جمااالك جماال
جمااالك جمال مش عادي

- تقلب الراديو -

طفل اللي حاملته امه اتلاقيه اسمك ع تمو
عجبتي خيه سحرتي بيه ودوبتي عمو
هيدا يقلك يئبرني هيدا يصفر ويغني
وتلاميذ المدارس ولاواحد فيهن دارس
انتي مرقتي سرقتي حرقتي الاخضرواليابس
انتي عملتي عجقة سير ع المفارق ع المفارق
عالم تسال بعضه مين يلي مارق
بوليس اللي ع الاشارة ولعت بقلبه نارا
سيارات مشيهم عكس السير يوديهم
عم يطلع فيكي انتي ومش سال فيهم

- ترقص ووتتشقلب -
كح نسينا حالنا نحنا بالمقدمة * تشهق *
- تقلب الراديو بلا فضايح -

انا بتحدى كل الاعمار من السبعة حتى التسعين
ان شافوكي وعقلن ما طار انا بقطع ايدي اليمين

انتي مانك عادية يابا هيك المنطق بقلي
متل الطلقة الروسية اذا ما قتلتي بتشلي
تعي ت....

- تكسر الراديو -
شو هالأغاني هي *^* مين جاب الراديو اصلاً شيلوه من هون !!

كل شي بالحياة بيحكي عن الانثى ، عن جمال كل جنس حواء وعن أدبها واخلاقها واناقتها ورقتها
لك حتى الاغاني الشعبية ما بيغنو غير الها

يلا ورجونا الجمااااال << كف
بروعة مواضيعكم
ما حبيت ابدأ المقدمة بفصحة وشعر وكلام ورسمية ومدري شو
بديتها بلعب وتسلية
لاننا بهي الفعالية رح نشترك لنستمتع ونلعب ونتسلى

السلام عليكم ورحمة الله وبركاته
احباب قلبي بناتي واخواتي وجداتي < ما حدا يرفس
انا قلت من قبل اني بحط لكم مفاجئة حلوة تغير الاجواء .. ادري اتأخرت معلش اعذروني
بس هيني اليوم جبتها
يلااااا تحمسوا وجهزو كل مواهبكم للإنطلاق
هاد قسمنا الخاص فينا واللي بيعبر عنا
عن اناقتنا وادبنا
يعني الزوار والاعضاء الجدد لما يدخلو قسمنا
يقولو واااااو مأجمل بنات عيون العرب
قسمهم مرتب ومواضيعهم مفيدة تجنن
- حاسة بيجينا خطابين - :lamao:

خلص خلص ننتقل للفكرة




الفكرة هي فعالية يعني تحطو مواضيع وردود
المواضيع كالآتي :
إما - مواضيع عن المكياج والمناكير وصحة البشرة
او - مواضيع عن اثواب السهرات
او - مواضيع عن ازياء انمي او ازياء كيوتة
او - مواضيع عن ازياء الغرب ( الموضة اللي بيلبسوها الاجانب )
او - مواضيع عن ازياء الشرق ( موضتنا نحنا العرب سوااء بجواكيت ولا عبايات ولا طقوم وكذا )

او - مواضيع عن ازياء اليابان والصين قديماً او حديثاً
او - مواضيع عن ازياء قارة افريقيا كيف لبسهم وكيف الوانهم
او - مواضيع عن ازياء الهند قديماً او حديثاً عن الساري والهيك

او - مواضيع عن ملف العروس او الام والطفل
والازياء يعني من ثياب وحقائب واحذية

اما الردود فمو مجبرين تكتبو 20 سطر
خلص ادخلي وحطي رأيك بالتصميم ومضمون الموضوع .. حسسي كاتبة الموضوع انها عملت شي يستحق الإعجاب والرد
الردود براحتكم ما اجبركم تكتبوها طويلة او منسقة




مارح قول ان يسمح للبنات بس المشاركة بهي الفعالية لان اصلاً ما في شباب بهالمنتدى بيدخلو قسم آدم لحتى يدخلوا قسم حواء

1- تسجيل الاشتراك بكلمة مشتركة في رد
وبتقدري بعدها تبدأي

2- مدة الفعالية تنتهي بـ 3/1 يعني معكم وقت طويل

3- والاهم ان مابدي صور نسائية يعني غبشوها ولو بتقدرو تجيبو صور بدون جسد بيكون ياريت

4- انكم تكونو متحمسين بهالفعالية

5- مو شرط تحطو صور الاحذية والحقائب والملابس بموضوع واحد بتقدرو تقسمو شغلكم براحتكم والختم والرد رح يكون اول بأول للمواضيع وللردود








وسام مع
500 مشاركة + 100 نقود + 300 تقييم




وسام مع
500 مشاركة + 100 نقود + 300 تقييم



وسام مع
500 مشاركة + 100 نقود + 300 تقييم



وسام مع
500 مشاركة + 100 نقود + 300 تقييم



وسام مع
500 مشاركة + 100 نقود + 300 تقييم




ووسام مع
500 مشاركة + 100 نقود + 300 تقييم



وسام مع
500 مشاركة + 100 نقود + 300 تقييم





وسام مع
1000 مشاركة + 300 نقود + 300 تقييم




وسام مع
1500 مشاركة + 500 نقود + 300 تقييم





اتمنى تكون عجبتكم الفكرة
وبنهاية الفعالية رح يتم اختيار مميزة للقسم
واختيار مشرفة للقسم فشدو الهمة يا ملكات واميرات عيون العرب
بانتظار ابداعاتكم والاستفادة منكم ومن خبراتكم

وبشكر المصممة سهامو ع تصميمها الاسطوري
تجنن هالبنت
الله يسعدها ويوفقها بحياتها

كح مارح طول عليكم انطلقوووووو

بدك ترجع
بدك ترجع لا شو

زعلان منى بالله شو

عيونك هنى البلشو

بالظلم و البادى اظلم

يا سلااااااام ع اغاني نجوى كرم
- ترمي الراديو من النافذة -
ما بقدر اسمع اغنية واضل ثابتة