على فكره بس حبيت أسألك وايش أخبار جرحك ودمعك
وايش أخبار شوقك و صبرك باقي تحب والا خلاص نسيت
المجروح صعب ينسى و مستحيل اسألني أنا المجروح وشارب الويل
عشان أنسى أحتاج وقت طويل ياليت ماحبينا أنا وأنت ياليت
أنا حبيت أسألك لجل أواسيك أنا مجروح أكثر من اللي فيك
شوفني أنا وتهون المصيبه عليك من كثر الجروح خلاص انتهيت
كنت أقول حبيبي وبحبه يتغلّى ولا كنت أتوقع انه فيّا يتسلّى
ولاتوقعت بسهوله عني يتخلّى لِدرجة اني ماعمري فيه شكيت
ماتوقعت يبيع الحب واللي راح ماتوقعت يجازيني بألآم و جراح
عالأقل أنت أهون مني يا صاح أنت ماعانيت مثل ما أنا عانيت
اللي يشتري مو مثل اللي يبيع وأنت أنهيت الحب بدون توديع
بعت الحب والثمن جرح فضيع أنت بعت الجروح و أنا شريت
أنت ماتنجرح لأن مايوم حبيت أما أنا غير الجراح أصلاً مالقيت
وأصلاً بهذا الحب مايوم حسيت وايش تفيد كلمة ياليت وياليت