عيون العرب - ملتقى العالم العربي

العودة   عيون العرب - ملتقى العالم العربي > ~¤¢§{(¯´°•. العيــون الساهره.•°`¯)}§¢¤~ > أرشيف المواضيع الغير مكتمله او المكرره او المنقوله و المخالفه

أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه.

 
 
LinkBack أدوات الموضوع انواع عرض الموضوع
  #56  
قديم 09-28-2009, 06:05 AM
 
رد: معذبة قلوب الرجال رواية رومنسية مره

مشكوره بارت رااائع ننتضرك
  #57  
قديم 09-28-2009, 08:41 AM
BAD
 
رد: معذبة قلوب الرجال رواية رومنسية مره

لا بليزز تكفين طلبتك كمليها
__________________
*

لا شَيءءء يستَحقُ الإثاره مطلقاً !
  #58  
قديم 09-28-2009, 07:08 PM
 
رد: معذبة قلوب الرجال رواية رومنسية مره

البارت يهبل ماطولي بللللليييييييز
  #59  
قديم 09-29-2009, 03:36 AM
 
رد: معذبة قلوب الرجال رواية رومنسية مره











الجـــــــــزء الرابـــــــــــع عشــــــــ14ـــــــر
عبير علامات الاستفهام فوق راسها..من هذا..؟..كل شي بيبن


عنــــــد سلطان..
دق على عزوز
عزوز:امداق تشتاق لي
سلطان بـ جديه:عبدالعزيز...خويلد عند فيصل الحين تعال معي
عزوز كن السالفه ماعجبته:سلطان انا قايل لكم ماعلي منه..انا فـ حالي وهو في حاله
سلطان:انت ماتدري شلون هو يستغل اخونا..
عزوز:هو ماأستغل احد..هذي رغبة فيصل..
سلطان:انت الكلام معك ضاااااايع
وسكر في وجهه

عزوز:الله يهديك ياسلطان..
بدر:وش فيه
عزوز:مشكله في الشركه لاتشيل هم انت


فيصل يحاول يصبر نفسه:يايبه افهمني.انا توني معطيك 4000ريال قبل ..وين راحت؟؟
ابو فيصل:الحين جاي تحاسبني..يقالك تكد علي انت وامك..انا جاي اطلب حلالي اللي اخذتوه..
فيصل يتنهد:والله ان هـ الفلووس كلها حقت امي موضي
ابو فيصل:انا مايقهرني الا لي قلت امي..مهيب امك,,امك جواهر وبس
فيصل:طيب والمطلوب الحين؟
ابو فيصل:انا ابغا 10,000ريال الحين
فيصل:انا بعطيك بس ليش؟؟
ابو فيصل:مالك دخل..ياأنك رجالـن عطني ولا بينا المحاكم..
فيصل...استغفر الله..بس
ابو فيصل:هاه شقلت
فيصل:انا موافق..بس ليـش؟؟
ابو فيصل:ياخي انت وش دخلك..من مفروض يحاسب الثاني..ببني مسجد عندك شي

في هـ الحظه دخل سلطان
سلطان:السلام عليكم
فيصل:وعليكم السلام
سلطان عطى ابوه نظره من فووق لين تحت
ابو فيصل:ولا كني ابوك؟
سلطان:لا تخليني اتكلم
ابو فيصل:صدق ان موضي ماعرفت تربي..اقول ورا ما تطلع برا..
سلطان:لا عرفت..ولا راح اطلع..وبـ أمر مين؟
ابو فيصل:بـ أمري انا
سلطان:اعتقتد ان احنا عطيناك حصتك من الورث..اللي انت اصلا مالك حق فيه..
ابو فيصل:هههههه على بالك الحين بتفتك مني؟؟
فيصل:سلطان ممكن تخلينا؟؟
سلطان:لا انا جاي اليوم اللي بقول كل شي له..هـ الفلووس حقت امي موضي انت مالك حق
ابو فيصل التفت على فيصل:طيب ليش هـ الغريب ماسك شركتكم؟؟..مومعقوله عشانها حقت امه.....كلـن يدور مصلحته في هـ الزمن
سلطان:فيصل موب غريب..انت الغريب
ابو فيصل:شكل موضي ماعلمتكم
سلطان:ماعلمتنا..؟؟
ابو فيصل:مانيب قايل شي...عطوني حصتي ولا رحت طلبتها من ام سلطان
وناظر فيصل
فيصل..آآآآآه بس...استغفر الله
سلطان:اسمها ام فيصل...هذا اولا..بعدين وش لك عندنا..عشان تطالب فيه
ابو فيصل:ان شالله انا طالع بس لي رجعه..رجعه باخذ لي حقي فيها
فيصل:يبه اقعد..سلطان ممكن تخلينا لحالنا
سلطان:فيـ
فيصل:عشان خاطري
سلطان:ان شالله
وطلــــــــع
فيصل:يبه احنا نحل كل شي بـ الهداوهـ..
ابو فيصل:طيب ماقلنا شي..انا من مشت شركتكم وانا اخذ منك الفلوس بالقطاره..
فيصل:طيب انا بعطيك اكثر من 10,000بس لاعاد تطلب
ابو فيصل:ومن انت عشان تقولي كذا..انت مجرد غريب..انت مو ولدهم..الشي الوحيد اللي يربطك فيهم انا..وانا خلاااص مابيهم تبريت منهم
فيصل كان كلااام ابوه مثل الطعنات
ابو فيصل:اتركهم..لايغرك لي قالت لك موضي ولدي..انت موب ولدها..رحت ولا جيت فوق لاتحت..بتضل فيصل ولد جواهر..موب موضي
فيصل:يبه ..كم تبي؟؟
ابو فيصل:اسمعني..انا كنت بقولك شي...بس انه مو للـ صالحي..
فيصل مافهم شي ابد
ابو فيصل:انا ابي 700,000
فيصل:نعم؟؟..وس بتسوي فيها؟؟
ابو فيصل:مالك شغل
فيصل:لا مارا ح اعطيك؟؟..ان اكنت اعطيك على 4000..000بس الحين انت تعديت الخط الاحمر
ابو فيصل:اجل بقول للـ أم سلطان..وانت تعرفها..من تسمع خـالد..ماتتحمل..ولا تموت امك اللي باز فيها
قال "امك" بـ سخريه
فيصل:اسمح لي يبه...مقدر
ابو فيصل:والله ان تندم...فكر
فيصل:يبه انا شسويت لك..عشان تسوي فيني كذا؟؟...تراني ولدك
ابو فيصل:لا بارك الله فيك ولا فـ الساعه اللي شفتك فيها..وش ابي بك..الولد ماينفع ابوه اذا ماعنده فلووس
فيصل كان متحمل..ومارد لأنه مهما كان هذا ابوه
ابو فيصل:ماراح اعطيك..ولو عطيتك..بترجع بعد شهرين ولا شهر..وبتقول عطني..
ابو فيصل يقووم:بتندم..صدقني.
وطلـــــــــــع
فيصل:آآآآآآآآآآآآآآآآآآآآآآآه...ياربي...ياربي مالي غيرك ساعدني



في البيت عند عبير..
رن الجرس

شوي وجتهم منى
منى:هلللللللووووووو
عبير:اهلاااا
منى:كيفك؟؟
عبير:تمام انتي؟
منى:تمام
عبير:دوووووم يارب
منى:يسلمك ربي..اممم..وين نوف وامي
عبير:امي فوق ونوف..مدري نزلت تو ومدري وين راحت
منى:اهـااا
خذت عبير مجودي وباسته


كانت نوف في غرفتها..عايشه بـ جو من الحزن..كان ضايق صدرها من هـ البدر..اللي مو ب حاس فيها..!

الحين صار له يمكن 3 ايام مادق..العاده يدق كل يومين اذا طوول..!
صحيح انه اتصل مرات قليله وتنعد ع الاصابع..بس صارت تفقدهـ..
شمعنى الحين فقدته؟؟
لاني عرفت اني مو الانسانه المقصوده بالشعر.؟؟..آآه بس

تذكرت لو انها لها

جربت نسيانك وجربت ذكراك
واحترت ما بين الوهم واشتياقي
احيانا اسولف بك وانا قصدي انساك
واحيانا احس انك معي في فراقي
وان جيت اببعد يا بعد عيني
القاك انت الوحيد بها القلب باقي


اكرهك يابدر...!بس احبك..!


