عيون العرب - ملتقى العالم العربي

العودة   عيون العرب - ملتقى العالم العربي > عيون الاقسام الخاصة > مدونات الأعضاء

مدونات الأعضاء دفتر يوميات الأعضاء خاص بالعضو ذاته ولا يحق لأي عضو الرد أو التعقيب قسم يسمح للأعضاء بإضافة تدويناتهم اليومية الخاصة لمشاركتها مع مئات الآلاف من الاعضاء والزوار يومياً .. مدونات - مدونة

Like Tree1543Likes
موضوع مغلق
 
LinkBack أدوات الموضوع انواع عرض الموضوع
  #101  
قديم 08-11-2018, 10:11 PM
 



lamsa


الأحلام كمان ممكن تنسرق!!

قبل تاريخ 25/7/2013:

كنت مكملة امتحانات الثّانويّة لكن النتيجة ما كانت طالعة لسّا
وكنت متوقعة تكون أقل من طموحي وأقل من تعبي
كنت زعلانة ومو جاي ببالي أفكّر ايش رح أدرس
كنّا بعزومة برمضان
وكان فيه ناس كتير عم تسألني ايش رح أدرس وأنا ما كنت عارفة
كان ببالي جرافيكس
لكن الشّي الأكيد إنّه مو طب كنت رافضة الطب رفضاً قاطعاً
خصوصاً إنّه توقعاتي للمعدل إنّه مو منيح كتير

في 25/7/2013:

طلعت نتيجة الثانويّة.. كان رمضان برضه
جبت 97.7 رغم إنّي كنت متوقعة أقل
انبسطت كتير..
لكن موضوع التخصص صار أصعب
يعني متل تفكير أي حدن إنه معدّل متل هيك لازم تخصص محترم
ولأنّي تعبت ع نفسي بالثانوية حبيت أكافئ نفسي << ياللسخريّة طلع عقاب
المهم

بعد 25/7/2013 بيومين تلاتة
كنّا بعرومة برمضان
وبرضه انسألت عن التّخصص وما كنت عارفة ايش بدّي أدرس لسّا
رغم إنّه الطلاب بالعادة بكونو مقدمين طلباتهم للجامعات قبل ما تطلع النتيجة لأنهم بكونوا حاسمين أمرهم
وعارفين ايش بدهم يدرسوا
إلا هالة ما كانت عارفة شي
المهم
بهذه العزومة مرت خال ماما صارت تحكي عن ابنها اللي بدرس طب بألمانيا
وإنّه التخصص حلو وممتع ومدري وين
وزرعت الفكرة براسي.. لكنّي برضه ترددت
لأنّه الطب صعب ومكلف لهيك حاولت أطنّش
لكن ماما حكتلي بالنّص الحرفي: "إزا بدّك طب.. لو بشحد رح أدرسك طب"
تبّاً!!
الفكرة مو بس انزرعت لا ونبتت كمان
قلت عادي بستخير وبتوكّل على الله
واستخرت.. وقتها ما حسّيت بشي يعني لا إنّي ارتحت ولا إنّي اتضايقت
ولا حلمت بشي يخليني أعرف ايش أعمل
وأصلاً مش هاد اللي بصير بالاستخارة


بعد هاد الكلام بكم يوم:
شريت الطلب وعبيته وقدمته للجامعة وضليت كل شوي أفتح الحساب لحتّى أشوف ايش صار بالطّلب
وتبّاً!!
قبلوني!! بنفس اليوم قبلوني!!
كان الشّي متل الحلم.. إنّه شلون بهالسرعة وهالسّهولة انقبلت
تذكرت إنّه ممكن هاد هو ردّ الاستخارة إنّه ربنا يسّر الأمور
طلبوا منّا الرّسوم مباشرة وكان مبلغ وقدره
مبلغ لو بعنا البلد ما بنجيبه
لكن سبحان الله صدف إنّه بابا رح ياخد أتعابه وكانوا كافيين لدفع القسط

في 4/8/2013:
كنت بالبنك بدفع المبلغ
وكان ثاني يوم بتاريخ 5/8 كان اخر موعد للدفع
طلعت بهاد اليةم سجلت وسلمت الاوراق وكل شي جهز

في 14/8/2013:
كان اول يوم دوام!!!!

يعني كل شي مر بلمح البصر
كنت بحكي انه هاد اكيد بسبب الاستخارة
القصد يعني الله استجاب لدعوتي ويسر اموري ومعناته اكيد هاد هو الخير لي ..
ولا زالت اموري رغم كل الضغط وكل الصعوبات اللي عم تواجهني .. ميسرة.

كل هاد مو مهم ومش هو اللي انا بدي احكي عنه

اللي خايفة انا منه هو التخصص
حابة كتير تخصص الاطفال
وخايفة انه متل مانا سرقت حلم حدن بالطب
انه حد يسرق حلمي بالاطفال
يعني صحيح انا بجهدي وجدارتي وصلت لهالشي
لكن ما كان بدي طب ولا كان حلمي طب
حدن غيري كان بده طب وممكن ما قدر
لهيك انا خايفة ما اقدر افوت تخصص الاطفال وحد تاني يسرقه مني

هاد الموضوع مو عارفة احكي فيه لحد
ولانه محد بقرا التدوينات الطويلة قلت اعبر هون

__________________

  #102  
قديم 08-12-2018, 01:26 PM
 
الفكرةُ أنّي لم أعُدْ تلك الطفلةَ البكّاءة..

لم أعدْ أتّخذ الهرب طريقةً للتخلّص من مشاكلي..
أنا الآن أواجهها بفخر جنديّةٍ شهدت الكثيرَ من الدمارِ بداخلها..
أنا أواجهُ كلَّ شيء وكأنّه ليس لديّ ما أخسره..
أنا كذلك بالفعل
__________________

  #103  
قديم 08-13-2018, 01:25 AM
 
ليه الكوكب كله قلب أسود؟!
عاملين عرض ع اللون؟!


__________________

  #104  
قديم 08-13-2018, 09:52 PM
 
صيام الثّاني من ذي الحجّة

الحمدُ لله

يا رب تتقبّل نيتي يا الله !!
__________________

  #105  
قديم 08-16-2018, 02:04 AM
 
هالكم يوم اللي مرّوا عم حِسّ بسلام داخلي
شعور جميل جدّاً
ممكن مع الصيام ؟!
وممكن لأنّي قررت أوثق بنفسي أكتر وبالفعل الأمر يؤتي ثِماره!
وممكن لأنّه ما فيه ضغط دوام
حتّى وجهي ما عم يطلع عليه حَب
الحَب علامة التّوتر.. بل قمّة التّوتّر

مُلاحظة: فيه فتحة ع الحاء في "حب"
__________________

موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
Because on this day I was born الـ,ـرصــآصـة آلـفـضيـ,ـة مدونات الأعضاء 0 09-03-2016 07:11 PM
أنتَ فخرنا | فضيّ : I didn't choose to be born as a demon | مانجا الأمير الأسود | رفعي ρsүcнσ Manga Space 1 02-16-2016 07:48 PM
Between hate and revenge the dark love will born skip beat أرشيف المواضيع الغير مكتمله او المكرره او المنقوله و المخالفه 14 04-27-2012 06:03 PM
Brother Bear مَنفىّ ❝ أرشيف المواضيع الغير مكتمله او المكرره او المنقوله و المخالفه 16 08-30-2009 01:24 PM


الساعة الآن 03:40 PM.


Powered by vBulletin®
Copyright ©2000 - 2024, vBulletin Solutions, Inc.

شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011