| رد: أخوكِ ما وداكِ السوق اليوم .؟ حياكِ
اقتباس: |
طبعاً زي ما تعرفون إن التماسيح وجودهم زي عدمهم يعني مالهم داعي
|
 حنا محنا تماسيح ..آوادم ولله الحمد..تقدرين تقولين أسود
اقتباس: | إذا طلبتي من أخوك إنه يوديك السوق ورفض لأنه رايح يطلع مع أصحابه .. لا تزعلي وقولي له جزاك الله خير .. | 
ابروح اجيب ورقه وقلم..واسجل كل نذاله تسونها ..
علشان يكون عندي خلفيه.. خلاص اذا قالت اختي جزاك الله خير..
أقولها..(تكفين كل يوم ادعيلي ) اقتباس: |
روحي غرفتك والهي نفسك بأي شيء ( الموضوع مارح يعدي بالساهل ) .. إليك الإنتقام .. - مواهاهاهاهاهاهاها -
| اقتباس: |
اختاري أي وسيله للإنتقام من الوسائل الآتيه:
1- روحي لمزيل الروائح حق أخوك قبل ما يستحم وافتحي غطاه
حطي فيه استون مزيل المناكير وعصير ليمون وصرافه ، ورديه مكانه ، هذا وجهي إذا قدر ينزل يده ويمشي طبيعي . |
هاهاهاها...
يمه ..كل هذا حقد علينا .. اقتباس: |
2- روحي للصندل أاو الجزمه ( الله يكرمكم ) اللي يحب يلبسها أخوك دايماً وكلي لبان {علك} علبه كامله طلعيها من فمك وحطيها في الجزمه من تحت ومن جوا ، قرف على أصوله . |
 يمه..وش هالنذاله..
تخيلوا عاد يوم اروح لأحد خوياي ويعزمني للديوانيه
فضيحه..
ولا للمسجد ..اظل جالس لوقت صلاة العشاء
اذا طلعوا الخلق حطيت رجلي ..
4 اقتباس: |
- خذي فرشته حقت الشعر وغطسيها في مويه الحنه أو في مويه مخلوطه ببيضه نيه ، لا تتركي الفرشه مببلله مره .. لا خليها رطبه بس ..؛
|
هذاي شكلها من خلطاتكن..
شكلك مجربتها ..
لايكون تحطن بيض على روسكن
اقتباس: | أخوك طبعاً حيطلع من الحمام ( أعزكم الله ) ويمشط شعره وهو مبلول كالعاده ، شوفي الريحه اللي حتطلع .
كمحاوله للمساعده لاظهار حسن النيه اعرضي عليه إنك تستشوري له شعره ..و سدي أنفك إذا كنت تحرصي على حياتك .
5- خذي الجوال وفرغي البطارية يعني العبي فيه لين الشحن ماينتهي ، ولا بغى يخرج من البيت قولي له جوالك بطاريته فارغه . خذ بطاريتي .. كرم أخلاق من جد ..! 
6- خذي مفتاح سيارته وخبيه ..وإذا سأل عنه قولي إنك شفتيه مع أصغر طفل في العيله وياريت يكون عمره سنه أو سنه ونصف .
طبعاً مايقدر يخاصمه ولا يضربه على العكس حيتحايل عليه ويحاول يوصله المعلومه بأي طريقه ، و أنتِ اضحكي عليه بس لا يشوفك .
قومي دوري المفتاح معاه لاتتفرحي بإنتصارك مو وقته .. في النهايه حيتصل على أصحابه علشان يمروا عليه ..
هنا اسأليه إذا محتاج فلوس ( ايه لا تبخلي عليه ولاتقولين لي ماعندك .. جيب السبع ما يخلى .. وفي النهايه كله لصالحك )
اعرضي عليه من 100 الى 300 في الغالب هو رح يرفض ماله وجه ، ماوداك السوق وكمان ياخذ منك فلوس .؟!
7- قبل ما يطلع من البيت خذي مفتاح غرفته بعد مايقفلها .. حاولي تحصلي على المفتاح ضروري ..
لا رجع من السهره طبعاً يبي ينام .. يدور على المفتاح في الميداليه مارح يلقاه ..
أكيد حيتوقع إنه ناسيه أو مضيعه برا ، طبعاً ماله مكان ينام فيه إلا الكنبه ( مواهاهاهاهاهاهاهاها ) روحي صحيه وقولي له نام في غرفتي أنا ماني نايمه .. قممه في الكرم والأخلاق .
هنا من جد أنتِ كسرتي خاطره ، وضميره أكيد حيصحى .. ممكن مايبين لك . لكن ثاني يوم رح يجيك بنفسه ويقلك:
أي سوق تبغين ..؟! واقعدي سنه حتى تخلصي من السووق
وبكذا يكووون مقهوور
..
شفتها و عجبتني ، وسائل رائعة ..!
بس مشكلتي ما أقدر أستعملها ما أحب السوق ولا شوفته ..؛
لكن حرام أفكار خطيرة زي كذا تروح بلاش .!؟ قلت أجيبها لبنات المنتدى ما بيقصروا في أخوانهم
صح .؟! | يمه .. بسم الله علينا..كل هذا .. ولا وش قصتكن مع السوق.. تحوشن كل شي فيه.. ماشاء الله تسون لفه كامله عليه .. ماتخلن شي الا وتحللنه تحلل.. حنا ترانا نسوق نتعب.. انا شخصياً ماقول شي على طول أودي للسوق وبدون مقابل (حتى على السواقه آجره مايرحن بلاش ) خاصة اذا كنت طفران ..ذيك اللحظه عاد اذا كنت مودي خواتك الكبار اللي عيالهن وراهن ..وناااااااااسه أنواع السلطه اودي كل بزر للبقاله 10 ريال.. شوفي يادريب اذا صار لنا هالشي فانتي السبب ..
وتصبحوووووووووووووووون على خير...
__________________
( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا. يُرْسِلِ السَّمَاء عَلَيْكُم مِّدْرَارًا. وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا. مَّا لَكُمْ لا تَرْجُونَ لِلَّهِ وَقَارًا )
لا اله الا أنت سبحانك أستغفرك واتوب اليك :wardah:
|