقلد:لاااا أومايقاد أنا ما أتحمل. .أه قلبي الصغير لا يتحمل أو. .ماي..قاد فرات بغضب قليلا :أررروووه أن ما وقفتي راح أضربك لين ما يرتاح قلبي أروى :ههههه خلاص خلاص ماراح أقلد صوتها وبدأو البنات يضحكون لين ما دخلت عليهم عمتهم فاطمه أم صقر بأبتسامه :الله يديم الضحك عليكم أبتسمو البنات :أأأأمين أم صقر :ههههه المهم اليوم راح يرجع ولد عمكم راكان من السفر البنات أستانسو إلا فرات أم صقر :عشان كذا راح تنظفون المكان و تطبخون أكلات خفيفه وتنظفون غرفته فرات :أهاا عشان كذا الكلام الحلو مساعه. .. قايله أنا الكلام الحلو مو بلاش أروى :أبي أعرف أحنى شخالات عشان نشتغل أم صقر : وش فيها لشتغلتي لولد عمك فرات :وهلدلوخ الي جالسين برى ليه ما يشتغلون أم صقر : لا تخافين رأح نشغلهم المهم أنا الحين ريح وطلعت العمه من المطبخ البنات :وناسه راكان راح ينزل الديره فرات :أشدعوه لو أنا إلي مسافره ما سويتولي شيء ولا ستانستو كذا آيات :أكيد لأنك مو مثل راكان أهو جمال أهو فلاوي أهو اخلاق كل البنات تتمناه فارس أحلامها سيكينه :أأأه بس أهو لو يهتم كان أخ فرات :ول كل ذا ماخذ أأعقولكم تهاني :ترى حتى الاخت أروى عاجبها فرات بصدمه :مو من جدك أروى يكذبون صح أروى :لا كلامهم صح فرات :ما اصدق أنا في كابوس صح انا في كابوس غالية بأبتسامه :أصكك راشدي عشان تصدقين فرات :أي يمكن أصحى من الكابوس المرعب وضربة غالية فرات بقوة لدرجة أن فرات صرخت بألم قوي :ا ا ا ا ا ا اي عورتيني وجع وضحكو البنات كلهم غاليه وهي تضحك :ههههه أنتي إلي قلتي فرات بعصبيه وهي تحط يدها على خدها :أي قلت لك طقيني بس مو بهل قوه أح. .حشه مصارعه مو أدميه نسرين :هههه خلاص فروت في الشوط الثاني تعالي لي فرات :سلامات وش شيفتيني ناويه على عمري الكل :هههههههه بعد ما خلصو فطور قسمو البنات روحهم على الشغل فرات و جوري عليهم تنظيف مجلس الرجال و النساء و غرفت راكان و يبخرون المكان نسرين و سوسن عليهم مسح الارضيه و الدرج غالية و ياسمين عليهم طبخ أكلات خفيفه آيات و أروى عليهم تنظيف الصاله و غرف النوم سكينه وتهاني عليهم ينظفون الحديقه وفي وقت تنظيف البنات للمكان راحو الشباب مع بو بدر للمطار ينتظرونه وبعد مرور ساعه و صلة طائرة راكان وحين طلع من البوابه شافه حسام وقال بصوت عالي :كاهو. .راكان ناظرو الشباب للمكان الي يأشر عليه حسام وشافوه و أستانسو وركضو له وهم يصارخون بأسمه فسمعهم راكان وفرح و حين وصلو له خذوه بلأحضان و كان واحد يقول أشتقنالك و لي يقول والله لك وحشه -وحشتنا يالفله -شخبارك راكان :هههه وانا بعد أشتقت لكم واجد وصل بو بدر لهم وهو معصب :فشلتونا الله يفشلكم ترى أحنى في المطار مو في البيت فهد :عمي شنسوي بعد من زمان ما شفناه راكان :عمي شخبارك بو بدر بأبتسامه :أبخير مدامك بخير ياولدي راكان بأبتسامه :مشكور عمي بو بدر :يلله خلونا نمشي عشان يرتاح راكان في البيت الكل :يلله وركبو السيارة و أتجهو للبيت