 قصيده لشاب فقير خطب بنت عمه ((المليونيييير))
السلام عليكم: حياكم الله اخوتي الغاليين على قلبي بملتقى العالم العربي قصيدة لشاب فقير خطب بنت عمه المليونير، إليكم القصيدة: سبحان من يرزق بتوع الملايين*** الرازق اللي ما يخيب الرجا به لي عم عنده معرضٍ للصوالين ***أموت واعرف بس من وين جابه وإذا سألته قال بعت الدكاكين***ما يدري إني ما هضمت الإجابة الشاهد إني رحت له قبل يومين***في قصره العامر ودقيت بابه قال أرحب أرحب عدّد ورد البساتين***يا مرحبا باللي لفا يا هلا به قلت البقا عدّ النفل والرياحين ***يا شيخ شمل أهل الكرم والذرابه قال اسلم الله يحفظك لي من العين***وآمر أوامر حضرتك مستجابة قلت الصراحة طالبٍ قرب غالين*** ودي تزوجني كريمتك يابه ثنّى وقال أهلين والله وسهلين***والكون ترخص لجل عينك رقابه لكن ترا عندي شروط وقوانين***قلت اشرط اشرط يا حبيب الغلابة قال أولاً مهر العروسة ثمانين***غير الرسوم وغير حق العصابة والثانية عمك يبي منك سبعين***رسم الأبوّة والنسب والقرابة وأم العروسة حقها منك ستين***عشانها ست الحسن والمهابة وإخوانها كلن يبي منك خمسين***عداً ونقداً تندرج في حسابه وخواتها الخمس عطهن من ثلاثين***عشان تتوثق عروق النسابة وتجيب طقم عيار واحد وعشرين***وخاتم من الماس المصفى ترابه وأكياس متروسة كعوب وفساتين***ألوانها وأشكالها ما تشابه وموتر بسواقه وفيلا بدورين***أثاثها من بطرته ينحكى به واحجز لنا قاعة بقصر السلاطين***واحجز بها رقاصتين وربابه هذي الشروط اللي على بالي الحين***وذكرني اللي ما حسبنا حسابه قلت اذكر الله يا عدو المساكين***واستغفره لا يبتليك بعذابه الظاهر إنك منت عارف أنا مين ***أنا لو أرقى فوق متن السحابه ما جبت حتى نص درزن مواعين***واضحك بكيفك واعتبرها دعابة شروطكم هذي شروط المجانين***شروطكم شغل ابتزاز ونهابه شروطكم تقصم ظهور البعارين***شروطكم همّن وغم وكآبه شروطكم والله سيوف وسكاكين***تذبح بنات المجتمع مع شبابه وين الرضا والعطف واليسر واللين***اللي ذكرها الله بمحكم كتابه وين الصفات اللي أمرنا بها الدين **وين اختفى نهج النبي والصحابة يا عم جعل اللي خلقنا من الطين**يرد عقلك من خطاه لصوابه ويجعل نصيبي عند غيرك قل آمين**ويحسن عزا الصابر ويجزل ثوابه قال أنت لو فكرت تفكير صاحين***ما شفت في مجمل شروطي غرابه حنا بعصر العولمة والمزايين *** ماهوب عصر الفلسفة والخطابة الناس تسعى للرتب والنياشين***وأنت اهتمامك بالشعر والكتابة والشعر ما ينفعك لو هو دواوين***ما دام جيبك مثل بيت الخرابة يا بوك لا تسمع كلام المصاخين***واسأل مجرب عاش في وسط غابه قلت الله أكبر يا محرر فلسطين ***من يسمعك يحسبك ذيب الذيابه تراك شايب رأس مالك ريالين ***والبنت ما تسوى جناح الذبابة<<< خربت الأخلاق. قال انقلع مالت على وجهك الشين****لا عاد أشوفك عندنا يالزلابه قلت ابشر أبشر لكن الباب من وين**وأقفيت من عنده على صوت بابه الناس الأغنيه مشكله والله في هلزمن بس موكلهم على فكره
__________________ .&. السلام عليكم ورحمة الله وبركاته .&. ~ @@ ~~~ @@ ~ أولاً : لا أقبل صداقة الإناث , فهنا كلنا أُخوة  ~ @@ ~~~ @@ ~ من كتاباتي : أتسائل هل أصابه الكسل أم بقناع الحب كان يخدعني !! سأحاول تجافي الألم بالرغم أنه لا يجافيني !! أنا إن سألتني عن مشايخ ذي الأمم !! سأتركك والأيام يا ميلاد تعاستي !! لا تنفع النفس الخبيثه ندامة !!
متنازل علي الدنيا باللي فيها !!
@@ ~~ @@ نصيحتي لمن يأخذ علمه عن كل من هب ودب !! أنا إن سألتني عن مشايخ ذي الأمم *&* فاسمع لشيخ علمه فات القمـــم
إسمع لمن للدين كانه مناصراً *&* وعلى الضلال يلتهب مثل الحمــــــــم
إسمع لشيخ عاقل متفقه **&** لايجتمع على ذي الضلالة والذمــــــــم
أقصد اناساً راشدين في علمهم *&* ليس الذين ضلالهم فات العتــــــــم
يا إخوتي كونوا على منهاجهم *&* سلكوا طريق الخير وا نفعوا الأمـــم
كا ابني العثيمين الذي أمضىوقته*&* في النصح والتبيان يا خير العلم
أو شيخنا الألباني ناصر ديننا *&* كتب الحديث وصححه يالى الهم
او شيخنا بن باز فاق بفقهه *&* من كان يبصر وا يرى رغم السقــــــم
فاسرع أخي ولا تكنمتكسلاً*&* فسماعهم يروي ضمأ كل من فهــــــم
لله أكتُبها القصيدةناصحاً **&** من كان يأخذُ علمه ممن ظـــلـــــــــم
, بقلمي , مواقع أنصحكم بها : www.ibnothaimeen.com |