عيون العرب - ملتقى العالم العربي

العودة   عيون العرب - ملتقى العالم العربي > عيـون القصص والروايات > روايات طويلة > روايات و قصص بالعاميه

روايات و قصص بالعاميه قصص و روايات باللهجه العاميه

 
 
LinkBack أدوات الموضوع انواع عرض الموضوع
  #1  
قديم 08-21-2008, 12:08 PM
 
رواية حب (دنياي عقبك ماسوت ربع ساعه)

(" دنياي عقبك ماسوت ربع ساعه ")
عائله ابو فهد ..
ابوفهد/ رجل اعمال حره .. له شخصيه مرموقه في البلد عمره 50 سنه ...
ام فهد/ دكتوره في علم النفس ...شخصيه محبوبه جدا عند الجميع عمرها 40سنه ...
فهد / شاب يدرس في فرنسا علوم سياسيه .. شخص عبيط لابعد الحدود .. ويسوي مقالب وساعات مقالبه تودي في ستين داهيه ... عمره 23 سنه
ساره / طالبه جامعيه تدرس القانون .. جميله وكانت اجمل مافيها عيونها بصراحه ... عمرها 19 سنه
عائله ابو خالد ..
ابو خالد/ اخو ابو فهد ... رجل له شخصيه قويه..وطبعا اكبر من اخووه وعمره 58 سنه ...
ام خالد / اطيب مخلوقه على وجه الارض .. ربة بيت ناجحه بكل المقاييس عمرها 50 سنه
نور/ بنت خلوقه جمييييله تدرس مع ساره بنفس التخصص وهم تؤام كل وحده تكمل الثانيه عمرها 19 سنه
خالد/ شاب في الثانويه يدرس في ثاني ثانوي طبعا رايح فيها ... لما مصبنه وحركات النص كم .. عمره 17 سنه
(" طبعا في شخصيات راح تظهر لكم في البارات الجايه ان شاء الله " )

في الحرم الجامعي ...
ساره : نوووور يالله بسرعه يالبطيئه ورانا سفر
نور : زيييييييين كاني امشي معاج
ساره : من الشحوم اللي فوقج ماتقدرين تمشين
نور : واي عليج يالرشيقه
ساره : سكتي سكتي بس
نور: انزين جب ولاكلمه
(طبعا وصلوا لين الباب واهم يتهاوشون مع بعض ..
لقتهم الخادمه شالة شنطهم وكتبهم وراحوا يمشون للسياره ..))
في فرنسا ...
علي (( صديق فهد في دراسته .. وهو سعودي .. جميل طويل وصاحب عضلات))
فهد : علي نبي نطلع ونروح ندفع أجار الشقه .. مسبق قبل لا احد ياخذها
علي : يالله مشينا ...
في بيت ابو فهد ...
ابو فهد : هااه يالغاليه اربج جاهزه
ام فهد : أي جاهزه
ابو فهد : وجهزتي اغراض سوراني ( دلع ساره )
ام فهد : والله يابوفهد بنتك مو صغيره اجهز لها اغراضها
ابو فهد : هذي الغاليه ياام فهد
ام فهد : مااختلفنا . بس
( قطع كلامها صوت الباب اللي انفتح )
ساره : ( بأعلى صوتها ) هااااااااااااااااااااااااااااا اي
ام فهد : وجعااي ...
ساره : ( بحزن) ليه ؟
ام فهد : انفجرت طبقه الاوزون من صوتج .. عيل شلون لو طبلت اذني ..
ابو فهد : هاهاهاهاهاي الله يقطع بليسج ياسوراني
ساره : ( وهي متجه لصوب ابوها وبتسمت ) شفت شلون بابا ... والله اني خطيره ... طبقة الاوزون مره وحده
ابو فهد : أي ماشاء الله يالله يابنتي ياحبيبتي روحي جهزي اغراضج وشوفي شنو اللي ناقص منها
ساره : ( والابتسامه شاقه حلجها ) لا بابا دادا سوت الاغراض ..
ام فهد : ( وهي تتحلطم ) امممممم الله يعين هالدادا عليج
( طبعا الدادا مربيه ساره من يوم هي صغيره لانه امها كانت مشغوله برساله الدكتوراه .. وكانت تخاف عليها وايد وامنة عليها عند الدادا .. طبعا الدادا اسمها دادا روى وهي لبنانية الجنسيه عمرها 44 سنه )
راحت ساره تركض لغرفتها عشان تاخذ لها غفوه ..
دادا روى : هاي حبيبة ألبي
ساره : هلا ماماتي
دادا روي : ( وهي تضم ساره لصدرها ) شو حبيبي اخبار النتايج
ساره : كل شي تمام الحمدلله ... انا بروح لغرفتي شوي انام عشان اقدر استعد للسفر
دادا روى : أي حبيبي مافي مشكله
راحت ساره لغرفتها ...
طبعا بدلت ملابسها .. وحذفت نفسها ع السرير
وراحت في نووووووووووووم عميق ....
في بيت ابو خالد ....
هدوء مافيه حد موجود بالبيت ..
دشت نور للبيت لقت اخوها خالد يلعب بالسوني
خالد : هااه ياطويله العمر من وين جايه ؟
نور : يعني من وين بكون جايه ؟
خالد : والله مايندرى عنكم يابنات هالزمان
نور : لا عدال عليكم ياشباب هالزمن
خالد : روحي روحي بس لااحذفج بالسوني
نور : شنو شنو ؟؟؟ احترم نفسك اختك الكبيره
خالد : روحي زين قالت شنو اختي الكبيره
نور : خالد والله لو مااحترمت نفسك بأكسر ويهك سمعت ولا لا .. ؟؟
خالد : زين يلا لايطق لج عرج وانتي تتكلمين
طنشت له نور وراحت لغرفته فوق .. ولا ابدت له أي اهتمام لانه ببساطه شخص سفيه ....
في فرنسا ...
بعد مادفع فهد الفلوس حقت الشقق الثنتين لعمه ولابوه
راح لشقته اللي كانت قريبه من جامعته ...
سند راسه على يد الكرسي ومد جسمه على باقي الكرسي
فهد وهو في خاطره يقول (( اااااه واخيرا واخيرا بشوفج يانور عين فهد .. ااه يانور .. ياترى شنو تغير بشكلج بعد الجامعه ... اااه يانور اااه احبج والله احبج ))
غفت عين فهد وهو يطري الحب وحبيبته ...

(( طبعا فهد ونور بينهم قصه حب من وهم اطفال ولا زالوا رغم خجل نور من فهد وكلامه ))
نور بغرفتها .. تمت ترتب اغراضها في الشنطه وماخلصت الا المغرب تقريبا .. صلت المغرب عشان تحط راسها وتنام
الا شوي وتلفونها يرن ... ))
حبيبة قلبي
يتصل بك ....
نور : هلا ساره
ساره : ( وصوتها توها قايمه من النوم ) اهلين
نور : نايمه
ساره : لا توني قاعده من النوم
نور : خخخخخخ لا انا بنام اللحين
ساره : اوكي عيل إقلبي ويهج
نور : على أي صفحه
ساره : واااااي ملاقه الشف
نور : خخخخخخخخخخخخ اوكي اوكي باي
ساره : باي
(( الرحله بيكون موعدها الساعه 1 في الليل ))
مسكت ساره تلفونها واكتبت مسج
هلا ياحبيب قلبي ..
شخبارك ؟؟
وحشتني واايد .. ومااصدق اني بشوفك
تامر على شي من هني ؟؟؟
قولي قبل لا ايي عندك ....
انا بنتظار طلاباتك
كتبت رقم فهد وطرشت المسج له
شوي الا واصلها مسج
انتي حبيبة قلبي انا
انا بخير والحمدلله .. مب ناقصني الا شوفتكم
ماابي الاسلامتج ياالغاليه ...
وانا بنتظاركم بالمطار
دقت الساعه 12 في الليل
خالد بأقوى ماعندة يطق باب نور ...
خالد : نووووووووووووووور ...
نور : .........
خالد : ( زاد من قوة الطق ) نووووووور وصمخ
نور : ( قامت مفزوعه من نومها ) هاااه
خالد : قومي الساعه صارت 12
نور : زين زين يالله قمت قمت
قامت نور من سريرها وهي ترجف لانها قامت مفزوعه
خصوصا انها تحلمت بفهد يناديها وهي تصد عنه ...
غسلت وييها ... توضت وصلت العشاء .. وراحت تلبس بنطلون جينز لونه رصاصي وبدي ابيض كات مخطط برمادي غامج ..لبست عبايتها وشيلتها سحبت شنطتها حقت اليد بعد ماحطت فيها عطر ومنظره .. وعدت المكياج .. وخذت جوالها وطلعت ع السريع ...
افتحت الباب الا خالد اخوها في وييها
خالد : وين الشناط ؟
نور : داخل
خالد : بدش اخذها
نور : أي عادي دش ..
دش خالد غرفة نور خذ الشناط .. وطلع فيهم للسياره
في بيت ابو خالد ...
راحت ساره لغرفتها تركض .. عشان تلبس وتخلص
لبست بنطلون جينز لونه كحلي .. ولبست تي شيرت
ابيض مكتوب عليها باللمعه شانيل ... وكانت يده طويله وكانت طبعا جسمها في قمه الروعه ...
خذت عبايتها وشيلتها ... وخذت لها شنطه بعد ماحطت العده فيها زياده الى كافي سنيكرس .. اللي تعشقه خذت ثلاثه عشان مااحد ياخذ منها الكافي .. وتوزع ع نور وخالد ... عشان مايتذابحون في المطار ...
دخلت عليها الدادا وهي تلبس نعالها ( تكرمون)
دادا روى : حبيبي ماتلبس سكربيني بعدين بدا توجعك اجريكي ( ريولج )
ساره : لا دادا عادي انا متعوده ...
دادا روى : بس ياحبيبي نحنا بمطار وبدنا نمشي كتيير
ساره : ولا يهمج دادا اذا تعبت لبست بوت نور ... لانها ماتلبس كعب عالي ...
( طبعا ساره تحب تلبس اشياء عاليه رغم انها "طويله" )
شغل ابو خالد السياره ...
وراح هو وام خالد المطار قبل ساره ...
لانه ابو خالد مكلف حراس شخصين فقط حق ساره
من كثر مايحبها ...
وقفت ساره عند الباب هي والدادا روى
مشت سياره لين فوق .. وكانت رنج نوع الفوج
انفتح لها الباب ..
مسكت ساره يد الدادا روى عشان تساعدها
على الركوب ...
لفت ساره الناحيه الثانيه وركبت جنب الدادا
كانوا فيه حرس قدام راكبين ...
في بيت ابو خالد راح ابو خالد مع ام خالد
وقال حق خالد يجي هو ونور مع بعض ...
ركبوا نور وخالد في سيارتهم وكانت بي ام دبليو
وكان خالد مشغل اغاني ماينفهم لها معنى
وطبعا نور كانت ساكته وتسمع لانها لو تكلمت ..
يمكن يصير داحس والغبراء ويحرمهم ابوهم من السفر ..
في المطار ...
وصل الجميع ....
ابو فهد وابو خالد و خالد واقفين مع بعض يسولفون
وام فهد وام خالد والدادا قاعدين ع كراسي الانتظار يسولفون
اما ساره ونور فكانوا يتمشون عند السوق الحره



ابو فهد اشر للجميع ع اساس المغادره
خلصوا اجراءات الجوازات وراحوا يمشون
وطبعا نور وساره وخالد مااوصف لكم وضع
وناستهم .. لدرجه انهم ممكن يطيرون من الفرحه
ركبوا الطياره خذوا المقاعد
ام خالد وابو خالد في مقعد
ام فهد وابو فهد في مقعد
نور وساره والدادا في مقعد في النص
خالد وواحد من الحراس الشخصين لساره مع بعض
وحارس الثاني حق السياره في اخر الطياه
( خالد كان قاعد ورى البنات ... وكانوا البنات ع الاطراف والدادا مقعدينها في النص ياحليلها )
خالد : ( وهو يضرب كتف ساره ) من قدج حراس شخصين يسافرون على جوازج .. من اجل الحمايه
ساره : خخخخخخخخخ تدري ليش انا مسفرتهم معاي
خالد : ليش ..؟
ساره : ( بكل غرور ) عشان اقهرك
لفت ساره عن خالد وكانت تشوف نظرات نور المتوتره ..
ساره : نور شفيج ؟؟
نور : .................
ساره : نووووور نوووور
نور : هاااه ؟؟
ساره : شفيج ؟؟
نور: بدت تكتب مسج في تلفونها عشان تقراه ساره
المسج ...
خاطري اطرش مسج حق فهد .. بس اخاف يفكر فيني غلط .. ويقول اني قاطه روحي عليه ...
ردت اكتبت لها ساره ...