سمعت صوت الباب يدق مسحت دموعها وراحت تفتح
كانت عبير
عبير:نوفي قلبووو...ليش جالسه هنا؟؟..تعالي..كلن بيجي اليوم
نوف:كلن؟
عبير:خالتي ام احمد دقت...وخالتي ام بدر..ووحده ماأعرفها
نوف من سمعت بدر ضاعت علومها

نوف.:......
عبير:نوف!
نوف:هاه..أأيمكن تقصدين خالتي وفاء..
عبير: من هذي؟؟
نوف:ماعلينا تعالي تحت
نزلوا تحت


طلع فيصل من الشركه مهموم...ضايق خلقه..هو وش سوا في حياته عشان يسوي به كذا؟؟
وش ذنبي يبه مدام ماعندي ام ....ولا ابو؟؟..جاي تعايرني..
كانت كلمة ام سلطان تحسس فيصل انه ع الهامش...هو موب من النوع الحساس..بس هـ الشي يجرحه...
ركـــــب سيارته..ومشى للـ بيت


في هـ الحظه جت ام احمد..وام بدر وايمان
عبير:السلام عليكم
الكل وعليكم السلام
سلموا نوف وعبير...شوي وجت ام احمد..
وجلسوا يسولفون
ايمان:اقوول عبير..انتي شهر عسلك للـ شرقيه؟؟
عبير حست ان وراها شي..بس ردت بـ أدب
عبير:امممممممم مو مره
ايمان:عاد تصدقين كلنا متوقعين ان فيصل كان بيودي مرته للـ مكانن يواجه
يعني فرنسا ولا بريطانا..من هـ الاماكن اللي هابين فيها الناس
عبير...شقصدها ذي؟؟..يعني الشرقيه مكان مايواجه؟؟
دلال:لو كنت انا كان يمكن وداني..بس غيري ماأظن
عبير انقهههههههههرت
ايمان:الله يجيب المطر يابنيتي
عبير:مو مهم المكان اللي بنروح له..اهم شي اني بكوون مع زوجي..وش ابي اكثر من كذا
ام فيصل:هي صادقه
ام احمد:والله انا عندي ازوج بنت يواحدن يريحها ولايسفرها مهوب واحدن يسفرها وهو مايدري عن هوا دارها
ام فيصل:اهم شي انهم مرتاحين..تسوا عندي الدنيا ومافيها
ايمان وبنتها ماااااتوا قهر
عبير ميد امها:الله لايحرمني منك
دخل فيصل وتغطت غاليه..
فيصل:السلااام عليكم
الكل:وعليكم السلااام
فيصل ناظر عبير وابتسم لها..
دلال ماتت قهر للـ مره الثانيه
راح وجلس وضرب المكان اللي بجنه على خفيف على انه تعالي اجلسي بجنبي
قامت عبير وطالعت دلال اللي كانت تناظرها بـ قهر...وجلست بجنبه
فيصل سلم على خالاته..وبعدها كلن جلس يسولف في حاله
سند فيصل راسه ع الكنب عشان يقدر يسولف مع عبير
فيصل:اخباار القمرات؟؟
عبير:تمامات..
فيصل:وش سويتي بدوني؟
عبير:خخخخخ ابد بس جلست البس واصلح شعري وبعدها جوو
فيصل:افاا يعني محد اشتاق لي ابد
عبير:هههههههه الا في ناس كثار..
فيصل:انا ماهمني الناس اهم شي انتي فقدتيني ولالا؟
عبير:..........
فيصل:لالا ماأتفقنا على كذا...اعترفي
عبير:ههههههههههه اتفقنا؟؟..متى
فيصل:ياالله قولي..في وحده هنا اسمها عبير اشتاقت لي؟؟
عبير:يووووووووهـ ماجبت القهوه؟؟
فيصل:ههههههههههه مابي قهوه..تكلمي
عبير قامت بس فيصل مسكها..
عبير:فيصل عيب بجيبها..
ام فيصل:هو!...وراتس قمتي؟
عبير:بجيب القهوه..
ام فيصل:وشو له؟
عبير غمزت لها
ام فيصل:اييييييه طيب طيب روحي
وراحت وهي تضحك على فيصل..اصلا هي ماتعرف تصلح قهوه بس كذا عشان تنحاش..
دخلت للـ مطبخ وأشرفت ع الشغلات ولو انها ماتدري وش السالفه.خخخخ
.......:هههههههههه..حلووه القهوه اللي تسوينها
التفت عبير لقت فيصل وراها..
عبير:هههههههههههه
فيصل:لا جد تعرفين تسوين قهوه؟؟
عبير استحت..وش تقول
عبير:أأ...يعني لازم الاحراج؟؟
فيصل:قولي عادي
عبير:لا
فيصل:اوكي..اعلمك؟؟
عبير:هههههههههه انقلبت الايه..الرجال يعلم الحرمه
فيصل:هههههههههههههههههه
عبير:تعرف؟
فيصل:اممممممممممممممم.......لا
عبير:لاوالله؟
فيصل:ههههههههههههههههه ايه والله ماعرف
عبير:لا جاي بتعلمني؟
فيصل:يس
عبير:ههههههههههه
فيصل يتأملها وهي تضحك
عبير استحت..ولفت وجهها..
فيصل:ترا صار لنا شهر ونص متزوجين..ليش الحيا؟؟؟
عبير:لا بس..........................
فيصل:لا لا انا لازم القى لك حل..مع هـ الحيا
عبير:ترا مايمدحون البنت الجريئه
فيصل:بس انا احبها..
عبير توترت من قربه....كان قريب مره
عبير:ترا في شغالات
فيصل:ماشوف احد
التفت الا فعلا مافي احد..ياماما..لالالالالالالا
فيصل يقرب منها:عبير تدرين اني ..............
............:احـــــــــــــــم...انا جايه ابي مويه
التفتوا لقوا دلال
عبير مااااااااااااااااااااااااااااااااااتت قهر
فيصل..انا لله وانا اليه راجعون
عبير كان ودها تعرف فيصل وش كان بيقول؟؟
بس دلال ماتخلي واحد في حاله
دلال:سووري ع المقاطعه بس كنت ابي مويه
فيصل:لا عادي.."يكلم عبير"..اوكي قلبوو..انا رايح فوق تبين شي؟
عبير لين الحين مقهوره:سلامتك
فيصل:الله يسلمك...
عبير مرررررره استانست على كلمة "قلبووو"..والاحلى انها جت قدام دلال
توها بتطلع عبير...بس ماحست انها مقصووده..كلمة قلبوو للـ عبير..
دلال:لاتظنين اني بخليك تتهنين بـ خطيبي.ياخطافة الرجال
عبير مصدووووووومه منها
دلال:ترا فيصل يحبني..وانتي مجرد صفر ع الشمااال
عبير:هههههههههههههههههههههههههههههههههههههههه
دلال:ممكن اعرف ليش تضحكين؟
عبير:لانك خرفتي وانتي توك...مسكينه..وفيصل مالقى الا انتي؟؟
دلال:وش فيني
عبير:يامااماا..اللي عنده القمر ..وش له بالنجووم...ولو ان كلمة نجووم تخب عليك
دلال:اقول احترمي نفسك...ترا بتندمين
عبير:انا ماأسكت لك خوفا منك .......لااا حطيني على بالك زين...مو عبير اللي تسكت عن هـ الاشكال...انا بس محترمه امي
دلال:.............
دلال.......حتى ولافكرتتجمع امي بـ الغلط
عبير مرت من عندها وهي رافعه راسها
دلال:اوكي ياعبير...ورينا شطارتك


جلس فيصل ع السرير تعبااااااااااان...ابوه موب راضي يتركه في حاله
يالله انك تصبرني..


جلسوا الحريم سوالف وضحك...وعبير ونوف وغاليه ودلال مع بعض...


مـــــــــــــــــــــــر الوقت وراحـــــــوا الضيووف


راحت عبير للـ غرفه..
ونامت لان بكره وراها سفر



عنـــــــد منال..
كانت تسولف مع طلال..




قامت عبير من بكره..الساعه 2 على صوت جوالها..
جهزت اغراضها..

ونزلت تحت...




عند هيا ومشعل..كانت هيا تطبخ
مشعل:هيووونه..انا بطلع مع طلال ونيوووف تبين شي؟؟
هيا:لا
مشعل:الله يسلمك هع
هيا تذكرت:هههههههههه معليش نسيت..سلامتك
مشعل:عادي ياقلبووو
هيا ابتسمت..بس غصب:بتجي للـ غدا
مشعل:هو انا اقدر افوت غدا مع حبيبتي هيوونه؟
هيا :اوكي..!

طلـــــــــع...!


منال:
وآآآآآآآآآآآو..مره نايس التوبيك حقك


Girl..im asken could b my gueen??:
ثانكس..

منال:
يو ولكم هع

Girl..im asken could b my gueen??:
اوكي انا طالع تبين شي؟؟

منال:
سلامتك...بس مو بدري


Girl..im asken could b my gueen??:
بدري من عمرك..بس الربع >>مره ثانيه؟؟

منال:
خخخخخخخخخخ اوكي...قوود باي

Girl..im asken could b my gueen??:
بايات


طلع طلال...
ورآآح يمر نايف...


