السلام عليكم ورحمة الله وبركاته


~ْ{ياااارب إن ما رضيت إشلون بيزين حالي
كل الدنيا تهون ..وكل من فيها يهون ..
بس تكون عني يا رب راضي .. }ْ~






جواهر: اش فيها نوارتي مشغول بالها ..
نوره : سلامتك جوجو بس أمي تعبااانه من فتره وصدري ضاايق عشانها وبالي مشغول و دايم أفكر فيها ..
جواهر : لا تشيلين هم نوارتي بإذن الله بتقوم بالسلامه .. شوفي اشلون الهم باين على وجهك صايره كأنك عجوز .. روقي وسلي نفسك ...
نوره : ما أقدر جوجو ما أدري ايش فيني أحس مالي خلق شئ ...
جواهر : طيب بأقول لك شئ نوره ... أسمع عن شئ بالنت يسمونه شات يمدحونه بنات في القاعه يقولون تتونسين إذا دخلتيه ..
ايش رأيك نجربه ؟؟
نوره : ايش قصدك ... الشات مو هذا اللي يكونون فيه بنات وأولاد مع بعض ..
جواهر : ايه .. ليش إستغربتي وعيونك طالعه قداام متر ... عاادي كثيير بنات يجلسون عليه .. وبعدين عادي كله سواليف ووناسه ماله داعي هالخوف..
نوره : بصراااحه جوجو كنتي تبغين تسليني وضيقتي صدري زياده .. ما أتوقعتها منك... ضاقت علينا التسالي كلها ولا لقينا إلا هالشئ نتسلى فيه....
جوجو يا قلبي إنا أدري إنك تقولين هالكلام بكل براءه وأنا أحب فيك هالبراءه وأحب قلبك الأبيض النقي ..
تدرين جوجو إن دخلتي هالعالم بتختفي هالبراءه منك .. وبتصير عندك أمور كثيره لازم تخبيها ولازم ما أحد يعرفها .. وبتعيشين في خوف من أخوك ومن أبوك وحتى ولد الحلال قبل ما يجي بتخافين لو يدري انك كنتي تسولفين مع شباب ... كيف بتكون نظرته لك ..
جواهر : طيب ليش كل الناس يسوون كذا إذا كان غلط !!!.. فهميني؟؟
نوره : جوجو لا تقولين كل الناس يسوون كذا .. مو ضروري إن الكثرة هم الصح ربي يقول (( وأن تطع أكثر من في الأرض يضلوك عن سبيل الله ))
الشيطان شاطر .. مثل ما يبي يضحك عليك الآن.. ضحك عليهم .. بس يمكن إنتي ربي ما أراد لك الشر ..
وبعدين احنا لما نتحاسب من ربي بنتحاسب لحالنا ما راح ينفعونا بيسألنا ربي عن كل صغيرة وكبيرة في حياتنا وأكيد بيجي اليوم اللي يندمون فيه لكن وقتها ما ينفع الندم ربي يقول ((مَايَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))
والشيطان وقتها بيتخلى عنهم بيقول مثل ما قال لنا ربي في القران (( وما كان لي عليكم من سلطان إلا أن دعوتكم فأستجبتم لي فلا تلوموني ولوموا أنفسكم ))
وأصحابهم كمان بيتخلون عنهم((الأخلاء يومئذ بعضهم لبعض عدو إلا المتقين ))


جوجو أنا أدري إنه مو معناة انك فكرت بهالشئ أنك ما تحبين ربي وإلا ما تحبين الخير أنا أعرفك وأعرف أخلاقك.. وعارفه كمان إني يمكن أكون السبب لأني من فترة صرت بعيده عنك وعن همومك وما صرت معاك مثل زماان بس حتى ولو .. هذا ما يعذرنا إننا ندور للونااسه في الغلط ..
جواهر : صدقتي نوره ما قصدت إن ديني ما يهمني ..أعوذ بالله أنا أعرف ربي وأحبه .. بس هالأيام صرت أحس بملل كبيير ولما أشغل النت ما ألاقي حاجه تستهويني .. وكان قصدي أجرب بس ... كنت أحسب انه شئ عاادي.. بس الحين خفت .. خوفتيني
نوره : إيه لازم تخافي ...تدرين ليه ؟؟
لما تكتبين شوفي يدك اللي تكتبين فيها اشلون عظمها رقيق وجلدها ناااعم .. ماراح تقوى على ضغطة القبر وحرارة الناار و كل كلمة نكتبها هي محسوبة لنا او علينا ... كل همسة حب أو غرام او شهوة أو حتى عبث بنسأل عنها يوم القيامة ...
بعدين ايش يضمنك إن هذي التجربة ماتكون طريق للشيطان عليك ويزينها لك ويستدرجك حتى تجرك لأشياء لا تحمد عقباها..
جواهر : وه ربي يحفظني ويحفظك ولا يبلانا ..
على قولتك ضاقت علينا التسالي ولا لقينا إلا هذي .. لا عادها الله من تسلية ربي يغنينا ويجعل أنسنا بقربه يااارب

منقوله للأمانه

__________________

متنازل علي الدنيا باللي فيها !!

تذكروني بكُل خير ٍ ,

إسمع لمن للدين كانه مناصراً *&* وعلى الضلال يلتهب مثل الحمــــــــم

إسمع لشيخ عاقل متفقه **&** لايجتمع على ذي الضلالة والذمــــــــم

أقصد اناساً راشدين في علمهم *&* ليس الذين ضلالهم فات العتــــــــم

يا إخوتي كونوا على منهاجهم *&* سلكوا طريق الخير وا نفعوا الأمـــم

كا ابني العثيمين الذي أمضىوقته*&* في النصح والتبيان يا خير العلم

أو شيخنا الألباني ناصر ديننا *&* كتب الحديث وصححه يالى الهم

او شيخنا بن باز فاق بفقهه *&* من كان يبصر وا يرى رغم السقــــــم

فاسرع أخي ولا تكنمتكسلاً*&* فسماعهم يروي ضمأ كل من فهــــــم

لله أكتُبها القصيدةناصحاً **&** من كان يأخذُ علمه ممن ظـــلـــــــــم

مواقع أنصحكم بها :