جايه لك واللهفه تسبق خطوتي ...
طرشي له هالكلام بسرعه ...

نور بدون تردد استجاب لكلام ساره
واعادت صياغة المسج وضبطته ..
وطرشت المسج حق فهد ...
دق صوت المسج في تلفون فهد اللي كان نايم
لانه باقي تقريبا 10 ساعات ليمن يوصلون ..
قام فهد على صوت المسج ...
قرى المسج ...

جايه لك واللهفه تسبق خطوتي
اسم المرسل ... حبيبة قلبي
ماتأخر في انه يرسل لها مسج ...

حبك علي غالي ولا فيه تبديل
لو الثمن روحي لعيونك بذلته
شوقي لك ما تفيد فيه المراسيل
ما ينفع المشتاق حرف كتبته
أبيك عندي نقضي الوقت تعليل
وانسى أنا وياك هم درسته
دق صوت المسج عند نور ..
وكان المرسل (" قلبك ")
قرت نور المسج ...
وتمت تبتسم من قلبها ...
ساره : هااه بشري وش الاخبار
نور : ( بأبتسامه كبيره ) كل شي تمام
ساره : زين الحمدلله ...
اعلنوا عن اطفاء الاجهزه بكل انواعها
وامنعوا التدخين ...
وربطوا حزام الامان ..
دعوا دعاء ركوب الطائره واقلعت الطائره
متوجه الى لندن ترانزيت .. وبعدها لفرسنا ..
بعد مااحطوا لهم وجبه العشاء ..
قامت ساره من مكانها عشان تغسل يدها
ومنها تشوف شكلها .. في المنظره
ساره راحت تمشي لي حد الحمام ( تكرمون)
دخلت ساره غسلت يدها .. ضبطة شكلها ...
طلعت من الحمام ..
كان في اول المقاعد على الطرف ... شاب ...
قاعد وكان منهمك في ارواق وتواقيع ...
لمحته ساره ع السريع ..
رفع عيونه ..... لمح ملاك في ويهه ...
تم يطالع ساره ببلاهه ...
نزلت ساره راسها .. وراحت تمشي لمكانها ..
بسرعه خياليه ... قعدت في مكانها ... وهي
التوتر محد حس فيه الا الدادا ...
دادا روى : حبيبي شو بكي ؟
ساره : لا دادا مافي شي
ماحبت الدادا تشغل ساره او تحرجها اكثر من جذي
لانها في النهايه مراح تشكي الا لها ...

اعلنوا عن هبوط الطياره لمطار لندن ...
تجهزوا الركاب للخروج ...
اهبطت الطياره .... ووقف الكل ...
وقعدوا البنات والامهات والدادا ..
بعد مااشر لهم هتلر اللي هو ابو خالد
بالجلوس ...
بعد ماخفت الزحمه بالطياره ..
وقفوا ... راحوا يمشون بالسيد
وهم عند الباب .. تذكرت الدادا انه نست
حبوبها حقت الضغط على مقعدها ...
راحت ساره ع السريع ... عشان تاخذ الدواء وتلحق عليهم لانهم قالوا لها انهم بيمشون قبلها ...
وهي تمشي .. ماحست الا راسها ضارب شي ...
لما انتبهت الا شي ابيض ... رفعت راسها ..
شافت الشاب .. تاكدت انه راسها ضرب صدره ..
ساره : ( بكل خووووف الدنيا فيها ) اسفه اخووي والله ماكان قصدي
الشاب : لا معليه اختي مافيه مشكله
ساره : وهي تحاول تروح عنه ...
طلع الشاب من الطياره ...
وراحت ساره تركض تاخذ الدواء ..
وطلعت تركض .. عشان اهلها ...
لقتهم بأخر الممر يمشون ...
راح تمشي ع السريع لي حد ماوقفت
جنب النور وهي تسحب انفاسها سحب ....
نور : سارونه انتي فيج شي...؟ وماتبين تقولين ..
ساره : ( لاشعوري قالت السالفه من اولها لي اخرها حق نور )
نور : انزين مزيووون ولا لج عليه
ساره : والله فاضيه ... انتي
ساره وهي تضرب خصر نور ...
وكانت تهمس لها في اذنها ...
طالعيه هذا هو ...
نور وهي تهمس .. في اذن ساره
واي واي ... خلاص ماابي اخوج
يازينه ... وااي يابختج اللي ضربتي
صدره ...
ساره : يامال شقول .. يالخاينه ...
ألتفت الشاب على ساره وابتسم لها بعيونه ...
وراح يمشي ... لي حد ماوصل لابو فهد ..
طبعا هني ساره بدت تاكل بنفسها ...
هذا شيبي يكلم ابوي لايكون يقوله بنتك ماتستحي
اففف منه .. انا مااحب هالمواقف ...
لكنها انتبهت انه ابوها كان يضحك معاه
وكأنه يعرف ... جاء ابوها يمشي لصوبهم ...
ساره : بابا من هذا اللي واقف معاك
ابو فهد : هذا عبدالرحمن ال ....
خالد : ( بلقافته المعهوده) وانتي شدخلج بالريال تسألين عنه ؟؟
ساره : اسكت زين ...
راحت عنهم ساره لصوب نور ....
ساره : اقول نور تعرفين من هذا ..؟
نور : هااه من ؟؟
ساره : هذا عبدالرحمن ال ....
نور : من هذا
ساره : اخو نوف الحلوه اللي تدرس علم معلومات
نور : واااااي صج
ساره : أي صج
نوره : يابختج ياسارووه ...
ساره : اوووووووووكي ان ماقلت لفهد مااكون انا ساره
نور : ( اختبصت ) لا واللي يعافيج ويطول عمرج ..اسفين
ياطويله العمر ...
ساره : أي تعدلي واستوي سنعه
بعد انتظار دام حوالي ساعة كامله ...
اعلنوا عن اقلاع الطياره .. وراحوا يمشون
لي صاله المغادره ..
رن تلفون ساره ...
وكان المتصل ..فهد فرنسا
لمحت نور من المتصل ..
ساره : ( وهي تستعبط ) شفيج بققتي عيونج
نور : ساروه واللي يعافيج مب فاضيه لحركاتج ..
وهي تسحب السماعه .. عشان تسمع صوته ...
مسكت ساره السماعه الثانيه ...
ساره : الو
فهد : هلا .. مابغيتي تردين
ساره : شسوي ذبحتني نور .. الا تسمع صوتك
( هني نور .... كانت شوي وتنتحر )
فهد : اهاا سلمي عليها ...
ساره : مايحتاج هي تسمعك
فهد : انزين .. انتوا وين اللحين ؟
ساره : راكبين الطياره اللحين متجهين الي باريس
فهد : اوكي عيل انا في المطار انتظركم سلمي على امي
ساره : من عيوني حبيبي
فهد : اوكي حياتي مع السلامه ...
رمت نور السماعه على ساره وراحت تمشي قبلها ..
مانتبهت ساره لنور .. وراحت ساره تمشي عند امها
ساره : ماماه
ام فهد : هلا ماماه
ساره : فهد يسلمج عليج
ام فهد : الله يسلمج ويسلمه


راحوا يركبون وخذا الكل نفس المقاعد
ساره : ( وهي تستعبط ) اقوول يالله روحي ضبطي المكياج
الحبيب ناطرج
نور : ( خزتها بنظره تجرح )
ساره : ( بأستغراب ) شفيج
نور : مافيني شي
ساره : نور عن الحركات اللي مالها داعي شفيج ؟
نور : هوهو قلت لج مافيني شي
ساره : كيفج عيل ....
لمحت ساره عبدالرحمن وهي يمشي متجه لمقعد ابو فهد
عبدالرحمن : يابوفهد ترى عزيمتك انت والاهل مستويه
ابوفهد : يايبه لاتكلف على نفسك
عبدالرحمن : ابد مابه كلافه ...واعزم فهد من صوبي
ابوفهد : ابشر ...
راح عبدالرحمن يمشي .. وقعد في المقعد اللي جنب ساره
ومايفصل عنهم ... الا الممر اللي في الطياره
طبعا هني ساره اختبصت ...
ساره : اقول نور قومي قعدي مكاني
نور : ليش ؟
ساره : قومي انتي وبعدين اقولج ليش ؟
راحت نور تمشي .. واقعدت مكان ساره
وانتقلت ساره لمكان نور ...
انتبه عبدالرحمن لحركة ساره ... لكنه ماابدى
اهتمامه ... وتم يفتح بهالاوراق ويسكر ...
نور : وااي سارووه ... خطيبج
ساره : ويعه عااد شنو خطيبي انتي بعد
نور : وااااي محلا ريحة عطره مب طبيعي ... عور خشمي
ساره : خخخخخخخخخ .. انزين انتي شفيج من شوي كنتي متضايقه وماده البوز شبرين ؟
نور : بصراحه من اخوج الموقر
ساره : ليش ؟
نور : ماعنده اسلوب ... على الاقل يقول شلونج يانور
ساره : أي صح ...
نور : سبحان الله كلكم اتشابهون ...
ساره : شلون يعني ...
نور : التطنيش يمشي في دمكم
ساره : خخخخخخخخ عدال انتي بس