نزلت عبير تحت..وقالت للـ شغاله تنزل الاغراض
كانت لابسه عبايتها وخالصه...بس مابقى الا يقولها فيصل ...يالله

ام فيصل:الله يحفظكم يارب...تروحون وترجعون بـ السلامه
عبير:الله يسلمك
سلمت عبير على عزوز وسلطان ونوف ومنى ومجوودي
عزوز:ترا هاااه...ان ماجبتي لي هديه ياويلك
عبير:ههههههههههههههههههههههه ان شالله

نزل فيصل..وسلم على اهله..
وركبوا السياره...لان وراهم طريـق طويــــل


طلع نايف من البيت لان طلال كان عند الباب
نايف:السلام عليكم
طلال:وعليكم السلام
نايف:اخبار القاطعين؟
طلال:انا قاطع؟؟
نايف:لا اللي وراك...ايه انت...في غيرنا؟؟
طلال:هههههههههههههههههه اعصابك...بس الدنيا مشاغل
نايف:اعترف وش شاغلك عننا
طلال:ابد...طايح لك طيحه في النت...تقول قروي توهم يعلمونه ع النت مافكه
نايف:هههههههههههههههههه..من جد
طلال:ههههههههههههههههههههههههههه
نايف:انا كل ماأشبك اشوفك اون لاين...وش عندك؟
طلال:ابد
نايف:اعترف
طلال:هههههههههههههههههههههههه بحث
نايف:ههههههه تلعب علي..تراك متخرج
طلال:لا بس...تعرف النت اللي يطيح فيه مايفكه
نايف:اييييييييييييه..الا تعال ابي اسألك..من زماان بس مافي فرصه
طلال:هلا
نايف:انت وش سالفتك يوم تسألني عن مشعل ومرته
طلال:خلاااص اسنى
نايف يتذكر:انا اذكر اني سمعت احد ذاك اليوم
طلال:والله؟؟... وشو؟؟
نايف:مدري ماأذكر اني شفته زين بس شفت احد
طلال:حاول تتذكر
نايف:مدري شفت احد...
طلال فكر يمكن هيا؟؟...كل شي جايز..مدري
جلس نايف يحكي له عن اللي شافع وسمعه ذاك اليوم
واتضح كل شي للـ طلال...


فيصل:تبين تفطرين؟؟
عبير:ماأشتهيت شي الحين..بس خل نشتري لأننا لو بنمسك خط الشرقيه ماراح نلقى مطاعم
فيصل:صح...وانا بعد ماودي
لاحظت عبير ان فيصل ماسك خط مألوف لها..او طريق بـ الاحرى..
عبير:وين؟؟
فيصل:ماراح تسلمين على ابوك؟
عبير كن ماودها:اوكي

وصـلـوا للـ بيت سعد
دخلــــت عبير اللي كان معها المفتاح
سمعت صوتهم
يتكلمون
عبير:السلااام عليكم
سعد+سميره:وعليكم السلام
جلست عبير وجلس بجنبها فيصل..طبعا بعد ماسلموا
عبير:كيفك يبه
سعد:الحمدالله يابنيتي..انتي شلونك؟؟
عبير:بـ خير ونعمه الحمد الله
ناظرتها سميره بـ غيره....لقطت كلمة نعــــــمه...
عبير ماعطتها اي اهتمام...
فيصل:انتبهي على كلامك..لا اليحن نصير ع الحديده
عبير ابتسمت على تعليقه
عبير:يبه انا وفيصل الحين مسافرين..
سعد:ماشالله على وين؟
عبير:الشرقيه..والبحرين
سعد:وكم بتجلسون؟
عبير:امممممممممم اسبوع او 5 ايام على حسب
سعد:ايه ترجعون بـ السلااامه
عبير:اجل انا اترخص
سعد:مع السلامه
عبير انقهرت...يبي الفكـه


طلعــوا من عنـده
في السيـــــــــــارهـ
فيصل:هههههههههههههههههه والله فله..اقصر زياره بـ العالم..بس فله
عبير:وشو ؟
فيصل:ابـوك؟
عبير ناظرت براا:مع ويـن ياحسره؟
فيصل:انا لو عندي علل..مستحيل بـ قول له اطلع براا
عبير:بس ابوي ماقال اطلعوا برا
فيصل:ادري..بس وضح لنا
عبير:.............
فيصل:بس جد ابوك مافي فراااااامل ابدااا
عبير ماقدرت:ههههههههههههههههههههههههههههههه...
فيصل:هههههههههههههههههه



عنــــــــد دلال اللي كانت مقهوووووره من عبير...
جتها فكره تنتقم فيها من عبير..والله لخليك ياعبير تتحسفين من قلبك لانك بس رفعتي صوتك علي...
نــــزلت تحت للـ أمها
اللي كانت تكلم...
قررت انها تنتظرها ليييين تخلص

عنـــــــــــــد فيصل و عبير
فيصل كان يسووق وهو ساكت وعبير نفس الشي..!
ومشغل اغنية...
والسكــــوت كان عـــام المكان وهـ الشي ازعج عبير..صوت المسجل بس هو اللي يشتغل..
عبير تنهدت
فيصل:وش فيك؟؟
عبير:.مافيني شي بس..مدري..ابي شي بس مدري وشو..هع
فيص:ياشين هـ الحاله...
عبير:خخخخخخخ
فيصل:اوكي طيب سولفي..!
عبير:امممممممممممم وش اقول؟
فيصل:عن الجامعه..او المدرسه اول..سوالفك انتي وبنات عمي..يعني
عبير:مافي شي مثير في الجامعه او المدرسه..او أي شي
فيصل:طيب..وشو..وشو..وش نقوول
عبير سندت راسها ع المرتبه
فيصل:اسمعي هـ الاغنيه طايح فيها..رهيييييييييييييبه
عبير:وشي؟؟
فيصل يدور الشريط...:وينه ؟؟؟...اتنسي
عبير:للـ مين؟
فيصل:لالالا مفأجه
عبير:مفأجه؟؟..انا اعرف مفاجاه
فيصل:خخخخ لا هذي بـ قاموسي
عبير:ههههههه..
فيصل:ياأنا ياهوو..... بلقااه
عبير:طيب ركز في السواقه احسن لك
فيصل:لا انا قلت بلقاه يعني بلقاه
عبير:طيب جديده الاغنيه
فيصل:لالا مو مره..بس حلووه
عبير:اوكي
فيصل لقااه:ايووووووووه..اسمعي...
وشغلها



.
Every time you're near I feel like I’m in heaven, feeling high
I don’t want to let go, girl.
I just need you to know girl.


I don’t wanna run away, baby you’re the one I need tonight,
No promises.
Baby, now I need to hold you tight, I just wanna die in your arms


Here tonight



Hey baby, when we are together, doing things that we love.
Everytime you're near I feel like I’m in heaven, feeling high
I don’t want to let go, girl.
I just need you you to know girl.



فيصل يناظر عبير:I don’t wanna run away, baby you’re the one I need tonight,
No promises.
Baby, now I need to hold you tight, I just wanna die in your arms


سكرت ايمان التلفون..
ايمان:وش تبين؟
دلال:امممممممم...تذكرين ذاك اللي متقدم لي؟؟
ايمان:ايه ..وش فيه..عساتس وافقتي عليه
دلال:وش رايك نحوله على غاليه
ايمان:غاليه...وانتي ...مهوب انتي اكبر منها
دلال:الا بس انا ابي فيصل يمه
ايمان تنهد:يادلال ياحبيبتي...فيصل تزوج..خلاااص
دلال:يمه انتي ماتدرين...انا سمعته امس يقول ميد خويه انه مايحب عبير حتى انا مره سمعتهم..لم كنت رايحه للـ مطبخ يتطاقون..وانهم يكرهوون بعض
ايمان:لاوالله انا شفتهم سمن ع العسل
دلال:قدامكم بس...بس والله انهم مايطيقون بعض..حتى فيصل يقول..انه بس يصبر عليها..شوي...وبيطلقها...عشان بس السمعه...لاهو موب صابر عليها عشان سواد عيونها...هي اصلا ماتنتعاشر...
ايمان:يعني انتي ماتبين العريس اللي جايتس
دلال:خليه للـ غاليه..تراه ماينرد
ايمان:بس هم جايين لتس انتي
دلال:يمه..انتي هنا يجي دورتس
ايمان بتردد:بس عزوز يبي غاليه...
دلال:بتزوجين بنتتس ذا المريض؟؟..ترضينها لها؟؟
ايمان جازت لها الفكره:والله انتس صادقه
دلال:ايه يمه ابغاك كذا..
ايمان:خلاااص..!


راحت دلال للـ غرفتها مبسوووووووطه...لانها بتنتقم من عبير...
انا اوريك ياعبير..مو دلال اللي ترفعين صوتك عليها..!!


