| رد: الخوف من الحب ... رواية خليجية ولا أروع
عبد العزيز رجعت الأفكار له حاول يطردها و شاف نفسه بمراية السيارة ... لاحظ انه لازم يحلق ... اخذ جواله و فتحه و على طول يطلع له صوت مسج و بعده مسج و بعده مسج ... لين وصل عددهم 7 مسجات ...
فتحهم و شاف كلهم من اهله و يسألونه وينه و متى بيجي و من هالكلام ... ابتسم و عرف كيف هم كانوا خايفين و ما يبونه يحرجهم او يحطهم في موقف ما ينحسدون عليه ... دق على اخوه عمر ...
عمر : هههههههههههه ما أسرع اشتقت لي
عبد العزيز : روح انت وجهك هذا و انت سايبني قبل شوي ... لا بس بقول لك اني ما رح أروح البيت بمر الحلاق قبل تدري ما يصير اروح للعشا و انا اقزز
عمر : اوووووووووووووه الأخ يبي يسحر العروس
عبد العزيز : اقول باي
عمر : ههههههههههههه مع السلامة
عبد العزيز : عمر والله انك سخيف
عمر : مو توك تقول باي
عبد العزيز : المهم قول لهلي اني بعد ساعة بالكثير بجي
عمر : يوصل
و راح عبد العزيز للحلاق و بعد ما خلص رجع للبيت ... أول ما دخل قابلته هند بنت اخته نورا ...
عبد العزيز و هو يشيل هند : هلا والله بهنودة عطي خالو بوسة
هند و هي تتلوى في حضن خالها : مااااا بي ابي ماما
عبد العزيز و هو ينزلها : يا سخفك من جد ما تستاهلين احد يعطيك وجه و الا ما في احد ما يتمنى يعطنى بوسة
رهف و هي تضحك : مصدق نفسك مرة ... لا و تكلم هالبزر كانها بتفهم
عبد العزيز : يمه من وين انتي طلعتي بعد ؟
رهف : انت اللي وينك تراك خوفتنا
عبد العزيز : وينه ابوي و امي ...
رهف : بالصالة و مع اخوانى ...
عبد العزيز : كلهم مجتمعين
رهف : ايه إلا منور عند العروس هههههههههه
عبد العزيز : لا تضحكين ...
رهف : انت بس تفشل فيني الله يعين سارة عليك ...
عبد العزيز : يا حظها فيني
رهف و هي تبتسم بحنان : ايه صح و يا حظك فيها بعد
عبد العزيز استغرب من اخته اول مرة يشوفها كذا و تبتسم له هالابتسامة ... ابتسم لها بعد و راح للصالة وين ما اهله جالسين ...
سالم : و اخيرا المعرس شرف ...
فوزية : وينك يا وليدي خوفتني عليك
عمر : كان يتكشخ لزوجته ما تشوفه محلق و مضبط العوارض و الشنب
فوزية : عقبالك
عمر يلتفت بسرعة لأمه و يناظرها بعتب لأن بنته مي جنبه
سالم : امك ما قالت شي و ليه تشوفها كذا ...
عبد العزيز : ههههههههه طالحوا عليك فكيتنى ...
سالم : استح احد يقول على اهله انه افتك منهم
عبد العزيز : مو قصدي يا يبه على العموم انا بروح اسبح و اجهز ...
نورا : الا تعال عزيز انت وين بتسافر الليلة تصدق اني ما ادري ...
عبد العزيز : اذا كنت ما قلت للعروس تبيني اقولك انتي ؟
نورا بدلع : عزوييييييييي
عبد العزيز فاتح عيونه ايش فيهم خواته اليوم بالعادة رسميين معه بس مع عمر عادي : عزوي اصغر عيالك انا ...