نور : اقول سكتي سكتي بس لا اكلم اللحين عبدالرحمن واشبك معاه .. ترى عاد مااستحي انا
ساره : عشان يدش عليج خالد ... ويلعن خامسج قدامه
نور : وااي فشله ....
الدادا روى : انتو شو عم بتقولوا ماعم بفهم شي
نور : اللحين يادادا ... 19 سنه بقطر ماتفهمين شي والله مشكله
ساره : هي هي .. احترمي نفسج انتي لاتتكلمين عن ماماتي
نور : وااي على ماماتي بس روحي عن ويهي لا اشوتج اللحين ... يالعظمه
ساره : احسن منج يالدبه
نور : وااي بنت عز ... شقالوا لج مثلج اهلج مايأكلونج
وطبعا عبدالرحمن سمع السالفه وكان شوي وينفجر من الضحك ...
ساره : لا حبيبتي اكل ... لكن الرشاقه عنوان الانوثه
نور : والله تصدقين مخلين الانوثه لج ...
ساره : جب زين
نور : انا جب ... ( تبي تمد يدها عشان تضرب ساره )
لكن تدخلت الدادا
دادا روى : بس خلاص بيكفي لهون وبس
نور : انتي ماتسمعين شنو تقول
ساره :انتي اللي الباديه محد قالج تتكلمين معاي
نور : جب جب ... كليتيني بقشوري
ساره : اقول ذلفي من ويهي .. لا قسم بالله ارقعج بوكس في ويهج ...
نور : شنو شنو .... جب زين جب ...
لف عليهم ابو خالد ...
ابو خالد : ( بعصبيته المعهوده ) انتو شفيكم هااه ؟؟؟
تكلموا .. اللي يشوفكم مايقول بنات عم ..لا ضراير
ماتستحون على وجيهكم ... وش هالخرابيط ...
اشوف مااسمع صوتكم اللحين ....
طبعا نور وساره ساكتين ومنزلين راسهم
اما اللي ميت من الضحك عليهم هو عبدالرحمن
لانه سمع السالفه من اولها لين اخرها ...
ابو خالد : خل اسمع حس وحده فيكم بقطع لها لسانها
طبعا سكتوا البنات ... وعم الهدوء بالطياره
اعلنوا عن هبوط الطياره ... في مطار باريس
واستعد الجميع للنزول ...
نزلوا كلهم ...
خلصوا الاجراءات ..
وراحوا يمشون ليمن المحوا فهد
طبعا فهد كان لابس وكاشخ لعيون حبيبته
كان لابسه بنطلوب اسود ... وقميص ابيض يده قصيره وبدي اسود فوق القميص وكان كات .. ولابس كارفيته
كان شكله بصراحه خيااااااااااااالي ... جميل بمعنى الكلمه
راحوا يسلمون عليه ...
باس راس امه وابوه وعمه وزوجة عمه ...
راح يسلم على خالد ...
وبعدين مسكته ساره وضمته ...
وبعدها سلم على الدادا ...
وبعدييين .. نور ..
نور الحب ... نور الحياه .. نور العين
مد يده لها ... مسك يدها .. ضم يدها ليده
الحمدلله على السلامه
نور : ( وصوتها من الخجل مب واضح ) الله يسلمك
شوي الا طالع عبدالرحمن يمشي وبيده شنطه سفر .. يسحبها .. ولاب توب ... وشنطه صغيره شخصيه
راح فهد يمشي .. له هو يمد يده له
فهد : مرحبا والله
عبد الرحمن : مرحبابك ملايييين
فهد : الحمدلله على السلامه
عبدالرحمن : الله يسلمك
فهد : شخبارك ؟؟ ان شاء الله بخير
عبدالرحمن : بخير الحمدلله ..
فهد : القهوه عندنا ...
عبدالرحمن : لا انا اللي العزيمه عندي ان شاء الله ..هناك الوالده والبنات ...
فهد : خلاص ابشر ...
خذ فهد رقم عبدالرحمن منه ..
وراح عبدالرحمن يمشي منزل راسه ...
احتراما لابوفهد .. واخوه .. عشان اهلهم معاهم ...
كانت في سيارتين موقفات ..
ركبوا فيها .. لي حد ماوصلوا للشقه ...
المفاجأه كانت لساره اكبر ...
انه شقه اهل عبدالرحمن ... قداام شقتهم ...
وشقه بيت ابو خالد جنب شقه ابوفهد ...
عبدالرحمن : وش هالصدف ؟
ابوفهد : والله ياوليدي انها اسعد اللحظات اللي انتوا قراب من عندنا ..
عبدالرحمن : لنا الشرف يايبه ...
راحت ساره لشقتهم ...
وطبعا كانت صالتين ...
مطبخ ... غرفة طعام ..
غرفه النوم الرئيسيه ..
3 غرف... كل غرفه بحمامها (تكرمون)
بالاضافه اللي حمام زياده ...
خذت ساره اغراضها وفرغتها بكبتها ...
وضبطت تواليتها ... وحطت العطورات
والمكياج , والكريمات .. وماشابه ذالك
الكل كان بغرفته يرتب ويضبط ويسوي ...
عبدالرحمن بغرفته ... والافكار تدور براسه
( ااااخ شلون دشت قلبي .. رغم كرهي لكل البنات
ااااه .. مستحيل اسمح لقلبي يحب مره ثانيه .. مستحيل )
نفض الافكار من راسه .. وراح يصلي ركعتين ........
طبعا عائله ابو عبدالرحمن
ابوعبدالرحمن/ رجل اعمال حره .. صديق ابوفهد ...
عمره 50 سنه
ام عبدالرحمن/ ست بيت من الطراز الاول ... قلبها ابيض تحب كل الناس ومحبوبه عند الجميع عمرها 48سنه
ريم / متزوجه من ولدعمها فيصل تحبه وتموت عليه بس هو بدون احساس عندها ولد وسمته عبدالرحمن على اخوها عمرها 33سنه
عبدالرحمن/ شاب جميييل .. كل مواصفات الرجول فيه..شخص مسؤول عن كل شارده ووارده بالبيت ..عنده اربع شركات .. بالاضافه الي الشركه المورده اللي الحديد .. محبوب عند خواته الاربع ... انسان بكل معنى الانسانيه
كانت متزوج بنت عمه .. ولكن ......... راح نتكلم بالموضوع بعدين عمره 30 سنه
ريناد/ طالبه جامعيه سنه رابعه .. تدرس ادب لغه انجليزيه .. جمييييله دلووووعه عبدالرحمن... عمرها 24 سنه
علياء / طالبه جامعيه سنه ثانيه .. تدرس رياضيه
تحس انه حركتها حركات شباب ... بس قلبها ابيض شعرها لين نص رقبتها ... مالت ضحك ووناسه .. عمرها 22 سنه
نوف / طالبه جامعيه سنه اولى .. تدرس علم المعلومات جميله ... واقدر اقولكم شبيهة عبدالرحمن ... طيوبه وحبوبه عمرها 19 سنه .. في عمر ساره ..
عبدالرحمن ...
قضى كل عمره بالغربه ... كان يدرس في بريطانيا ..
الثانويه من اول ثانوي الا ثالث ثانوي ...
درس علوم سياسيه في فرنسا ...
واخذ الماجستير في الاداره والاقتصاد في سويسرا
طبعا اكثر بلد يحس بالراحه والحنين لها ألمانيا
كان يحب ألمانيا رغم انه ماعاش فيها ...
لكن كل ماضاق صدره راح ألمانيا .. ومايعرف شنو السر فيها ...
تزوج بنت عمه ..وكانت هي حبه الاول بنت عمه شيخه
كانت فتاة احلامه ....
تزوجها وهي ماكانت تحبه كانت تحب واحد غيره ..وهو مايدري ...
عاش معاها سنه بعد السنه ... حس انها صارت تبعد عنه سألها ... ليش كل هالجفاء ...
لكن ماكان جاوبها الا (" طلقني ياعبدالرحمن ")
تصدعت الغرفه من صوتها ...
كيف قلبه ... اللي لحظتها حس ان الالم ...
يطعن بقلبه سكاكين
ليه يالغاليه ؟ ليه تبين الطلاق ؟؟
انا ماقصرت معاج بشي ؟؟
انا مااحبك .. انا قلبي راح لواحد غيرك ..
انا ماابيك انا مجبور عليك ...
قالها خلاص بكره كل اوراقج ... بتكون عندج
اليوم الثاني .. قالها اخذي كل اغراضج ..
ولاتتركين شي ...
حتى الملحف شيليه معاج ..
شالة معاها كل شي ..
ركبت السياره معاه ... بدون لايعطي اهله أي خبر
قبل لاتنزل من السياره ...
عطاها ظرف .. كان فيه كرتين هلا .. كانت تستخدمهم من وراه ...
وعطاها الاب توب .. اللي كانت تخونه فيه
دمعة عيونها ....
اسفه ياعبدالرحمن . لكن القلب ومايهوى
حذف في ويهها شيك كان بمية الف ..
وقال هذا مني لج ...
ويالله هذي ورقتج ...
وتراج حرام علي لي يوم الدين .....
مسكت راسه وباسة راسه ...
وقالت لها كفو ...
انت تستاهل اللي احسن مني
نزلت من السياره ..
دشت بيت اهلها ... وقالت لهم انه عبدالرحمن طلقها
راح عبدالرحمن بيتهم..
قال حق امه وابوه ... انا طلقت شيخه
ولااحد يسألني عن الاسباب نصيب ووقف ..
سكر الموضوع على هل الاساس ..
ولااحد يدري بسر طلاقهم الا هو .. وشيخه
شيخه تزوجت الشخص اللي تحبه وعاشت
معاه اجمل ايام حياتها
اما عبدالرحمن اعتزل النساء صار له 5 سنوات
وصار يشوف كل البنات خونه الا خواته ...