وفي هذه الحظه خلصت غالية و ياسمين طبخ و نسرين و سوسن خلصو بعد وسكينه و تهاني بعد آيات و أروى باقي لهم غرفتين و هي غرفت الشباب و غرفت البنات وفرات و جوري باقي لهم يبخرون المكان فتفرقو عشان يخلصون بسرعه فرات الدور الثاني و جوري الارضي و حين دخلت فرات غرفت راكان رن جوالها فحطت المبخر على التسريحه و طلعته و كانت صديقتها رحاب ففرحت كثير وردت وهي تقول :هلا والله رحبرب كيفك يانذله رحاب :هههه ليه نذله فرات وهي تتجه لغرفة الملابس :لان من بدأت الأجازه ما دقيتي ولا تكلمتي في الاقروب أبد وبعد ما فتحت الدولاب طلعت من الغرفة الملابس و خذت المبخر و رجعت عشان تبخر الملابس و حين دخلت الغرفة ******************* حين و صلو البيت أتجهت أم راكان بسرعه تفتح الباب و قابلها راكان و قبل رأسها و هي لمته وشمته مشتاق له و جوري حين سمعت صرير السيارات ألبست عباتها و أتجهت للباب و حين خلصت أمها أتجهت بسرعه له و حضنته و بعد ما سلم على خلاته أستأذن منهم عشان يرتاح وصعد لغرفته وفتحها وشافها نظيفه فأتجه بسرعه لسرير ورمى نفسه وتنهد بتعب وظل يناظر السقف لين ما سمع صوت يقول :أقول أعترفي بسرعه فنقز من السرير وضل يتلفت يمين ويسار يدور من وين الصوت ، رحاب :لاني كنت مشغوله فرات بصراخ قليلا :مشغوله مشغولة بشنو رحاب :أش فيكي نسيتي أن ملكتي الاسبوع إلا بيجي فرات :أ أ أ أ ها ا ا ا نسيت رحاب بصدمه:شنووو. .شقلتي أقول ليكون ما تجين ملكتي لأزعل فرات:هههه خلاص راح أجي وماراح أنسى كل شيء ولا زعلك في هلاحظه قرب راكان من غرفة الملابس وعرف أن الصوت طالع منها فحب يضل يسمع قبل لا يدخل رحاب :أفكر بعد. .. المهم أنتي الحين وش تسوين فرات:أبخر ملابس ولد عمي راكان يقولون أنه راح يرجع من أمريكا راكان في نفسه :كأني سمعت أسمي فقرب من الباب عشان يسمع عدل رحاب :اها ا ا ((وبخبث)) طيب أو جميل فرات بهدوء و عدم مبالاه :أي البنات يقولون أنه وسيم ومنهبلين عليه وكل....لاحظه رحابوه وأنتي أش حقه تسألين. . أقول أستحي على وجهك. .هذا و أنتي بتتزوجين رحاب :ههههههههه طيب طيب. . أنزين قولي كيف أخلاقه فرات :أمممممم والله ما أدري بس سمعت أنهم يقولون أنه طيب و حنون و فلاوي و قوي وقاسي في الاوقات المناسبه و ذكي امم وبعد مايهتم للبنات رحاب :واوو وشكله فرات :ما أعرف. .. بس على فكره الله يعين رجلك عليكي رحاب :ليه فرات :وحده بتملك قاعده تسأل عن رجال غير عن رجلها رحاب :ههههههه. . أحنى بس سألنا المهم قولي لي ليه ماتعرفي توصفي شكله فرات بعدم مبالاه:لاني ماشفته ولا مره رحاب :طيب خلاص بروح باقي لي أشياء وجد ما جهزتها فرات :طيب مع السلامه ياعروس وسكرة الجوال و تجهت للباب بتطلع بس أنصدمة يوم شافت رجال واقف يم الباب وكان وضح عليه الصدمه مثلها سمبرة فرات مكانها لفتره تبي تجمع أفكارها بس حين زحم الرجال من يمها خذتها طياره لبرى الغرفه وماوقفت إلا في غرفتها وهي تتنفس بسرعه وتقول في قلبه ((صج