وروحي فيك اسميها سكن يااغلى حبايبها
اضمك حيل في صدري ثراك ينافس الألماس
أنا اشهد جنة الدنيا على ارضك رحايبها
اموت اموت واحيابك غلاك يترجم الإحساس
لك الله يا بعد روحي ماغيرك للورى يبها
سعوديه يا ارض الطيب سعوديه رفيعة راس
سعوديه ولو تدرون وش تحمل سحايبها
مزون الخير للضامي تبلل شفته لاباس
تواسي خافقٍ مجروح اذا هبت هبايبها
عليها من وصوف الحسن ما يخطف قلوب الناس
من اقصاها الى ادناها على وجنة شعايبها
أمان وامن واستقرار فيها نطرد الوسواس
حبيبة شعبها الوافي ولا تنسى قرايبها
عليها حاكمٍ عادل أبو متعب عريب الساس
ابن عبد العزيز اللي دفع عنها نوايبها
حكيم الراي له نظره تْخَطينا حدود الياس
فعوله تشهد بطيبه كبرنا من سبايبها
وعذب الصيت أبو خالد اذا بفخر بدون قياس
جيوش الشعر لسموه تحت امره ركايبها
قصيد ٍ ما رفع راسه لبو خالد ترى ينداس
وانا بالشعر لي قاف ٍ تشوف اسمى عجايبها
مدام اني سعوديه لبست العز خير لباس
وثوبي ما وصل طرفه دني النفس خايبها
ابرفع راية البيرق واخط بدمي القرطاس
ادون بالقلم رسم ٍ يجّمد شوف عايبها
بلادي خيرها وافي وتشهد طيبهاالأنفاس
يمين ٍ بالعطا تجزل يمين ٍ عاش نايبها
حماك الله يـ (بلادي)من الباغين والأنجاس
سعوديه بلاد المجد عز الله كتايبها 