فيصل:كيف الاغنيه؟؟
عبير:حلووه
فيصل:يوم اقولك
عبير:من مغنيها؟؟
فيصل: shayne Ward
عبير:اهاا..حلووه.
فيصل:في له اغنيه ثانيه..اسمها If That's Ok With You
عبير:حلووه؟؟
فيصل:ايه...بس ماعندي شريطها
عبير:عندنا فيصل..
فيصل:هههههههههههههههههه ياليت والله بس ماحفتها
عبير:اممم..عاد جا براسي بسمعها..
فيصل:والله لشتري لك شريطها..بس صبر خل نوصل
عبير ماااااااااااااااات فرحه



كانت نوف طالعه براا بالحووش وتتمشى..وتفكر في بدر..اللي صايير ماخذ كل تفكيـــــــــــــــــرها

مادق.صار له فتره مادق...بدر هذا مقدر افهمه


راحـــــــت للـ غرفتها...
وجلست ع النت..ماتدري وش تسوي..تحس ان الدنيا ضااقت بها
من زمــــــان وهي ضايقة بها


عند عبير وفيصل..ياكوونون ساكتين.او يسمعون اغنيه..طووووول الطريق


رجــــــع طلال من عند نايف ومشعل..
كان في ام طلال وابو طلال.
طلال:السلام عليكم
امه وابوه:وعليكم السلام
طلال:اخباار وعلوم؟؟
ام طلال:الحمدالله ...انت شلون..شلون عيال عمك؟؟
طلال:الحمدالله..يسلمون عليكم
ابوه وامه:الله يسلمك ويسلمهم
طلال:اجل انا بروح فوق تامروني بـ شي؟
ام طلال:وش عندك كل ماجيت رحت فوق؟؟
طلال ابتسم:شغل
ابو طلال:شغل على الكبيوتر..!
طلال:ايه...
ام طلال:الله يوفقك..!

وراح فوق

اتصل على هيا
طلال:هلا هيونه
هيا:هلااوالله وغلا
طلال:ابغا اشوفك..
هيا:اوكي..متى؟
طلال:براحتك
هيا:امممممممممم..الحين بتغدا مع مشعل...لين خلصت..بينوم بدق عليك
طلال:اوووووكي..يالله اخليك
هيا:بايوو
طلال:بايات
وسكر منها..ودخل المسنجر
ولا لقى منال...
امممممممم...يمكن بـ الليل تدخل
سكر ايميله..لانه صلا داخل ظهور دون اتصال اذا هي فيه ولا ماكلم احد

وطلــــــــع..!!


نــــزل تحت..
سمع صوت شي بتكسر..
نزل بسرررعه يركض..
لقى امه طايحه وماسكه..تحفه..ومكسووره في يدها
طلال:يمه يمه..بسم الله عليك..!
ام طلال تتألم
طلال:يمه امشي معي للـ مستشفى
ام طلال:لالا ماله داعي..
طلال:يمه الله يهيدك امشي معي بس..انتي فيك سكر..
ام طلال:قلت لك ماله داعي
طلال:يمه عشان خاطري...تكفيــــــــــن
ام طلال:بس انـ.......
شالها طلال..ولا خلها تتكلم..
طلال يصارخ:نـــــــــــــــــــــــــــــــــاديه
ماترد
طلال:نــــــــــــــــــــــــــــــــاديه..
ناديه من فوق:نعم..نعم..!
طلال:يجبي عباية امي بسررررعه
ناديه:ليش..
طلال:بسررررررررعه
راحت تجيب العبايه..لبستها وسرررررعه راحت للـ مستشفى..!





نص ساعه او ساعه الا ربع..
خلصت هيا من الغدا
هيا:اقول مشعل؟؟
مشعل:عنونه
هيا:انت بتنووم صح؟؟
مشعل:امممممممم..لا
هيا:طيب طلال داق علي..ويبيني اطلع معه..يبيني بـ شي
مشعل:اوكي..روحي..
هيا ابتسمت له..
قامت وراحت دقت على طلال..بس مايرد
دقت ثانيه...............مايرد

دقت ع البيت...ردت ناديه
ناديه:آلووو
هيا:هلا ناديه...كيفك
ناديه:بـ خير...............
هيا..؟؟...:وين طلال؟؟
ناديه:هاه..؟
هيا:هو.....ناديه...وين طلال؟
ناديه:موب هنا...طالع
هيا:طيب ادق عليه مايرد..
ناديه:يووه ياهيا الله يهديك وانا وش دراني
هيا:ليش معصبه طيب؟؟
ناديه:مو بمعصبه بس انتي الله يهديك
هيا:طيب امي وينها؟؟
ناديه:طاالعه
هيا:ميب عاده تطلع الحين..وش عندكم ..
ناديه:لا مافي شي..بس امي مسكت معها بتطلع..
هيا:والله مدري عنك...المهم قولي لها اني دقيت..وقولي لـ طلال..
ناديه:ان شالله.......باي
هيا:؟؟؟
ناديه:باااااااي
هيا:باي بسم الله...

وسكرت


عنــــــد فيصل وعبير
كانوا يسولفون..بس الاحترام هو اللي كان سائد بينهم..يعني بشكل رسمي..
صحيح ان فيصل عليه طلعات..بس مايمنع انه ماعملها كـ زوجه...



فيصل:بس حمد هذا انسااان..بايعها بـ تبن
عبير:ههههههههههههههههههههه من جد..موب صاحي
فيصل:تصدقين ودي اخطبه للـ نوف؟؟
عبير:ههههههههههههههههههههه خطابه ماشالله
فيصل:هههههههههههههههههههههههههههههههههههههههههه..ب س جد..مانيب لاقي احسن منه
عبير تذكرت ان نوف تحب بدر:ماأظن توافق
فيصل:ليش؟
عبير:مدري..احس كذا..
فيصل:حمد ماينرد..والله ان خطبها..اقوله خذه االحين
عبير:ههههههههههههههههههههههه حشى ميب بنت...لبس ولا جزمه..
فيصل:ههههههههههههههههههههههه من جد
بـــــــعد صمت
عبير:فيصل
فيصل:هلا
عبير:امممممم تعبت من السواقه؟
فيصل:لا..ليش يعني لو تعبت..بتسوقين بدالي؟؟
عبير:ههههههههههههه تخيل....والله فله
فيصل:والله انا ماأأيد قيادة المراءه
عبير:ليش؟
فيصل:حرمه تمشي لـ حالها في الشارع بدون رجال..ماخشت مخي
عبير:بس انا نفسي اسووق
فيصل يبتسم:ان شالله بـ البر
عبير رجعت لها الذكرى يوم بالبر
وابتسمت
فيصل كنه قرا افكارها وماااااااات ضحك:هههههههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههه
عبير:هههههههه..والله انك سخييف
فيصل:بس فلــــــه...ياليتني اقدر ارجع الوقت..
عبير:.........
فيصل:ودي اضمك ثانيه
عبير:...............
ماتدري اني انا بعد ودي...بس........آآخ يالقهر...زوج وبس
فيصل:والله كل ماأذكر اضحك..
عبير:هههههههههههههههههههه


ناديه كانت خايفه على امها...
فـ الاخير رن التلفون..
ناديه:آلووووووو







________________________--
وش انطباعكم عن ابو فيصل؟؟..حبيتوه؟؟>>ايه مرره

خخخخخخخ

وخطة دلال..في احد قدر يجيبها؟؟..ولالا؟؟...


ابغا رآآيكم..

تعليقاتكم..

مدحكم>>اهم شي
__________________
أفضل تعـريف لذاتك ..
أنك لست أفضل من أحد ، ولسـت كأي أحد و لست أقل من أحد!
  #60  
قديم 09-29-2009, 03:38 AM
 
رد: معذبة قلوب الرجال رواية رومنسية مره

وهذي لعيونك محبة كونان ..



الجـــــــــزء الـــخامس عــشــ15ــر

كانت هيا جالسه بـ البيت..وخايفه..لايكوون شي صار للـ امها..
شـــــــــــــــــوي
ورن التلفون..!