أنا غبية كيف ما أنتبهت أن أحد دخل الغرفه. . أه شكل ذا راكان أأه يربي أن شاء الله ما سمع كلامي مع رحاب في الجوال اه فوق كذا كنه نتكلم عنه. . حسبي الله و نعم الوكيل فيكي يا رحابوه )) وبعد ما رجعت نفسها لطبيعته راحت الحمام وغسلت وجها و خذت نفس عميق و نزلت لتحت عند البنات بعد ما لبست عباتها جوري :وين كنتي كل هذا تبخر فرات :لا بس بعد ما خلصت أتصلت علي رحوب و ضليت أكلمها وتويه مخلصه أروى :طيب. ..وش كانت تبي منك الخاينه لا تتصل ولا تتكلم في القروب فرات :تسألني أن ما نسيت موعد ملكتها أروى:ملكتها. .. يووو نسيت أن ملكتها الاسبوع الجاي فرات :عشان كذا ماقدرت تكلمنا لانها مشغوله ياسمين :طيب أيوم ملكتها فرات وأروى :الاثنين وضلو البنات سوالف وضحك و بعد فتره أستأذنت فرات منهم عشان تروح تنام وفي 7:00مساء صعدو الشباب لغرفت راكان عشان يجلسونه يصلي و يجهز محمد وهو يهزه :راكان. . راكان قوم ياولد صل وأجهز راكان بنعاس:همممم الكل :قووووم راكان:طيب طيب خرعتوني حسام :راكان قوم بسرعه وأجهز و إلا بنصب عليك ماي يصحيك راكان:خلاص قمت وش فيكم حسام :طيب يالله شباب خلوه يجهز قام راكان وراح الحمام وسبح بسرعه و طلع وصلى ولبس ثوب وغتره و طاقيه و كباكات وساعه كان شكله حلو الي تشوفه تخق عليه طقرق باب غرفته وقال :تفضل ودخلت أم راكان وهي ماسكه المبخر بيدها والابتسامه ما راحت عن وجها قربت من وبدأت تبخره وهي تقول :ماشاء الله تبارك الله. .الله يحفظك من العين ياولدي. .وأن شاء الله أبخرك وأنت معرس يارب راكان :هههه أمين يارب و الله يخليك لي يالغاليه. .... إلا وين جوري أم راكان :في غرفة فرات يجلسونه من النوم من العصر وهي نايمه وبعد ما خلصت أم راكان من تبخره طلعو من الغرفه و ننزلو لتحت في غرفت فرات كانت حرب بين تهاني وفرات في شد الفراش تهاني وهي تتل الفراش منزعاج :فراتوه قومي بسرعه جهزي فرات بعصبيه :أنزين قمت خلاص روحي جوري :ماراح نروح إلا لقمت قامت فرات بتأفف وراحت الحمام و طلعو البنات من غرفتها وبعد نصف ساعه طلعت فرات من الحمام وهي لبسه قميص أحمر بخطوط سوده ورصاصيه وسروال جينز أسود و جوتي رياضي وشعرها الطويل الاسود رفعته على ذيل حصان ولبست ساعه أشوي ولاديه و طلعت من الغرفة وهي لابسه عباتها للحيطه والحذر و نزلت لتحت في المطبخ عند البنات فرات وهي تحط عباتها عند الطاوله :بسرعه قول وش تبوني أسوي آيات بصدمه :فروت شنو لابسه أنتي فرات :وش فيه لبس آيات :ليه ما لبستي فستان فرات وهي قبطه حواجبها بأنزعاج:نععععم وش قلتي غالية :توته وش فيكي أنتي ماتعرفين فروت ماتلبس فستان إلا بلغصب تهاني :فوفو أنتي ليه ما تلبسين مثل رورو فرات :أقول كرمونا بسكوتكم أدسن نسرين :طيب بسكوت مالح وإلا كاكاو فرات :هيهيهي ضحكتيني ياسامجه. ... المهم شنو تبوني أسوي وإلا راح أجلس ولا بسوي شيء ياسمين :لا حبيبتي تعالي ودي الشاي والقهوى لمجلس الرجال والنساء فرات وهي تشيل بلم الحريم :طيب