طلع عبدالرحمن من غرفته ...
عبدالرحمن : هلا علاوي شعلومك؟
علياء : هلا هلا بخير يالحبيب
عبدالرحمن : وين الوالده عيل ؟
علياء : بغرفتها ...
راح عبدالرحمن لغرفة امه ... طق الباب
وفتح الباب بعد مااذنت له بالدخول ...
عبدالرحمن : شحالج ياام عبدالرحمن ؟
ام عبدالرحمن : بخير يايبه .. شلونك انت ؟
عبدالرحمن : دامج بخير انا بخير ...
ام عبدالرحمن : في خاطرك شي .. ( وهي تسكر القران وتحطه على الكبت اللي جنب السرير)
عبدالرحمن : أي يمه .. انا عزمةاهل ابوفهد ال ...
وقلت لزوجته وزوجة اخوه وبناتهم ان العزيمه عندج
اما الريايل انا بعزمهم في مطعم .. مافيه مكان احطهم فيه
ام عبدالرحمن : ابشر يايبه .. متى العزيمه
عبدالرحم : بكره يالغاليه
ام عبدالرحمن : خلاص يايبه ولا يهمك
باس عبدالرحمن راس امه ... وطلع منها ...
ام عبدالرحمن .. وهي تمد يدها للسماء
يالله انك توفقه وترزقه بنت الحلال اللي تحبه ..
طلع عبدالرحمن وسمع هوشة خواته المعتاده ...
علياء : هي انتي احترمي نفسج سمعتي ...
ريناد : نعم نعم ... احترمي نفسج انتي انا اختج الكبيره
علياء : طيري زين اختي الكبيره قديمه ترى انتي
ريناد : الغرفه لي انا .. وانتي ونوف بغرفه ...
علياء : اسفه والله الغرفه لي انا بحالي ...
نوف : انتوا شفيكم .. كل وحده تحذفني على الثانيه
علياء : انتي جب سكتي ...
طلع لهم عبدالرحمن وهو يمشي بسرعه ...
عبدالرحمن : شفيكم ؟ شفيكم ؟ عسى ماصارت حرب
نوف : والله تعال شف خواتك .. يتهاوشون ع الغرف
جاء عبدالرحمن وقعد جنب نوف .. وحط يده ورى رقبتها وسند ظهره للكرسي
عبدالرحمن :ممكن حد يشرح لي القصه ..
ريناد : والله اختك مدري اخوك شاكين بجيناتها ...
قطعتها علياء : هي هي .. انتي والله احذفج يالنعال (تكرمون)
طبعا عبدالرحمن يحاول يمسك نفسه لايضحك ...
اوكي كملي الكلام ....
ريناد : تقول انه انا ونوف ننام مع بعض وهي تنام بغرفه بلحالها .. والله هي شحضرتها من الاكبر انا ولاهي ...
علياء : شوف عبدالرحمن ...هي ونوف ..في الليل يقعدون سوالف وماادري شنو وانا وحده ابي انام .. ولاابي حد يزعجني ...
ريناد : لا هي بس تبي تقعد وتسولف مع حبيبتها ماادري خبلتها ...
علياء : شوفي والله ... لو اوصلج لا اذبحج بيدي ...
ريناد : يالله قومي قومي ...
علياء : ( وهي تحذف علبة الكلينكس على ريناد ) سكتي بس سكتي ..
ريناد : مب ساكته شعندج ..
عبدالرحمن : ( وهو يسوي نفسه معصب ) اشوفكم ماحترمتوني ... ماكأني اخوكم الكبير .. ماباقى الا تقومون تتضاربون وانا قاعد ...
خلاص على غرفه انا بطلع من البيت وانتوا توزعوا على الغرف ....
نوف : لا عبدالرحمن عادي انا بنام بالصاله ...
عبدالرحمن : عيل اسمعوا القرار ... علياء وريناد بغرفه وحده ... ونوف لها غرفه خاصه فيها ...
وغير هالكلام ماراح يمشي ....
طبعا نفذوا القرار .. عشان مايهاوشهم عبدالرحمن ..
علياء : اقول يالبنك المركزي السموحه بس ...
عبدالرحمن : ( وهو واقف عند باب الشقه بيطلع ) لا مب مشكله علاوي شباب كلنا نفس الشي ...
طبعا راحت ريناد تركض ..
ضمت عبدالرحمن ... وحبته على خده
ريناد : انا اسفه حمني ...
عبدالرحمن : لاعادي مب مشكله ..
طلع عبدالرحمن ... وراح يشوف مطعم مناسب حق العزيمه بحيث انه يكون ذو رونق عربي ...
في بيت ابو خالد ...
نور كانت قاعده ترتب اغراضها ...
بأسرع مايمكن ...
خلصت نور من اغراضها ..
خذت هديه .. وضبتطها ..
وراحت تشوف البيت امان او لا ...
لما عرفت ان البيت امان ....
شالة الهديه وراحت تركض لين الباب ....
خالد ... اتصل بفهد وقاله انه يبي يتمشى
او يروح معاه ... او بالاصح يبي يسكن مع فهد ...
لانه مايبي يقعد مع البنات ....
ابو خالد راح ياخذ له نومه .. عشان يرتاح
وام خالد راحت للمطبخ تشوف المعدات ..
والنواقص ...
في شقه فهد ...
والباب ينفتح ...
كان علي موجود بالشقه لانه ساكن
مع فهد ....
علي : ( وهي يمشي بتجاه خالد) مرحبا مرحبا .. تو مانور المكان
خالد : منور بأهله ...
علي : كيف الحال ؟ ان شاء الله بخير ؟
خالد : ابخير والحمدلله .. انت شحالك ؟
علي : بخير دامك بخير ...
فهد : احم احم ....
علي : عيش ولحم ... خير شفيك ؟
فهد : يعني حد يرحب فيني ولا شي
علي : معليه .. السموحه منك مرحبا والله بفهد
فهد : الله يرحب بك ....
وراحوا يمشون للصاله عشان يقعدون يسولفون على راحتهم ...
بيت اهل عبدالرحمن ..
ام عبدالرحمن : اسمعوا يابنات ترى بكره عندنا عزيمه حق اهل ابوفهد ... يعني كل وحده تحضر نفسها ..
ريناد :اوووووه احنا رايحين نتمشى ولا جايين حق العزايم
ام عبدالرحمن : والله انتي يالملسونه لو ماسكتي لا اكسر ويهج ..
ريناد : زين زين ...
في بيت ابوفهد ....
دق الجرس ...
راحت الخادمه تفتح الباب ...
نور : وين ساره ؟
الخادمه : داخل روم
نور : اوكي
راحت نور تمشي حق غرفة ساره ...
افتحت لها ساره ..
ساره : هلوووووووووو
نور : ( وهي تحاول تدخل بسرعه عشان ماحد ينتبه للي في يدها ) هلا هلا .. سكري الباب
ساره : ( وهي تسكر الباب وتنقز ع السرير) هااه شفيج
نور : اسمعي هذي هديه انا مسويتها حق فهد عطيها فهد وقوليه انها مني .. اوكي
ساره : ( وهي تاخذ الهديه عشان تشوفها ) اوووكي ...
اطلعت نور من غرفة ساره ...
وراحت فتحت باب شقة بيت عمها ...
الا اللفت ينفتح ...
لمحت واحد غريب ... كان يمشي مع فهد
واخوها ...
طاحت عيونه عليها ... خفق قلبه ...
نور حست روحها بطير ... من مكانها
سكرت نور الباب حق الشقه وراحت تركض
حق غرفة ساره ....
نور : سارووه فتحي الباب
ساره : ( وهي تفتح الباب ) هااه شفيج نسيتي شي ؟
نور : لا ... ( وهي تبلع ريقها ) بس ماادري شفت واحد
ماادري ماادري ..
ساره : شتقولين انتي طلاسم .. فهميني
نور : اول مافتحت باب شقتكم .. شفت خلوود اخوي ..
وفهد ومعاهم واااحد ... ماادري اول ماشافني احس بشعور غريب ...
ساره : يمكن هذي عبدالرحمن
نور : لالالا مو عبدالرحمن وااحد ثاني
ساره : ايييييييييييي هذا رفيج فهد ...
نور : ( وهي تترقب ساره ) من هذا ؟
ساره : هذا واحد سعودي ..
نور : شنو اسمه
ساره : على مااعتقد علي ..
نور : واااااااااااااااي ياساروووووه
ساره : انتي حددي مشاعرج كل ماشفتي وااحد قلتي وااي خير اثقلي شوي ...
نور : والله هذا شعور غير
ساره : تحبينه يعني ؟
نور : حبتج القراده ...
ساره : ويعه زين ... قومي ذلفي بيتكم مااحد يعطيج ويه
نور : سكتي لا قسم بالله اروح لااهل عبدالرحمن اللحين
ساره : انتي شنو تهدديني فيه ليه ؟؟ شايفتني احبه
نور : والله الواقع جذي ...
ساره : اقول مخليه الحب لج ولاشكالج ..
نور : اقووول انطمي
ساره : ذلفي من ويهي لا قسم بالله اكسر راسج
نور : اوكي اوكي ... لا احد يلحقني
ساره : اوكي ....



