يسلم نظرهه العين وتسلم حياتج
لو احجي ست ايام ما صل غلاتج


كل الغلا والطيب منّك يماي العين
ولو ما أشوفك يوم أتوسد البين


لو ما غلات البيج ماأدك بابج
كلش الروح تذوب لحظة غيابج


جاشلّي بيهه الباب لوما تدكهه
شوف الكلب والروح فايض عشكهه


دورت بين الناس ماكو اليشبهج
قالب وفه واخلاص من حطّه ربّج


شوف البشر أشكال هوايه اليشبهون
بس انته عينك هاي عين اليحبون


عيني وصفنتي وهاي روحي التعنّت
إد ِّك بديهه الباب هلكد تمنّت


خليهه روحك هاي وآنه الأجيلك
وباب التدكهه تريد صاحت دخيلك


منّك ابد ماجوز لو اضوكن الموت
جسر آنه للطيبين وبراحتك فوت


ماردتك آنه تجوز وادري بعشك روحك
خليني يمّك دوم روحي ويه روحك


صابر وحك عيناج والسكته ثوبي
واتعاذل ويه الروح يالغبره توبي


لاتحلف بعيناي ولا تسكت ارجوك
شوف الكلب والروح كل ساعة يقروك