غلاوي دقي على حسام وقوليله يطلع لي ويأخذ البلم بعد ما أودي ذا للحريم غالية :طيب دخلت فرات مجلس الحريم وحطت البلم على الطاوله وسلمت على الحريم و على الرغم من أن فرات صبيانيه بس هذا ما غطا على جمالها الواضح فقط كل ما سلمت على وحده من الحريم تقول لها ، ما شاء الله الله يحفظك من العين يابنتي كانت فرات تستحي كلما قالو لها هذا الكلام و تبتسم بخجل لا إلادي و بعد ما سلمت عليهم طلعت من المجلس ورجعت المطبخ و كانت بنت من قرايبهم تلحقها و حين دخلو المطبخ قالت البنت بدلع وغرور:مرحبا بنات كيفكم البنات حين شفوها أنزعجو منها وفرات بلامبالاه قالت :من أنتي البنات فقعو ضحك من رد فرات و كانت البنت تناظر فرات بكره وحقد سوسن:ههه فروت وش فيكي ما عرفتيها فرات :لا نسرين :هههه هذي بنت خالك هديل فرات بأبتسامه :أها. . مرحبتين هديل هديل بغرور :هيه أقول أنتي وش لابسه أنتي بنت وإلا ولد فرات :وليه تسألين. .تغارين يعني هديل :اغار. .هيه أغار من شنو حبيبتي فرات :طبعا تغارين مني. .لان مايحصلك تلبسين كذا هديل :ويع وش شيفتيني عشان ألبس كذا فرات :ما أدري عنك أنتي تعرفين نفس أكثر مني هديل :طبعا و واثقه من نفسي بعد فرات :ما أظن هديل بغضب :وليه حبيبتي فرات :لان أذا أنتي واثقه من نفسك ما تكلمتي على ملابس غير صح هنا سكتت هديل ماقدرة ترد على فرات و طلعت من المطبخ غاليه :كفو عليكي أختي أفحمتيها جوري :فوفو أنا أحبك. ..أه ريحتيني من هلزقه فرات :ههه ليه هي تتبزق فيكي جوري:اي كلما تشوفني تلزق فيني مثل صمق بتكس. .و تتحرش في البنات فرات :ليه أروى :عشان راكان فرات بأستغراب :راكان. . ليه وش دخله هو في الموضوع آيات : أهي تتلزق في جوجو عشان يأخذها راكان فرات :أها. .غبيه تقط نفسها بيعه روحها. ..المهم غلاويه دقيتي على حسام يطلع لي غاليه :أي. .روحي راح أدق عليه مرى ثانيه عشان يطلع فرات :طيب وراحت فرات لمجلس الرجال و عطت غاليه حسام رنه فطلع لها وأخذ البلم وقبل لا يسكر الباب مرة فرات بسرعه من من يمه بس راكان وهو يناظر حسام أنتبه لها وهي تمر بس ما عطى الموضوع أهميه كبيره زياد :من كان عند الباب حسام حسام :فروت جايبه القوى والشاي زياد:اها وبعد نصف ساعه بو حسام :حسام روح أنت والشباب لخلاتكم خلو راكان يسلم عليهم حسام : أن شاء الله يبه. .. وهو يوقف :شباب يلله و طلعو الشباب من مجلس الرجال وراحو لمجلس الحريم وسلمو على خلاتهم و طلعو وراحو داخل البيت وكانو يسالفون ويضحكون صقر:أه جوعان زياد :وأنا بعد. .بروح أخذ أكل من غلاوي حسام :أقول جب لنا وياك زياد :خير أن شاء الله فهد:خلك ما تجيب لنا راح ناكل أكلك زياد :طيب خلاص بجيب وراح زياد للبنات وقال لغالية تعطيه أكل لهم وحطتهله في بلم أكل وعطته ورجع لشباب وضلو سوالف وضحك وهبال ******************* النهاية كيف كان البارت أن شاء الله عجبكم ألقاكم في البارت الثاني في حفظ الله رقص3 |