نورا : لا بس يللا من جد
رهف : ايه صح يللا وين والله ما نقول لسارة ندري انك تبي تسويها مفاجأة
عبد العزيز ابدا ما كان قصده مفاجأة ولا شي بس ما داموا فهموها كذا براحتهم
عبد العزيز : اوكي بقول لكم بس ما تقولون لها طيب
نورا و رهف : واللللللللللللله ما نقول
عمر : بيروح لندن
عبد العزيز : يا ملقووووووووووف
نورا : ليه لندن فيها عرب كثير و زحمة
رهف : ايه روحوا باريس لأنها بلد العشاق او ايطاليا حلوه لشهر العسل ... والا ماليزيا بلد العرسان
سالم : و انتي ايش دراك يالجنية
رهف و هي مرتبكة : هاه لا بس اسمع البنات
فوزية : والله هالبنت قشرة ما ادري طالعة على مين
مي تتكلم بصوتها الناعم و بكل هدوء : عمي ليه ما تروح اسبانيا انا بابا و ماما راحوا لها بشهر عسلهم
عم السكوت المكان و الانظار توجهت لعمر و بنته ... و ينتظرون رد عبد العزيز ... عبد العزيز راح لبنت اخوه اللي يعشقها غير عن عيال نورا و قال : لو رحت لها ما راح تكون خاصة لأمك و ابوك ... والا انتي ايش رأيك ؟
مي و بابتسامة حلوة تجمل وجهها البريء : ايه صح اسبانيا حقت ماما و بابا بس ...
عمر شاف بنته بحنان و قربها منه زيادة و قال : مو ماما و بابا بس حتى ميو معنا ...
مي و هي مكشرة : لا يا سلام انا ابي بلد خاصة فيني و بزوجي بس
الكل قام يضحك ... سالم : والله البنت اختربت من عمتها رهف
رهف : حرام عليك يبه ... صدق عزيز ليه لندن يخيل لي مو حلوة لشهر عسل ...
عبد العزيز : لا بالعكس لندن مرة حلوة خصوصا بهالوقت من السنة ... و انا بروح لأن عندي فيها شغل بعد ...
نورا : شغل بشهر العسل !!!
عبد العزيز : مو شغل شغل يعني عندي غرض ابي اسويه ... و لازم اروح هناك ...
رهف : اجل الله يعين سارة على الطيارة خصوصا انها اول مرة تسافر
عبد العزيز و هو مستغرب : ليه ما عمرهم سافروا ؟؟؟
رهف : لا ما راحوا الا الإمارات عمي صالح ما يصلح يركب الطيارة تقول سارة انه يكرها ركبها بس مرة و بعدها ما ركبها ... حتى سارة من كلام ابوها صارت تخاف من الطيارات مع اني اقول لها انها أونس شي بالسفر الطيارة ...
عبد العزيز : اها المهم عن اذنكم ...
و طلع من الصالة و الكل بقي خصوصا انهم جاهزين و ما بقي شي على الروحة لبيت بو محمد ...
سارة طلبت من سوزي تحط لها مكياج ناعم و هادي لأن محد بيجي الليلة الا بيت عمها سعد و عمتها هيفاء و خالاتها وفاء و جهان و خوالها خالد و جمال و عبد الله ... و بيت سالم مع اخت سالم عائشة و اخو فوزية عبد الرحمن و خواتها الثلاثة جوهرة و شيخة و شروق ...
منيرة و هي تشوف سارة : الله سارة تجنن طالعة مرة نواعم ... من جد شكلك احلى بكثير من الملكة ... اكيد اخوي بيتخبل عليك يا حظه بك ... و جات حضنت سارة ... سارة حست انها خلاص بتصيح ... قامت قالت سوزي : لا لا لا منيرة ما بصير هيك ... البنت خلص رح تبكي
منيرة تركت سارة و دزتها : انت وجهك مع هالرومنسية متى بتفك عنك ...
