05-06-2009, 07:47 AM
|
| |
 وش اللي يصير بالدنيا لو إنك جيتني مشتاق
 ماقول ان الصدر ضايق أقول الكون فيني ضاق
ماقول أن غيبتك صعبه أقول البعد ينهيني
أنا يامازعل قلبي عليك وماطريت فراق
أشيل بخاطري [يمكن] وارضى لو تراضيني
ياليتك بس تفقدني كثر ماأفقدك واشتاق
قسم بالله مايطري على بالك تخليني
بعيني انت هالدنيا وومن غيرك لعيني لاق
كثير وماملوا عيني وقلبك بس يكفيني
فراق! وكنت أبي منّك تعوّض هالصبر بعناق
عشانك بعت هالعالم وجيت اليوم تنفيني
حبيبي حلت الفرقا وبعثرت بجفاك أوراق
عزاي بغيبتك صوره على بعدك تواسيني
أنا غصب علي أرضى ببعدك وأكتم الأشواق
وأكابر رغم حرماني وأداري دمعتي بعيني
حبيبي والجفا سجني وقربك من سماي إعتاق
بكثر عيوبي بعينك فقدتك وينك وويني!
حبيبي حس في حزني ترى دنياي ماتنطاق
أهونها ولا هانت كبيره صدمتي فيني
وشاللي يصير بالدنيا لو إنك جيتني مشتاق
وش اللي تخسره يعني إذا فكرت ترضيني
من الآخر ترى بعدك عطاني هالزمان [ طراق ]
لأني كنت احسب إنك تموت وماتخليني
فارس بلا رجل  |