| رد: الحلقة الثانيه من برنامج شاعر المليون 3 الجزء الثالث تغطيه
يقول من يشكر المعروف بالقافي
قاف بناه العريمه من هناديبه
ياذيب ما يدفن المعروف بالسافي
ياكود عفنٍ رديات ماذيبه
قالوا لنا عشرة المطران تنعافي
واللي عرفنا من المطران ياطيبه
والله ما اصّدق بعرفي كل عرافي
وانا من اللي عرفهم من تجاريبه
زرنا الشمال ولقينا مكرم اللأفي
الصاحب اللي عسى الأيام تبطي به
لي بين واصل وعلوى صاحب صافي
ومعارف ما بهم شك ٍ ولا ريبه
علوى هل الصيت الأبيض والمثل كافي
وواصل من اطيب قبايل نجد ندري به
منهم عشيري سعود الأول الوافي
وسعد وابوهم على وضح النقى شيبه
وعبداالله العيد له بالجود ميقافي
عشيري هو اللي له الثاني بترتيبه
ربعٍ وفاهم لنا ملموس ويشافي
ومن عز نفسه وربعه عز اصاحيبه
وحمد عقيل فداه القادر الخافي
ليا قال قولٍ عريب الساس يافي به
وعاشرت منهم رجل مابهم جافي
ما فيهم اللي تردى عن مواجيبه
الكل منهم بعيد شبوح وسنافي
لو قالوا الناس ماخذبه ولا اعطي به
لمطير عندي شهادة حق وانصافي
قول على فعل والعالم تغني به
كون العوارض فريٍد ماله اوصافي
مع شيخ شمر ولا طاعوا مناديبه
يوم الرقيبه رقى في راس مشرافي
قال اعتزوا يالعوارض شفت لي ريبه
وفازوا بيوم به الأرياق نشافي
من طلعت الشمس لين انحت لتغريبه
وسبع العبيات منهم شاف ما عافي
على الخليفه وطشوا من مراكيبه
بمسلبات لهن بالقاع رجافي
من كل شبلٍ عطيباتٍ مضاريبه
وابن معلث شريف السالفه لافي
اللي جلىا مع ضيوفه عن معازيبه
عقيد جيشٍ يحوفن حم الأشعافي
كم شيخ قومٍ كفى مليا مشاريبه
يامطير ياطيبكم ما اطيع ا|لأجحافي
وهرج العرب ضدك مااسمع به ولا اوحي به
والناس فيهم هلل وارباع وانصافي
وفيهم كامل تنقص مطاليبه
ياساتر العيب يالله سترك الضافي
الله من اللي يعيب الناس في عيبه
لو فتشوا به لقوا به حدر الأظلافي
عيب يجي به جديد وعيب مبطي به
تمت ورد الثنا من طبع الأشرافي
واللي يذم ويعم الناس والخيبه
مع تح يات :ع يسى المطيري |