عبير تتثاوب:كم باقي
فيصل:هانت..بقى اقل من اللي راح
عبير:هههههههه ناوي تلحس مخي...طيب كم؟؟
فيصل:امممممممم...تقدرين تقولين..امممممم...والله مدري
عبير:شلون ماتدري؟؟..مو انت اللي تسوق؟
فيصل:انا ماحب اعرف كم راح من الوقت وكم بقى..لأن هذا يتعب النفسيه..انا اسووق واللي بيبقى بمشيه
عبير:صح..كلام منطقي
فيصل:اعجبك
عبير ابتسمت وبس


عـــــــند ناديه..!
رن التلفوون..!
ناديه:آلوو..ها طلال بشر.وش فيها امي
هيا:امي؟؟
ناديه:ياكرهي لك ياشيخه..تراك بثره
هيا:وش فيها امي..
ناديه:مافيها شي.سكري طلال بيكلم
هيا شوي وتصيح:هيا امي وش فيها
ناديه شوي وتكفخها:يوووووووووهـ...ياهيا..خلاااص بلا دلع..مافيها شي
هيا:ناديه الله يخليك..بكلمها وينها..نادهيا تكفيييين
ناديه:ناديه ترا وربي موب رايقة لك...
هيا:ناديه الله يخليك..تكفين..قولي لي



عنــــــد طلال...
كان ينتظر امه وهي عند الدكتورهـ
اخر شي طلعت
طلعـت دكتوره واضح انها صغيره فـ العمر..ومتحجبه بس..وحلووه نوعا ما
طلال:هاه يادكتوره بشري...
الدكتوره:امممممم...والله مدري شقولك...بس لازم تجلس عندنا..
طلال:ليـش؟؟..عسى ماشر
الدكتوره:امك كبيره فـ السن..وفيها سكر..وجرحها موب سهل..لو انك بس متأخر شوي..كان يمكن وصلت للـ بتر..
طلال تنهد:آآآآه...الله يعافيك..اذا امي فيها أي شي..قولي لي
الدكتوره ايتسمت له:لا مافيها..تطمن....الدكتوره امـل دكتورتها
طلال.والنعم فيك والله..طيب اقدر اشوفها..
الدكتوره:اكيــد
طلال:مشكووووووووره والله..!
وراح عنها..


هيا:والله؟؟؟؟...ولاتقولين لي؟؟
ناديه:ياهيا خلااص..الحين طلال بيدق ويطمنا..بس انتي شاغله الخط
هيا:وانا بنتظر لين يدق؟؟؟؟
ناديه:وش بتسوين؟؟
هيا:بقول للـ مشعل.....يالله باي
ناديه:الا تعالي..ليش دقيتي مره ثانيه؟
هيا:لاني..اممممم..ايه..كنت ابغاك تدقيت على طلال..
ناديه:ليش؟
هيا:موب وقته..خلاااص باي
وسكرت


راحت هيا للـ مشعل عشان تقوله




ناديه كانت خايفه ..طلال لين الحين مادق..
في الاخير قررت تدق عليه

عند طلال..اللي كان مع امه
ام طلال:انا قلت لك كلها جرح بسيط..
طلال:أي جرح بسيط يرحم امك...تدرين ان الطبيبه تقول..لو انك متأخره كان يمكن اظطورا يبترونها؟؟
ام طلال :وهـ...كش جلدي..ياشين حتسيك ياطلال..
طلال:ههههههههههههههههه..اهم شي الحين انك بخير
رن جوالـــــــــه
طلال يبتسم:هذي ندووش اكيد
وراح يكلمها..
ناديه:طلال بليز قل لي وصار للـ امي
طلال:ههههههههههههههههه طيب طيب..لاتاكليني
ناديه:ياكرهي لك بس...قل
طلال:كان ودي اقولك بس انك تكرهيني
ناديه:طلاااااااااااااااااااااااااااااااااااااااااا ااااااال
طلال:هههههههههههههههههههههههههههه عيونه
ناديه:اكرهك...يالله قل
طلال:طيب مادام تكرهيني..ليش تدقين علي
ناديه:الحاجه....قلللل
طلال:مانيب..
وجــاه خط ثاني
طلال:اقول ندووش ..معي خط ثاني..باي
وسكر
هو سكر بسرعه لانه كان من مشعل
طلال:هلاااايالنسيب
مشعل:هلا طلول..وش في امك
طلال:ههههههههههههههههههههه مشالله..cnnقالت لكم
مشعل:ياكرهك
طلال:ليش عااد...محد يحبني
مشعل:المزوووينه..ولا نسينا..
طلال:اقول اعقل..
مشعل:ههههههههههههههههههههههههه ياخي الحب..يجلب معاه الغيره..أسألني انا
هيا نغزهااااا..قلبها...احترمني ع الاقل
طلال:ههههههههههههههه
مشعل شاف طلال يضحك عرف ان ام طلال مافيها شي..او موب شي كبيير
مشعل:وش فيها أمك عن الهرج الماصخ
طلال:مافيها شي..جرح بسيط..بس بتتنوم
مشعل:أفـأاا...في أي مستشفى هي؟؟
طلال: الحمادي..
مشعل:خلاااص...انا جايك..
طلال:خلاااص..في امان الله
مشعل:مع السلامه
وسكروا..
رجع طلال للـ امه

ناديه كانت خايفه بس خوفها زاال لم شافت نفسية طلال حلووه..يعني الاوضاع اوكي


فيصل:شكل مابقى كثير
عبير:تعبت ياناس
فيصل:ههههههههههه وين الناس فيه؟؟
عبير:هههههههههههههههههه...انا معك في ذي
فيصل:تحسين بالرطوبه؟؟
عبير:ايه..قربناا..فله
فيصل:تبين نروح للـ بحرين الحين ولا نجلس هنا ثمن نروح
عبير:لالا خل نرتاح هنا
فيصل:افاا..مليتي من مقابل وجهي؟؟
عبير:هههههه اصلا وجهك مقابلني هنا ولا هناك...
فيصل:ههههههههههههههههههه مافيش مخرج..بتكحلين عينك بشوفة وجهي..24ساعه..طوول هـ الاسبوع
عبير:خخخخخخخ
فيصل:شوفي وصلنــا..!
عبير:وناااااسه..ابغا ارتاح
هي كانت مستانسه انها تبي ترتاح...بس هـ الجلسه اللي بينهم ماتبيها تنتهي..ع الاقل هي ضامنه ان دلال ماراح تطب عليهم فجأه...دلال؟؟...تذكرت يوم كان فيصل بيقول لها شي بالمطبخ...وشو؟؟..
عبير:فيصل
فيصل:وهـ بس يازين اسمي..
عبير استحت:فيصل!!
فيصل:عيونه وقلبه وروحه..وكلـــــــــــه
عبير شوي وترقص من الفرحه:امممم..تتذكر يوم كنا بـ المطبخ؟؟
فيصل:مطبخ؟؟
عبير:يوم كنت بروح اجيب الشاهي..ولحقتني..وجت دلال
فيصل:ايييييه.....هههههههههههههه....يوم مافي شغالات؟؟
عبير..هذا اللي همك.:ايووه
فييصل:ايوه...وش فيه
عبير:اممممم..كنت بتقول وقتها شي..وشو؟
فيصل.شي؟؟..ماأذكر
عبير:قلتا...."وترددت"..أ..أ...خلاااص بس
فيصل:لالا بالله وشو..
عبير:موب لازم
فيصل:عبير...قولي
عبير:قلتا...عبير تدرين اني.............وجت دلال
فيصل:انا قلت؟...متى؟
عبير:امـــس
فيصل:ماأتذكر..بس انسي..يمكن قلتها لاشعووري...امممممم..اصلا انا امس كان عندي شغل لين شوشتي..وشكلي خرفت
عبير تحطمت...انسى؟؟....شلوون؟...هـ الكلمه مثل حبل نجاة لي...وانت يافيصل سحبته..!



كانت نوف تمشي بـ الحووش..هـ الايام كانت كئيبه بالنسبه لها..

كملت مشي..في الحووس...
شوي الا رن جوالها..كانت صديقتها...هديل
نوف:آلوو
هديل:هلاوالله وغلا..اخبارك
نوف:عايشه ..انتي؟؟
هديل:عايشه؟؟..لالا انا ابي..تمااااااام

شوي الا وينفتح الباب الكبيــــر...وتدخل سياره...
عرفت انها سيارة عزووز...
وكان معه احد..
نوف:اقول هديل..لحظه شوي
هديل:اوكي


راحت ورا واحد من الجدران...ودخلوا...لبق عزوز سيارته ونزلوا..
عزوز:حيا الله بدوووووور
نوف قلبها بدى يدق
بدر:الله يحيييك...
عزوز:امش خل ندخل
بدر:الا بسألك..في احد؟؟
عزوز:احد؟...مين؟
بدر:خـ..خواتك..يعني
عزوز:لايكثر بس..منى عند رجلها..ونويف تلقها فوق
وراحوا جووااا

