أتمنى إنكم تتابعوا معايا القصة إلى نهايتها
وهذا البارت لجل عيونكم
^^^^^^^^^^^^^^^^^^^^^^^^
خرجت منيره من الباب الرئيسي وفتحت باب مجلس الرياجيل الي من بره ودفت جودي على الرجال..في هذه الاثناء دخل عواض ومعها القهوه.. واساسا هو سحب الثلاجه والفناجيل وهي فاضيه لانه القهوه ما مدها تستوي..

الرجال مصدوم من الي جالس يصير بس يعرف البدو ماشاء الله اهل كرم..بس عاد مو كذا مغثه.. واتفاجئت بالباب ينفتح وترتمي علي وحده على ساقي..شكلها كانت مسرعه وما تدري اني موجود واتعنقلت وطاحت علي بس حسبي الله عليها عورتني.. انا كنت جالس على الارض.. بس اتفاجئة بالبنت..جلست حضنتني وتبوسني على وجه
جودي: الله يخليك لا تسوي فيني شي الله يخلك ترضها على اهلك
ماكنت شايف وجهها لانه لاصقته في خدي..بس حسيت بحرارة دموعها..ضعيفه على بالها بغتصبها موداريه اني جالس هنا وانا مقروف وهي اكثر شي قارفتني لبسها كان مره قديم ومقطع وحالتها حاله..
دخل الرجال علي وطاح التبسي من يده..وعرفت اني في موقع شبه.. الله يقلعك انت الحين الي تغلطين وانا الي راح اتورط
وقفت بسرعه ابا اشرح الوضع..بس هو كان اسرع وفسخ عقاله وطاح فيها ضرب..وانا احاول امنعه وافهمه السالفه بس هو ما يسمع شي.. يحقله ولا واحد عنده غيره ويشوف بنته في حضن رجال غريب..
عواض: اه يالكلبه انت من وين تعرفينه
الرجال: يالاخو تراك فاهم السالفه غلط
عواض ووده يذبح الرجال: انت اسكت واحمد ربك اني مخليك حي لين الحين..
جودي وهي تحضن رجول الرجال: الله يخليك لاتسيبني معاه بيذبحني..قالت كلمتها لانها عرفت نواي ابوها وخافت لا الرجال يتكرها ويزيدها ابوها او ممكن يعرضها على اصحابه..فقالت لنفسها اعيش مع هالهندي بسلام ولا اني اعيش بذل
عواض الي عجبه تدخلها: ايه والحين تملك عليها
الرجال: شلون بس انا ما اعرفها
عواض:شوف انا انت ماراح اسويلك شي بس هالكلبه انا راح اذبحها وخرج بسرعه وجاء ومعاه سكين..انصدم الرجال من هالابو
الرجال: انتظر بكلم ..وضل ياشر على صدره يقصد انه بيكلم ابوه بس هو مو قادر يتكلم من شاف السكين..
عواض:بتكلم من
الرجال وهو يتكلم بتلكلكه: هذا اش اسمه ايه بابا
عواض:يالله كلمه بسرعه ما ابا اشوف الملعونه هذه في بيتي
جلس الرجال على الارض لانه بالفعل مصدوم من الي قاعد يصير له..وعواض من شافه جلس ظل يرفز في بنته لين هي زحفت تبى تحتمي بالرجال وبالفعل وصلت له وحاولت انها تدخل خلفه بس المكان ضيق بالقوه لين دخلت صدرها خلفه..لان أكثر الأماكن تعورها وأكثر الأماكن اتعرضت للضرب هو ظهرها وصدرها وبطنها وتبي تحمي روحها.. وصار الوضع انه ظهرها على الجدر وصدرها على ظهر الرجال ورجولها على يسار الرجال
..الرجال:يبه تعال ان متورط
ابو جهاد بخوف: شلون
جهاد: ما ادري بس تعال انت وعمي وعياله
ابو جهاد: انت وين
وصف له البيت وقفل عنه
عواض ما سمع شي من المكالمه..لانه كان ينظر لبنته وينظر شلون هي تفتنه وانه منيره هي الي دوم تمنعه عنها..طالعها ونزلت دمعه..لانه بالفعل حس انه بيفقد صالحه زوجته الي حبها زوجته الي تفتنه زوجته الي عرف معنى الجمال من خلالها..وفي زحمة افكاره.. نسي انها بنته توجه لها على اساس انها صالحه وحول يسحبها بس جودي بسرعه حضنت جهاد..و جهاد مو عارف شو يسوي.
عواض:وقفي اقولك
واخيرا طاحت عينه على جهاد جن جنونه هذه شوتسوي مع هالرجال ورفع العقال لاعلى مستوي وشحط شحطها ارتفع لها صوتين جهاد وجودي الي ما وقفت بكاء ولا اهات الالم
...وقفجهاد ودف عواض على وره وطاح الاخير على الارض ولقى السكين الي جابه طايح ومسكه وراح لجودي بس جهاد شافه وراح مسك يده واتجرح في يده اليمين.. وبدخلت ابوجهاد وخوه ومتعب وعناد..وبسرعه خذو السكين رغم مقاومات عواض..بس قدرو عليه..
جودي كانت جالسه على ركن وثانيه رجولها جنبها.. وعواض ماسكينه متعب وعناد وابو جهاد واخوه واقفين على جنب وجهاد هو اقرب واحد لجودي وواقف قدامها..والحجرة اصلا شوي وتنفجر لانها مره صغيره يعين 3امتار في 3تقريبا..
ابو جهاد: شو السالفه
..للعلم كل الرجال كانوا لابسي بدل ماعدى ابو جهاد واخوه سعد...ولانهم جاين من المستشفى فهذا لبسهم..
خبر جهاد السالفه لاهله حسب وجهت نظره هو..وقالهم انه يباه يملك عليها
ابو جهاد: شوف يالحبيب ولدي مايكذب بس هي هالسالفه
عواض..مايسمع احد كل الي يدور في راسه انه زوجته ردة له..
عواض:يكذب ولا مايكذب انقلعوا من بيتي..