الشباب .....
بعد ماسلم علي .. على ابو فهد ..
علي : يالله انا ماشي تامرون بشي ..
خالد : انا رايح معاك
علي : يالله حياك ..
خالد : فهد تروح معانا
فهد : لا انا بلحقكم
علي : على راحتك .... يالله توصي شي .. يابوفهد
ابو فهد : لا يايبه .. مابي الاسلامتك
علي : ترى احنا برسم الخدمه ...
ابوفهد : تسلم يايبه ....
علي : يالله مع السلامه ...
صار خالد يمشي قدام علي ...
عشان يشوف اذا البنات موجودين
عشان علي يطلع ...
فتحوا باب الشقه .. وطلعوا .....
افتحت ساره باب غرفتها .. وطلعت للصاله
لقت ابوها واقف بيطلع ...
مسكت يده ... وضمتها ..
ساره : باباتي .. وين تروح ؟
ابوفهد : هااه حبيبي .. بروح شوي عندي شغل
ساره : اوكي حبيبي ...
ابو فهد : يالله مع السلامه ..
ساره & فهد : الله يحفظك
ساره .. ( وهي تقرب من فهد ) فهد ترى نور جايبه لك هديه ...
فهد : وينها ؟
ساره : الهديه
فهد : لا نور ..
ساره : في بيتهم
فهد : زين انا ابيها ..
ساره : امي وين .. ؟
فهد : راحت بيت عمي ...
ساره : اوكي خلاص بدق عليها ...
ساره وهي تتصل على نور ...
ساره : هلا نور
نور : نعم خير خير ..
ساره : ويعه ... ماابيج انا ...
نور : عيل ليش متصله
ساره : فهد هني يبيج
نور : ( بنعومه ) فهد
ساره : اقول استويتي ناعمه اللحين ..خلصي بسرعه
نور : اوكي باي ...
فهد : هاه سوراني .. ؟
ساره : أي يايه اللحين
فهد : اوكي ... ممكن لوتكرمتي تروحين أي مكان
ساره : يعني طرده ...
فهد : والله افهميها مثل ماتبين
ساره : اوكي اوكي ...
وقفت ساره تعدل بنطلونها ...
والتي شيرت ..
وتضبط شعرها ...
شوي الا جرس الشقه يرن
راحت ساره تمشي ...
قام فهد بسرعه ...
ساره : اثقل شوي ... كلكم مستخفين ماادري شفيكم ؟
فهد : يابنت الحلال خلصي علي ....
ساره : زيييييييييييييييييييييييييين اففف
افتحت الباب .. لقت نور بأبهى صوره ...
وبصراحه نور جميله .. وحتى قوامها حلوو
بس لانها امتن من ساره بشووي.. ساره تمسيها الدبه ..
نور وهي تشوف فهد واقف بأخر المرر : السلام عليكم ..
فهد : هلا والله ومرحبا ... حياج
راحت ساره غرفتها ...
وقعدت نور تمشي بأتجاه فهد ...
وكان فهد ماد يده حق نور ...
مسكت نور يده .. وتم يمشي ليمن
اوصلوا عند الكراسي ..
قعدت وقعد جبنها ...
فهد : شلونج يالغاليه ؟
نور : ( وهي منزله راسها ) بخير
فهد : اخبار الدراسه معاج ؟
نور : زينه الحمدلله
فهد : واخبار خالد معاج لايكون يهاوشج دايم ؟
نور : ( وهي تشر براسها انه خالد دايم يزعجها )
فهد : والله ماخليه الحمار ... ومااستقوى الا على حبيبة قلبي ...
نور : انت شخبارك ؟
فهد : انا ...... اااااه توني اللحين صاير بخير ...
نور : عساك دوووم بخير
فهد : بقربج اكيد بكون بخير ....
نور : وصلتك الهديه ..
فهد : للحين ماشفتها .. بس منج اكيد بتكون حلوه ...مشكوره يانور عين فهد
نور : العفو
فهد : انا عني ... مسوي لج مفاجأه ...
نور : لاتكلف على روحك ...
فهد : افا ... كم من نور عندي انا ...
نور كانت تبتسم بأحراج .. وخدودها صارت حمراء ...
فهد : متى بتصيرين حلالي يانور ...
هني نووور راااااااااااحت فيها ... صارت ترتجف من الخوف ....
فهد : شرايج ... اخطبج .. والملكه في قطر ...
ونتزوج وتعيشين معاي هني بفرنسا ..
نور : ............
فهد : هااه نور شرايج ؟
نور : على راحتك
فهد : يعني افهم انج موافقه ؟
نور : ............
فهد : اوكي .... حياتي خلاص مرااح ازيد عليج ..
قعد يقرب منها فهد .. ليمن مسك يدها ...
في غرفة ساره ....
كانت حاطه الاب توب .. في حضنها ...
وتسمع اغاني ... وقاعده تتصفح النت ...
وتقرى روايات ...
وبعدين سكرت النت ..
وراحت تلبس . ...
تنوره قصيره لي حد الركبه .. وبنطلون ..
ولابسه تي شيرت .. وفوقه جاكيت ...
وراحت تمشي ... حق غرفة الدادا ....
ساره : ماماتي ...
الدادا روى : شو حبيبي ؟
ساره : ابي انزل تحت
الدادا روى : اوكي حبيبي .. يالله انطريني عند اللفت
ساره : اوكي ...
راحت ساره تلبس شيلة ملونه ..
غطت شعرها ... ولبست نظاره
وخذت شنطتها ..
وطلعت برع .. تنتظر اللفت لين يوصل ...
انفتح .. باب شقة اهل عبدالرحمن
ساره .. اول ماحست انه الباب انفتح ..
جمدت في مكانها ... شعور غريب
كأنها ماكانت حابه تشوف .. عبدالرحمن
سمعت صوت بنات ...
شوي الا هم جايين يقفون جنبها ...
ام عبدالرحمن : مرحبا حبيبتي
ساره : ( وهي تبتسم بأحراج ) هلا خالتي
ام عبدالرحمن : انتي بنت ام فهد
ساره : أي خالتي ..
قربت ام عبدالرحمن .. عشان تبوس ساره ..
ولفت ساره ع البنات .. وسلمت عليهم ...
وكانت طريقة لبسهم نفس ساره .. مافيه اختلاف في الافكار .. وايد ...
ريناد : كانت تعرف عن نفسها قدام ساره ... انا ريناد ..
وهذي علياء .. وهذي نوف ...
ساره : يامرحبا والله ...
علياء : وانتي
ساره : انا شنو
علياء : انتي شسمج ؟
ساره : انا اسمي ساره ...
ام عبدالرحمن : عاشت الاسامي ياقلبي ..
ساره : عاشت ايامج ...
انفتح باب شقة بيت ابو خالد ..
انتبهت ساره حق امها ...
مسكت ساره تلفونها بسرعه
واتصلت على فهد ...
ساره : الو
فهد : هااه نعم ؟
ساره : امي بتدش البيت اللحين دبر روحك .. خل نور ادش غرفتي .. وانت اقعد بالصاله ...
فهد : اوكي اوكي باي ....
ام فهد : ام عبدالرحمن .. ؟
ام عبدالرحمن : مرحبا .. ام فهد ..
ام فهد .. وهي تضم ام عبدالرحمن : وحشتييييييييني فديتج ..
ام عبدالرحمن : وانتي اكثر ...
ام فهد : شلونج ؟ شلون الدنيا معاج ؟؟
ام عبدالرحمن : بخير فديتج ... انتي شلونج ؟؟
ام فهد : بخير الحمدلله ...
وراحت ام فهد تمشي ... عند البنات سلمت عليهم ...
اول شي علياء وبعدين ريناد وبعدين نوف ..
ام فهد : شلونكم حبايب قلبي ؟
البنات : بخير الله يسلمج ..
ام عبدالرحمن : تسلم يمناج على تربية ساره
ام فهد : ( وهي تبتسم بأفتخار ) ماعليج زود فديتج ..
حياج تعالي تقهوي عندي ...
ام عبدالرحمن : والله بروح مع البنات .. يبون الجمعيه
ويبون ينزلون تحت ...
ام فهد : سوراني .. انتي وين بتروحين ؟
ساره : بنزل تحت بعدين بروح الجمعيه
ام فهد : خلاص خليهم يروحون مع بعض ...
ام عبدالرحمن : عيل خلاص اوكي ...
اتصلت ساره على نور .. وبلغتها بالروحه .. بس نور رفضت ...
وراحت شقتهم ...
انفتح باب اللفت ...
وتمنت ساره انه اللفت مانفتح ..
طلع عبدالرحمن من اللفت ..
ولقى بنات متجمعين قدام اللفت ..
ومعاهم وحدم كبيره .. وهي الدادا روى ..
ريناد : هلا حمني ...
عبدالرحمن : هلا ريناد .. على وين ان شاء الله
ريناد : بنروح نتمشى مع ساره ...
( هني ساره اختبصت وتمنت الارض تنشق وتبلعها )
عبدالرحمن : ( وهو يمشي حق شقتهم ) اوكي بس لاتبعدون واايد ...
علياء : ولا يهمك انا معاهم ...
عبدالرحمن : مدامك معاهم مأمن عليهم انا ... هااهاهااهااي ...
دش عبدالرحمن الشقه .. ورمى نفسه على سريره ..
ياليتني ماشفتها .. ليش كل ماروح مكان ألمح عيونها ..
حتى عطرها احس اني اشمه كل دقيقه وكل ثانيه ..
ااااه الله يصبر قلبك ياعبدالرحمن ...
ساره .. وهي تتكلم بخاطرها ... ااااه وان كل ساعه بقعد اشوفه .. ياربي ليش جذي يتغير حالي لاشفته ...
الله يعيني ...