تأكدت نوف انهم راحــوا
نوف:الوو
هديل:من هذا صوته؟؟
نوف:عزوز وبدر
هديل:بدر؟؟..وش جابه ذا ماعنده كرامه؟؟
نوف:وش كرامه يرحم امك..شي بيني وبينه
هديل:افففففف منه يقهر
نوف:....................................."لارد"
هديل:امممممممممممم...نوفي؟؟
نوف:نعم
هديل:ليس ماتعترفين للـ بدوور انك تحبينه؟
نوف:ايش؟
هديل:اعترفي له..قولي له انك تحبينه شوفي ردة فعله وشي؟؟
نوف:امممممممممممممممممممممممممممممممممم..
هديل:نويييييف
نوف:هدووله...المسأله مسألة كرامه...لو طلع حبي له حب مراهقه؟؟...واكبر واتفشل من نفسي؟؟
هديل:كم صار لك سنه تحبينه....من يومك وانتي تحبينه..اكبري يختي
نوف:يمكن لان المجتمع السعودي مو مجتمع خليط..وماأشوف رجال كثاار..
هديل:ماأظن....انتي تحبيييييييييينه....
نوف:لالا...ماأحبـــــــــــــــــــــــــــه
هدديل:هههه على مين تلعبها
نوف:يووووووه هدوول...ساعديني
هديل:والله عاد انا ساعدتك...وانتي بكفيك...
نوف:اممممممممم بفكر..واشووف..
هديل:هذي اللي بمصعها..خلاااص..فكري وقرري



عند فيصل وعبير...
وصلوا للـ شرقيه...
وصلوا للـ فندق
فيصل:آآآآآآآآآآآآه واخيرااااا
فصخت عبير طرحتها نقابها عن وجهها....الجناح كان عباره عن غرفتين وحمامين...
كل هـ الحرص عشان ماينوم معي في نفس الغرفه..!
فيصل:غرفتك هذيك...وانا هذي
عبير:لالاااااااا...دايم تاخذ الغرفه الزينه
فيصل:ههههههههههههههههههههههههههههههه...طيب خلاااص رحمتك
عبير:بعد...

كل واحد دخل غرفته....عشان ينووم..بس فيصل دق على امه اول



بـــــــــــــــــــكره الكل عرف عن ام طلال..وتعبها...

عبير تكلم شذى
عبير:والله؟؟..ماتشووف شر
شذى:امين...بس جد..ماراح تجين..والله ان يشرهون
عبير:اممممممممممم...ودي اقول لـ امي تورح بس اخاف تقول لا
شذى:كيفك...بس لازم ع الاقل لو تدقين
عبير:اووكي...


عنــــــد فيصل كان هو بعد يكلم...
فيصل:يارجال بغيت ازل اقولك
حمد:وش فيها؟؟
فيصل بسخريه:مافيها شي...المهم...انا بسكر تبي شي؟؟
حمد:ابي هديه
فيصل:ههههههههههههههههههه ان شالله
حمد:ههههههه سلامتك..مع السلامه
فيصل:الله يسلمك


سكر منه..

وطلع
كانت عبير جالسه تتفرج ع التلفزيون
فيصل:في احد يبغا التلفزيون وهو مسافر؟
عبير:مافي شي اسويه
فيصل:امشي نلطع
عبير:اوكي..ياله


مشعل:كل يوم تزور امها... كل يوم تزور امها
هيا:ههههههههههههههه شغاله ماغير يتحلطم
مشعل:هههههههههههههههههههههههه
هيا:اكشخ..تلقى طلال مسكين جالس عندها ماراح للـ بيت من امس
مشعل: ياليتني طلال بس
رن جواله...وهم قريبين من الغرفه
مشعل:ون منت..
هيا:هذا هو طلال...بروح له
مشعل:اوكي
وراح عشان يكلم

هيا:هلااااا طلال
طلال وعيونه حمر:هلا هيونه
هيا:اخبار امي؟
طلال:الحمد الله..
هيا:اجل وينها؟
طلال:جوا..ادخلي
هيا:وانت؟؟..اخبارك؟
طلال ابتسم:انا بـ خير
هيا:لاموب بخير...ارجع للـ بيت نم..انا بجلس هنا
طلال:لاماله داعي
هيا:طلوووول..رح
طلال:بسم الله الرحمن الرحيم...تروعين
هيا:ههههههههههههههههههه طيب رح
طلال:ان شالله..ان شالله..
وقـــــــــام
طلال:سلمي على امي..
هيا:ان شالله..انقلع
طلال:اقول انا اخوك الكبير لاتاخذين وجه
هيا بـ دلع:طلووووووووول!!
طلال:لالا مقدر انا..هههههههههههههههههههههه
هيا:ترا بزعل
طلال يعد الجدارن بس بدون صوت
هيا:طلاااااااال
طلال:ههههههههههههههههههههههه..
باسها على راسها..
طلال:خلاااص ماي فاير ليدي..
هيا:هههههههههههههه انطم..ماي فاير ليدي..هذا محل عبايات
طلال:وانا وش رداني..
مشعل:احم احم..كن في احد يتغزل في مرتي
طلال:ايه انا..
مشعل:اقول رح انت وعيونك ذا الحمر
طلال:وش عليك فاااااخ نوم لين العصر..وانا ياحبة عيني مانمت كل مانمت لين ذا الدكتوره طابه علينا
مشعل:عساااها زينه
طلال:شـــــــــــــــــــق!!
هيا:لااوالله؟؟
مشعل قلب:طليـّل..وش هـ الحكي..عيب عليك
هيا:ايه العب علي
ودخلت عند امها
مشعل:الحريم ماينمزح معهم
طلال:ماعليه..هـ الفتره لاتستخف دمك
مشعل:لااا؟؟...
طلال:هههههههههههههههههههههههههههههه..يالله سي يوو
مشعل:سي يوو توو
وطلع
ومشعل دخل عند خالته


ركـب مشعل السياره..وهو حده داااااااايخ يدوور السرير..!


عبير:امممم شرايك نروح نفطر؟
فيصل:الله فكره..
عبير:بس وين؟
فيصل:خل نروح للـ..للـ..وين وين وين
عبير:ههههههههههههههههههههههههه..خلنا ع المطعم حق الفندق
فيصل:هههه احسن بعد

وراحوا للـ مطعم الفندق


اما طلال
وصل للـ بيت فكر..يدخل المسن...بس مافيه حيل..مو الحين..بعدين
وراح غير ملابسه ..وراح في سااااااابع نومه


فيصل:هاه كيف الاكل؟؟
عبير:اووكي..
فيصل:اكيد..... موب هو ذووق فصوول؟
ابتسمت..مغرور
فيصل:سمعت ياجداار؟؟
عبير:هههههههههههههههههههههه وربي سمعت..وش اقول يعني؟؟
فيصل:لا ابد اكلم الجدار
عبير تضحك:ههههههههههههههههههههههههههههههههههههههههههههه ههه
ههههههههههههههههههههههههههههههه
فيصل تسند على يده وجلس يناظرها..
عبير:طيب لاتاخذ وجه عااد..تراني معك من اكلم بعدين؟
فيصل:كلميــني
عبير:بس انت تكلم الجدار
فيصل:الله ياخذ هـ الجدار...خلاااص..انقلع..كلميني
عبير استحت..
فيصل:انا شكلي بوديك للـ دكتور نفسي
عبير:ليش؟
فيصل:هـ الحيـا اللي زايد عندك
عبير:ليش ماتبيني استحي؟؟
فيصل:تبين الصدق عااد؟.....انا احب اللي تستحي..موب حلوووو البنت الجريئه
عبير:اجل ماله داعي دكتوور نفسي على قولتك
فيصل:صح...
عبير:بس انا احس نفسي جريئه
فيصل تسند واخذ العصير:اول..."وشرب"..الحين صايره تستحين..هـ الشي حلوو
عبير:يعني انا اول وجهي مغسول بـ مرق؟؟
فيصل ابتسم:لا شدعوه...بس مثل موقف المزرعه...تتذكرين؟
عبير:امممممممممممممم...
تكلم قبل لاتتلكم..:يوم منال تتلاقط مع طارق وفهد..
عبير:اييييييييييييه...تذكرت
فيصل:هـ الموقف...كنتي جريئه وقتها...."وأبتسم"..بس الحين احسن
اكتفت بـ ابتسامه..
على بالك كلامك يرحني..كيف ارتااح وانا زوجي اللي حبيته ينتقدني..