طبعا الرياجيل: على بالهم انتهت السالفه وانه بيترك جهاد وتركوه وبيخرجون من المجلس بس جهاد تكلم: لحظه
نظروا له..ابو جهاد:خير في شي
وماكمل كلمته الي شافوا عواض ماسك بنته وموقفها من شعرها
..ورحو له بسرعه لمن شافوه لاصق في بنته بشكل موطبيعي ويخنق فيها..وصاروا يسحبون فيه..وقدرو انهم يبعدوه عنها وهي دخلت في حضن جهاد تدور الامن وتبى تفهم بهذه الطريقه انه مالها امان اذا تركها عند ابوها..كان جهاد ظهره على الجدر.. وجودي ظهرها عليهم وهي تكح
هالمنظر طير كل الابراج الي في راس عواض وصار يصرخ بجنون: ابعدي عنه يالملعونه ابعد عنه يالف
ولانهم ماسكينه فما يقدر يروح لها..فرفع رجوله وضربها الضربه الي قسمت عمرها وصرخت صرخه واغمى عليها وهي في حضن جهاد.. و جهاد حس بالم في ظهره لانه هو اصلا لاصق في الجدر وقرب عواض منهم هو الي زاد من قوت الضربه على جودي..
جهاد:انتوا على بالكم انه كان بيذبحني انا لا هو كان بيذبح بنته وانا الي منعته..ابعدوه عنها
وبالفعل بعدوه بحيث ما يوصل لها..
دخلت غيداء وهي تبكي:حرام عليكم ذبحها وانتوا السبب
عناد من شافها خاف لاينتبه لها ابوها ويسويلها مثل اختها..وبسرعه دخلها من الباب وظل هو واقف قريب من الباب الي من الداخل:روحي هاتي عابتها
غيداء:إن شاء الله بس الله يخليك لاتخليه يضربها
عناد بعصبيه..لانه على باله انه ابوهم مسوي كذا من غيرته على بناته وهو من شاف غيداء قال انه بيذبحها سيده لانه غيداء جميله:انت روحي بالاول
وراحت وناولته عباتها من خلف الباب
عناد:لاتدخلين فاهم يكفي وحده ..وابتعد عن الباب واعطاه جهاد الي كان يفحص في جودي بحكم مهنته..والاخير رمى العبايه عليه وشالها..
جهاد:يبه البنت تنزف من فمها احتمال يكون عندها نزف داخل
ابو جهاد وهو في قمت عصبيته على ولده: انت شلون تشيلها..يمكن يكون كسر في الظهر
جهاد: خلاص شلتها يالله واحد يروح يفتح الباب ويرتب المقعده
عواض وهو يبي يرجع بنته له:وين ماخذينها هاللملعونه
ابو جهاد:خلاص مثل ما تبي بيملك ولدي عليها
عواض: ومن قال اني موافق
منيره كانت من البدايه سامعه كل الي يصير واخيرا دخلت وهي متحجبه ومسكت زوجها: خليهم ياخذونها فضحتنا الله يفضحها..انصاغ لها
وبالفعل اول من خرج جهاد وخلفه ابوه وعمه لاجل يرتبون المقعده لها وبعدهم خرجوا خالد وانس وعناد ومحمد

الدكتوره انصاف هي المسؤله عن حالت جودي...دخلت على الدكتور منصور هي وزوجها الدكتور فتحي: بصراحه يادكتر لازم تخبرو الشرطه دا ابوها مخلاش فيها مكان الي وضربها فيه..واكيد بنته بتكسب الاضيه وبيشلو عنه الرعايه
منصور: خليها تقوم وبنستشيرها لانها ممكن تقول شي غير الحقيقة ولاتنسي هذا ابوها وانا علمتك بالسلفة يعني بتحط له عذر
الدكتورة: دي مش غيره دا مرض
الدكتور منصور: على العموم مثل ما خبرتكم ما ابا احد يعرف السالفه..وهي الحين خطيبت ولدي بس انتظر لين تخف شوي باخذها لابوها لاجل الملكه
الدكتور فتحي: وانا اخذت منها عينه من الدم ورسلته لمستشفى حكومي لاجل الكشف الطبي واخذت من جهاد نفس الشي لاجل ما ناخر الوقت زي منت عاوز
الدكتوره انصاف: وخطيبته الاول رح توافئ
الدكتور فتحي: عنها موفئتش
الدكتور منصور:هههههههه والله لو دري عنك جهاد بيغير رائيه
الدكتوره انصاف: كم مره اولتك سبها في حالها مش عوزين نضارب مع جهاد للمره المليون
..الدكتوره انصاف وزوجها من اصدقاء قدماء للدكتور منصور واخوه الدكتور سعد..
الدكتور منصور(ابوجهاد): شلون حالتها
الدكتوره انصاف: رضوض اويه في جميع انحاء جسدها والدم الى كان ينزف من فمها هو بسبب عضت الاسنان على اللسان..ونتج عنه شق قوي واضطرينا نعمل لها خياطه..على العموم انا عطيتها مهدئ وكتبت لها بروفين لاجل تخفيف الالم بس حتخده يومين
الدكتوره انصاف: بس يادكتر هي تعرضت للضرب ابل اليوم وفي كدمات يعني تقريبا من 16 _17 ساعة ده معناته انها باستمرار تتعرض للضرب المبرح وفي جرح قديم بليغ في فخذها الايمن اعتقد حرق بالسيجارة..
اتفاجئ الدكتور منصور بهالمعلومات:انزين ممكن انك ما تخبرين جهاد بهالشي
الدكتوره انصاف:زي متحب

وصلت جود البيت وسيده على حجرتهم وشافت غيداء تبكي وهي حاضنه ملابس جودي
جود: غيداء وين جودي
غيداء وهي تبكي اشرت لها تجلس جنبها
بس جود: وين جودي لايكون ماتت لاااا الله يخليك قولي غير كذا
غيداء من بين دموعها:لا ما ماتت
جود: اجل وين ووقفت راحت تدور عليها في ارجاء البيت وثواني وهي راده ...وين جودي تحكي وينها..
خبرتها غيداء بالي صار بالحرف الواحد..
جود: تقولين زوجها واحد اجنبي يالله إن شاءالله انه يقدرها ويراعيها
غيداء وهي تضحك: بس تصدقين انا اعتقد انه سعودي وابوي وامي من الغلبه مالحظو هالشي ولا ازيدك من الشعر بيت باين عليه النعمه
جود:ههههههههههههههههههههه والله لو تعرف امي راح تموت في وقتاها
الكل:ههههههههههههههههههه
دخلت منيره:انت وهي شله تضحكون
جود: على الطريقه الي تزوجون بناتكم فيها
خرجت منيره مافيها على لسان جود
غيداء: تصدقين خفت لاتخبريها بالسالفه
جود: ليش بروح اخبرها بس هي ما اعطتني فرصه
غيداء: يالخبله هي لين الحين ما ملكت
جود: شلون ما ملكت وانت
غيداء: هي اخذوها اعتقد بيودونها المستشفى واكيد بيرجعون لابوي وهو ولي امرها ولازم موافقت ولي الامر
جود: اوف تصدقين خلينا نقلبها عليهم
غيداء: شلون
جود: ما ادري بس بنخلي امي تكره جودي أكثر وتتمنى لاجل ما تعترض على الملكة اذا اكتشفت انهم اغنياء
غيداء:فكره بس لو
جود: والي يسلم عمرك لاتتبسبسينلي الحين
جود وهي تفكر: طيب المدرسة
غيداء: ما ادري
جود: ياااااليت يخليها تكمل اوف قهر

تحركت جودي على الساعة ست العصر وهي ميته من التعب فتحت عيونها بشويش واتثاوبت وحطت يدها على فمها وشافت واحد جالس على كرسي ويقراء في ملف..حطت يدها على راسها واتاكدت انه ما عليها شي وبسرعة سحبت الشرشف وغطت وجهها..هي مو عارفه هي وين بس حاسه انها في مكان نظيف..