ريناد : ساروه وين سرحتي ؟
ساره : ..........
علياء : ياهووووووه ... ساره
ساره : هلا
علياء : شوفي هو انا ماألومج انج شفتي اخوي واختبص حالج بس عادي كل البنات جذي .. اذا شافهوا يتغير حالهم ويقعدون يفكروون ...
قطع كلامه .... الضربه اللي في خصرها من ريناد ..
وهي تهمس بأذنها شوفي البنيه صار ويهها احمر وانتي قاعده تتفلسفين ...
علياء : احم احم ... يالله انفتح اللفت ...
ريناد : اقول ساروه لاتمشين جنبي ؟
ساره : ( بأستغراب) ليه ؟
ريناد : انتي اضعف وحده واطول وحده فينا .. روحي عني لو سمحتي مااعرفج
ساره : هاهاهاهاهاهاي ... عيل لوشفتي نور شبتسوين ؟
ريناد : من نور ؟
ساره : نور بنت عمي
ريناد : اطول منج بعد ..
ساره : أي اطول مني ... وفيها ضخامه نفس طريقه باسكال مشعلاني ...
ريناد : واااي مااعرفكم ...
اطلعوا البنات .. وراحوا يمشون ..
ركبوا السياره .. وراحوا يبون
الشانزلزيه .... وصلوا البنات ..
وراحوا يقعدون في طاوله ضمن الطاولات
نوف : ابي اروح اشتري لي مكياج .. حد بيروح معاي ؟؟
ريناد : انا عني عيزانه اقوم
نوف : علياء ..
علياء : انا مب مهنتي هالسوالف ..
سكتت نوف .. بحزن لانه مكياجها بداء يخلص ..
لفت عليها ساره : افا عليج انا بروح معاج .. قومي
ابتسمت نوف من قلبها : يالله ...
راحت نوف وساره يمشون ...
علياء : ياطيب هالبنت
ريناد: أي والله .. بس انتي لاحظتي عبدالرحمن شلون كان يشوفها ..
علياء : تصدقين اول مره اشوف عبدالرحمن يخز بنت هالخز .. رغم انه اكيد شاف احلا منها ...
ريناد : بس البنت عيونها ملفته بطريقه خياليه..
علياء : صح بس عبدالرحمن ماينتبه هالامور ....
ريناد : حبيبي لاتنغريين بالرييايل كلهم نفس النمط ..
علياء : بس لحظه تذكرين البنت اللي شفناها بألمانيا
اللي كانت تلاحق عبدالرحمن ... شلون كانت جمييله ..
وهو مب معطيها بال ..
ريناد : أي صح تذكرتها ..
علياء : وتذكرين وتذكرين وتذكرين .. واايد بنات كانوا حلوين ويلاحقون عبدالرحمن بس ماكان حتى يلف عليهم يطالعهم ..
ريناد : بس هالبنت نظراته لها غريبه ..
علياء : واايد ....
ريناد : تعتقدين معجب فيها ...
علياء : ( وهي تهمس لريناد ) سكتي يات نوف وساره معاها ...
ساره : ( وهي تقعد ) عندي احساس انكم حشيتوا فينا ..
ريناد : أي والله قاعده اقول شفتي شقد طويله ساره ..
ساره : عندج عقده من الاطوال ...
ريناد : وااي واايد .... ولا انتي وعبدالرحمن مااحبكم تمشون معاي ...
ساره لما انذكر اسم عبدالرحمن تغير شكلها ....
نوف : وااي فديته .. شريته له عطر .. بدال عطره اللي خلصتيه ياعليووه ..
علياء : شنو العطر ..
نوف : بصراحه اختيار ساره ...
علياء : اشوفه ...
نوف وهي اطلع العطر ...
علياء : ( وهي تهشق ) جورج ارماني اليديد ...
نوف : أي
شمته علياء .. وراحت تشتري مثله ...
وشمته ريناد وقالت : وااي ابي ريلي جذي ريحته طول الوقت ...
نوف : وش على بالج هذي ذوق ساره ...
ساره : وهي تعدل نفسها بأفتخار وتبتسم ..
ريناد : عدال بس على ساره ..
ساره : مب راده عليج اول مره اشوفج لازم نوع من البرستيج وبعدين .. بيب معاي نور عشان ادافع عني ..
نوف : هاهاهاهاهاهااي ...
رن تلفون ساره ...
( يابدايات المحبه .. يانهايات الوله .. هالحسن سبحانه ربه ... ظالم وماأعدله ... )
تاج راسي ..
يتصل بك ...
ساره : هلا باباه ..
ابو فهد : هلا حبيبي وينج فيه ؟
ساره : انا رحت مع بنات ام عبدالرحمن
ابو فهد : زين وين ؟
ساره : الشانز
ابوفهد : باباتي ماخذيتي معاج حد من الحرس
ساره : لا باباه مايحتاج .. معاي دادا
ابوفهد : طيب لاتتأخرين ياحياتي ...
ساره : اوكي بابا ...
ساره : ماصارت كل هاي جمعيه شتسوي الدادا ..
ريناد : ماادري يمكن ضيعت ..
نوف : لا اكووه هذيك تمشي ...
الدادا روى : شو حبيبي ... بدك يانا نروح ..
ريناد : أي خلاص نروح عشان قبل مايظلم الوقت محد معانا ..
ساره : يالله اوكي .. بس وين علياء ..
ريناد : راحت تشتري عطر .. نفس العطر اللي اخترتيه حق عبدالرحمن ...
علياء : هي هي انتوا وين رايحين
نوف : يالله بنروح البيت ..
علياء :ليش
الا تلفون ريناد يرن ...
( امنتك الله ياحبيبي ابرحل ... يمكن غيابي يعرف الشوق قلبك .. مع مرور الوقت .. ارجوك اسألك )
حمني ...
يتصل بك ...
ريناد : هلا حبيبي
عبدالرحمن : وينكم ؟
ريناد : يايين يالله
عبدالرحمن : انا اسألك وينكم ؟
ريناد : احنا في الشانزلزيه
عبدالرحمن : شموديكم هناك ؟
ريناد : هاااه ساره عازمتنا هناك
عبدالرحمن : يالله اجعوا اللحين ... قبل لاتغيب الشمس
ريناد : زين زين يالله ...
عبدالرحمن : باي
علياء : من ؟
ريناد :عبدالرحمن يهاوش يقول بسرعه تعالوا قبل تغيب الشمس ..
ساره :يالله اكاه السياره ..
راحوا البنات يمشون بخطوات سريعه ...
الا وشباب خليجين واقفين ...
واحد منهم : وش هالزين كله ...
طبعا البنات ماردوا عليهم عشان ماتصير مشاكل ...
ركبوا السياره .. وقف واحد قدام السياره ..
عشان ماتتحرك .. طلعت له الدادا .. : الله يرضى عليك ياأبني قوم من السياره
الشاب : اسف ..
الدادا : شووو ..
الشاب : اللي سمعتيه ..
ساره : صج ناس ماتستحي ...
طبعا انزلت ساره من السياره .. وراحت له : اسمع انتي قوم عن السياره خل نروح ...
الشاب : مب قايم لو شنو ...
ساره مسكت تلفونها واتصلت بالحرس الخاص لها ..
في خمس دقايق .. الا الحرس واصل ..
ساره : (وهي تأشر علي الشاب وتكلم الحارس ) تفاهم معاه ..
ركبت ساره السياره .. ومشت السياره ..
ريناد : والله مب هينه ياساره ..
ساره : لا بس صج في ناس لازم يحترمون انفسهم .. انا الخياس هذا مااحبه ..
نوف : كفو والله ...
علياء : تسلم يمين اللي على الطيب رباج ..
ساره : ( وهي تبتسم )
علياء : زين قولي ماعليكم زود
ساره : وش دراني انا شرد عليكم ... ماعليكم زود ...
وصلوا .. البنات العماره اللي ساكنين فيها ...
نزلوا واركبوا اللفت .. وكان نازل من اللفت فهد اخو ساره
اول ماشاف البنات نزل راسه .. وراح يمشي .. مسك يده
ساره .. بأشاره انه يبي يتكلم معاه ...
ساره : خلاص بنات روحوا انتوا ...
الدادا : شو بروح انا ..
ساره : أي دادا روحي ...
بعد ماتسكر اللفت ...
ساره : هاه فهد شفيك ؟
فهد : نور قالت لج شي ..
ساره : لا شنو
فهد : ماادري ياساره .. احس نور في قلبها واحد ثاني
ساره : ( وهي مبققه عيونها) شنو ؟
فهد : قصري حسج مانبي حد يسمعنا ... اللحين تروحين تشوفين شنو اللي بقلبها ... ان كان هذي اوهام مافيه مشكله .. واذا بقلبها حد الله يوفقها .. ان شاء الله
ساره : بهالسهوله يافهد ..
فهد : حبي لها تعدى الحدود ياساره .. المفروض كنت احط حدود ...
ساره : بس يافهد ....
ترك فهد ساره وراح يمشى .. والالم يسري بقلبه ...
راحت ساره ودشت سيده لبيت عمها ...
ساره : خالتي وين نور ؟
ام خالد : بغرفتها ..
راحت ساره تمشي فتحت باب غرفة نور ..
لقت نور ... متسنده ع السرير ..
وضامه ريولها لصدره .. وكانت منزله راسها.. بين ريولها وماسكه يرولها بيدها
وكانت تشهق وهي تبكي ...
راحت ساره تركض لنور بعد ماقفلت باب الغرفه ....
ضمت ساره نور لقلبها .. : نور حياتي شفيج ..؟
نور : .............
ساره : فهد قالج شي .. ؟
نور : ( زااد البكى ) .....
ساره : زين فهميني شي ؟
نور : ( كانت تتكلم وتشاهق ) تعبانه ياساره ..
ساره : ( زادت من قوة ضمتها لنور) بسم الله عليج .. من اللي متعبج ...
نور : اللي شفته اليوم ...
ساره : شنو شفتي ..
نور : علي رفيج فهد ..
ساره : شفيه ...
نور : من شفته وانا مو قادره اشيله من بالي ... حتى المشكله اني وانا اكلم فهد غلطت وقلت له علي ... اكثر من مره وطلع عني زعلان ومتضايق ...
ساره : زين عادي الواحد مايغلط بالاسماء ..
نور : لا انا ياساره احساسي اتجاه هذا الشاب احساس غريب ...
ساره : يعني شنو .. اعتبر انه فهد مثل اخوج صار ..
نور: ماادري ياساره .. كل شي في راسي اختلط .. تعبت والله تعبت ..
ساره : افا عليج ... حطي همومج كلها علي .. ولايهمج
نور : ( حطت نور راسها على صدر ساره .. وتمت تصيح ) اااه ياساره انا من دونج ماادري شسوي ..
ساره : انا اللي من دونج ماادري شسوي ..
يالله قومي غسلي ويهج ..
راحت نور تغسل ويهها ...
وراحت تلبس .. وراحت مع ساره غرفتها ...
وهم داشين .. الغرفه قفلت ساره الباب ..
وراحت تقعد قدام نور بالسرير ...
ساره : شوفي نور .. انا بصارحج بكل شي ..
نور : قولي ..
ساره : انا توني مقابله فهد .. وهو قالي انا حاس انه نور بقلبها واحد ثاني( هني شهقت نور) وقالي شوفي شنو بقلبها .. اذا كانت اوهام فمافيه مشكله .. اما اذا كان صج وفي قلبها حد الله يوفقها ( وهني بكت نور من قلبها )
نور : انا والله احبه .. بس ماادري علي شنو سوى فيني
ساره : يمكن نزوه ..
نور : ماادري ماادري ..
ساره : عيل سمعي ... انا بطلع .. وبخليج هني في غرفتي عشان تفكرين على راحتج ... وتتخذين قرارج
الاصعب انا عارفه .. واذا بغيتي مساعدتي .. انا حاضره رني واكون عندج ...
نور : اوكي ساره ...
طلعت ساره من الغرفه .. قفلت نور عليها الغرفه ..
وقعدت تفكر ... على راحتها ...
نامت على ظهرها .. ورفعت عيونها للسقف ..
وكانت تتأمل كل شي ... بتيقن وحذر






