تصدق والاماتصدق انا عاجز عن التفكير
تعال وشوف في عيني وش غيابك عمل فيني




حبيبي مابقى عندي صبر يتحمل التاخير
رحلت وعقبك الدنيا غلاها طاح من عيني





اجاوب اللي يسالني عن اخباري واقول بخير
وانا لا خير بغيابك ولا حاجة تهنيني





على طاريك كل لحظة ولا احتاج لتذكير
حريص القلب ماينسي عيونك ولا توصيني



محد يقدر يعوضني لانك في عيوني غير
ومهما شفت انا الفرحة بدون ماتسليني



وكيف الحال وشلوني جواب مايبي تفسير
بدونك انت ماتضحك حياتي وترمش سنيني



مثل شاعر عجز يوصف شعوره وخيانه التعبير
انا ضايع ولاادري من فراقك انا ويني



مثل طير كسر بعدك جناحه وماقدرت اطير
احاول ابتسم ولكن وش ينسيني؟!



اشوفك في صباحي انت معني ياصباح الخير
واشوفك في مسائي حلم ولاردي لا تصحيني



تصدق السهر يرسم عيوني ويتقن التصوير
ويشق النور في صفحة حياتي وما الاقيني



انام وشلون مشكلتي عجزت القى لها تدبير
طلبت النوم لحظاته وعيا النوم يعطيني



تغير وجهي من اول غيايك وابدي التاثير
حبيبي من التعب كافي خذيت اللي يكفيني



يااغلي من رحل عني ياكل الحب والتقدير
تعااال ان كان لي عندك معزه وكان تغليني



تعال اذا كنت تعشقني وذا فعلا تبي لي الخير
تعال :ومدلي كف الوصل وامد كفيني



واذا كان الجفا واجب بدي من قلبي التقصير
ابيك الحين ترجع لي ولا ترجع تخلبني



انا مااقول اللي صار فيني ماهقيته يصير
لاني كنت (متاكد)بان البعد(يهنييني)