سارة ابتسمت : هههه
منيرة يللا روحي و البسي و انا بخلي هالسوزي تطلع لي أي حمرة او أي شي
سارة : ان شاء الله ... و قبل ما تطلع تلتفت لمنيرة و تقول : منور من جد انتي ما تعرفين وين بسافر هالليلة ...
منيرة : لا والله ليه ؟
سارة : اخاف نروح مكان بعيد و انا ما عمري ركبت طيارة ...
منيرة :هههههههههه لا تسمعك رهف والله انها تتخبل على الطيارات لو بيدها كان اشتغلت مضيفة ...
سارة : من جد اتكلم خايفة ... مو كافيني خوفي من اخوك عشان اخاف من طيارة
منيرة : ليه اخوي وحش ههههههههههههههه
سارة : اروح البس اصرف لي ...
و دخلت سارة غرفة تبديل الملابس و لبست فستانها اللي اشترته جاهز ما امداها تفصل لها واحد
دخلت مها الغرفة : وينها سارة
منيرة : دخلت تبدل الحين بتطلع
مها : وش اخبارها الحين ان شاء الله احسن
منيرة و هي تبتسم : افا عليك تبين منور عندها ولا تصير بخير ...
مها : ههههههههه والله انك خبلة ... منور
منيرة : هلا
مها : لا تزعلين من كلام سارة على اخوك ترى ما تقصد ... بس تدرين الضغوط اللي عليها الحين ...
منيرة : يوه مها من جدك تتكلمين ... لا تحاتين اصلا سارة مو صديقتي بس , سارة اعظم من اختي ... والله انها مثل خواتي نورا و رهف
مها : ادري والله حتى هي تعتبرك كذا و حنا بعد والله نحبك بس ياليت ما تبينين لأهلك او تقولين لهم على اللي سوته سارة ...
منيرة : مها سارة ما سوت شي ... و اللي سوته شي عادي ... و اللي تقوله لي سارة ما اقوله لرهف شلون تبينى اقوله لاهلي ...
مها : والله انك بنت اجاويد ما تقصرين ... يللا ما رح تلبسين انتي ؟
منيرة : انتظر سارة تطلع بالأول ... هي العروس مو انا ...
تبتسم مها : الله يخليكم لبعض ... والله ان علاقتكم تذكرني بعلاقة عمي صالح بأبوك
منيرة : آميييييييين
مها : هذه أصوات ... كأن الجماعة وصلت يللا عن إذنك بروح اشوف فهودي وينه و بنزل للضيوف ... و انتي اجلسى مع سارة و هالله هالله فيها
منيرة : لا تحاتين هذي مرت اخوي
مها : هههههههههه ما تعقلين ... و تطلع مها من الغرفة و بعدها على طول تطلع سارة من غرفة الملابس
سارة : كأنى سمعت صوت مها
منيرة : الله يغربل الشيطان ... طالعة تقتلين ايش هالحلا
سارة استحت : اقول روحي بس
بس سارة من جد كانت حلوة و طالعة مرة نواعم ... سارة ما هي طويلة ولا قصيرة يعني الطول العادي اللي منتشر بين البنات بس جسمها مرة حلو ما هي عصلة ولا متينة يعني قوامها مرة رشيق و في الاماكن اللي المفروض تكون فيها مليانة هي مليانة ... كانت لابسة فستان سكري طويل و ناعم يناسب المناسبة يعني عشى مو زواج و رافعة شعرها الكستنائي و نازلة منه خصل على كتوفها ... شعرها اصلا يوصل لين كتوفها و هو مرة ناعم ... و معلقة بشعرها ورود سكرية صغيرة ... و الميك آب حقها مرة هادي و ناعم ... عيونها طالعة كبار و خشمها و فمها صغار بس بشكل متناسق ... هي عيونها بني غامق مو سود ... و الشدو اللي حاطته مطلع عيونها افتح من العادة ...