الدكتور منصور..انتبه لها وابتسم لحركتها الي نابعه عن معدنها وحرصها على روحها..
جودي: انا وين
الدكتور منصور: في المستشفى وانا الدكتور منصور
...
الدكتور منصور: ممكن تخليني اكشف الحين
..ما عرفت اش ترد..
وقف الدكتور وسحب الشرشف وشافها مغمضه عيونها..ابتسم لها
الدكتور منصور: شو اسمك
جودي: جودي بنت عوض بن...وحست بالم في لسانه
الدكتور منصور: والنعم بكِ
شافها تضغط على حواجبها وعرف انها تتالم
الدكتور منصور: شوالي يالمك
اشرت على فمها وهو مقفل
عرف الدكتور بانه لسانه هو الي يالمها
الدكتور منصور: على العموم حنا اضطرينا انه نعملك خياطه فيه وراح يتعبك شوي في الكلام بس يباله يعني يومين ثلاثه لين يخف الالم..على العموم انتبهي لصحتك زين.. بس قبل انت باستمرار تتعرضين للضرب
فتحت عيونه وهي اصلا مو مذكره شكل الدكتور منصور لمن كان في بيتهم..
..عرف انها ما راح تتكلم..بس هو يبى الاجابه ويبيها الحين ما يعرف هالبنت دخلت قلبه من شافها ويبهيا زوجه لولده ومو مهتم في الفوارق المادري والاجتماعيه..يبي ينقذها من عذاب اهلها لها..باي طريقه ومافي الي انه يجبر جهاد في هذه الزيجه وعادي بعدين ياخذ خطيبته الاول
ابو جهاد:افهم من كلامك انك تتعرضين للضرب باستمرار
جودي:لارد
ابو جهاد: شو اسباب الضرب
جودي:لارد
ابو جهاد:ظلم الاهالي لعيالهم صح
جودي: لارد
ابو جهاد: على العموم انا اعرف انه هالظاهره موجوده في العوائيل الفقيره عندنا واباك تقولين ايه لانك ممكن تساعدين غيرك الحين متضرر مثل ما كنت انت تعاني
اخيرا حركت جودي راسها بايه
الدكتور منصور: كم عمرك جودي
كانت تبي تتكلم.. بس ردت غمضت عيونها من الالم
راح واخذ ورقه وعطاها ايها: اكتبي معلوماتك الشخصيه
خذت الورقه وهي منحرجها ووجها اصلا ما يبين اذا كانت منحرجه ولا لا من الكدمات الي عليها
الدكتور منصور: اكتبي وانت مسدوحها وانا على باله اقراء في الفايل تبعك
سمعته يقولها: اسمك وعمرك والمرحله التعليميه..افراد اسرتك
..كتبت..اسمي جودي وافراد استري هم اب وام..واخت اسمها غيداء تحطها على الجرح يبراء وعمرها 20 والثانيه عمرها 17 وهي اكبر مني بثلاث ساعات.. واسمها جود احب هالدينا لانها فيها.. وحطت الورقه على الطاوله الي جنبها وردت نامت مرة ثانيه
...طبعا هي كتبت هالشي لانها تبي تحس بالامان تبي تحس بقرب اخواتها لها..كتبته بلاحس
..حس انها تاخرت عليه رفع راسه وشافها نايمه..وقف وراح لها..ومسح على راسها..هو مو من حقه انه يسوي كذا بس بيجبر البراء عليها..شاف الورق والقلم مسك الورقه وقراءها عرف انها تعني الكثير بهالكلمات القليله..اخذها وراح ل متعب زوج بنته دخل عليه المكتب
وقف متعب مرحبا بعمه وابو زوجته..
متعب: هلا عمي شلونك
ناوله الورق..وقاله:اقراءها واعطيني صور على صاحب هذه الشخصيه
..الدكتور متعب..هو رائيس قسم الهندسه الطبيه بس له خلفيه كبيره في علم النفس لانه دارسه ويهتم به..يعتبره هوايه له..
متعب: والله اعلم بانها تعاني من والدينها بدليل انها كتبت اب وام.. واعتقد انه الاب هو ابوها لكن الام هي مرت ابوها..لانها كتبت اب وام..وعادة الانسان في محنه يذكر امه وان كان مايحبه.. فالحنين دوما للام رغم انه ابناء يموتون ابهاتهم بس تظل الام هي الام وفي المحن هي المرجع الاول..واعتقد انها تعاني من سوء المعامله داخل المنزل والشاهد خواتها..الاولى غيداء ومثل ما وصفتها بانها تنحط على الجرح يبراء والثانية..اكيد انها تميل للثانيه اكثر لانها تحب هالدنيا لانها فيها..والواضح انها راودتها فكرة الانتحار كثير لاجل تنتهي من هالمشاكل بس حب ومكانت اختها هو الي يمسح لها كل العذاب...وبشوفتها كانها ما تعذبت قبل.. رفع راسه من الورقه...عمي هذ البنت الي دخلنها اليوم المستشفى..شلونها الحين
ابو جهاد: نايمه
خرج ابو جهاد وهو مستاء نفسيا...يالله شولن عانت هالبنت وهي صغيره
عناد:ههههههههه والله ياخي انت عجيب بصراحة بديت احسدك
جهاد وهو معصب: بتسكتون ولا شلون
عِناد: ياخي في واحد البنات يترامون عليه رمي وحده اربع وعشرين ساعه ردار من الشباك والثانيه طرزان
الكل:ههههههه
جهاد الي اخذ روحه وطلع وهم يضحكون عليه
متعب: حرام عليك اتركه في حاله
عناد: والله انه غبي لو ضيعها من يده
متعب: اش رايك تاخذها انت
عناد: عادي عند بس انا ابا اختها آآآآآآآآآه طيحت قلبي
متعب:أي اخت
عناد: الي دخلت علينا
متعب:متى
عناد: احسن ما شفتها
متعب:هههههههه

صحى من النوم وسحب يده من على كتف زوجته..وباسها على خدها..ووقف وراح غسل وجهه وفرش اسنانه ومر على بنته في سريرها..وباسها على خدها..ورجع لزوجته.. وشاف شعرها على وجهها جلس جنبها ويبعد الشعر عن وجهها..وحط يده على بطنها يتحسس ولده ولا بنته الي في الطريق هل صحي ولا بعده نائم..وحط اذنه..لاجل يسمع حركات الجنين
العنود:ههههههههههه انت شو تسوي
متعب رد انسدح جنبها:ههههههه امس ماتطمنت عليكم فصحيت اليوم من بدري اتطمن على افراد عائلتي الحبيبه
العنود:ههههههه الي شو الشغل الي معذبكم كذا ومرجعكم في وقت متاخر
متعب وهو يتنهد:آه سالفه طويله عويصه
العنود:شلون
متعب: وحده شاغله بالنا كلنا
العنود وهي معصبه: شنو
متعب: جودي إنسانه احسه تعبت وعانت كثير في هذه الدنيا..ياترى هل بيستمر عذابها ولا من امس انتهت رحلة العذاب..بس شلون راح تعيش مع واحد كل فكره وعقله وحبه معطيه وحده غيرها.. اعتقد انها خذت تذكره جديدة وبتغير جهة المرسى الي بتروحلها..
