| ((آخر دراسه عن السحالي ))
(((شخصيات السحالي)))
شخصيات السحالي
1- الكشيخه:
هذي من تشم ريحة طلعة
تروح تطق لك الميك آب وذاك اللبس الزين وتقعد تزين في هالشعر
يعني مايهمها رايحه للسوق ..للجامعة..زيارة عائلية ...كاشخه كاشخه لو انشاء الله تاخذ لفة حول البيت
____________________________
2- الدلوعه :
الدلع غريزة في البنت .. يعني البنت اذا محد دلعها .. تدلع نفسها عادي ماتفرق معها
لكن فيه دلع عن دلع
الدلع اللي يجي على طبيعته..يواحلوه
لكن الدلع المصطنع ..وواع ع ع ع ..ودك تشوتها إذا جت تتكلم
______________________________
3- البنات النصابات :
هذي الكذب عندها ماشي سوقه .. تجيب لكم ذيك الكذبه اللي مو صاحية وتدري انكم ماتصدقونها بس ماعليها من أحد
( فلانه ليش ماشريتي تلفون ابو كاميرا تقولك والله انا شايفه تلفون عاجبني توه مانزل هنا ...تمر السنين .. وتسألها تقولك إلا الآن مانزل ..)
مدري متى بينزل الخ ..بس تدرون إذا نزل علمتكم
_________________________
4- العصبيه :
فيه نوعية من البنات تعصب بسرعة .. وما تخلي أحد ماتتهاوش معه... ولو تقولها خير حذفتك بأكبر ما عندها
هذي لو تمر الذبانه عند خشمها ياويلها
____________________________
5-الملسونه :
هذي لسانها دايم ناشب في حلقها وعسى ما تقولها كلمه إلا ردت عليك بعشر
يعني يجيك شاب في حالة ماله شغل .. وتجي البنت تقول : شوفي هذا قليل الأدب من الصبح يلاحقنا ..
مالت عليه .. ودك من يسنعه .. لازم أهزئه عشان يحرم يلحق أحد ..وهو مو لاحقها ولا شي الضعيف هو في وادي وهم في وادي ثاني
_____________________________
6-راعية سوالف(القرقه):
يوه هذي النوعية متعبة حيييييييييييل
يعني تجيك الوحدة تسولف تسولف تسولف... ويالله سكتها إن كانك شاطر
من وين تجيب هالسوالف ماأدري.. وأتحدى إن خلتك تسولف
_____________________________
7- الضعيفة
(دابتن سليمة)فيه بنات ضعيفات لكن موكثير .. هذولي البنات يرضون بأي شيء ..
كل شي عندها ايه اللي تبونه .. ماتعرف كلمة لا ...
_______________________________
8-فرفوشة و فروحة :
يعني تحب الضحك والفرفشة والتعليق .. النكدوالملل والطفش ماتعرفة ..وتموت وتتعب نفسيتهاً اذا قعدت مع ناس ثقيلين دم
وحتى لو كان مامعها احد يضحك ويسولف .. تروح تشوف الخدامه تعلق عليها ولاتروح تطالع وجهها بالمراية وتقعد تعلق على نفسها وتضحك
_______________________________
9-شايفة نفسها:
ياكثر البنات اللي شايفات انفسهم .. البعض من البنات يحق لها تشوف نفسها..
لكن بلاك اللي مايحق لها .. على شنو شايفة نفسها ... مادري
ماتكلم الناس إلا من طرف خشمها ... واذا ردت ترد عقب الشين
______________________________
10-راعية الطرب والشكشكة :
هذي النوعية من البنات ماتمشي إلا بمسجلها .. وأشرطتها في شنطتها .. هذي إن قعدت معها جتك الزيران غصب
_________________________
11-العناد :
بعض البنات عنيدات
يعني إذايبون شي سرروه ولا عليهم من أحد
تنجلد.. تنطق طرقات. تنحبس.. تتصفق.. تتلسب بالعقال ..ماعليها أهم شي اللي في بالها سوته.
_______________________________
الحنانه :
هذي الفئة ماشيه على هالمثل..( كثر الدق يفك اللحام )
هذي ياويلك منها إذا بغت شي خذته بس موبالعناد لا بالدندره
يعني إذا بغت شي تقعد تحن على راسك لما تعطيها اللي تبيه
___________________________
13-الكريمات:
هذي رهيبه عسى ماتقول أبي شي إلا وهي جايبته لك ..
وإذا راحت سوق او مكان تطير لفلوس اللي في البوك كلها
______________________________
14- غيورة :
كل البنات غيورات لكن نسبتها تختلف من وحدة للثانية ..
بعض البنات يغارون .. لكن يحاولون يطورون انفسهم للوصول لنفس مستوى اللي يغارون منهم .. وهذي الغيرة زينة
لكن البعض الآخر يغارون ويحشون ويحقدون وبس وهذي الغيرة شينة حييل
_______________________________
15-راعية السوق:
هذي لو تجيب طاري السوق وهي نايمه فزت
ودايم دوم بالسوق ..لو ماتشتري بس تروح للسوق هذي هي هوايتها
_________________________________
16-الطبيخة :
تلقاها دايم في المطبخ تحوس
ماتسولف إلا عن الطبخ والمطبخ
وماتروح عند احد إلا وصنف من أصناف الطبخ سابقها
____________________________________
17-تمسكن لين تمكن :
يعني بالعربي ملكعه <<< طبعا فاهمينها
________________________
18- أم دميعة :
هذي لو تقولها .. بخ .. صاحت
دمعتها قريبة وعلى طول تصيح وياشينها
بس القهر اذا الوحدة ماتبي تنزل دمعتها عشان موقف وتنزل هالدموع غصب.
خخخخخخخخخ شو رأيكم يا تماسيح ..
__________________ رآبعه العدوية  |