السلام عليكم اخر موقفين طريفين ومحرجين صاروا لي تقريبا قبل 3 اسابيع

الاول اني كنت رايح الراشد اشتري بدل شتويه اخذها معي الاردن ان شاء الله
شفت بدلة عجبتني وكان معي اخوي اصغر مني بسنتين وشوي وولد خالي
وقاعد اعرض البدله كاني لاعب جديد واقول لولد خالي شوف صورني قال ليه قلت له كاني لاعب جديد منتقل يلا صور وقاعد اضحك شوي الا وانتبه اشوف قدامي بنت قاعده وتضحك وهي مستغربه والله اعلم تقول بينها وبين نفسها الله لايحرمه من الهبل عموما انحرجت شوي


بس الموقف الثاني الي صار لي بنفس المحل اشد وطأة
شفت بدلة قلت بقايسها علي وكنت لابس ثوب ودخلت غرفته وشلته وصرت بفانيله وسروال وشفت المقاس وبعدين رجعت ابي البس الثوب وقبل ماالبسه دخلت علي بنت وامها الغرفه مايدورن ان في احد داخل ويقولون اسفين انا وجهي انقلب احمر واخضر وكل الوان الطيف ومن شدة الحرج طلعت وانا ناسي اسكر ازرار الثوب والام تقول لي اسفين بس معليه اعتبرني مثل امك وهذه اختك قلت حصل خير المهم انتبهت للازارير وسكرتها

وهذا من احرج المواقف الي مرت علي الي هو الموقف الثاني

__________________






فوق.......فوق هام السحب