منيرة : والله طالعة تهبلين ... من جد خليني اقرى عليك عن العين
سارة : أي عين ما في حد غريب كلهم أهلك و اهلي و كلهم شايفيني الف مرة
منيرة : يا غبية من عين اخوي ... ترى عينه حارة
سارة و هي منزلة راسها : و هذي صفة شينة ثانية فيه
منيرة و هي معصبة : اقول تراني عطيتك وجه بزيادة والله انك سخفة ... كنت امزح
سارة : طيب يمه لا تاكلينا
منيرة : وين باقة الورود اللي شريتها لك
سارة : ما رح اخذها ... هذا مو زواج
منيرة : الا بتاخذينها ترى حنا بنسوي لك زفة ولا ناسية
سارة : هذه هي هنا
و يدق جوال منيرة ...
منيرة : هذي الخبلة رهف اشوف ايش تبي ... الو
رهف : هلا منور وينك و وين سارة و ايش تسوون و متى بتزلون
منيرة : بل بل ... شوي شوي علي
رهف : لا جد وينكم ترى حنا تحت ابي اجي عندكم بس اخاف اشوف احد
منيرة : حلفي جيتوا كلكم ؟
رهف : ههههههه ايه كلنا
منيرة : حلو تعالي و جيبي معك حصة ومي ... هاه لبستوهم مثل بعض نبيهم ينزلون قبل سارة
رهف : ايه لبسناهم انا اللي لبستهم لا تخافين كل شي تمام ...
منيرة : خلاص اذا جينا بننزل بدق عليك رنة عشان ترقينهم
رهف : لا وين انا ابي اجلس معكم الحين ... هنا كله عجايز
نورا اللي كانت جالسة جنب رهف : عجوز بعينك
رهف : هههههههههه بل كلتينى ... هاه منور بجيكم اوكي ... فوق مين في ؟
منيرة : ما اظن في احد
رهف : اوكي باي انا جاية
و تسكر التليفون و تقوم
فوزية : وين رايحة يا رهف
رهف : يمه بروح عند العروس و منور
فوزية : في احد فوق لا تروحين
رهف : لا يمه ما في احد انا توني سائلة منور
فوزية : طيب خذي عباتك احتياط
رهف : يمه قلت ما في احد صدقيني
فوزية : معليش احتياط ... شوفي سيقانك و زنودك طالعة ... البس احسن
رهف : يممممممممممممممه ما بي مافي وعبايتى في غرفة العبايات ... من وين اطلعها الحين
فوزية : اوف يللا روحي بس
رهف تحب راس امها : يللا تشاو يا احلى ام
فوزية : والله ما ادري ايش تقولين يا بنيتي
ام محمد اللي كانت قريبة منهم : والله هالعيال ما ينفهم عليهم هالايام يتكلمون كلام ما ينفهم
رهف اللي انحرجت ما توقعت ان ام محمد تكون قريبة و تسمع مناقرها مع امها طلعت على طول من الصالة و راحت على فوق ...
هدى : يا حليلها انحرجت
ام محمد : بس هالبنت كل مالها و تحلو ... ما شاء الله عليها يا فوزية بناتك يكبرون ويزينون ...
فوزية : و انتي بعد يا لطيفهة شوفي بنتك ايش طلعت ولا لو مو قمر ما اخذنها لولدنا
ام محمد : والله لنا حنا الشرف اننا نناسبكم
نرجع لرهف اللي راحت فوق و هي تركض ... خبلة مثل دايم ... هي احيانا تجي مع منيرة بيت صالح عشان كذا تعرف وين غرفه سارة ... و هي تركض بالدرج الا تصدم في شي طويل قدامها و تفقد توازنها بتطيح ... و ما حست الا بإيدين ماسكتها من خصرها و هي لاصقة بشي ابيض طويل ...
مين اللي صدمت فيه رهف ؟
و ايش بتكون ردة فعل عبد العزيز اذا شاف سارة بشكلها هذا ؟ |