العنود وهي واصله حده: من هي جودي
متعب:هههههههههههههه وحده شغلت بالي وبال ابوي وعمي..وأنس وخالد وعناد..بس واحد لا والمفروض هو الي يفكر فيها بس ما اقول الي الله يصبرها..
العنود وهي معصبه وخلاص بتنفجر: بتتكلم عدل ولا شلون
متعب:هههههه حبي اشفيك معصبه حياتي موزين عليك العصبيه
العنود: وبعدين وياك
متعب: اول شي بوسيني ..وقرب لها خده..وبعدين بقولك..
العنود: وبعدين
متعب: اول شيء اخذ جرعتي
باسته وردت انسدحت..:ها شو الموضوع
خبرها متعب بالسالفه..وخبرها بحالات البنيه النفسيه.. حزنت العنود عليها وجلست تمسح دموعها
شافها متعب: وه قلبي وه وه تبكين وحضنها...وهو يمسح علي راسها وظهرها...ويقول: بس حبيبي بس ياحبيبة بابا بس من وين اجيب امك لاجل ترضعك
العنود:هههههههه بايخه
متعب: حبيبي انا اعرف انك اهمل استاذه على وجه الارض
العنود وهي تدفه عنها:باااايخ والله روح اسال طالباتي
متعب:ههههههههه وهذا الي مجنني امي تقول انهم يموتون فيك انا ابعرف هم مو عارفين انك ماقد غطيتي ساعاتك والمحاضره ساعة من اصل سعتين..ابا اعرف شلون تغطي المنهج ترى بديت اشك انك تعطيهم ربع المنهج بس
العنود:هههههههه لا والله حرام عليك وبعدين ربي يباركلي في الوقت وانا اختصر الدرس واعطيهم اهم النقاط واوضحه في مثال وبعدين في السكاشن احل لهم التمارين.. وبعدين لا تنسى امي وخالتي نفس تخصصي وهم يشلون عني ساعات..
متعب:آآآآآآآه يالواسطه
العنود:ههههههه انت ليش تكرهلي الخير
متعب: ههههههه حبيبتي انا احب هالبلد واشوف اكبر غلطه استمرارك في الوظيفه
العنود: ههههههه حرام عليك والله اني اعرف اشرح وبعدين في ناس ياعيوني انا اشك انهم شارين الشهايد
متعب: لا هو اكيد في ناس كذا..بس انت مو وجه وظيفة انت افضل شي ترعين بيتك وزوجك وبنتك و
العنود: ليش انا مقصره معاك في شي
متعب:ههههههههه اشفيك قلبتيها جد
العنود عصبت وجلست..ومتعب يمسكها من يدها
متعب:ههههه حبيبتي انا لو حسيت انك مقصره معاي ما استنى رائك.. بس حبيبي احس انك تتعبين وانت حامل ف لاجل خاطري خذي اجازه بدون مرتب لين تولدين
العنود: لا حبيبي انا ما احب اجلس في البيت واجازه مارح يعطوني
متعب:وين وسطتك
العنود:هههههههههههههه حرام عليك انا الاول على دفعتي وبمجهودي وقبله توفيق رب العالمين
متعب:هههههه تصدقين عنودتي احس انه البراء متورط
العنود: ههههه صح النوم بس صدق انا احس انه هالانسانه غير حتى اسمها غير
متعب: تصدقين انه غريب بس جد لو كنت في مكانه كان مداني ابكي ليلي نهار...وشاف العنود وهي ابتسمت..تعرفين ليش..حركت راسها بالنفي.. ضحك....ههههه لانك في قلبي وعمري لانك من طفولتك وانا اشوفك غير احلامي كلها انتي فيها..وانت الخبله اول ماطلبتك رفضتيني لولا الله ثم اصراري ولا كان ما غصبوك..ومسك يدها وعضها
العنود:هههههه..تراك حاقد
متعب: من قلب
العنود: وانا شو دراني عنك.. بس بجد انت كنت تقهر حتى ضحك ما تعرف تضحك..تصدق يوم فرحنا طلعت انت كل البسمات والضحكات الحلوى الي كنت حابسها.. ولا اول ليلة لنا جلست انت تضحك بدون سبب وانا اضحك لضحك بس بجد انت ليش كنت تضحك..
متعب:ههههههه لاني كنت مستحي منك
العنود:ههههههههههههههه
دق المنبه وضغط عليه متعب:الا حبيبتي انت اليوم Off راح امور عليك لاجل تشوفين جودي..بس حبيبتي هي مصابه كثير واذا ما يمدك على المنظر فمن الحين لاتروحين
العنود: لا عيوني انا ما اقدر اصبر اكثر من كذا لازم اشوف زوجة اخوي
متعب:ههههههه لايسمعك


صباح ياهلا
..قال الصباح ياهلا في جدة وغلى..
...وصبحكم حب وغلا...
