طبعاً زي ما تعرفون إن التماسيح وجودهم زي عدمهم يعني مالهم داعي
إذا طلبتي من أخوك إنه يوديك السوق ورفض لأنه رايح يطلع مع أصحابه .. لا تزعلي وقولي له جزاك الله خير ..
روحي غرفتك والهي نفسك بأي شيء ( الموضوع مارح يعدي بالساهل ) .. إليك الإنتقام .. - مواهاهاهاهاهاهاها -
اختاري أي وسيله للإنتقام من الوسائل الآتيه:
1- روحي لمزيل الروائح حق أخوك قبل ما يستحم وافتحي غطاه
حطي فيه استون مزيل المناكير وعصير ليمون وصرافه ، ورديه مكانه ، هذا وجهي إذا قدر ينزل يده ويمشي طبيعي .
2- روحي للصندل أاو الجزمه ( الله يكرمكم ) اللي يحب يلبسها أخوك دايماً وكلي لبان {علك} علبه كامله طلعيها من فمك وحطيها في الجزمه من تحت ومن جوا ، قرف على أصوله .
3- روحي للقلم الباركر اللي يلبسه أخوك مع الثوب وطلعي الحديده اللي جوا وغطيسيها في الحبر ورديها مكانها ، لما ترجعي القلم لمحله خليه مفتوح .. يعني جاهز للكتابه ، وطبعاً أخوك رح يكون مستعجل وماينتبه له .. وينزل الحبر على ثوبه قمه القهر . 
4- خذي فرشته حقت الشعر وغطسيها في مويه الحنه أو في مويه مخلوطه ببيضه نيه ، لا تتركي الفرشه مببلله مره .. لا خليها رطبه بس ..؛
أخوك طبعاً حيطلع من الحمام ( أعزكم الله ) ويمشط شعره وهو مبلول كالعاده ، شوفي الريحه اللي حتطلع .
كمحاوله للمساعده لاظهار حسن النيه اعرضي عليه إنك تستشوري له شعره ..و سدي أنفك إذا كنت تحرصي على حياتك .
5- خذي الجوال وفرغي البطارية يعني العبي فيه لين الشحن ماينتهي ، ولا بغى يخرج من البيت قولي له جوالك بطاريته فارغه . خذ بطاريتي .. كرم أخلاق من جد ..! 
6- خذي مفتاح سيارته وخبيه ..وإذا سأل عنه قولي إنك شفتيه مع أصغر طفل في العيله وياريت يكون عمره سنه أو سنه ونصف .
طبعاً مايقدر يخاصمه ولا يضربه على العكس حيتحايل عليه ويحاول يوصله المعلومه بأي طريقه ، و أنتِ اضحكي عليه بس لا يشوفك .
قومي دوري المفتاح معاه لاتتفرحي بإنتصارك مو وقته .. في النهايه حيتصل على أصحابه علشان يمروا عليه ..
هنا اسأليه إذا محتاج فلوس ( ايه لا تبخلي عليه ولاتقولين لي ماعندك .. جيب السبع ما يخلى .. وفي النهايه كله لصالحك )
اعرضي عليه من 100 الى 300 في الغالب هو رح يرفض ماله وجه ، ماوداك السوق وكمان ياخذ منك فلوس .؟!
7- قبل ما يطلع من البيت خذي مفتاح غرفته بعد مايقفلها .. حاولي تحصلي على المفتاح ضروري ..
لا رجع من السهره طبعاً يبي ينام .. يدور على المفتاح في الميداليه مارح يلقاه ..
أكيد حيتوقع إنه ناسيه أو مضيعه برا ، طبعاً ماله مكان ينام فيه إلا الكنبه ( مواهاهاهاهاهاهاهاها ) روحي صحيه وقولي له نام في غرفتي أنا ماني نايمه .. قممه في الكرم والأخلاق .
هنا من جد أنتِ كسرتي خاطره ، وضميره أكيد حيصحى .. ممكن مايبين لك . لكن ثاني يوم رح يجيك بنفسه ويقلك:
أي سوق تبغين ..؟! واقعدي سنه حتى تخلصي من السووق
وبكذا يكووون مقهوور
..
شفتها و عجبتني ، وسائل رائعة ..!
بس مشكلتي ما أقدر أستعملها ما أحب السوق ولا شوفته ..؛
لكن حرام أفكار خطيرة زي كذا تروح بلاش .!؟ قلت أجيبها لبنات المنتدى ما بيقصروا في أخوانهم
صح .؟! 