هذي القصيده قلتها في مناسبه افتتاح البرج الجديد
لجميعة انسان لرعاية الايتام ..
وكنت احد المدعوين ,,
وبرعاية الامير سلمان بن عبدالعزيز امير الرياض
وبحضور المفتي العام للمملكه في 20 رمضان 1429 ه
وبعد انتهاء الملتقى والندوه والاحتفال
كنت في احد مجالس الفندق
وكان في المجلس معي مجموعة اطفال ايتام
وكان هناك ايضا اشخاص من ذوي الاحتياجات الخاصه
من معهد الامل والصم
ومابيني وبين نفسي
ولجل اني قضيت الوقت الطويل واجمله معهم لوحدنا
جتني هذي الكلمات اللي اهديكم اياها
جت كذا تعبير عني وعن غيري وعنهم
::: (( ياقلب ماتدرري )) :::
الله من دمعة ( ن ) نزلت بدون الإدراك
نزيفها يسحب من فوق الأوجاع
من قعدتي مابين ذولا وذولاك
ذولا صغار السن وذولاك خرسان
قلبي على يتيم في ضحكته افلاك
وقلبي على من فقد مناداته يافلان
ياقلبي اصبر وتحمل باللي جاك
حر اللهب يكويك وبالجوف نيران
ياقلب ماتدري سود الليالي تحداك
وتعذر بك الأيام لو وقتها زان
جفت زهورك وما شحها ماك
صار المحل بالود من بعض الاخوان
والله لو الود يشرا لك ويعطاك
لا اشريه انا من كل متجر ودكان
والله لو الوووود من ذولا وذولاك
لا اقول انا لله يا اهل الاحسان
ياقلبي اصبر ترفق بشكواك
ماتنفعك شكواك لفلان وعلان
ياقلب من يسمع عويلك مع نجواك
واللي معك جهال وذولاك خرسان