السلام قبل الكلام

السلام عليكم ورحمة الله وبركاته ..
بعد رجعت زعيم لكم ..تراني يوم طلعت كل شوي ادخل المنتىدى اشوف زوالكم واطلع ..خخخخخخخ
والله اثريكم غاليين عندي المهم خلوني ابدا موضوعي الجديد وبعد عودتي / تراني مستانس اللحين وقاعد أكل فش فاش واشرب عصير ( انقهروا )
موضوعي اسمه لو صار لك هالموقف ..وش يكون ردت فعلك ][ ابغاكم تفاعلون معي وبصراحه مابي تسذب وواحد يدخل يتميلح نبي الصراحه ..بحدود طبعاً..
ابي اعطيكم (بس ترجعونها خخخخخخ) مواقف كثير وتخيلوا نفس الحدث يصير..

1: للشباب /تخيل لو يطلع مدير المدرسه أبوهايل وجالس لوحده بمكتبه وداخل المنتدى يسوي تعديلات خخخخخخخ؟!
للبنات / تخيلي لو تطلع شاهي مديرة المدرسه .؟! تدخلين على مكتبها تلقينها تضحك ضحكه الخاين وتقول شكلي ابحذف هالعضو ..
تقزينها بعينك (اكيد بعينك ) وتكتشفين ان العضو انتي ؟!

راح اخليها تشوف النجوم بعز الظهر
2: تخيل لو تكتشف الرقم السري لعضو من كبار الشخصيات ؟!
اعرف كل اسراره واخرب عليه كل شيء
3: تخيل لو ان عندك مشروب يخليك تختفي / وش تسوي ؟! واي عضو ودك تشوف حياته ؟!

اروح عند غرفة المديرة واخرب الدرجات المكتوبه عندها حقت الاختبارات واطلع الاولى على العالم
4: تخيل لو أخوك عزم شخص ..ويوم يروح اخوك يجيب القهوه ..انت تكتشف الضيف يسرق وش تسوي ؟! >>تخيلوا خخخخخخخخخخخخخخ موقف محرج

اعطي صديقه كف واعلم اخوي
(على السالفه هاذي تذكرت قصه بنت ..المهم في وحده قالت لآخوها ابغاك تتزوج صديقتي ..وتشوفها النظره الشرعيه المهم البنت عزمت صديقتها وجابت لها صحن جلكسي
وقالت صديقتها لا مابي ..مابي وبحياء وخجل ...المهم راحت وقالت لآخوها شف البنت ..يوم راح يشوفها وهو متخبي (عليكم حركات يالشباب نص كم ) شافها وهي تسرق جلكسي
وتعبي شنطتها بنت الحلال..المهم خطب البنت ويوم الدخله هي مستحيه قال لها تذكرين يوم سرقتي الجلكسي هاهاهاهاهاها وقامت تصيح البنت ..ياحليلها له عين بعد )
5: تخيل لو كنت جالس لوحدك وطبعاً الواحد وده يجرب ..خخخخخخ تخيل تدخل داخل الدرج تسوي حالك بزر وفجأه يجونكم ضيوف وأهلك يصوتون لك وش تسوي (طبعاً الدرج بالمجلس اللي
فيها الضيوف ) هههههههه؟!

:88: اتفشل:88:
6: تخيل لومسوي حالك يعنني رزه وشخصيه وفجأه تطيح قدام الخلق وش يكون شعورك وموقفك ؟!
مو لازم اجاوب:88:
7: تخيل لو تهدي خطيبتك /خطيبك هديه يوم توصلها تكتشف انها فاضيه يعني نسيت لاتحط فيها الهديه وش يكون موقفك ؟!

اخذ ها مرة ثانيه واحط فيها هديتي
8: تخيل لو تصير مدير عيون العرب وش تسوي ؟! >> اكيد انا تحطني المساعد صح ^_*

اطلع على اسرار الالعضاء ورسايلهم
9:تخيل لو يطلع صديقك اللي بالمدرسه واحد من الاعضاء اللي تهاوش معه 24 ساعه وش تسوي ههههه؟!
اسوي نفسي اني مو من المنتدى واكمل هواشاتي معها
10: تخيلي لو بوقت الخطبه تقدمين العصير تكبينه بوجه العريس (من الحياء) وش يكون موقفك ؟!

اخليه يتروش واقول اني طحت بسبب نعاله
11:تخيل لو تجيك هديه تفتحها تطلع لك شله @؟

هو هذا محتاج اجابه معروفه
12: تخيل لو تلقى انسان قزم عقلة اصبع تدسه بجيبك وش تسوي؟!

اضحك
13:تخيل لو تقدر تسرق عقل استاذك /استاذتك ايام الاختبارات ؟!
اغير الاسئله نذاله عشان الطلبه ما يعرفون ينجحون
14:تخيل لو تصير الحاكم يومين ؟!
اسوي اللي ابيه
15:تخيل لو ينادون اسمك بالاذاعه او بالمسرح علشان يكرمونك فجأه يوم تطلع يوم تمد يدك
تأخذ الهديه يقولون عفواً مانقصدك غلطنا بالاسم ؟!!!
اخذ الهديه وما لي شغل فيهم
16:تخيل لو قعدت متاخر ورحت للمدرسه تكتشف ان نعولك ___ (الله يكرمكم) مايتشابهن أو مقلوبات ؟!

ارجع البيت واقولهم ظروف خاصه
17:تخيل لو تفتح الاب توب وكانت الخلفيه اسد ..وفجأه من تفتح الاب توب يطلع لك ؟!

تجيلي سكته قلبيه
18:تخيل لو عندك ساعه توقف الناس وش تسوي ؟!
اروح عند بيت كل واحد
19: تخيل لو تقدر ترجع الماضي ؟!

اعيش الطفوله مرة ثانيه
20: تخيل لو تلقى زعيم القراصنه (ياحليلي ) ؟!
اكسر سنونه عشان انه غاب عن المنتدى