جود:اف اشلون أروح المدرسة بدونها
غيداء: قومي البسي مافينا على المشاكل
جود: عادي عندي بغيب ماهي موجوده لاجل يضربونها
غيداء:قومي يالخبله لانها ممكن تكمل وتحتاج انك تشرحين لها
جود وهي تقوم بسرعة: قولي والله..من قالك
غيداء:ههههههه اقول يمكن
جود وانطفى عنده الحماسكاف
غيداء: قومي لاتتأففين كثير

صحت جودي على الساعة سبع..شافت لون الشرشف شمت رائحته.. شعور بالراحه.. سمت الله ووقفت جلست استغربت المكان بس تذكرت كل شي... دارة بعوينها على الي حوليها.. كانت حجرة جميله وقفت على حيلها وحست ببروده ارعشتها نظرت للارض السيراميك بارد ولفت يمن ويسار شافت شبشب ابيض من قماش لبسته وهي تلم ملابسها على جسمها..كانت لابسه لباس المستشفى ولونه زهري فاتح.. وهو مفتح مثل ما انتوا عارفين.. كان طوله لين تحت الركب شوي.. وكمه طويل عليها.. شافت بابين وحد كبير ووحد صغير بس على زاويه..راحت للصغير وفتحته..شهقت.. دخلت وهي ترسم احلى ابتسامه.. حست بروحها انها انسانه مهمه..ولا شلون تنام في مكان كلمة جميل قليلة عليه..ولا حمام اكبر من حجرتها هي واخواتها.. شافت المراياه..راحت لها ورفعت راسها.. شافت اثر السلك الي على وجهها وحست بالورم خف...شافت فرشت اسنان جديده ومعجون صغير..ضحكت..هههه..هذا اكيد نسيها لمن كان متنوم مكاني..كانت تقصد المريض الي قبلها.. مادرت انه يحطوه لك مريض..غسلت وجهها وتوضت ..وشافت ستاره حلو لونها حمراء عليها نجوم ذهبيه.. فتحت الستاره...يااااااااااه عجيب ستاره في الحمام.. ودخلت البانيوه وهي متعجبه منه.. ولعبت بالصنبور الي تحت تبا تجرب الماي الي فيه يمكن يكون بقوة الدفع الي ب بزبوز المغسلة..بس لانه غريب عليها كان المؤشر على الدش وفتحته لاخر شي بسرعه..واندفع الماي بقوه وألمها في جسمها...وصرخت..وسكرته وهي خلاص غرقانه ماي.. وتضحك على عمرها.. خرجت من البانيو
وخرجت من الحمام..
وحست بالبرد بس ماشافت مكيفات اجل شلون الحجرة بارده..
الله يعز الحكومه..
دخلت عليها الممرضه
النيرس: ههههه
ابتسمت جودي بخجل..
النيرس: اش سويتي
راحت النيرس وجابت لها غيار ثاني..خذته ودخلت الحمام وبدلت ملابسها وخرجت..
جودي: ابا اصلي..بس ما اعرف انا في أي وقت
الممرضه وهي تناظر ساعة معصمها:الساعة ياعمري الحين سبعة
خرجت الممرضه من الدرج سجاده..وراحت تجيب لها شرشف صلاه
.. وشوي داخلين حقين النظاف..ونظفوا ومسحوا الارض وانحرجت لمن دخلت وحده الحمام وخرجت روبها..
انتهوا وقامت قضت صلواتها السابقه وخرجت من مكان ماخرجوا بس تفاجئة انها في صاله وشافت كنبات وعجبها المنظر..وما صدقت عيونها وراحت وجلست على الكنبه..تتاكد انها جالسها على كنبه..واكثر شي لمن غاصت في الكنب.. وقفت ورمت نفسها عليه..وضحكة على عمرها.ههههه... وشافت مجموعة زهور طبيعيه على الطاولة الي في النص وعدلت من جلستها بحيث جلست على طرف الكنبه لاجل تلمس الورد..لكن اغرها شكله وكانه يناديها..ما يبي الي يكون على شعرها..واخذته وجري على الحمام..هي ما تحس بالمها..تخيلوا معاي وحده كانت في حي شعبي. في بيت شعبي في بيت كله على بعضه قد حجرة النوم الصاله ولا الحمام اكبر من حجرتهم بكثير...ولا يمكن هالجناح اكبر من بيتهم...وصلت وحطت الورده بس هي شعرها ناعم وما عندها بنسه..خرجت وهي زعلانه لانها ما حققة امنيت وردتها بانها تضل ملامسه شعرها.. ردت للصاله..وشافت مجالة..خذتها وجلست تقراء في هالاثناء دخلت حقت الاغذيه وهي ارتبكت بس حقت الاغذيه حطت دخلت حجرة النوم وخرجت ومعاها طاولة الطعام..نزلته لين مستوى جودي..وحطت لها الاكل وخرجت..
شافت ملعقه وشوكه وسكين..مسكت الشوكه لانه كان ودها هي وجود انهم ياكلون مثل مايشوفون في المسلسلات بالشوكه والسكين بس هم ما عندهم شوكه واليوم من بعدت عن البيت التعيس اول احلامها تحققت..مو مهم انها تملك الشوكه.. المهم انها مسكته وراح تاكل به.. وفتحت الغطاء عن الاكل..بس شافت جبن مقطع مربعات بطريقه حلوه وخيار وطماطم يع حد ياكل طماطم لوحده..بس تذكرت شلون يرصون الطماطم على السلطه.. وشافت زيتون وفول.وخبز.. ما عرفت شلون تاكل بالشوكه..زعلت لانها بالفعل شو تاكل بالشوكه..بس شافت علبتين صغار فرحت.. شافت الاولى..وكانت عبوة عسل جاها احباط وردتها وخذت الثانيه وفتحتها لانها ماعرفت شو داخل..بجد اتنرفزت لانه طلع طحينيه.. خذت عبوة العسل وتبى تخبيها لاجل تعطيها جود هديها وخذت الورده وراحت للسرير وخباته تحت المخده.. وردت تفطر وردة مسكت الشوكة.. مو مهم شو ياكلون بالشوكة المهم انها تحقق امنيتها.. صارت تاكل الخيار بالشوكه لين خلص الخيار..وهي لسه ما شبعت صار لها يوم كامل مااكلت شي وهي طول يومها نايمه..وكل الي تذكرته انها لم صحت لمن كان الدكتور كان في محلول..وما تدري متى شالوه عنها
...اكلت قطعه من الجبن بالشوكه واخذت بيدها اليسرى الخبز لاجل تاكل.. بس خذت التوست ودهنت عليه الجبن ومسكت السكين وقطعته لقطع وصار الحين يمديها تستخدم الشوكه..وصارت تاكل وهي سعيده واذكرت جود: نفسي اعيش مثل هالعيشه
جودي: أي والله حتى انا خاطري انه ما ناكل الي بالشوكه والسكين ويكون عندنا طاولت طعام..نزلت الشوكه والسكين على الطبق واختفت كل معالم السعادة.. ورخت راسها..كان هناك شاهد شافها وهي تاكل بسعاده بس الخطوط مشوه وجهها بس رغم ذالك مازالت تحمل جمال مو طبيعي..بس الغريب ليش الحزن رجع لها.. دخلت وهي حامله باقت ورد
:السلام عليكم ورحمةالله وبركاته
لا رد..رفعت راسها بهدوء وتوها تحس بالم جسمها تحس بضرب ابوها تحس بكره ابوها لها تحس ببعدها عن خواتها: وعليكم السلام ورحمة الله وبركاته
وشافت العنود وهي داخله بالورد..ردت لها الابتسامه..
