عيون العرب - ملتقى العالم العربي - عرض مشاركة واحدة

رغباويه · #1 11-15-2008, 07:41 PM

مو بكيفي
وضحكته خمري ... وكيفي
مو طبيعي
هالولد عمري وربيعي
وفوق هذا صار شاعر ...

والعَرق لاسال قطرة فوق قطرة وطاح من جيدي إلى مركوز صدري
قال ( احبه
هذا مِسكك مو عرق يانور عيني )
قلت ( ادري )
قال ( ياحلوه غرورك ...
وشمس وجهك تكسر عيوني بنورك )
قلت ( كافي )
قال ( شورك )

إن عشق كله جنون
وإن حكى كله فنون ...
على راسي ما يهون
إيه يُمه
إيه احبه
واعصر ضلوعه واضمه
وانتشي من ريحة انفاسه ... " واذا يسمح اشمه "

" بس بالسِنة يا يُمه "
جعل عيني فدوت عيونه
وثوبي دون كمه ... بس المه

خلى نورة وخلى لمياء وخلى خولة
ايه يُمه
وخلى اسماء بنت خاله ...
وخلى سارة بنت عمه
اللي ابوها اخو ابوه ... ودمها هو نفس دمه
باعهم لعيون بنتك ... واشتراني ...
شفتي يُمه ...؟!
وآنا اراه إنه غرامي ... وهو بعد مثلي يراني ...

واللي ما يسمعني يسمع ... إلا احبه
واعشق ترابه اذا داسه برجله

قلت ( حاضر
يا الله ناظر )
يوم ناظرني بكيت
ما تحملت الهوى بعيونه السوداء
وشكيت

قال ( انا اقصد على السنة )
قلت ( ليت )
قال ( والله لآخذك قدام اخوك ...
بعد ما تربط يديني في يدينك بأمر ابوك )
قلت ( تبطي ...؟! )
قال ( لا لا )
قلت ( لو ابطيت جيتك )

قلبي قلبك ... وبيتي بيتك ...
لعن ابو من خان عشقك
وما حفظ عهده معاك ... وما رعاك ...
وما تذرى ظلال خصرك وقت صيف
وما دفن نفسه بحضنك وخذ دفاك )

لا تخلين العُمر يمشي الم
ها يا يُمه ...؟!
قولي ( تم )

أتمنى ان تنال اعجابكم