عجبتني الرواية كثيييييييييييير وابا أشوف التكملة في أقرب وقت انتظارك بالتوفيق |
مشكوره أختي وأن شاء الله تعجبك الروايه كلها وأن شاء الله راح أكتب البارت بسرعه :)b][/b]] |
#··&..لم أعتقد أن أحب أحد أو يحبني أحد..&··# [color="indigo"] *··البارت الثاني ··* [/colo]نفي اليوم التالي. 7:30عند البات في المطبخ. فرات بضراخ :ملللل ياسمين :بسم الله عليكي وش فيكي فروت فرات :مليت أبي أطلع غاليه :أسم الله عليكي أختي أنتي بخير. . شكل حرارتك مرتفعه فرات بنزعاج وعبوس :مافيني شيء بس مليت أبي أطلع آيات:سبحان الي يغير ولا يتغير. .. فروت تقول تبي تطلع قويه فرات بعبوس وهي قابطه حواجبها :ليييه وش شيفيتني مو آدميه ما أحس بلملل آيات بمزح :لا شيفتك حيوان ياسمين :ههه لا مو هذا قصدنا فروته بس أنتي هذي أول مره تقولين نبي نطلع. .كل مره لقلنا في طلعه نادر ما تجين ويانه فرات :عادي مافيها شيء لجلست في البيت. ..المهم أنا أبي أطلع زهقت نسرين:طيب وأذا وافقنا ما تنكبين فينا وتجلسين في البيت فرات :أكيد سوسن :وعد فرات بحماس وأبتسامه واثقه :أي وعد. .و وعد أرجال بعد غاليه:طيب يأختي العزيزه وين تبينا نروح فرات :الملاهي تحمسو البنات وعلى وجهم البسمه أروى وهي تحط يدها على كتفين فرات:والله أنك مو بهينه فروت. .فكره حلوه من زمان ما رحنا الملاهي سكينه :عن جد فكره حله عشان بعد ننفظ المعلومات الي بعقلنا من المدرسه نسرين وسوسن :ههههه فكره حلوه بعد ذي فرات بحماس :طيب خلاص أنا بكلم حسام يكلم الشباب عشان نروح وأذا ما رضو نظقط عليهم بتهديد«ههههه عصبه وأنا ما أدري ياسمين :خلاص أجل أتفقنا. ..اوه صح فروت لا تنسين تعزمين البنات ((قصدها ربعها )) فرات بأبتسامه :أفا عليكي. .بس رحوب ما أظن أن هي بتجي أروى بأبتسامه :طبعا ماراح تجي عروس راح تشوف زوجها أول مره كيف تجي تبونها تروح لزوجها أمكسره فرات ونسرين و سوسن تخيلو شكل رحاب وهي تروح لزوجها وهي مكسره وفقعو ضحك غاليه بأستغراب :وش الي يضحك انتو الثلاثه سوسن :لا ههه لا مافي شيء بس تخيلت شكل رحاب وهي مكسره ورايح لرجلها بهلحاله ههههه غاليه :سخيفات عن جد فرات وهي تتنهد عشان توقف عن الضحك:اه طيب خلاص بروح الحين لحسام غاليه:لا مو الحين تلقينه نايم فرات بأبتسامه ماكره:أدري عشان كذا بروح الحين له ياسمين بتسأل :ليه تروحين له وأنتي تدرين أنه نايم فرات ومازالت أبتسامتها الماكره:يا حبيبتي. .أعرفي الوقت المناسب عشان تطلبي الشيء من الشخص هذا قانوني جوري وهي تميل برأسها لليسار:مافهت فرات :يعني يا محبوبت السلامه أنا لازم أعرف متى الوقت المناسب لأخوي حسام عشان أطلب منه الي أبي الكل :أهاااا غاليه بأبتسامه :والله أنك موبهينه فروت. ..