في بيت ابو عبدالرحمن ...
نوف : عبدالرحمن ...
عبدالرحمن : ( وهي يوقع اوراق ويقراها ) هلا نوف ..
نوف : ممكن اطالعني دقيقه ..
عبدالرحمن : ( ترك اللي بيده ) هااه امريني .. يانوف
نوف : ( وهي تمد العطر حق اخوها ) تفضل ..
عبدالرحمن : الله هذا لي انا
نوف : أي شم ريحته وقولي شرايك ...
( فتح عبدالرحمن العطر وشمه ) : الله ااااه وش هالريحه الحلوه ...
نوف : تدري من ذوقه ؟
عبدالرحمن : اكيد انتي ..
نوف : لا
عبدالرحمن : عيل من ذوقه هالعطر حلو .. صج عنده ذوق اللي اختاره .. من ؟؟
نوف : ساره ...
( تصدعت اركان عبدالرحمن كلها ... تمنى كل الاسماء الا هالاسم اللي من شافها وهو حاله مختبص من فوق لين تحت )
عبدالرحمن : ( وهو يتمالك نفسه ) قولي لها يقولج عبدالرحمن شكرا .. وذوقج وايد حلو ...
نوف : اوكي .. من عيوني ..
عبدالرحمن : انزين اخذيه وديه غرفتي ...
نوف : اوكي ...
في صاله بيت ابو خالد ...
ابوخالد : ياام خالد ..
ام خالد : لبيه ..
ابو خالد : تعالي نسولف مع بعض دام العيال مو هني
ام خالد : راحت تمشي حق ابو خالد وقعدت ..
ابوخالد : لا تعالي هني جبني
ام خالد : ( راحت تقعد جنبه وهي مستحيه )
ابوخالد : ( هو يحط يده ورى رقبتها ) شفيج مستحيه مني ؟
ام خالد : ( وهي بتبسم بأاحراج ) شوي ..
( هني ضمها ابو خالد لقلبه .. وقالها الله لايحرمني منج .. مارتاحت ام خالد لضمة ابوخالد .. لانه مايضمها الا بيصير شي) ...
في بيت ابوفهد ...
ساره : هااي باباتي
ابوفهد : انا بسألج سؤال واحد ..؟
ساره : ( وهي تقعد بحضن ابوها ) اسأل ؟
ابوفهد : انتي كليتي شي من يوم يتي هني ؟
ساره :أي ..
ابوفهد : شنو
ساره : شربت عصير فراوله
ابوفهد : بس ..
ساره : ( بأبتسامه كلها اعتزاز) أي بس
ابوفهد : قومي روحي المطبخ وكلي لج شي يسد يوعج
ساره : مو يوعانه بابا .. بعد بطني يعورني من العصير
ابوفهد : انتي شنو ... اصلا فيج بطن عشان تقولين بطني ..
ساره : ( وهي تحط راسها على كتف ابوها ) احسن جذي
ابوفهد : لا مو احسن .. جذي كأنج ربيانه
ساره : خخخخخخخخخخخ ربيانه مره وحده ...
دشت عليهم ام فهد .. وهي حاطه يدها على خصرها ..
ام فهد : لا والله يابوفهد
ابوفهد : ليه شسويت ؟
ام فهد : اشوف بنتك خذت مكاني ..
ابوفهد : انا ماقلت لها تعالي قعدي بحضني ... هي اللي جات وقعدت ...
ام فهد : ( وهي تمسك يد ساره ) قومي يالله ...
شوي الا ساره طايح من حضن ابوها من دون ماتتكلم ..
ام فهد : ( وهي تهز ساره ) ساره ساره ساره ساره ...
ابوفهد : سااااااااااااااااااااااااااااا ااااااااره
سمعت الدادا صوت صراخهم .. وراحت تركض ..
ونور نفس الشي ..
نزلت الدادا حق ساره وهي تبكي ... : سااره حبيبي شوبكي ...
نور : ( وهي تهز ساره بأقوى ماعندها) سااااااااره ساااااااره سااااااااااره ....
راحت ام فهد تتصل بفهد لكن مااحد رد عليه ..
وابو فهد بعد .. ونور اتصلت بفهد بس مارد عليهم
والمشكله ابو فهد مايدل المستشفيات اللي هني بفرسنا ..
ام فهد : ( وهي تبكي ) شوف لنا صرف قبل لاتموت البنت ..
راح ابو فهد يركض لاشعوري لبيت ابو عبدالرحمن ...
عبدالرحمن : هلا يايبه ...
ابوفهد : تكفي يايبه .. نبيك ..؟
عبدالرحمن : امر يايبه ..
ابوفهد : بنتي ساره طاحت علينا .. ومااندري وش فيها
وانا ماادل المستشفيات ...
عبدالرحمن : ابشر يالله ...
اطلع السياره بس ...
راح عبدالرحمن يركض ... خذا جواله .. وخذا بوكه ..
وطلع يركض على الدري( السلم او الدرج) .. ليمن وصل وشغل السياره وكان قلبه نااااار على ساره ... مسك ابوفهد ساره .. وشاله علي يده ..وراحت ام فهد والدادا يمشون وراها
نزلوا تحت .. .فتح عبدالرحمن الباب .. الي ورى عشان ساره .. لكن ابوفهد قاله ركبها قدام عشان تاخذ راحتها ومايضيقون عليها ...
حطوا ساره قدام .. وركب ابوفهد وام فهد والدادا ورى ..
وطبعا عبدالرحمن كان يسوق بسرعه خياله ...
لانه كان يسمع صوت شهقات ام فهد والدادا ..
وكان يلمح دموع ابوفهد على بنته ...
اما ساره ........ فكانت في عالم اخررررر ...
لف عليها عبدالرحمن ... لقى ملاك نايم جنبه ..
اول مره ياعبدالرحمن بنت تقعد جبنك بعد امك و شيخه وخواتك تركب معاك قدام ...
اااه ياعبدالرحمن يابختك راااكب مع اجمل بنت شفتها بحياتك ...
بس التعب باين عليها ....
وصل عبدالرحمن للمستشفى ..
وطلب سرير عشان ينقلون ساره ...
وراحوا يمشون وراها اهلها ..
وقف عبدالرحمن سيارته ..
وراح يلحق ابوفهد ...
وقفوا عند غرفة العنايه المركزه ..
طبعا مااوصف لكم حالة ابو فهد اللي مااقدر يقعد بمكان وكان يتحرك بأستمرار قدام الباب ...
اما ام فهد فكانت الدموع خير مثال لها .. ولكن كانت تبكي بصمت ..
اما الدادا ... يرثى لحالها بصراحه ... كانت حاطه راسها بين يدها .. وتبكي ..
وعبدالرحمن كان في اخر المرر واقف قدام ... دريشه( شباك)
ويشوف الناس والسيارات اللي رايح واللي جاي ...
وماكان يلمح الا عيون ساره ...
كان يدعي لها من كل قلبه انها تقوم بالسلامه
وبعد انتظار دام حوالي ساعه طلع الدكتور ..
وراحوا كلهم يركضون له بأستثناء عبدالرحمن
لانه ماله دخل يروح يسأل لانه يحترم ابو فهد
وخصوصياته .. بعد ماراح الدكتور ...
راح عبدالرحمن يمشي باتجاه ابو فهد
عبدالرحمن : هااااه يايبه بشر ؟
ابو فهد : لا الحمدلله ...
عبدالرحمن : شيقول الدكتور ..
ابو فهد : يقول انه جسمها خالي من الفيتامينات .. والاملاح .. وعندها فقر دم ... وهذا سبب لها نوع من الاغماء ...
عبدالرحمن : الحمدلله .. دام هذا اللي فيها سهالات ان شاء الله ...
ابو فهد : ااااااه عبدالرحمن هذي الغاليه
عبدالرحمن : شي احسن من شي يايبه صح ولا انا غلطان دامه اغماء افضل من الجلطه عافانا الله ....
ابوفهد : نعم صحيح ... يالله الحمدلله على سلامتها ..
راح عبدالرحمن يمشي باتجاه الدادا وام فهد .. : الحمدلله على سلامة ساره .. وان شاء الله هذي اخر مره تزورونها بالمستشفى ... وهي تعبانه ...
ام فهد : تسلم يايبه .. والله ماتقصر تعبناك معانا
عبدالرحمن : افا والله لاتقولين هالكلام يايمه .. انتي حسبة ام عبدالرحمن ...
ام فهد : الله يوفقك يايبه ....
رن تلفون عبدالرحمن ...
( طبعا نغمة كانت نغمة التلفون العاديه لانه شخص ماعنده وقت يشوف شنو يحط نغمه )
الغاليه ..
يتصل بك ..
عبدالرحمن : هلا يمه
ام عبدالرحمن : بشر يايبه ؟
عبدالرحمن : لا الحمدلله اغماء .. بسيط بس عشان اكلها قليل .. وماشابه ذلك
ام عبدالرحمن : عطني اكلم ام فهد
راح عبدالرحمن يمشي بأتجاه ام فهد : امي تبي تكلمج
ام فهد : ( بصوت حزين ) الو
ام عبدالرحمن : مرحبا ياام فهد
ام فهد : هلا يااام الغالي
ام عبدالرحمن : الحمدلله على سلامه ساره وماتشوف شر ان شاء الله
ام فهد : الله يسلمج ياقلبي ..
ام عبدالرحمن : يالله مااطول عليكم ...
ام فهد : مع السلامه ...
مدت ام فهد يدها عشان تعطي عبدالرحمن تلفونه ..
شوي الا باب العنايه المركزه مفتوح .. وطلعت منه ساره ..
يدفونها بالسرير المرضى ...
راحوا اهلها عندها يركضون .. اما عبدالرحمن .. راح يمشي حق اخر المرر ....
وكان يقول بقلبه .. ماتشوفين شر ... يالغاليه ...
انتبه لكملة الغاليه .. شلون طلعت من قلبه ..
نفض الافكار بسرعه عشان مايقعد يفكر ...
وراح يمشي حق ابو فهد لانه كان يناديه
ابو فهد : خلاص يايبه ... مشكور وماقصرت انت روح لخواتك هناك ماعندهم حد
عبدالرحمن : عندهم الله يدير باله عليهم
ابوفهد : معليه يايبه .. اللحين ساره بخير ونزلوها حق غرفة خاصه وبعد خمس ساعات بيطلعونها بعد مايحطون لها مغذي .. ويحطون لها دم ...
عبدالرحمن : انا ماني بطالع الا ليمن اتأكد انكم دخلتوا بيتكم وانكم بخير وبسلامه
ابوفهد : بس يايبه ...
عبدالرحمن : ماعليك مني ذيب ... انت روح لبنتك واقعد معاها .. وانا بقعد في الاستراحه انتظركم ...
راح ابوفهد غرفة ساره اللي كانت نايمه .. وكانوا موجودين ام فهد والدادا ...
وكانت موجوده النيرس عشان تركب حق ساره المغذي وبعدها بتحط لها قنينة دم .. لانهم مالقوا مثل فصيله ساره اللي هي A+ المهم ...
بعد حوالي ساعه ......
انتبه عبدالرحمن انه ام فهد وابو فهد والدادا واقفين عند غرفة الدكتور ... كل واحد يطلع والثاني يدش ..
راح عبدالرحمن يمشي لهم ...
عبدالرحمن : خير يايبه عسى ماشر.. وش فيها يدك ؟
ابوفهد : ماشي يايبه ... يدورون دم حق ساره ... انا فصيلتي غير .. وام فهد فصيلتها غير ... ومابقى الا الدادا روى ... وبنشوف ...
عبدالرحمن : زين ماعندهم فصايل هم ... من الدم
ابوفهد : يقولون فصيله ساره .. ماتتوافق الا مع نفس فصيلتها ...
عبدالرحمن : خلاص نشوف الدادا ...
طلعت الدادا ولكن للاسف .. كانت فصيلتها غير ...
انتبه عبدالرحمن لحزنهم الشديد على هالبنت .. اللي مايدري ليش يحبونها هالكثر ...وهو بعد مايدري ليش مختبص حاله على هالبنت
مشى ابوفهد عشان يكلم ولده فهد ...
وراح يلحقه عبدالرحمن : وين يايبه
ابو فهد : ( والحزن مالي عيونه ) بتصل لهم كلهم يجون يشوفون فصايلهم ... عشان ساره مستحيل اخليها جذي
عبدالرحمن : افا وانا وين رحت ؟
ابوفهد : انت لا خلاص تعبناك معانا بعد ناخذ من دمك
عبدالرحمن : ( حزت بخاطره هالكلمه ) خلاص يايبه على راحتك ...
راح يمشى عبدالرحمن .. اما اهل ساره .. راحوا لها فوق دش عبدالرحمن ع الدكتور وقاله انه يبي يشوف فصيلة دمه ... والمفاجأه ..انه فصيله عبدالرحمن هي a+
قال حق الدكتور انا بيتبرع بحيث انه اهل البنت مايعرفون من المتبرع ... شكر الدكتور عبدالرحمن على انسانيته الكبيره ...
وكان عبدالرحمن سعيده لدرجه ماوصفها لكم .. بالتبرع
مو عشان بس انه عمل خير ...
لكن كان فرحان .. انه الدم اللي يمشي بعروقه
بعد ساعه بيمشي بعروق ساره ... ( شوفوا الصدف كيف .. شتسوي .. صج لي قالوا ..رب صدفه خير من الف ميعاد)
خلص عبدالرحمن وطلع الدكتور حق غرفة ساره وكان فيه يده الدم .. عشان يركبه .. وخلاص ...
ابوفهد : من وين الدم ؟
الدكتور : اللحين فيه واحد تبرع بدمه وكانت الفصيله موافقه لفصيله المريضه ...
ابوفهد : ماقال اسمه
الدكتور : لا
ام فهد : الحمدلله ياارب .. الله يجزاه خير .. ويوفقه .. ويزرقه من حيث لايحستب ...
الدادا روى : امين ....
خلصت قنينه الدم .. والمغذي بعد ...
وصحت ساره ... حطوها على كسري متحرك ...
ونزلوها ...
ولما جاء ابوفهد يدفع الحساب ..
قالوا له انه الحساب اندفع .. وكان عبدالرحمن اللي دافع الحساب ...
قرب عبدالرحمن السياره ..
وركبوا ساره قدام ... الشي اللي ترك عبدالرحمن يطير من الفرح .. مايدري ليش؟!
راحت ام فهد والدادا يشترون العلاج حق ساره ..
وابو فهد راح يكلم الدكتور .. ويستفسر اكثر عن حالة ساره ..
يعني السياره محد فيها الا عبدالرحمن وساره ...
عبدالرحمن : ( وهو يلف على ساره ) ماتشوفين شر ..
ساره : ( انتبهة ان الصوت غريب عليه لفت بسرعه خياله ) انت منو .. ؟
عبدالرحمن : ( بأستغراب) ماتعرفيني ؟
ساره : انت من وين ياي ؟
عبدالرحمن : انا اللي موصلج المستشفى واللحين بوصلج البيت ..
وساره : ( وهي تبكي ) وين اهلي ..
عبدالرحمن : ليش تصيحين .. ابوج عند الدكتور وامج والدادا راحوا يشترون لج الدواء ...
ساره : ( قربت من الباب عشان تفتحته لكن عبدالرحمن قفل الباب من عنده ) ليش انا بنزل
عبدالرحمن : وين تنزلين تبين اطيحين على ويهج واتشوهين ..
ساره : مالك دخل ...
عبدالرحمن : لا والله اسف .. لي دخل ونص ..كل يوم بقعد اوديج المستشفى
ساره : مايسوي علينا وصلتني المستشفى .. قاعد اتمنن علي انت بتوصيلتك اسفين ياطويل العمر ماندري انك تعبان نردها لك ..ان شاء الله
عبدالرحمن : بعدين اشتكي لاابوج واقوله بنتك لسانها طويله
ساره : عدال انت يالمؤدب
عبدالرحمن : اللحين اللي يشوفج مايقول مريضه وداخل غرفة العناية المركزه وماادري شنو
ساره : قول ماشاء الله
عبدالرحمن : لا مب قايل
ساره : شنوووو ...
عبدالرحمن : مشكوره ع العطر الحلو ..
( لفت ساره ويهها عن عبدالرحمن ... اما عبدالرحمن فكان مستغرب شلون كان يتكلم مع وحده غريبه بهالطريقه )
عبدالرحمن : زين ولا تزعلين ماشاء الله ...
انتبه عبدالرحمن حق ابوفهد اللي جاء يمشي بتجاه السياره
فتح ابو فهد الباب اللي ورى ... عشان يركب ...
ساره : باباه ..
ابو فهد : هااه باباه
ساره : ابي اركب ورى .؟
ابوفهد : ليه باباه .. ؟
ساره : بس جذي ..
( عبدالرحمن في قلبه ... وش هالدلع حق هالبنت .. لا ماتقول يبه .. باباه ... ماألومها مربيتها لبنانية )
مشى ابو فهد عشان يفتح الباب حق ساره ..
فتح عبدالرحمن قفل الباب ...
لفت ساره على ابوها ... مسكت رقبته بيده الثنيتن
انتبه عبدالرحمن .. حق خصر ساره ... الخيالي بصراحه
لف بسرعه ... وقال بقلبه ( ماشاء الله كل يوم اشوف شي حلو في هالبنت )
ساعد ابو فهد ساره عشان تركب .. الا شوي ام فهد والدادا راكبين السياره ...
ركب بوفهد قدام ..
وشغل عبدالرحمن السياره ...
وكان يمشي على مهله .. ويلمح عيون ساره وهي نايمه وحاطه راسها على صدر امها ..
تمنى انه بدل امها في هذيك اللحظه ...
ولكن مايدري ليش ؟؟؟ !!!!!!!!





