نُقطَةة إنْتَهى • - الصفحة 89 - عيون العرب

X · #**441** 03-23-2018, 04:43 PM

رسلت لي إمي فيديو وكتبت بعده بيتنا، هي برا البيت وأنا بالبيت
إنتظرت يحمل عم بقول أي بيت وكذا حتى خطرت الفيلا بسوريا ع بالي
وفتح الفيديو دقيقة ونص بس البداية من مدخل البيناي ما مصورين قبل
الشجر والمسبح والملعب ، وبيت جدي الصغير والساحة والممر < عم بتذكر وبكتب
أول ما فتح الفيديو طلع باب الحديد الي كان باب داخلي وفيه بلور مرسم، البلور مو موجود
وع الجدران من برا مكتوب بيخاخات ما بينو غير "مرَّ من هنا أبو الجود" <<تموت بنوبة قلبيه هلأ
أنا لما شفت الكتابات على تلك الجدار البيضاء النقية تركت الموبايل وصرت ابكي ، مر 6 سنين ع آخر مرة شفت المكان فيها
رجعت مسكته وشغلت الفيديو الي كان إنتهى
بالمبنى في بيت فوق وبيت تحت أول شي الحديد تبع الدرج مجعلك بحاله
والبواب مافي نصف باب خشب ، أبدًا غرف وبيت وشارع مفتوحين عبعض
الاراضي كرتين ونشح وغير هيك مافي شي مرتفع عن الأرض أكثر من نص متر
النوافذ والأبجورات كلها ممحية، لك كيف قلعوا النوافذ =\
صايرة مجرد فجوات بالحيط، أخذ فتلة سريعة بالبيت وما تجرأ يدخل ع الغرف << الي عم يصور حدا من اقارب الجيران هناك
بعدها طلع لفوق ، البيت الي فوق كبير وما اخذ فيه فتلة ما دخل غير للتم صور كم غرفة ع السريع وخرج طلع من تحت ع السطوح النصف مهدوم وبح
السطوح فيه سطوح آخر من صورة مأخوذة من بيت الجيران للمبنى السطوع الثاني ممحي ولا حتى ركام مافي
ما أظن في أمل أرجع لهناك بحياتي، لا وأختي قالت إي عادي ما بحبه كان بعيد تركيا أحلى
كان بعيد عن مركز المدينة يعني ثلاث أرباع الساعة او أقل بالسيارة ونحن ما كنا نخطى براه إذا ما كنا مع أبي
ما اعرف شي بحلب غير كم منطقة لأقاربي ومنطقتنا والأماكن تلي كنا نروح عليها كل أسبوع للنزهة

أحس الأيام الي قضيتها بحلب وببيتنا كانت حلم ، حلم ما رح يتكرر، السعادة الي كنت فيها والأمان الي كان حولنا

الي قهرني إنهم سرقوا البيت وخلو الحجر وتركوا تواقيعهم
أظن الشجر ككان قلعوه وأخذوه
كانت الفيلا غابة وخاصة آخر سنتين أصغر شجرة وحدها شايلة بعدد قطرات المطر الي نزلت عليها
كان في شجر كثر مو طوال ما أقدر اتسلقهم، وحتى في مناطق بالمكان أخاف أروحلها
كنت كبيرة لدرجة ما أقدر اتذكرها بالكامل
كثير حاولت ارسم خريطة لها من سنتين وما قدرت

أظن الموت قليل علي بعد ذا الفيديو