مرحب ا بسحالي المنتدى
كيفكم ايش الاخبار
كأني سمعت احد اتحداني احط موضوع عن طريقة مذاكرة البنات
صح ولا يمكن اذني خربانه لا اذني مهي خربانه انا شايف بعيوني كمان
طيب يلا خذوا طريقة تهرب البنات من المذاكره
وخلي التحدي ينفعكم
نبدأ:
الثلاث الوجبات الرئيسية لازم تقعد عليها أول وحدة وما تقوم إلا أخر وحدة (المسكينة جوعانة) وأحيانا تزيد وجبات إضافية إذا كانت المادة دسمة.
- أو تقعد تسوي نفسها طفشانة وتعبانة وياربي ماني قادرة أذاكر مدري وش فيني حاسة بكتمة يمه تقعد امها تقول بسم الله عليك تعالي اقرا عليك تروح تقولها الظاهر أحد صاكني عين (ياحبيبي على الحركات كل هذا عشان إذا رسبت يقولوا عين)
-بعضهم ينزل عليهم وسواس النظافة أيام الإمتحانات تتروش الصبح والليل وتسشور شعرها كل مرة طبعا مايصير تخليه ويخرب وكيف بكرة تروح الجامعة؟(والكتاب على جنب) طبعا هذي من واجباتها اليومية ماتقدر تتركها عشان تذاكر شوي مايصير.
- وهذي تترك الكتاب على جنب وتقوم تقيس فساتين السهرات الي عندها علشان بعد الإختبارات على طول فيه زواج فلانة بنت فلان لازم من دحين تحدد الفستان الي بتلبسه وتختار الصندل والشنطه اللي ماشيه مع الفستان وحالات صعبه >>الله يجيرنا
- ولا بعضهم ليلة الإختبار رايحة عند الخياطة تسوي بروفة (النوع هذا متهور شوية)
- وبعضهم تنزل عليهم صلة الرحم فجأة وتكلم وحدة من صديقاتها القدااااام (مغبرة كح كح) من زمان ماكلمتها تشوف ايش صار عليها وتشغلها عن المذاكرة يمكن كمان تكون صاحبتها من ايام الروضه:d
- وهذي ينزل عليها السنع فجأة وتقوم تسوي لأهلها عشا وتغسل الصحون عن الشغالة وتقولها اطلعي نامي كفاية عليكي اليوم خلاص انا اكمل (الله يا الحنونة)
- وناس ربي مبتليهم بحب الجوال (قالبتها شات حشا مو مسجات) وماتصحى على نفسها إلا قبل الفجر بساعتين تذاكرلها شوي >>هذا كويس لو ذاكرت كمان
- وهذي المسكينة تنزل عليها أيام الإمتحانات حالات غريبة شوي مشتهية أكلة معينة وما تلقى إلا السواق رايح جاي جاي رايح وامها: يابنتي وش تبين بس (فال ايش تبغى تساعدها عشان تفتح نفسها للمذكرة) وهذا النوع من البنات ماتنتهي الإمتحانات إلا زايده 4 أو 5 كيلو
- أما الباقين فتلا قيها حايسة في النت في ها المنتديات الي تعلق والي تحط موضوع جديد والي تشكي حالها شوي على الماسنجر وبعدها تتفرغ للم\اكرة وهي ميتة من النعس (موغريب عليكم هذا النوع هههههههههه)
يلا ياشباب اتشمتوا وردوا على كيفكم مستني ردودكم