عمره 16 سنة هو يقود مركبة زاكو بيضاء هو مو منسق ولا طبيعي هو مستنسخ عن رايو لو كروز وهو المجرم إللي قتلة كيرا في الجزء الأول وعشان كذا ري يكره كيرا مرة لأنه قتل كروز كروز ترك رعاية ري للرئيس جيلبيرت طبعا قبل مايسير رئيس وجيلبرت هو إللي كان يعطي كروز وري حبوب وهذي الحبوب تسكن الألم لهم لأنهم مستنسخين ري يحب جيلبيرت مرة ومخلص له لأبعد الحدود هو كان يعتقد إنه كروز طبعا بما إنه نسخة عنه و جيلبيرت هو دخل هذي الفكرة في راسة (لمن تخرج ري كان يبغى يفرح كروز لكن جيلبيرت قاله إنه مات يحزن ري فيقوله جيلبيرت إنه إنت كروز كمان) لكن كيرا في الحلقة الأخيرة يقدر يخرج هذي الفكرة من راسه لمن قال إنه إنت عندك حياة واحدة عشان تعيشها وهي ملكك إنت تقرر مصيرك يصدم ري لمن يقوله كيرا هذا الكلام
وبعد ماكيرا يدمر مركبة ري يرجع عند جيلبيرت في مدفع التكوين لكن ما يقابله جيلبيرت لمن كيرا يقابل جيلبيرت ويكون رافعه مسدسه عليه جيلبيرت كمان يرفع المسدس على كيرا ويلاحظ إنه ري ظهر من وراء كيرا فيضمن إنه كيرا بيموت يناقش كيرا وجيلبيرت موضوع إنه فكرة جيلبيرت لتحقيق السلام خاطئة وجيلبيرت يقوا إنه مافي طريقة ثانية عشان يفهموا الناس وإنه كيرا مغرور ويشعر بالفخر لأنه المنسق النهائي كيرا يقول إنه شخص واحد ولوكس كمان شخص واحد وإنه مايحق لجيلبيرت إنه ياخذ قرارات عن الناس بدون رغبتهم وطبعا ري يسمع هذا كله ويصدم من كلام كيرا ولمن يقرر كل من كيرا وجيلبيرت إطلاق النار في هذي الأثناء توصل تاليا و يطلع صوت طلقة واحدة وتكون من مسدس ري في صدر جيلبيرت تتفاجئ تاليا إنه ري كان المطلق وتروح لجيلبيرت ويسألها إذا كانت هي إللي أطلقت النار وتفول إنه ري كان المطلق ويتفاجئ فيبكي ري ويقول إنه أسف لكن هذا عشان المستقبل ويقعد يبكي بعد ما يخرج كيرا تنادي تاليا على ري ويجي عندها وتقوله إنه كل شئ على ما يرام لأنه سوا الصح وتحضنه وهو يبكي ويقول أمي وينفجر المكان ويموت
شخصية ري هادئة إنطوائي صديقة شين يكره أي شخص يفكر إنه يخون جيلبيرت قدوة هي جيلبيرت وهو مستعد يسوي أي شئ عشان يرضيه ويحميه هو يساعد شين عشان يهرب ستيلر من منيرفا وأنا مو فاهمة السبب يمكن عشان شين صديقة وكمان يساعد شين في جمع المعلمات عن الحرية مركبة كيرا عشان يدمرها وطبعا السبب معروف

