 اهداء خاص..لاعز ناسي..
بسم الله الرحمن الرحيم
ناس(ن) عزيزه عن عيوني بعيدين
راحوا وأنا من بعدهم صرت أعاني
فارقتهم بعد العصر يوم الأثنين
يا علّ خلّي بينهم ما نساني
اللي غلب في الزين كل المزايين
مافيه مثله بالحلا مودماني
حبست دمعي حايرٍ داخل العين
وذكرت صوته يوم بإسمي دعاني
وأقول يالبيه ويقول أهلين
يا صاحب(ن) من عقبه الحب فاني
ويقول لا تزعل ترى وقتنا شين
ويشهد لنا بالناس قاصي وداني
حبّك وحبّي له وثوق وبراهين
والحظ الأقشر عن دروبك حداني
يا صاحبي ذكرك على صاحبك دين
بأوفيه لأجلك كان ربّي حياني
بعيونه الدمعه رمتني بسهمين
سهم الفراق وسهم حب(ن) كواني
ودوّنت بالاشعار كلمه بقوسين
ماغيره اللي له بقايا حناني
ولو عوضوني به كنوز وملايين
ماأحب غيره طول هذا الزماني
وأخر كلامي كل أبونا مصلين
على النبي بأختم قوافي بناني
ارجو انها تنال اعجاابكم...
__________________
__________________
أنا جروح في صورة انسان
أنا ذكرى منسية
أنا دموع واحزان
بأختصار أنا قصة
طويلة ما يحفظها كتاب |