العنود تكلم منال..
العنود:طيب وش قلتي نروح؟؟
منال:مدري..بقول للـ امي
العنود:طيب خلاااص..انا بقول وانتي نفس الشي..ونروح مع بعض
منال:اوكيك
العنود:الا تعالي وش صار على طلالك؟؟
منال:مادخل من امس
العنود:هههههههههههههههههه يمكن شاف له شوفه
منال:عنيـّـد..ياوعععععه
العنود:وعه؟؟....
منال:وعتين بعد
العنود:ههههههههههههههههههههههههههههه حلوه وعه بس لاتعيدينها..
منال:بعد..ان شاف له وحدتن منا ولا منا..ياويله
العنود:احس..الا متـأكده انك تحبينه
منال:طيب واذا حبيته حرااااااام؟؟...
العنود:لا مو حراام..بس لاتشطحين بـ أحلامك بعييييييد
منال:آآآآه بس...خليها على ربك..
العنود:اممممممممممممممممممممم...طيب هو يحبك؟
منال:مدري عنه...ماقد قال لي شي..او مسكت عليه حركه تثبت هـ الشي..
العنود:والله الاولاد مخلوقات غريبه
منال:ههههههههههههههههههه من جد
العنود:بس مافي جديد عن نايف...خساااااره
منال:اممم..منكن لين رحنا للـ مستشفى نشوفه؟؟
العنـود:وهـ بس وهـ
منال:مرااااهقه
العنود:ارحميني يالناظجه...
منال:هههههههههههههههههه ناظجه و مخلصه





ناديه:شهيـّـد يالشينه....بسرررررعه ابغا اروح للـ أمي..
شهد وهي تنزل...:هاه هاه هاه..جيت جيت..وهـ
ناديه:عمى يعمي العدوو...ساعه عشان تلبسين انتي واخوانك؟؟
شهد:ياكرهي لك...شوفيهم
نزل دحمووم مع طلال
طلال:سلاااااااام
ناديه:الله لايحي العدوو...سنه تلبس..حشى موب رجال...وش بقيت للـ حريم؟؟
طلال يناظر شهد
ناديه:امش بس
طلال:اقول ندووش...ماكنك تعديتي الخط الاحمر؟؟
ناديه:انا ابي اشوووووووووووف امي....
طلال:يالله لك الحمد

راحـــوا ركبــوا السيــاره



هيا كانت براا هي ومشعل...توهم جايين..ابوطلال ماترك ام طلال ولا دقيقه من يوم راحوا هيا وطلال...
مشعل جااي معاه كوفي يصحي راسه:وين عمي؟
هيا:رااح..يرتااح
مشعل يجلس بجنبها:اهاا
شوي ورن جوال
ياكثر مايرن جواله
مشعل:آلووو.........هلاااا......والله بخير ونعمه.....ايش؟؟....لاوالله موب فاضي...خلاااص..خلاااص..ان شالله لين خلصت دقيت...يالله في امان الله

هيا شكت الطريقه اللي يكلم فيها مشعل..ماتدل اذا رجال او بنت...ياربيييه انا ليش شكاكه...اوف بس


شوي الا ويجي طلال ومعه ناديه وشهد ودحووم
مشعل:هلاااااااااااااااااا....
طلال:هلا بك
ناديه فاصخه الحيا:وين امي,,وينها؟
هيا:بسم الله شوفيها ..جواا
ناديه:ايه ..انا اقولك من هنا...وانتي تورحين تشوفينها من هنااك...ولاكني اختك...تراها امي مثل ماهي امك....مالت عليك
ودخــــــــلت
هيا,,مشعل..طلال...شهد..؟؟؟؟؟؟؟؟؟؟؟
كلـهـــــــــــم مستغربين منها...بس هذي ناديه لاحد يستغرب لين عصبت...عصبت
اتقــي شــر ناديه اذا غضبت


عنــد عبير وفيصل الاوضــاع ماشيه اوكي...

كانوا يتمشون ع البحر
فيصل:شفتي البحر شوو كبيييييييره
عبير:شايفني عمياا؟؟
فيصل:ههههههههههههههههههههههههههههههههههه..انتي ماينفع الواحد يصير رومنسي عندك
عبير:ههههههههههههههههههههههههههههه
فيصل:تخيلي لو البحر حريم
عبير:نعم؟..وليش حريييييم؟؟
فيصل يمكل:وش بيزوجهم؟؟
عبير:انت الحين يقالك رومنسي؟
فيصل:هههههههههههههههههه شفتي كيف؟؟
عبير:طيب تخيل ان البحر مرق؟؟
فيصل:هههههههههههههههههههههه وش بيشربه؟؟
عبير:لا وانت الصادق...وش بيجيب له خبز نغطه فيه
فيصل مااااااااات ضحك:هههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههههههههههههه
عبير تستاااااااانس على ضحكت فيصل..!
فيصل:طيب تخيلي لو البحر نمل؟
عبير:يووووووووووووه..الله يعينا ع التقريص

وهم على هـ الحـال..^^



عند ام طلال...كان في عيالها ومشعل وام مشعل..
وبعدهــا جواا...منال وامها والعنود وامها..!
ناديه كانت في حالة غضب...كانت معصبه من الكل..طلال وهيا..حتى شهد ماسلمت منها...
منال:الله....ندووش معصبببه ع الاخر
ناديه:اقول ورا ماتنقلعين ..ترا الاخلاق واصله هنا
منال توها بتتكلم..
بس في صوت من ورااا
.......:ندووش...تراك ماخذه وجه
التفت منال..هذا طلال..
ناديه:والله لو تعرفون الحرقه اللي فيني...وربي قههههههههر
طلال:خبله...اخبارك بنت عمي..
طبعا ماكان متأكد من هي
منال:الحمد...انت شلونك؟
طلال ابتسم:بـ خير..
منال حست انها فهمت الابتسامه..تذكرت موقف المزرعه...بس طلال دايم مبتسم
ونزلت راسها..
شوي وبعد عنهم طلال وجلس يسولف مع مشعل
الكل كان براا..او مو الكل تقريبا بس الحريم..الكبار
لان الغرفه صغيره وماتستوعب عدد كبير
منال تكلم العنود:وش سالفتها ذي؟
العنود:علمي علمك...
ناديه:وربي قهر
منال:يابقره...شفيك
ناديه:ترا مانيب رايقة لك
العنود:طيب شفيك؟؟
ناديه:تخيلي..امي مرضت..وطلاالوه وداها للـ مستشفى وانا قلت للـ هيا..وهي راحت تزورها..وكلههم كانوا عندها الا انا جالسه مع المبزره
سمعتها شهد
شهد:مابزر الا انتي..يالبزر
ناديه:شهيّـد ترااني مووصله حددي...تبين تصفين مع امي في الغرفه اللي بجنبها تراا مايردني شي
شهد:احسسسن بعلم طلال
منال:ماعليه شهووده....خليها تعرفينها لين عصبت جنيه
ناديه:منييّـل...
منال:اقول تراني مانيب خادمة ابوك وقت ماتكونين معصبه تهزئيين
العنود:ههههههههههه حتى الخدامه ياحراام...
ناديه:..................
منال:امشي بس لين هدت النفسيه نجي..
ناديه:تعااااااااااااااااالي وين رايحه؟؟
العنود:لاياعيوني نخاف على اعمارنا انّـا
منال:ههههههههههه
ناديه:يووووووووووه بليــز بنات تعالووا
العنود:والله رحمتها امشي نروح
منال:لا...خلي خدامة ابوها تجي لها
ناديه:ترا بليز تهز بنات
منال:ههههههههههههههههههههههههههههه
ناديه:يالله..عشاني عطيتك ايميل صديقتك
منال:هههههههههههههههههههههه صديقتي؟؟...بس من جد مشكووره
العنود قامت تضحك:ههههههههههههههههههههههههههههههههههه
ناديه مسويه مب فاهمه:اجل عجبتك صديقتك
منال:مرررررررررررررررررررره...ثاانكس
ناديه:ولكموو...
طبــعا منال ماتدري ان الحركه متعمده من ناديه
طلعــوا الحريم
ام العنود:عنوود يالله
العنود:اوكي
ام العنود:ترا امك يامنال بتجي معنا
منال:اممممممم اوكي
وطلعت ام منال...
ام منال:يالله منووله
ناديه:بلييييييييييييز خالتي..تكفين خليها عندي,,,ابغاها...والله ماعندي احد
ام منال:معليش ياقلبي وقت ثاني..
ناديه:لا انا ابغاها في هذا الوقت..
ام منال تناظر منال:اممممممم
منال:تكفييييييين مااااااااامي
ام منال:اوكي..امري لـ لله
ناديه:عنووده بتجين؟؟
العنود:سووري عندي دوام
منال:دواام؟؟...مو عطله؟؟
العنود:بس انا مسجله في اكاديمية الفيصل...نسيتي
منالأ:ايه والله...ودي اسجل..اخذ دورة انجلش
ناديه:بس انتي شاطره بالنجلش...الافلام ماقصرت معك..هع
منال:سبيكنغ بس...بس لاتطلبين مني اكتب شي..
ناديه:اهااا..خخخخخخ
العنود:اذا بتسجلين..عجلي...لأن التسجيل ينتهي بعد شهر تقريبا...
منال:اووووكي

وراحــت العنود..