طيب قولي لي متى الاوقات المناسبه لأخواني عشان أطلب منهم حاجتيه فرات :ههههه بعدين بس مو بلاش غالية :أفا أنا أختك تخذين مني شيء عشان حاجه أبيها منكي فرات :لا تخافين ماراح أطلب منكي شيء كبير غاليه :طيب مدام كذا أوكي فرات وهي توقف وتتجه لعباتها:يالله بروح ألحق على فرصت العمر قبل لا تضيع ياسمين :ههههه يالله بسرعه روحي وصعدة فرات فوق عند غرفة حسام و طرقت الباب على خفيف عشان أذا كان حسام نايم ما يجلس و حطت أذنها على الباب و حين ما سمعت صوت أبتسمت و دخلت وبلفعل كان حسام نايم فراحت لعنده وهزته على خفيف وهي تقول بهدوئ و بأبتسامه خفيفه :حسام. .. حسام أخوي قوم فتح حسام عيونه بهدوئ وجلس على السرير وهو يمد أدينه. فرات وهي تجلس بأبتسامه نشيطه :صباح الخير أخوي أنصدم بلاول حسام ولكن بسرعه تغيرة الصدمه لابتسامه :صباح النور حبيبتي فروت فرات :أخوي وش فيك اليوم مانزلت تفطر فيك شيء حسام :لا مافيني شيء بس أمس سهرة لساعه وحده مع راكان فرات بأبتسامه :أها. .أشوى الحمدلله. ...أخي ممكن طلب حسام بأبتسامه :تفضلي حبيبتي فرات :أنا زهقانه من البيت و أبي أطلع حسام :طيب و وين تبين تروحين فرات بأبتسامة حماس :الملاهي حسام :طيب وش المطلوب مني فرات :ابيك تكلم العيال عشان تصير طلعت عزابيه حسام :أها فهمت طيب مع أني عارف أن الي سويتيه مساعه عشان حاجه بس ولا يهمك راح أكلمهم وبعد أكلم أعيال خوالي يجون ويانا فرحت فرات وتحمست كثير وحضنة حسام وهي تقول:مشكور أخوي أنا حبك واجد حسام وهو يضحك :ههههه وانا بعد أحبك «أه بس لو أخواني يعاملون كذا كان أسوي لهم إلي يبون بدون تردد...بس ما نقول إلا الله كريم » فرات وهي توقف :يالله قوم أنزل عشان تفطر حسام :سبقيني أنتي أنا بسبح و بنزل فرات :طيب مع السلامه حسام :مع السلامه طلعت فرات من غرفت و طياران للمطبخ سوسن :ها فروت بشري وافق فرات بثقه :طبعا وافق. .. وش تفكروني نسرين :خفي علينا غاليه :وناسه فروت أنتي لازم قولين لي متى أكلمهم في أقرب وقت فرات :اوكي بس لا تنسين المقابل غالية :ولا يهمك فرات وهي تجلس وطلع جوالها :رورو أنتي دقي على ليول و رغود وأنا راح أدق على عبوره و جنون أروى :أوكي في الساعه 11:45ظهرا في غرفت البنات رن جوال فرات ورفعته عشان تشوف من المتصل وأبتسمت وقالت بصوت مرتفع :بناااات حسام أخوي دق تهاني :بسرعه ردي شوفي وش صار ردت فرات على حسام وقال لها بعد الصلاة يجهزون وينزلون تحت. فرحو البنات كثير وبعد الصلاة نزلو لتحت وكان فيه ثلاث سيارات كبيره أشوي فتقسمو البنات لفرقتين السياره الاوله فيها خمس و الثانيه فيها خمس و الثالثه فيها الشباب و حركو السيارات الثلاث. طبعا في السيارت الاوله فيها. حسام السائق. و غالية، ياسمين، آيات ، سكينه جوري. والثانيه. محمد السائق، نسرين ، سوسن ، فرات ، أروى ، تهاني. الثالثه. راكان السائق، زياد ، فهد ، عزوز ، صقر ، جاسم ، سامي ،بسام ، ناصر. وفي الساعة 2:50ظهرا وصلو للملاهي ودخلو و توجهو للرسبشن البطاقات وفي أهم واقفين رن جوال فرات ورفعتها وكانت جنان. |
| الساعة الآن 10:19 AM. |
Powered by vBulletin®
Copyright ©2000 - 2024, vBulletin Solutions, Inc.
شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011