|
| |||||||
| شعر و قصائد القسم يهتم بالشعر العربي الفصيح والعامي الموزون, المكتوب بأقلام الأعضاء لا نقبل القصائد المنقولة |
 |
| | LinkBack | أدوات الموضوع | انواع عرض الموضوع |
|
#1
05-10-2006, 10:51 PM
| ||
| | ||
| الابوذيه أحبابي اشلون حالتــكم بعدنا اشبدينا والوكَت عنــكم بعدنا إذا انتم نسيتواإحنا بعدنا أبذكركم كل صباح وكل مسيه =================== قلبي مافرح عقـــــــــــبك ولاسار ولا قدمي خطى ألغيرك ولاسار أخبرك مابقت كـــــــــلمه ولاسار فضحني الدمع من غضبت عليه ================== ألف وسفه الوقت عنك بعدني أموت أو أرتجي وصــــــلك بعدني أوتراني عالعهد باقـــــــــــي بعدني تراك أنت النظــــــــــر والحيل بيه ==================== تبنا من العشـــــــق ومردودة عدنه وحسبنا أسنين مره وتــــــاه عدنه أهواية منهم حلـــــــوات عدنه لون روحك صدق خضره وطريه ==================== بتاج الفرح ولفــــي توجاني وأحس رد إلي شبابي توجاني ومن أثمار ألمحبه توجاني قلبي الشبع ضيم أمن الاذيه ==================== حبي إلك مافد يـــــــــــــوم ينكص أوليش الصاحب أمن ايغيب ينكص زمن خل الحديد أبخشب ينكص أنا على العهد لو أشوف المنية ===================== احبج ما أحب غيرج بدالاج أو شوكي ما بدى الغيرج بدالاج أنا وين الكى يا ........ بدالاج ملاك ومن السما نازل عليه [email protected] بديت وما عرفت امنين بدواي عليل أوحارت العربان بدواي إذا أنت طبيب أتعرفبدواي الحكني بالشفا كبل المنيه =============== نصحته اولا نفـــع وياه نصحاي سكاره احنه بهــواه ما بعد نصحاي جفاني وصرت نص ميت و نص حي نحيـــل ولا اثــــر ظل بية ============== عايش اومختلي ابحالي وخالي وشوف اهواي بعيوني وخالي عمي علي جمرهوخالي جاب امهفته وهفه عليه =============== أوف من زماني اه منه على اللي عشرتي وياه منه اكله الدرب هذا يكول منه اكله فوت بيه يرد عليه ================= أنا أبميزان الهوى عاني كفاني لا تحسب يا عيني العاشق كفاني أناتبت قلت إلي بـــــيا كفاني شجاني ورجعت سوده عليه ================= يباري المرض هد حيلي وهدني ولا يوم ابتعد عني وهدني أرشدني ألرحمتك يارب وهدني طريح أفراش والعلة خفيه ================== حجايانا كضن و خلص وكتهن ولو يحصل مجال إلهن وكتهن أنا الكى أدموع بعيــوني واكتهن أو دمعي خلص وانقــــــطع ميه |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الابوذيه 2 | mustafa87 | شعر و قصائد | 10 | 10-31-2006 09:56 PM |
العرض العادي
