| أبي أعرف من اللّي [ خان ] ؟
أبي أعرف من اللّي [ خان ] ؟
و من اللي { بعثر } إحساسه ؟!
و قسّى ه الغدر قلبه
و غيّر طيبته و مبداه ،
و بْ ظلمه كسّر إنسان .
.
من اللّي قالْ : أنا الْ وافي ،
أبد والله ماجافي ..
أنا عمرك ،
أنا ذاتك ..
أناحزنك و ضحكاتك
أنا فزعتْك و سنادك ] !
سِمَع قلبي كثير أقوال ،
ولا في يوم شفت أفعال .
دخيلك ..
منهو فينا خان؟!
و جرَح صوتي بكثر القول !
وخيّب ظنّها شفاتي ..
و شمّت فيني ونّاتي ،
وهدّ اللي بنيته سنين !
مثل منهو ظلم أحباب ..
وتركهم والظنون ،
ظنون !
ولاطيّب خواطرهم!
مثل منهو سقى حزنه
ب همّه وإنكساراته ..
وعمره ما رجع رويان !
.
من اللي [ ظالم ] وخوّان ؟!
تعبت أسأل ولا ألقى ..
سوى حزني وآهاتي ،
وليامن جيت أنده له ..
وأطلب كلمةٍ تشفى
جروح القلب وآلامه ،
يجاوب همّي بْ نسيان؟!
من اللي عاش ب غيابه ؟!
ونسى عزْوته وأحبابه ؟!
ولا لي ب غيبته إلاّ ..
طعونٍ جات ب أسبابه !
تظن إنّي : قويت أنسى ؟!
وأظنّك : من [ الصخر ] أقسى !
.
من اللي مُعدم إحساسه ؟!
يشوف إنّي ب عز الشوق ،
بحاجة قلبه و أنفاسه ..
و يخذل حاجتي ب [ بصده ] !
ويرفع راية الهجران .
من اللي فرّح الأحزان ؟!
و ضيّع حلم أيامي ..
ودمّر وجه بسماتي ،
وشتت كل راحاتي ..
وجافى ب غربته أوطان !
أظنه إنت مو غيرك !
.gif "flowr") تحياتي ترى بعض الصراحة جرح |