العنود ردت لها الابسامه..وتقربت من جودي ومدت لها تبي تصافحها..وقفت جودي لها وصافحت العنود..والعنود سلمت عليها بالخدود..
العنود: شلونك الحين ان شاءالله بخير
استحت جودي من العنود ورخت راسها وشعرها غطاء وجها..طبعا هي مو محتاجه انها ترخي مره بس من تخلي راسها على المستوى العادي يطيح شعرها على وجهها..لانه اخجلتها العنود بنظراتها..
جودي: الحمدلله
العنود:تفضلي ..وعطتها الورد..وخذته جودي وهي بطير من السعادة هذه اول مره حد يعطيها ورد وضحكة على الورده الي دستها تحت المخده
العنود:تفضلي جلسي
جلست جودي وجلست العنود على الكنبه المقابله لاجل تشوفها عدل..وهي ظنت انه جودي خجلانه لانه وجهها مورم وهي تبى تخبي عن الناس
شافت العنود اصابع جودي وهي تداعب تيجان الورد باناملها الناعمه.. حست بانه صغيره على الهم هي بعمر غزل وغزيل ..
العنود: ما ادري انك تعشقين الورد لهدرجه..
جودي: بشكل ماتتصوريه..
رفعت جودي راسها ورفعت يدها اليسرى لاجل ترفع شعرها:شكرا
العنود: العفو
ونزلت يدها ونزل شعرها
فتحت العنود شنطتها وخرجت شباصه وراحت مسكت شعر جودي رفعته
هالحركة خلت جودي تتفاجئ
العنود: شو رايك في الخدمه في هذه المستشفى..
جودي: شي عجيب ماشاءالله..الله يعز حكومتنا مو مقصره في شي..
العنود: ايه والله الله يخلي الملك عبدالله
العنود: إلا من جاكي لغاية الحين
جودي: المنظفات والممرضه وموزعت الورد..
العنود باستغراب: من
جودي: المنظفات والنيرس وموزعت الورد(قالتها وهي تاشير على الباقه الي في يده)
ابتسمت العنود اخر زمن صرت موزعة الورد..بس شكلها مو عارفه انا مين وخليني اسحب منها كلام..بس هي شكلها ما تحكي الا بالقطاره
العنود: شو حبيبتي سبب دخولك
جودي ماعرفت شو ترد: حادث
اتفاجئة العنود من ردها:شلون صار
جودي: طحت
العنود:مممم.. بس انا عندي معلومات غير كذا..المعلومات الي عندي تقول انه اثر ضرب وجابك
جودي بقهر: ايه ضرب وزوجني ابوي لواحد اجنبي.. بس انا الغلطانه لاني دخلت وانا ما ادري انه في احد في المجلس..
العنود ابتسمت ..يعني الحين هي ما تعرف من هو زوجها..ولا طلعت ياجهاد اجنبي وانا موزعة ورد:الي زوجك شو يرجع
جودي...كانت تجاوب تحسب انها اجرائت تابعه للمستشفى: يمكن لبناني سوري هندي بصراحه انا ما ادري
العنود: ماشفتي شكله
جودي: لا بس شفت شعره كان ناعم وعلى وجهه واعتقد انه هندي لانه اسود وبشرته يمكن بيضاء...ما اعرف
العنود: وانت شدراك انه اجنبي
جودي: ابوي قاللي
العنود ابتسمت يعني لا هي موامره ولاهي مخططات مثل ما يقول البراء: مازارك زوجك
جودي: لا ما زارني وبعدين هو لسه ماصار يعني راماني في المستشفى وكثر الله خيره واعتقد انه شرد ابوي الي هو ابوي مايبيني تبين واحد مايعرفني يهتم فيني..
وهي تبكي:الله يخليك دوريلي وظيفه هنا في المستشفى يعني ابا اكون مثلك اوزع ورد للمرضى أي شي الله يخليك مالي بيت ارد له بعد ما اخرج من هنا
كسرت خاطر العنود: إن شاءالله
وقفت العنود: توصين بشي
جودي: لا شكرا
..خرجت العنود وراحت لمكتب زوجها...
دخلت وشافت ابوها وعمها وجهاد ينتظرونها
العنود راحت باست راس ابوها وعمها: صباح الحب على الحلوين
الكل:صباح الخير
جلست جنب زوجها
منصور: ها بشري شلون البنيه
العنود: لا ماشاءالله عليه وبصراحه انا كنت خايفه تكون مشوها مثل ماخبرتوني بس بصراحه شكلها حلوى وهذا مبين رغم الكدمات الا انها جميله
متعب: ها جهاد انا اثق في ذوق زوجتي
جهاد: والله تثق فيها خذها
العنود بعصبيه: لالالا حبيبي لاتقرب من زوجي ترى اذبحك اذبحه وهي فوقكم
منصور وسعد ضحكو عليها
متعب: انا شو ذنبي هو الي تكلم
العنود: تعوبا شيل هالفكره من راسك
متعب: والله مافي راسي ولافكره انت بس اخوك لعب في راسك
منصور: يالله يابنيتي كملي
العنود: ما راح اكمل وهذا هنا..وهي تاشير على متعب
متعب وابوه:هههههههه
ابو متعب: عنودتي حياتي لو فكر بس فكر مجرد فكره بذبحه لك لاتخافين والله مايخذ غيرك دام راسي يشم الهواء
متعب:اوب اوب لا اقوم احسلي قبل ما اموت
جهاد: لا لو قمت بقوم وياك وانت بتسولفين سولفي والا لاتتشرطين
العنود عرفت انه البراء معصب وهي تزوده: دخلت وكانت تاكل وقدمت لها الورد ومسكينه على بالها اني موزعة ورد..وطلبت مني اني اتوسط لها واشغلها هنا.. بس صدق حزنتني لمن قالت انها لمن تطيب ماراح يكون لها مكان تروح له
منصور: ماخبرتيها عن جهاد
العنود خبرتهم كل الي صار بالحرف الواحد بس تجنبت وصفها امام متعب..لانها شديدة الغيره عليه..وهي ماشاءالله حلوه وشعرها ناعم..بس الغيره تذبحها..ومتعب راضي بهالغيره...
