| كيف تقضي ايام العيد...رووووووووووووووووعه:
مرااااحب اكيد اجواء العيد سيطرت عليكم
انا بصراحه ايه فقررت ان كل عضو يكتب كيق قضى العيد
انا ببدء:
**********************
اليوم الاول:
نقوم الصبح نروح الصالون طبعا
ابويه واخوي المسيدعقب نرد البيت نتسبح ونتكشك
ونتعطر طبعا انا واختي لاني ماعندي غيرها وامي ويانا
عقب ننزل الطابق الارضي عند اخويه نروح غرفته نعدله ونكشخه:بس شعرة:
امي تكون عند ابوي طبعا
عقب نبخر البيت وجذي والساع 9 نروح بيت يدي العود
نجتمع كل العيله نسلم ع يدي ويدتي وحنا البنات نجتمع
بالصاله الي بالطابق الثاني
نسولف ونفرفش وناكل
عقب نروح نسلم ع الاهل وجذي الساع 2 ظهر نتغدى عقب نبدل ملابسنا
ونظهر نتمشى ونرد باليل نكمل سهرتنا شباب وبنات ونسوي مسابقات بينا يأذن الفير نصلي ونرقد
اليوم الثاني:
نقوم نلبس ونروح بيت يدي مرة ثانيه نسير بيت ربيعاتنا وربيعاتنا ييو عندنا
عقب نظهر المزرعه " مزرعه يدي العود"
فالليوا نيلس ونبيت طبعا نسوي مشاكيك وسوالف وسهر ويا الاهل
ثالث ايام العيد:
من اول مانقوم وحنا بالسيارة ندور مانخلي مكان مانروح له
رابع ايام العيد:
نروح دبي بيت يدي الثاني ونرقد عندهم
********************************
الحين ابي الكل يكتب كيف يقضي العيد
__________________
توقيع مخالف
|