لولا غيابك يا هوى النفس ما ضاق صدري ولا بانت بنظراتي الشوق
لي قلب مثلك وأسهر الليل وأشتاق
غيرك فلا والله تمنيت مخلوق
بيني وبينك خطوة الرجل تنعاق
حسبي على اللي صار من بيننا عوق
أجرح وقلبي لك على طول ينساق
رمشك ملكني وساقني للهوى سوق
كمل جمالك والي العرش بأخلاق حتى الجروح اللي تجي منك لي ذوق
كيف انتهت ذيك المشاوير بفراق
العام الأول كانت أحلامنا فوق
__________________
على كف القدر نمشي نواكب دفة الأحزان وما ندري عن الأيام وش تخفي لياليها
كتبنا كل خواطرنا في قصة بلا عنوان
خواطر في زمن غامض عجزت أفهم معانيها
ما بين الصمت والحيرة وذكرى لفها النسيان
بدنيا غير دنيتنا غريب كلما فيها
ظروف الدنيا تقهرنا وتجبرنا على الكتمان
وفي الداخل ألم وجروح عن المجهول نخفيها
أخذت آمالي وجروحي أبوزنها على الميزان
وترجح كفة اجروحي ولاأقدر أداويها
وقلت ارسم معاناتي من الواقع من اللي كان
وأعاتب حظي الطايح والشكوى أعانيها