وقف عبدالرحمن السياره ...
وانتظرهم ليمن انزلوا ...
وراح يحط السياره في الباركينغ ...
دشت ساره غرفتها ...
وراحت في نوم عميق .. .لانه الوقت تأخر
وراح ابوفهد وام فهد للغرفه ....
ابوفهد : اااه ياام فهد والله اني فكرت ان ساره ماتت
ام فهد : لو ساره راحت من بين يدنا ... كاان والله ماعاد اقدر اعيش بعدها ..
ابوفهد: عيل انا شقول ؟؟
ام فهد : الحمدلله على كل حال ...
في غرفه عبدالرحمن ...
رمى نفسه ع السرير ...
( ااااااه كل هذا يصير في يووووم ..... !! مع من ؟؟ مع ساره ؟؟
اللي من اول ماشفتها وانا حالي مختبص ....؟؟ اااااه الله يستر بس
والله مادري هالساره وين بتوديني ؟؟ ))
الساعه 2:30 توقيت مدينة باريس ......
غرفة فهد ......
كان نايم بكره وراه دوام ...
في الحلم ...........
(( كانت نور تركض له ... لما وصلت وفتح لها يده .. راااحت عنه تركض حق واااحد ثاني .... ))
صحى فهد من الحلم ... يصااااارخ ......
دخل عليه علي بسرعه ....
علي : شفيك يافهد بسم الله عليك ؟
فهد : تعباااااااان ياعلي تعباااان
علي : نروح المستشفى ...؟
فهد : والقلب له مستشفى ؟؟؟
علي : والله يافهد من يوم شفتك وانت راجع حسيت فيك شي .. بس ماقدرت اتكلم وولدعمك موجود ....
فهد : ااااااااااااااه الله كريم ....
علي : انا مراح اجبرك تقولي اللي في قلبك ... لكن تأكد انه ماحد راح يسمعلك لين تخلص حتى لو اغيب عن الامتحان اللي مجأله انا لين بكره ... عاادي مستعد اقعد معاك ..
فهد : بقولك بس بعد امتحانك ... انت واايد اجلته ..لازم تمتحن
علي : توعدني ؟؟
فهد : ان شاء الله ....
علي : يالله ارقد ... انا رايح تبي شي ؟؟
فهد : سلامتك ......
رد فهد ينام ع السرير بس ماقدر ...
ماقدر ينسى الحلم ...
الحلم مزعج جدا ...
يااااااارب وش ذا الحلم .......!!!
في غرفة نور ......
طبعا نور النوم مازار عينها ..
من الالم .. والهم .. والتفكير
والحيره .......!!
بكت بكت بكت ... لين حست انه راسها بينفجر عليها ...
كانت تبكي على حالها .. ولاتبكي على ساره اللي ماتدري هي حيه ولا ميته ..!!
ولا تبكي على فهد اللي طلع منها زعلان ....
ولا تبكي على القرار اللي ماقدرت تتخذه ...
اشرف شمس فرنسا .. على نور .. والالم كل ماله يزيد
صلت نور صلاة الفجر .. وغفت عينها من كثر التعب ..
الالم يعتصر قلبها ...الهم اكبر منها ...
ماتبي شتسوي .......!!
في جامعه باريس ... للعلوم السياسيه
بعد الامتحان ...
فهد كان واقف قدام قاعة الامتحان لانه فهد امتحن وخلص لكن علي اجل الامتحان ... واليوم امتحان ...
فهد : هاااااه بشر ؟؟
علي : لا الحمدلله كل شي تمام ... دام انت المدرس ... اكيد بنجح
فهد : الله يوفقك يارب .. واشوفك معرس ..
علي : ااااااااه اميييييييييين والله ابتزوج ...
فهد : صج ؟؟؟
علي : أي والله صج .. واحد مايتمنى تكون فيه بنت في غرفته ...
فهد : أي والله انك صادق
علي : انت ماتبي اتزوج ؟
فهد : ( نزل راسه بكل الم وحزن ) ااااااااه خلها على الله
علي : والنعم بالله .. تكلم وانا اخوك
فهد : من وين ابتدي ...... ولا من وين انتهي
علي : وين ماتحب تتكلم .....انا مستعد اسمعك ... امش تعال نروح المطعم انا جوعان حدي .. نطلب ونقعد نسولف ...
فهد : يالله ......
لما صار الضحى .....
قامت نور من النوم ..
ركضت بسرعه تسبحت ..
وراحت ركيض حق بيت عمها
دق الجرس ...
افتحت الخدامه الباب
نور : وين ساره
الخدامه : داخل روم
راح نور لغرفه ساره ..
افتحت الباب لقت ساره .. نايمه ع السرير ...
جات نور وقعد جنبها ع السرير ..
كانت ثانيه رجل .. ورجل ع الارض
وكانت تسمح على شعر ساره ...
نور : ( وهي تهمس ) سارووونه
ساره : ........
نور : ساروووونه
ساره : .......
نور : سوسو سوسو سوسو
ساره : ( بصوت خفيف ) هاااه
نور: قومي طالعيني
ساره : ( وهي تعدل نفسها ) هلا نور
نور : صباح الخير
ساره : صباح النور
نور : شلونج ؟؟
ساره : بخير
نور : خرعتيني بصراحه ... نوم ماقدرت انام
ساره : هههه لا الحمدلله كل شي تمام ...
نور : خلاص اخليج اللحين تكملين نوم
ساره : تعالي اخبار .... ؟؟؟؟؟
نور : معليه ياساره بعدين نتفاهم ...
ساره : على راحتج ...
طلعت نور من غرفة ساره ..
وراحت تقعد بالصاله عند عمها بوفهد ...
لانها ماكانت حابه تروح بيتهم ...
ابوفهد : غريبه مب عادتج تقعدين بدون ساره
نور : لا عمي .. ساره نايمه قلت ايي اقعد معاك
ابوفهد : علي انا هالسوالف ...
نور : خخخخخخ شنسوي ياعمي ماابي اروح بيتنا
ابوفهد : قولي جذي من البدايه ..... انا رايحه يالله تبين شي ...
نور : شدعوه عمي اذا حضرت الملائكه ذهبت الشيطاين
ابوفهد : ( وهو مبقق عيونه ) شنوووووووووووووو
نور : لا اسفه والعكس صحيح ...
ابوفهد : الله يقطع سوالفج انتي بس
طلع بوفهد بعد ما طل على بنوته ...ساره
وتطمن انها بخير ....
في المطعم .........
فهد : وهذي كل القصه ياعلي ...
(( طبعا فهد قال حق علي عن حبه لبنت عمه .. وقاله لي حد اخر شي لما تكلم مع ساره ))
علي : انا بسألك ....
فهد : تفضل
علي : انا امس لما رحت بيتكم اسلم على ابوك شفت وحده ... بيضاء .. طوووويله .. فيها ضخامه شوي ..
فهد : انزين ...
علي : امممممم والله مب مضبط وش لابسه ...
فهد : يمكن ساروه اختي
علي : لا لا ماتشبهك ...
فهد : انزين ساروه ماتشبهي
علي : انا ساره اختك قد شفتها ... عيووون ساره اختك كبيره وناعسه مرره تقول شو وبتنام عليك
فهد : ايييييي هذي هي بنت عمي ...
علي : صحيح ؟؟
فهد : أي والله ...
علي : اهاا ...
فهد : لا مافيني شي ...
علي : انا لو منك اروح لها اللحين واتفاهم معاها على الصغيره قبل الكبيره ...
فهد : تهقى
علي : اهقى ونص بعد
( راح علي حق الشباب .. وفهد راح حق بيتهم ... )






  #2  
قديم 08-21-2008, 09:31 PM
 
رد: رواية حب (دنياي عقبك ماسوت ربع ساعه)

وين التكملة
  #3  
قديم 08-24-2008, 04:18 AM
 
رد: رواية حب (دنياي عقبك ماسوت ربع ساعه)

خيال الرواية رهييييييييييييييييبة.............
  #4  
قديم 01-15-2009, 10:24 PM
 
رد: رواية حب (دنياي عقبك ماسوت ربع ساعه)

أين باقي القصة أخي الفاضل
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
الكتب الممنوعة (قائمة) اقبال تحميل كتب مجانية, مراجع للتحميل 130 03-02-2009 10:38 PM
رأيي في رواية بنات الرياض بعيداً عن الوصاية الفكرية hosam_e7e قصص قصيرة 3 10-15-2007 10:10 PM
رواية ( البيت المائل) آغاثا كريستي ***peer dagher*** أرشيف المواضيع الغير مكتمله او المكرره او المنقوله و المخالفه 5 07-26-2007 04:17 AM
بين رواية ( بنات الرياض ) .......ورواية ( بنات بيت حانون ) .........دعوة للمقارنة الداعية ختامه مسك 11 11-21-2006 02:31 AM
رأيي في رواية بنات الرياض بعيداً عن الوصاية الفكرية-مكرر hosam_e7e أرشيف المواضيع الغير مكتمله او المكرره او المنقوله و المخالفه 0 07-12-2006 12:45 PM


الساعة الآن 04:00 PM.


Powered by vBulletin®
Copyright ©2000 - 2024, vBulletin Solutions, Inc.

شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011