| رد: يبيه شلونك ؟؟ أبي أتبلل بصوتك !!
الموت يبيه شلونك ؟؟ أبي أتبلل بصوتك أنا وخالد نبي نتبلل بصوتك يا غيمه ظللت عمري ويمشي ظلالها وياك يبه .. لا تغيب عن عيني وش تسوى حياتي لو تغيب عني وش تسوى !! مو صح الكون يتفجر ولون الحنا ف كفي يصير أصفر يبه لا تجفف شفاهي من أحلى كلمه بالدنيا يبه يبه ما قلتلك وش صار ؟!! يبه بنت صفي منيره أبوها ماااااات ف حادث تكلمني ترى دايم .. دايم عنك تتكلم تقول أفز من نومي أحس بجنبي هو نايم تقول دايم أنا أرمي عيوني على الأبواب أقول يمكن يلملمها بأي لعبه من الألعاب أو ورده و أروح أركض وأخبيها بوسط كتاب يبه عذروبك الشارع تسوق بسرعه مجنونه يبه خلنا على بالك يبه طير الفرح لا تكسر غصونه تجينا على موعد حبايبنا أبيك تشوف أحساسي وورده بيضاء مغروسه وسط راسي وكم نجمه من الأبله تشب بين كراسي آآآآآلو ,, آآآآآلو عفواً منهو وياي تعالوا أستلموا الجثه أبوكم مات ..!! مات في حادث أبوكم مات !! مقطع صوتي للقصيده http://www.mdrf3.com/up/uploads/files/mdrf3-25716a09d4.mp3  البرزخ مسافرين كلنا .. أي والله كلنا مسافرين الموت مينا أيامنا .. مينا وبحرها المقبره بحر من عظام وكسور نرسي وترسي حمولنا وابحار للقبر الحزين بأمواج كف أحبابنا .. سفينة الموت الحزين تابوت نترك سيول العاطفه تجرح مواطي النظر كل ما أذكرتنا دور نترك سواد أيامنا للمغفره والنور نترك مواويل الحزن تطحن بنا وتدور يمكن نستنا أشجار ويمكن بكتنا دور يمكن ويمكن ويمكن ما تنفعك يمكن لا صرت وسط قبور لا صارت الدنيا أهل وأحباب فوقك بالسماء وأنت بقبر وأغلى عزيزينك وفا يملون عينك بالتراب ما تعتبر !! ياويلنا ياويلنا وليا ألتئم عظامنا .. ياويلنا ياويلنا إذا طفحت أعمالنا من فينا مات ونيته باطله .. ومن فينا مات ونيته طاهره ياويلنا ياويلنا من شقق ثياب الحلم .. من لبس الطفله وهم منهو نسى طفله يموت وسط الحياه القاسيه منهو جعل سفن الذنوب داخل ضلوعه راسيه مسافرين كلنا أي والله أنا كلنا مسافرين على الأخوه المسافرين على رحله رقم واحد ورا واحد ورا واحد الرجاء ربط النزاوى المرهبه وفك اللسان بالأدعيه مقطع صوتي للقصيده http://www.mdrf3.com/up/uploads/files/mdrf3-ab1c2f0a06.mp3 الطيف تجيني طيف ياعمري على جنحان شوقي لك أخاف أرمش من عيوني وأبعثر جية وصالك حبيبي لا تجيني قول وين أنت وأنا أجيلك أبيك تقول وين أنت وعلى عيوني أنا اسعى لك
وربي فوق روس الشوك لخلي القلب يمشيلك
وأخلي ظلالي يسبقني قبل يحضني منزالك
ثواني بس أبي أتهندم من عيونك وأبي أهديلك
في عينك ضحكة ٍ حتى تكحل عين عذالك
يقولو الناس بغيابي تشب القلب ويضويلك
حنيني..من وهج شوقه يميل القلب لامالك
قضى دمعي من عيوني أبي من عينك أبكيلك
أبنثر من ورى عيوني دموع عيون ترحالك
تعبت أهرب من الأشيا البسيطه من تفاصيلك
تعبت أسأل زوايا البيت عن أول وأخر أحوالك
وحتى الشوق من صبح الدرايش قام يهديلك
عصافير الرضى ترفرف على بيبان مدخالك
هنا ترمي صباح الخير قبل لاتروح وأدعيلك
وهنا تضوي مساء الخير في عيني من هلالك
أنا من الليل يقطفني شعوري لك وأغنيلك
أنا من الصبح يليلني الحزن زمن لون موالك
حرام الليل ماهو ليل أذا ماكنت في ليلك
وحرام الصبح ماهو صبح اذا ماكنت بظلالك
تروح وقلت أحط عمري على كفي وأناديلك
نزعت العمر من شفت الغلا بالروح نادالك
بربك قول وش سوى الفراق بوجه منديلك
تسيل ألوان طيفي فيه ألا من البكا سالك
حبيبي لا يبكيك الفراق ولا يهد حيلك
أخاف الدمع من عينك يجفف صورتي بالك
تعال أحتاج اسولفلك عن الأيام وأشكيلك
وأفض غيم الحزن وأنثر حنين الشوق بقبالك
تعال حط في قلبي هموم الفرقى وأشيلك
لأن القلب ماهو قلب أذا في نبضه ماشالك
وقف دمعي من عيوني أبي من عينك أبكيلك
أخاف أبكي من عيوني وأبعثر جية وصالك
مقطع صوتي للقصيده
http://www.mdrf3.com/up/uploads/files/mdrf3-d33d929213.mp3
والله مبدع هالشاعر   |