| رد: حب ريما لنواف قصه رومنسيه كشخة
صلت ريما وأول ما خلصت
هيفاء:ساعة انتي تكلمين. مع حبيب القلب؟
ندى:ماشفتي شيء انا وهنوف ونوف بنات عمها يرتفع ضغطنا منها
ريما:انتم وش عليكم؟
ندى:يالله بنات اسمعوا هند تنادينا خلينا نروح
نزلوا البنات وبعدين راحوا للملاهي مع تركي وخالد انبسطوا ماتركوا لعبة مالعبوا في 111
ريما:آه تعبت
هيفاء: عز الله عجوز قاضية
خالد:ههههههههههه قومي ياريما واجلسي عند امي اذا تعبتي ياكسولة!!
تركي:حتى انا تعبت ابي اجلس ..يالله ريما خلينا نروح عند هند
ندى:وانتم هيا بنا لنذهب الى اللعبة تلك
خالد:ابوووك يالفصحى
هيفاء:ههههههههههههههههههههههه
ندى: تتريق علي انت وجهك طيب امشي قدامي على الاقل انت الرجل
خالد:غصب عليك رجل
ندى:لاحول ماقلت شيء رجل وستين رجل بس امشي وقص لنا تذاكر بليز
خالد:على حساب مين؟
ندى:هيفا
هيفاء:لا والله من اول مادخلنا انا وريما وتركي ندفع لكم وانتم اعضاء شرف تلعبون وتنبسطون
ندى:امري الى الله يالله على حسابي التذاكر..
راحوا يلعبون وانبسطوا وبعدين رجعوا للبيت وتعشوا ..وسهروا البنات مع بعض والشباب طلعوا
من بكرى العصر
ندى:يالله بنات اصحوا من النوم
هيفاء:خليني شوي انام
ريما:اطلعي برى يوووة يانك مزعجة
ندى:قوموا وجع ياحبكم للنوم
هيفاء:لاحول ولاقوة الا بالله
ريما:ترى مانمنا الا الفجر حرام عليك
ندى:حتى انا مانامت زين..بس الليلة العزيمة حقت جيرانكم يالله خلونا نتجهز
ريما على طول صحت:ههههههههه انا اقول وش فيها البنية حالتها حالة طلعوا اهل ماجد اليلة عزيمتهم
هيفاء:هههههههههه ايه بس ندى تموت على النوم او كل شيء يهون عند الجيران
ندى:سخيفات وتافهات انا وش جلسني عندكم..خلوني انزل لهند ابرك لي من مقابل وجيهكم
ريما:طيرت النوم من عيوننا ونزلت
هيفاء:ماجاك من ندى الا هذا..طول عمرها كذا
ريما:ههههههههههههه
ندى:ههههههههههه
البنات كل وحدة اخذت شاور وجلست تعدل بشعرها وتكشخوا وتضبطوا
هند:ياربي منكم راح الوقت وانتم تتزينون بسرعة خلينا نروح
هيفاء:يايمة ماتبين العالم يقولون ماشاء الله وش هالأقمار
ريما:ههههههههههه ايه اقمار
ندى: انا خلصت
ريما:لسى ماخلصت هيفاء بالله تعالي سكري الحلق الي في اذني
هيفاء:طيب ..وانتي بالله سكري ساعتي
هند:بسرعه خلصوا
خلصوا البنات ونزلوا ولبسوا عبايتاهم وراحوا للعزيمة.. ريما لبست تنورة زيتي وفيه ترتر اخضر فاتح وبدي طويل شيفون في تشجيرات وبلوزة قصيرة زيتي لونها وقلايد الوانها زيتي واخضر طويله.. وحاطة على شعرها ربطة مخمل لونها زيتي وفيها ترتر خفيف..
ندى لبست تنورة الى نص الساق سوداء شيفون وبدي احمر فيه لمعة وجكيت قصير اسود دانتيل ومجعدة شعرها..
هيفاء>بنطلون جينز ازرق وبلوزة بيج طويلة وفيها نقشات هندية بالبني ورابطة شعرها..
وأول مادخلوا كان في الاستقبال ام ماجد وخواته كان عددهم ثلاث غادة الكبيرة الي بنتها شهد.. و عبير و شيخة ..
سلموا عليهم واستقبلوهم استقبال حار والبنات صديقات هيفاء بالمرة
هند:اعرفك يام ماحد هذي ندى اختي وهذي ريما بنت اختي
ام ماجد:ياهلا ومرحبا نورتوا الشرقية..ماشاء الله ياهند كل وحدة احلى من الثانية
ندى استحت وجهها احمر..وريما بعد دنقت راسها
دخلوا المجلس وجلست ندى جنب ريما وهيفاء عند البنات ..
غادة:ماشاء الله ياملحها ندى خالتك
عبير:ايه تهبل
شيخة:بنت اختك نعومة بشكل هي الي تقولين انها مخطوبة لولد عمها؟وش اسمها قلتي لي؟
هيفاء:ايه ريما بنت خالتي سلمى..
غادة قامت تصب لهم القهوة ولما جت عند ندى
غادة: ماشاء الله ياندى هند دايم تسولف فيك..قمر لا اله الا الله
ندى استحت
ام ماجد ماشالت عيونها من ندى بس تطالعها ندى حست بارتباك
ندى بصوت قصير:ريما نفسي لو اروح للبيت اللحين
ريما:من شوي وانتي الي عجلتينا خلونا نروح تأخرنا واللحين ودك لو نرجع..عيب اعقلي
عبير:قوموا بنات خلونا نجلس عند ندى وريما
شيخة:ايه فشلة يالله
راحوا البنات وجلسوا عندهم ..واخذوا يسولفون
عبير: وش تخصصك ندى؟
ندى:علم نفس
عبير:ايه يهبل علم النفس كنت ابي ادخلة بس رحت مع زميلاتي كلنا علم اجتماع
هيفاء:ياحليلهم علم النفس والاجتماع اخوان ههههههههههه
ريما:هههههههههههههههه
البنات:ههههههههههههههههههههههه
شيخة:وانتي ريما؟
ريما:لا بعدني ثانوية عامة!!
شيخة:آه مثلي انا ثانوية عامة
غادة:طقم ههههههههههههههههه
البنات جلسوا يضحكون..
بعدين جت ام ماجد تفضلوا على العشاء..
راحوا البنات تعشوا ولما خلصوا ندى وريما راحوا للصالة عند المرآيا يتضبطون
ريما:ماشاء الله ام ماجد اكلتك بعيونها
ندى:اقصري صوتك فشلتينا
ريما:هههههههههه اول مرة ندى تتفشل..اقول انا بروح للمجلس
ندى:طيب استنيني شوي
ريما:لا عز الله جلست الليل كله هنا واقفة يالله باي
راحت ريما للبنات بالمجلس..وندى جلست تتعدل ولما لفت تبي تروح للمجلس وينفتح الباب حق الصالة وطلع ماجد في وجهها ..ندى جمدت في مكانها وحست كان ماء بارد وانكب عليها..وماجد ضاع تشتت لما شافها دخلت مزاجه بشكل بس مايعرف من هي..!!!
: : :
كيف يعرف ماجد ان البنت الي واقفة قدامة ندى؟
العيد قرب وش راح يصير بين نوف ومحمد؟
مباراة نواف وفيصل قربت وزاد الحماس عند نواف وش سر الحماا
__________________ أستبدل كلمة ( أف حر ) بـ : إلهي إني أعوذ بك من نار جهنم فهي أشد حراً
 |