متعب:ههههههههههههههههههههه تقولين هندي
جهاد: شفتو تبون تزجوني وحده متخلفة الله يقلعها
منصور وهو يخفي ابتسامته لاجل ماينرفز ولده: يعني ترجعها بيت اهلها
جهاد: وليش انا الي ارجعها
منصور:انت الي شلتها وجبتها لهنا
جهاد:يبه انا خاطب اعطيها عناد
منصور: بس انت ترضى تاخذ وحده شفتها بين احضان ولد عمك
سكت جهاد
سعد: شوف ياوليد تبي ترجعها رجعها وماعليك من ابوك..بس قلبك يطاوعك انك توديها لمقصلته.. انت شفت ابوها شلون ضربها لمن شافها معاك ثواني.. فمابالك وهي بايته يوم وليله خارج البيت وخرجت من بيت ابوها بصحبت سبع رياجيل..انت اختك بتستقبلها
جهاد:بس انا اعرف اذا كانت البنت متعمده ولا لا يعين لو دخلت غلط على صاحبي عادي بهزيئه وبس مو اضربها كذا
سعد: هذه عقليت ابوها
جهاد: انزين شو رايكم نروح له ونفهمه السالفه
سعد: انت على بالك فاتتنا هذه بس تخيل ابوها رضي امامنا..ولمن يستفرد فيها يقتلها
جهاد: لا ماراح يقتلها
سعد: بدليل انه ظن انك هندي وزوجها لك وانت تعرف عندنا لو انه الاجنبي يملك ملاين مايبعون بناتهم..فمابالك وهو مايعرف حتى مستواك المادي
جهاد: خله يقتلها وانا مالي شغل فيها
الكل سكت وهذه حياته وهم اقنعوه
منصور: على راحتك
..ووقفوا كل من بيروح لشغله والعنود بتروح تفحص وبعدين ترد البيت..
جهاد: وين رايحن وتاركيني بحيرتي
منصور: هذه حياتك وانت المسؤل عن قرارتك واي قرار تتخذه محد راح يلومك فيه
رمى راسه على الكنبه ورفع يده يمسح على شعره على ورى: خلاص بتزوجها
الكل سعد بهالخبر
منصور: الله يوفقك وخرج
سعد: صدقني ماراح تندم وبيجي اليوم الي راح تقولي ليش ياعمي خيرتوني ليش ماجبرتوني
وخرج
متعب: ما راح ازيد عليهم بس البنت اتعذبت كثير ولاتزيدها
وخرج
جلست العنود يمه ومسحت على راسه: صدقني لاشفتها بتتخبل عليها من جمالها وانا مواصفتها الي قليل بس روح زورها واحكم بنفسك

يوم الاربعاء
بعد اسبوع من الاحداث
..اليوم هو موعد خروج جودي..
هذه ثاني زيارة للعنود
دخلت الجناح وما حصلتها..دخلت حجرة النوم.. شافتها جالسه على سريرها وراسها على ركبها وضامه سيقانها بيدينها.. راحت لها وجلست جنبها
العنود: السلام عليكم
ماردت جودي لانها كانت تبكي هي مو عارفه شو وضعها محد يسولفلها حتى الممرضات بس يشوفون اذا محتاجه شي ولا لا طفشت ودها ترد لِ جود وغيداء بس وين وشلون.. عرفت في هالاسبوع ورغم الراحه الي هي فيه.. انه لا الفلوس ولا الراحه ولاكل شي في الدنيا يعوضونها الناس الي تحبهم.. يالله ما اصعب الوحده والغربة..
جودي: لا رد
العنود وهي تمسح على شعر جودي: شلونك جودي
وسمعت بكاها.. ردت رفعت شعرها ورد طاح.. عجبها الحال..بس اخر شي
العنود: وبعدين من شعرك هذا طفشني
ومسكته بيدها اليمين وصارت تجمع بقيت الشعر بيدها اليسار وتلمه لين اتمسك كله وتركته ورد طاح..
جودي من بين دموعها: وين اختفيتي
ورفعت راسها. بس وجهها مغطى بشعرها
العنود..ردت بسرعة مسكت شعرها على ورى لاجل مايطيح
جودي:ههههههههههههههههههههههههه
العنود..سكتت ماعرفت شو تقول وهي تشوف هالجمال هالآيه الي امامها..في حياتها ماتخيلت تشوف وحده مثلها..وجهاد مسميها لعنه.. تذكرت قصه قرائتها تكلمت عن وحده ايه في الجمال بس كانت لعنه يعني ج ن ي ه..
..الظروف الي تزوج فيها اخوها غريبه.. واسم البنيه غريب.. وجمالها غريب.. البنيه..مو من عائله غنيه يعني هي الي تشتغل وقاست انواع من العذاب مثل ماخبرها متعب.. بس شلون تكون بهالنعومه وهالجمال..سبحان ربي العظيم
جودي حطت يدها على وجهها: اعرف اني اخرع بسبب الخطوط إلي على وجهي بس تحمليني
العنود..الله يرحم حال البراء...عز الله ضاع مستقبله..دام هاللعنه عنده..مثل مايقول...
العنود: لاحياتي بالعكس انت حلوه ولا ماتشوفين وجهك في المرايا
جودي: امبلى بس شوفي شلون الخطوط الرزقه في وجهي..
العنود: مجرد تجمع دم وبيروح مع الوقت..وانتِ كنتي ووين صرتي
جودي: الحمدلله إلى وين اختفيتي حتى اسمك ما اعطيتيني اياه لاجل اسال عنكِ
انا اسمي العنود..ويالله خذي هالكيس وفيه ملابسك لاجل تخرجين اليوم من المستشفى
جودي: وين اروح
العنود: زوجك بياخذك
جودي: أي زوج
العنود: الرجال الي جابك هنا
جودي: بس انا ماقد شفته وبعدين شلون اروح معاه وهو ماملك علي
العنود: لاتخافين بروح معاك لاهلك لاجل يوقع ابوك
جودي بفرحه وهي تضم العنود وتبوسها:ياااااااي شكرا حبيبتي شكرا جزاك الله خير
العنود:هههههه جودي ولدي بتموتينه
ابتعدت جودي:اوه اسفه بس والله من فرحتي..الي ابا اسالك هو طلع هندي مو مهم المهم يعرف يهرج عربي
العنود:هههههههههه لا يمكن ما ادري
جودي: اوب شلون اتفاهم وياه
العنود:عاادي بالاشاره لين يتعلم هو او انت تتعلمين
جودي: مو مهم نتفاهم اهم شي انه يكون طيب ومايمد يده على..بس عندي مشكله انا ما احب الفلفل يالله لاجل عينه افطر فلفل واتغدى فلفل واتعشى فلفل
العنود: هههههههههههههههههههه حرام عليك بطني
جودي بخوف: اناديلك الطبيب
العنود: هههههه لا بس لاتضحكيني
جودي: اوكي
العنود: انا بخرج الحين وانت البسي ملابسك وناديني من تنتهين
جودي: اوكي
خرجت الاغراض..ودخلت اغراضها لاجل تاخذها معاها
لبست ملابسها دخلت تشوف عمرها في الحمام..