عمرها 17 سنة تقود مركبة زاكو حمراء لكن في وحدة من المعارك تدمر مركبتها وتسير تقود إمبلز مركبة شين وشين يقود مركبة القدر الجديدة هي أخت ميرين الكبرى في البداية تكون معجبة بأثرن وتحاول إنها تتقرب منه لكن مييا تكون لصقة في أثرن فتخرب عليها دائما لونا مرة تابعت أثرن بأمر من تاليا وتسمع كلامه مع كيرا وكاغالي وتصدم لمن كيرا يقول إنه لوكس الحقيقية هوجمت وإنه إللي عندهم في زافت مزيفة لكن لونا ماتقول شئ لتاليا على هذا الموضوع وهي تسأل تاليا إذا أثرن ممكن يخونهم وتاليا تقول إنها ماتظن ذلك لونا تصدم لمن تعرف إنه أثرن خان زافت وهرب مع ميرين وتقول لشين إنه ميرين ماكانت طفوليه لهذي الدرجة وإنه أثرن ماكان عادل معاهم وتقوم وتلقي اللوم على الشعارات بسبب موت أختها بدل ماتلقية على شين وتقول إنها ما تبغى تخسر وإنه هذا كمان لازم تكون رغبة شين وإنه عليهم إنهم ينسوا إللي سار ومن هنا بدأت العلاقة بين لونا وشين لونا تتفاجئ لمن تعرف إنه أثرن حي وإنه هو إللي كان يقود مركبة العدالة في المعركة إللي سارت بين زافت و أورب وتسأل شين وري إذا كانت ميرين حيه ويقول ري إنهم مايعلموا لكن إذا كانت حية هي أكيد كانت في الأركأنجيل و في الحلقة قبل الأخيرة تحاول لونا مهاجمة الأبدية سفينه لوكس وتتتفاجئ لمن تسمع صوت أختها وهي تقولها توقفي إنت تعرفي إنه إللي موجودة هنا هي لوكس الحقيقية فليش تهاجمينها وفي الحلقة الأخيرة لمن يكون أثرن في الطريق عشان يدمر مدفع قداس أرواح الموتى تكون في طريقة وتقرر مهاجمة عشان إللي سواه مع أختها ميرين (يعني ليش تاخذها معاك وتعرضها للخطر) لكن طبعا ماتقدر على أثرن فيجي شين ويهاجم أثرن ولمن أثرن يقول لشين إنه مايبغى يحاربهم وإنه الحرب ماترجع الناس إللي فقدومهم تتأثر لونا وتحاول منع شين من محاربه أثرن لكن شين يكون دخل نمط بذرة ويكون قد بدأ الهجوم فما يوقف ويكون خلاص بيدمر لونا لكن أثرن يدخل نمط بذرة كمان ويوقف شين وتنتهي الحلقة الأخيرة بأن لونا وشين يكونوا على سطح القمر ويبكوا
شخصية لونا ماأعرف كيف أقولها لكن هي حشرية شوي ماتستحي زي أختها ميرين إللي في قلبها على لسانها وما تخاف من الكلام إللي تقوله إذا كان صحيح هي إجتماعية تقدر تفتح موضوع مع أي شخص تكون في البداية معجبة بأثرن لكن بعدين تسير تحب شين

ميرين هوك Meyrin Houk

عمرها 16 سنة أخت لوناماريا الصغرى وتناديها (أوني تشان) ميرين تكون تحب أثرن هي خوافة وخجولة فما تصرحله بمشاعرها حتى لمن تساعده ويسألها هي تقول إنها ماتعرف ليش ساعدته ولمن تهربه بسيارتها وتوصله عند المركبة يقولها ماذا عنك وهي تقول إنه لازم يهرب هو يكون هارب إفضل من إنه يكون مقتول لكن ري يهاجمهم فجأة فيضطر أثرن لأخذها معاه لمن يدمرهم شين هي تأخذ مع أثرن إلى الأركأنجيل وتكون تهتم بأثرن وترعاه عشان هو مايكون قادر على الحركة بسبب جروحة ولمن أثرن يطلب منها البقاء في خارج الأركأنجيل لأنه أأمن لها لأن الأركأنجيل حتخرج للمعركة مع منيرفا ويشكرها على المساعدة ويعتذر منها لكنها تبكي وتتذكر لونا وتتطلب منه إنه يسمح لها بالبقاء وينظر أثرن إللي موريو وهي تقول لابأس ويوافق أثرن ويقول إنه يفهم وتسير ميرين مع الأركأنجيل وطوال ماهي في الأركأنجيل تتستغرب كيف إنه لوكس معاهم وتستغرب العلاقة بين لوكس وكيرا بعد قبل ما تنطلق الأركأنجيل للفضاء تقابل ميرين كاغالي في الطريق وتتطل كاغالي من ميرين الإهتمام بأثرن وفي الفضاء تخرج ميرين مع أثرن ولوكس وكيرا عشان يتمشوا وتكون حاضر وقت ما تموت مييا وتقرر إنه تكون من فريق لوكس في سفينة الأبدية
ميرين شخصية خجووووووووولة جدا وخوافة مرة دائما تختبئ خلف أختها أو أحد أصدقائها هي بعض الأحيان تغار من أختها لونا هي محبوبة وخبيرة في الحواسيب زي الهكر وهذا كان سبب لإثبات تهمة الخيانة عليها وعلى أثرن فيقول جيلبيرت إنه هناك معلومات سرقت من زافت والسارق المعلومات هي ميرين ومعاها أثرن هي تحب أثرن وفي بعض المواقف تتنافس مع أختها عليه وهي مسويه بشعرها إثنين شكلها يكون غير عن لمن تكون فارداه طبعا وهي فارداه أحسن وشخصيتها تسير أكثر قوة في النهاية عن شخصيتها في البداية أصلا في البداية ماكان لها دور كبير في المسلسل لكن بعد ماتساعد أثرن يطلع دورها

