عيون العرب - ملتقى العالم العربي - عرض مشاركة واحدة

**سمسمة محمد** · #1 04-28-2009, 10:47 PM

نبداء
اول ماتبدا الحصه
((((معلمة مافهمت الدرس ))))
اكيد مافهمتيه هذا من الهذرة والسوالف والسرحان والضحك بالحصة

((((معلمة ممكن اروح الحمام؟؟؟؟؟))))
يعني مافكرتين تروحين الا الحين بعد الحصه روحي انتم مثل الجهال رايحين رادين على الحمام

((((معلمة ممكن تعيدين اللي قلتيه ماسمعته))))
اكيد ماسمعتي انتي وفيقاتج بس بتسولفون شلون بتسمعون؟

((((معلمة ممكن اشرب ماي؟))))
يعني ماصرتي عطشانه الا الحين احسن خليج عطشانه علشان ماتسولفون ووتتكلمين

((((معلمة منهجنا صعب حددي لنا المهم ))))
من قبل المعلمه 3ردود
اول شي:احدد لكم ليش انتوا جهاال
ثاني شي:انتم صرتوا كبار بصف(........) لازم تحددون برووحكم
ثالث شي: مافي تحديد كل شي معكم احفظوا>>>>>>منقهره لانها كانت تحفظ الكتاب كله

((((معلمة دفتري ضايع شو اسوي؟؟؟؟ ))))
في هذي الحاله المعلمه ترد عليها
الردالاول:هاه نعم؟؟ شو تسوين؟؟؟ شرايج اروح بيتكم وادور عليه ؟؟؟
الرد الثاني:لالا الحمدلله ماعندي دفاتر بمكتبي انا طرشت كل الدفاتر ذيك المره
الرد الثالث:ترى ان مالقيتي دفترج راح تعيدينه كله من اول

((((بنت تمسح السبووره وبعد ماخلصت معلمة ممكن اغسل ايدي ))))
انا اعرفكم يابنات تبون تتهربوا من الحصه لا ياحبيبتي مافي طلعه خذيلج كلينكس

((((معلمة الجو حار مانقدر نستوعب المكيف خربان))))
شو شايفتني انا كهربجي اللي يصلح لكم المكيف؟؟؟روحوا الادارة وقولوا لهم يلا لاتضيعي حصتنا

((((معلمة في نمله تحت الدرج ))))
اصلا النمله تخاف منكم يلا بلا تضييع وقت خلونا نكمل شرحنا بس علشان نمله صغيره مسويين قصه

((((معلمة الجو حلو ممكن نفتح الدرايش ))))
انتم ماتفتحون الدرايش الا علشان تشوفون على الرايح الجاي مافي فتح

((((معلمة الشمس على عيوني ممكن نسكر الستاير؟))))
لاخلوها احسن لكم الشمس مفيده لكم الظاهر ان هل المعلمه متعاونه مع احدى شركات التجميل علشان البنات يصيرون سووووووود من الشمس ويشترون كريمات جايز؟؟

((((معلمة صراحه الامتحان كان وااايد صعب))))
سكتوووووووووووا مافي احد طلب رايكم العن ابو الديمقراطيه هاهاهاهاهاها

((((في حصة فراغ معلمة االله يخليج طلعينا ))))
مجنونة انا اطلعكم ؟؟؟ عشان تسوون ازعاج وتزعجون الصفوف بعدين المديرة ماترضى

((((معلمة انا تعبانة وديني على المشرفه))))
ما عليه لاتشاركين ويانا بس سمعي او حطي راسج على الدرج وخذي غفوة او ارقدي

الطالبه بتسأل سؤال بسيط ((((معلمة ندرس من الدفتر اوالكتاب؟؟؟؟ ))))
الابله تطنش البنات ....

:55 :

تحياتى لكم