راحــــــــوا النــاس ومابقى احد...
ناديه كل ماتشوف هيا...تعصصصب بشكل يقهر الواحد
شوي.....ومايقى احد الا منال..ناديه..طلال...شهد..
ودحووم راح مع هيا اللي طلبت انها هي اللي تعتني فيه بالوقت اللي تكون امها بالمستشفى

منال:الحين وش السواة خلاااص قضى موعد الزياره
ناديه:اممممممممممممم كم الساعه..
منال تناظر جوالها:تونا...9 تقريبا
ناديه:اجل خلاااص
منال:خلاااص...وشو؟
ناديه:صبر صبر
طلع طلال من عند امه..
طلال:خلص وقت الزياره..خل نروح
ناديه بتميلح:طلوووووووووولي
طلال: الله يستر..خير اللهم اجعله خير
منال كتمت ضحكتها
ناديه:يوووووه..طلووووووووولي
طلال:عيون طلولك..
ناديه:اممممممممممممممممممممم..وش رايك يعني..لو مافي كلافه يعني..اذا هـ الشي مايزعجك يعني..انا بس كنت افكر يعني..مدري بس اذا..تقدر
طلال:اخلصي علينا...
منال مااااااااااااااااااااااااااتت ضحك عليها..وتحاول ماتبين
طلال:كنك البنات برا..لم يجوون يطلبون من واحد موعد
بما ان منال تحب الافلام الغربيه وهـ الاشياء فـ التعليق كان مضحك بـ النسبه لها
منال:هههههههههههههههههههههههههههه
ناديه:بسم الله علي
طلال:هههههههههههههههه تكلمي
نادبه:بما ان منال ابنت عمي عوندنا...لمازا لا نذهب الى الملاااهي؟؟
طلال يكلم منال:هذي وش تقول؟
منال ابتسمت..بس ماتكلمت..
ناديه:طلووووووووووووووولتي..يالله
طلال:ترا مانيب احب ذا الاسم..طلولتي..
ناديه:ههههههههههههه ليش لين جت مرتك قل لها
طلال:ههههههه ان قالت طلولتي..عسسسل...بس انتي..اسمحي لي..
ناديه:موبمهم...المهمم خل نروح
طلال:يالله عشان منال عندنا

وراحــــــــــــــــــــــــــــوا


عبير:تعبت..ابغاا ارجع
فيصل:اوكيك..

رجعوا للبيت..عبير على طووووول رمت نفسها بالـ كنبه..
عبير:يالله من جد تعب
فيصل جلس:ماعندك ليااقه ابداا
عبير:لاوالله
فيصل:تتعبين بسرعه
عبير:صار لنا حوول الساعه ونص نمشي..ماتعبت؟؟
فيصل:انا متعود شغل..وحياننا اروح للـ نادي
عبير:وانا اقووووول وش سر هـ العضلااات
فيصل ابتسم
عبير:طيب احنا يالحريم ماعندنا
فيصل:الا..في الفندق النسائي اللي اتوقع بجنب نياره..فيه نادي..
عبير:والله؟؟......ونااااااااااااااااااااااااسه
فيصل:هههههههههههههه تبين تروحين له؟؟
عبير:امممممممممم...مدري..شرايك؟؟
فيصل:بـ كيفك
عبير:والله مدري...بفكر....
فيصل:على راااااااحتك
وقام
عبير:وين؟
فيصل:بتروش...احس اني قرفااااااان من نفسي
عبير:اوكيك




فـــــي السيــاره عند طلال واخواته الـ2..ومنال
طلال:وين تبون أي ملاااهي
ناديه:امممممممممممممممممممممم...مدري
طلال:نسـأل ضيفتنا..
ناديه:وش تبين ياضيفتنا؟؟
منال:بـ كيفكم
ناديه:نووله...مو لابك عليك الحيا
منال ودها تكفخها:...........
ناديه:منووله خجووله..منووله خجووله..منوله خجووله...
منال:............
ناديه:طلووووول لايهمك شكلها كذا......ترا المناظر تخدع الحيننا
منال فصخت الحيا:ليش؟؟..شايفتني ندوووووووش...مغسول وجي بـ مرق ولا مرق؟؟...هاااااااه؟؟
ناديه ضحكت من قبلها:هههههههههههههههههههههههههههههههههههه
ههههههههههههههههههههههههههههههههه
ونفس الشي طلال وشهد بس طلال مابين
منال استحت..هي تستحي بس ماتحب احد يجلس يفشلها
طلال:احسن..دواك..مايعرف لك الا هي
منال:...............
ناديه:هههههههههههههههههههههههههه دواا فني
منال تحرك شفايفها تقدها بس بدون صوت
طبعا محد انتبه لانها متغطيه

صمـــــــت!!

طلال:انا من راايي بلاااش ملاهي
ناديه:ليش؟
طلال:الملاااهي ماراح تلعبون؟؟...مو مسموح لكم..الا اذا ملاهي حريم
ناديه:اوووووووف...يارببببيه..وش ذا القهر
شهد:هههههههههههههههه شغاله..
طلال:ماغير تحلطم..
منال ابتسمت...
ناديه:اوكي..طيب..خل نروح للـ توتي كافيه
طلال:اوكي
ناديه تناظر شهد:بس مايدخلون مبزره
شهد:موب بزر انا..ترا عمري 12..تراني في صف ساااااااااادس
طلال:اوووووووووووووووه...سااادس
شهد على بالها ان طلال واقف معها:ايه..انا كبيييييره
ناديه:طيب وانا في ثااااااااااااالث ثنوي...
شهد:اصلا انا رحت للـ اولى متوسط..
ناديه بنفس النبره:وانا رحت للـ اولى جامعه...
منال بـ صوت واطي:بزراان
ناديه سمعتها:يالكبييييييييرررره
طلال:طيب خلاااص كلكم كبااااااار...شاطرين
منال:هههههههههههههههههههه
ناديه:ههههههههههههههه يلعب علينا الاخ؟؟..ملاحظه؟؟
شهد:بروووح معاااااااااااااااكم
ناديه:طيب انا قلنا لا....هم مايدخلون اللي عمرهم اقل من 8 سنوات
شهد:اشوى..

شـــــــوي ووصلوا..
في البدايه نزلت ناديه مع منال عشان يشوفون اذا في اماكن فاضيه..
ناديه:لوو سمحت..!
مارد
ناديه:ياأخ
مارد
ناديه:وش فيه ذاا؟
منال:مشغوول..
ناديه:علي حلف ان يرد....والله ان يرد
منال:هههههههههههههه خبله
ناديه:ياورع........محمد!...هييييييييّ
سمعها:ايووه مدااام
ناديه:لاانا مو مدام...
ضحك عليها...
ناديه:في طاولات عشان انا وبنت عمي واخوي نبي.................
قاطعتها منال..صدق قراوا ماينعطون وجه
منال:في بارتشنات فاضيه؟؟؟
الرجال:ايوه..تفضلي
منال:اوكي...
ناديه:انا بروح معاااااه..انتي نادي طلال..
منال:نعم نعم نعم نعم؟......لااااااااا
ناديه:انا بجلس احجز الطاوله
منال:انتي من الحمااار اللي يطلعك من البيت وانتي بهـ التفكير؟؟
ناديه ضحكت:بليييييييييييز رووووووووووووحي..
بعد اقناااع راحتت منال

طلعت براا المحل..وهي مستحيه مررررره
كان طلال جالس بسيارته المرسيدس..هووشهد..وكان يسولف ويضحك معها
شوي ووصلت لهم
انتبه لها طلال وفتح الشبااك
طلال:هاه؟؟..لقيتوا؟
منال:ايه؟؟
طلال:حلوو...
ونزل..هي بعدت شوي...هي اصلا كانت بعيده..بس بعدت اكثر
ونزلت شهد..اللي كانت لابسه عبايتها وحاطه الطرحه على كتفها..
ومشوا...


دخلـــــــــــوا جواا

طلال:وين؟؟
منال:هنااك
ومشــــــــــوا للـ مكانهم...!

^_^
__________________
أفضل تعـريف لذاتك ..
أنك لست أفضل من أحد ، ولسـت كأي أحد و لست أقل من أحد!
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
صور أنمي رومنسية ومميزة ميراااالأميرة أرشيف المواضيع الغير مكتمله او المكرره او المنقوله و المخالفه 94 03-06-2014 06:39 PM
أكثر وأجمل وأحلى صور الأنيمي الرومنسية ميراااالأميرة أرشيف المواضيع الغير مكتمله او المكرره او المنقوله و المخالفه 77 06-15-2012 06:56 PM
الكتب الممنوعة (قائمة) اقبال تحميل كتب مجانية, مراجع للتحميل 130 03-02-2009 10:38 PM
الرجال معادن ؟؟يذوبون في درجات مختلفة؟؟كيف؟ samir albattawi آدم ~ 5 04-27-2007 02:41 PM
الرجال والرمانسية سنيورة أمواج الحياة الأسرية 1 03-16-2007 11:18 PM


الساعة الآن 02:55 PM.


Powered by vBulletin®
Copyright ©2000 - 2024, vBulletin Solutions, Inc.

شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011