السلام عليكم ورحمة الله وبركاته ..
وعليكم السلام والرحمه والاكرام
بعد رجعت زعيم لكم ..تراني يوم طلعت كل شوي ادخل المنتىدى اشوف زوالكم واطلع ..خخخخخخخ
دارين انك ما تصبر عنا
والله اثريكم غاليين عندي المهم خلوني ابدا موضوعي الجديد وبعد عودتي / تراني مستانس اللحين وقاعد أكل فش فاش واشرب عصير ( انقهروا )
لكن وشو العصير سن توب ولا كريم .. (( لقطت لك صوره وان تاكل الفش فاش ))
موضوعي اسمه لو صار لك هالموقف ..وش يكون ردت فعلك ][ ابغاكم تفاعلون معي وبصراحه مابي تسذب وواحد يدخل يتميلح نبي الصراحه ..بحدود طبعاً..
عااد انا ام الصراحه هع هع
ابي اعطيكم (بس ترجعونها خخخخخخ) مواقف كثير وتخيلوا نفس الحدث يصير..
لا تخاف نرجعها مع الفاتوره بعد


للبنات / تخيلي لو تطلع شاهي مديرة المدرسه .؟! تدخلين على مكتبها تلقينها تضحك ضحكه الخاين وتقول شكلي ابحذف هالعضو ..
تقزينها بعينك (اكيد بعينك ) وتكتشفين ان العضو انتي ؟!
اشتكي عليها ..
2: تخيل لو تكتشف الرقم السري لعضو من كبار الشخصيات ؟!
واااااااااااااااو ونااااااااااااسه
3: تخيل لو ان عندك مشروب يخليك تختفي / وش تسوي ؟! واي عضو ودك تشوف حياته ؟!
اشربه .. واي عضو ودي اشوف حيااتيه امممم كثير اعضاء منهم شلة @ كل ابوهم وفتاة الانمي و الزعيمه و و و و
4: تخيل لو أخوك عزم شخص ..ويوم يروح اخوك يجيب القهوه ..انت تكتشف الضيف يسرق وش تسوي ؟!
اعلم عليه الشرطه ]
>>تخيلوا خخخخخخخخخخخخخخ موقف محرج
(على السالفه هاذي تذكرت قصه بنت ..المهم في وحده قالت لآخوها ابغاك تتزوج صديقتي ..وتشوفها النظره الشرعيه المهم البنت عزمت صديقتها وجابت لها صحن جلكسي
وقالت صديقتها لا مابي ..مابي وبحياء وخجل ...المهم راحت وقالت لآخوها شف البنت ..يوم راح يشوفها وهو متخبي (عليكم حركات يالشباب نص كم ) شافها وهي تسرق جلكسي
وتعبي شنطتها بنت الحلال..المهم خطب البنت ويوم الدخله هي مستحيه قال لها تذكرين يوم سرقتي الجلكسي هاهاهاهاهاها وقامت تصيح البنت ..ياحليلها له عين بعد )
ههههههههههههههههه مين قالها تستاهل
5: تخيل لو كنت جالس لوحدك وطبعاً الواحد وده يجرب ..خخخخخخ تخيل تدخل داخل الدرج تسوي حالك بزر وفجأه يجونكم ضيوف وأهلك يصوتون لك وش تسوي (طبعاً الدرج بالمجلس اللي
فيها الضيوف ) هههههههه؟!

واااااو فشيله اكسر الدرج واركض باقصى سررعه او اجلس لما يروحون
6: تخيل لومسوي حالك يعنني رزه وشخصيه وفجأه تطيح قدام الخلق وش يكون شعورك وموقفك ؟!
] اقووم كنه ما صار شي لكن لو جيت البيت انفجر
7: تخيل لو تهدي خطيبتك /خطيبك هديه يوم توصلها تكتشف انها فاضيه يعني نسيت لاتحط فيها الهديه وش يكون موقفك ؟!
وش دخلي بهالسوالف
8: تخيل لو تصير مدير عيون العرب وش تسوي ؟! >> اكيد انا تحطني المساعد صح ^_*
اول شي اكيد اخليك المساعد انت وساي (( اكشخ مساعدين ))
والمراقبين كل شلة @ وفتاة الانمي والزعيمه ومنتوفي و و و و و مشرفيين ..
9:تخيل لو يطلع صديقك اللي بالمدرسه واحد من الاعضاء اللي تهاوش معه 24 ساعه وش تسوي ههههه؟!
ييييييمه فشيله والله لكن بنفس الوقت وناااسه ,, لكن لو دريت انها صديقتي ماراح اسولف معها مره ثانيه ..
10: تخيلي لو بوقت الخطبه تقدمين العصير تكبينه بوجه العريس (من الحياء) وش يكون موقفك ؟!
هههههههههههههههههههههههههههههههههههههههههههههههآآآي اهج
11:تخيل لو تجيك هديه تفتحها تطلع لك شله @؟
وناااااااااااااااااااااااااااااااااااااااااااااااااااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا اااااااااااااااااااسه

12: تخيل لو تلقى انسان قزم عقلة اصبع تدسه بجيبك وش تسوي؟!
اصاااارخ ..
13:تخيل لو تقدر تسرق عقل استاذك /استاذتك ايام الاختبارات ؟!
وناسه واكييد راح اجيب مو 30 من 30 لا والله 1000000 من 1000000
14:تخيل لو تصير الحاكم يومين ؟!
الله ليته يصير ,, كاان اخليك ولي العهد ..
15:تخيل لو ينادون اسمك بالاذاعه او بالمسرح علشان يكرمونك فجأه يوم تطلع يوم تمد يدك
تأخذ الهديه يقولون عفواً مانقصدك غلطنا بالاسم ؟!!!
لا تعليق ..
16:تخيل لو قعدت متاخر ورحت للمدرسه تكتشف ان نعولك ___ (الله يكرمكم) مايتشابهن أو مقلوبات ؟!
رااح اغيب بعدها اسبوعين من الفشيله

17:تخيل لو تفتح الاب توب وكانت الخلفيه اسد ..وفجأه من تفتح الاب توب يطلع لك ؟!
اجيب الساكتون واذبحه <<< مسويه فيها قويه الاخت
18:تخيل لو عندك ساعه توقف الناس وش تسوي ؟!
كاان اوقف كل العالم واصفق اللي حاقده عليهم
19: تخيل لو تقدر ترجع الماضي ؟!
هذي امنيه مستحيييل تتحقق طبعا لا تعليق ..
20: تخيل لو تلقى زعيم القراصنه (ياحليلي ) ؟!
اجيبله صحن اندومي <<< وش اسووي يعني



يلا جاوبوا وانا اخوكم ..

اللي عنده تخيلات مضحكه ومحرجه بس بحدود ..لايبخل علينا يحط لنا نبي نتخيل ونتونس ..
نفكر وبعد شوي نجي
و آخيرا اتمنى الموضوع يعجبكم ..
اكيييد اعجبنا
أخوكم : زعيم