الكابتن تاليا غولاديس

هي كابتن سفينه منيرفا عمرها أظن 28 أو 30 شئ زي كذا مو متأكدة تكون هناك علاقة بينها وبين جيلبيرت في الماضي قبل مايسير رئيس لكنها تقطعها لأنها تكون تبغى أطفال لكن هي لسا تحب جيلبيرت في كثير من الأشياء يسويها جيلبيرت وهي ما تفهمه خاصة أمر جيلبيرت للقضاء على أثرن وميرين ولمن تحاول تعترض يعطيها نظرة قويه وبعد ما تنتهي المهمة تحاول تفهم منه وهو يقول إنه حيقابلها مرة ثانية ويسمع لها وبعد المعركة بين زافت والتحالف إللي فازت فيها زافت يقدم جيلبيرت لشين وري وسام شرف ولمن ينتهي الإجتماع يخرج مع تاليا ويسألها ليش معصبه وهي تقول إذا ما كنت تبغى تسمع فلا تجبر نفسك وهو يقول إنه هذا الكلام قاسي وإنه يبغى يسمعها ولمن تسأله يجاوبها ويقول إنه أثرن خائن ومن هذا الموقف أنا إستنتجت إنه جيلبيرت كمان لسا عنده مشاعر لتاليا في الحلقة الأخيرة بعد سقوط منيرفا من قبل الأركأنجيل تخرج تاليا من منيرفا وتترك القيادة لأرثر مساعدها وتروح عند جيلبيرت في مدفع التكوين وتوصل في اللحظة إللي يقرر فيها كيرا وجيلبيرت إطلاق النار وتتفاجأ لمن تعرف إنه ري هو إللي أطلق النار على جيلبيرت وتروح عند جيلبيرت ويسألها إذا كانت هي إللي أطلقت لكنها تقول إن ري هو إللي أطلق وامن يحاول كيرا أخذها معاه هي ترفع المسدس في وجهه وتقوله إنت روح أنا بأرافق روح هذا الرجل وتتطلب منه إنه يقول للكابتن راميوس (إللي هي موريو) إنه عندها ولد وتبغاها تزوره إذا كان عندها الوقت وكيرا يخرج ويقول إنه يفهم يقول جيلبيرت لتاليا إنه أسف وهي تقول إنك أقلقت الكثيرين وهو يطلب منها التوقف وتنادي تاليا ري وتقوله إنه كل شئ على ما يرام لأنه فعل الصواب وتحضنه وهو يقولها أمي وينفجر المدفع ويموتون
شخصية تاليا قويه ومحترمة من قبل الجميع حتى جيلبيرت يحترمها وموريو معجبة بيها وهي محبوبة من الجميع لأنها كابتن رائعة بالفعل وتقود المعركة بهدوء وتتقبل الإقتراحات هي وفت المعركة شئ وخارج المعركة شئ ثاني قرراتها كلها حكيمة وتكون في مكانه