((مالي من الناس والي )))


ليتك على ماقيل مارحت ارحت
ليتك معي واشوف زولك قبالي
جيت أحمل اوجاعي على كفي وطحت
أزريت أشيل الهم ياويل حالي
ليت الوجيه اللي اشوف كلها انت
مع ان وجهك مايفارق خيالي
رحت وبغيت اسألك :بالله ليه رحت ؟
ورفضت حتى السؤال تمون يالغالي
وطلعت ادور بالشوارع عليك انت
واسألك عليك الناس بصوت عالي
وأقول: ماشفتوه هو راح من وقت
أكيد يرجع بس بطمن بالي
أسمع صدى صوته هنا 00 تسمعه انت ؟
وامشي وراء صوتك واركض لحالي
وأثر البشر تستغرب اللي انا قلت
وأول وش بالناس تهجن سؤالي!
واثر السنين المقبله مابها انت
يعني على ماقيل ((مافيه والي ))
ومرت سنين العمر وكبرت وكبرت
وسود الليالي ماعطت يوم حالي
عرفت انك مالك ارجوع وعرفت
أن الحلم بيصير شين خيالي
ماعاد ينفعني صياحي أذا صحت
الله يعين القلب في فقد غالي
يمكن صياحي هون القلب وارتحت
بس الوكاد ((مالي من الناس والي ))
كل الوجيه تلومني ليه كذا صرت
واقول يمكن باكر يزين حالي
ماألومهم ماذاقو اللي انا ذقت
الله يعين القلب كل ماطرى لي
اليم صارلك عشرة سنين مابنت
(كل عام وانت بخير ياجرح غالي )
بس السؤال اللي يراودني بصمت
ابسألك وأرجوك تعذر هبالي
من بعد عشر سنين لو جيتني وشفت
معقول تعرفني بعد هاليالي ؟
يالله رجيتك حالتي صايره زفت
فقده ترى ياموت ماجا فبالي
ليتك على ماقيل مامت مامت
ياموت تكفى لاتجينا تالي
من كتاباتي

__________________
رحلة الألف ميل تبدأبخطوة
متى وجدت الإرادة والصبر زالت الصعاب
احسن وسيلة للتغلب على الصعاب اختراقها
لانعرف قيمة مالدنيا حتى نخسرة
ليس الفخر أن لانسقط بل أن ننهض كلما سقطنا