اتفاجئة من عمرها شافت شلون الملابس تحلي الواحد وظلت تتامل نفسها..او قصدي تتامل ملابسها..كان التيور ارضيته بيضاء ومشجر بالورد ولونه وردي ومن تحت عليه شريط عريض لونه وردي مايل للعنابي..وهذا التيور موجود في مانجو وهو حلو بالفعل..والبدي لونه عنابي ومن تحت الصدر عليه كلفه بيضاء محدد الصدر بالكلفه والجاكيت ابيض ولين تحت الصدر واكمامه طويله..جلست تتامل الملابس ونست العنود ونست الدنيا وهي تتامل هالملابس الي عليها..وما ودها تصحى من هالحلم..
العنود.انتظرت وانتظرت بس في الاخير دقت الباب بس ماسمعت رد..فتحت الباب بشوي لاجل ماتنحط في موقف بايخ..ماشافتها..وشافت باب الحمام مفتوح
العنود: جودي.جودي جودي
بس لارد .دخلت وراحت بسرعه للحمام.. وشافت جودي متصنمه على المراياه
العنود: جودي
جودي: ها هلا
العنود: كلا هاتلبسين ملابس
جودي: تصدقين احس اني وحده من الابلات
العنود وهي تاشر لها بانها تخرج:شلون
جودي: يعيني من اللبس شوفي والله بجد ما عرفت نفسي
العنود:ههههههههههههههههههههه لبسي عباتكِ ودي اشوف وجه زوج المستقبل وهو يشوفك
جودي:هههههههه تصدقين احسن طلع هندي
العنود:ليش
جودي: جيراننا هنود وزوج الحرمه يموت عليها وولمن تجينا نفطس ضحك انا وجود وغيداء
العنود: ليش
جودي: ها ولاشي
العنود:فهمت لها وضحكت:ههههههههههههه لا مو صحيح هاالمعلومه حتي السعودييني يحبون زوجاتهم
جودي: اشك
العنود: ههههههه انا سعوديه وزوجي سعودي..وغمزة لها غمزه..
جودي انحرجت:ههههههههههههههههههه لاانت فهمتيني غلط
العنود: لبسي عباتك
لبست جودي عباتها وظهرت مع العنود

جهاد:هذه شو تحسب عمرها عروس تتاخر كذا
عناد: الاخو مستعجل
جهاد: ياخي اسكت والي يرحم والدينك..قال مستعجل..إلى بروح يمكن ابوها يحن عليها ويكفيني شرها
متعب: الله يهديك
عناد: ياخي احس انك محظوظ وحده رادر ووحده طرزان
وعناد ومتعب:ههههههههههههههههههههه
جهاد عصب وراح عنهم بيدخل المستشفى بس شاف ثنتين خارجات من المستشفى فعرف العنود وراح لسيارته وهي اقرب للعنود منه
العنود: هاي عروسك
جودي وهي تتمسك فيها: مااروح معاه بروحي
العنود: اوكي بروح معاك لاتخافين وفتحت الباب الخلفي لاجل تركب جودي..بس طاحت عين جهاد
على رجولها وشافها لابسه شبشب المستشفى..
جهاد بعصبيه: شوفي هالخبله شو لابس في رجولها..استحت العنود من اخوها وهي متاكده انه جودي سمعته
جودي: اوه نسيت الّبس الصندل وراحت بسرعة
والعنود ميته ضحك على الموقف
رجعت جودي وهي شايله الصندل بيدها
عصب جهاد: والله ما تركب معاي شوفي شلون شايله صندلها عساها الموت
منصور وسعد كانوا شايفين المشهد وضحكوا ومنصور راح لولده.: خلاص بتركب معاي وانت خذ عمك وياك..
ركبت العنود جنب ابوها ووراها ركبت جودي وهي ميته خجل..وسيارة منصور كدلك..
من الموقف الي صار لِ جودي خلاها ماترفع راسها ولاتشوف شكل السيارات ولا شي كانت الدموع هي الي تتحكي عنها.. يوم ملكتها تتهزء من الي بيزوجها.. هي صح الظروف مختلفه..بس هي حطت امل في انه بيعامله غير والمشكله انه هندي بنقالي اجل لو سعودي بيخليها عبده عنده..
وقفت سيارة منصور وخرج منها يبي يشاور ولده لانه بالفعل خايف لا يظلم هالانسانه مع ولده..هو شافها وعرف شلون هي رقيقه ويكفي الي جاها
وقفت سيارة جهاد والي كان يسوقها متعب
وخرجوا يشوفون شو الموضوع
منصور:ياوليدي اذا كنت بتاخذ البنت وبتهزئها قدامنا وماتراعي مشاعرها بلاها هالزواجه وهي بنعيشها عندنا لين يجيها نصيبها
جهاد فرح من قلب: لا يبه راح احترم مشاعرها
..ما يعرف هو ليش قال كذا...
جودي:ممكن اسال سوال
العنود:تفضلي
ودخل منصور وسكتت جودي
العنود: خير يبه صار شي
منصور: الخير بوجهك ..وسكت..
عرفت العنود انه ابوها ماراح يتكلم
العنود: ايه جودي شوكنت بتسالين
استحت جودي..بس في الاخير اتكلمت: هذا التلفزيون وين اريله..وكان قصدها الشاشه الي خلف المقعده الاماميه
العنود ومنصور:هههههههههههههههههههه
ووقف منصور على جمب واخذ منديل ورفع النظاره على جبينه ومسح عيونه
وقفوا خلفه.. وراحوله وشافوه يمسح عيونه..فتح متعب الباب:خير شو صار
العنود:ههههههههههههههههههههههههه
الكل اتفاجئ وودهم يعرفون السالفه
راح جهاد ناحيت العنود وفتح الباب: شو صار ليش هالضحك
العنود:هههههههههههههه حرام عليكم والله بطني صار يألمني من الضحك
جهاد: انزين لاتضحكين يالخبله