| المعجزه البيضاء ...............الجزء الاول
الواحد فرد ما يقبل التقسيم
بس انه انقسم وبدونك اتعدد
اتقسم بدونك وانجمع وياك
لان كلي ويه كلك بيك يتوحد
جنت جاهل واجيك اتشرد من الناس
هسه اتعلمت من نفسي اتشرد
عشكتك ذره ذره وكمت اغار عليك
اذا محد يبوسك اذبح المحد
ولك لا تنطرح يم الناس تعبانين
مو طولك حصار شلون تتمدد
وشعرك ليله ظلمه اتوحشت عله الريح
كل ماهب عليه اتلفلفه باسود
وجبينك ايد موسى المعجزه البيضاء
مو حق الكفر والشافك اتعبد
وفراشه نور اذنك والزلف خطار
مره يحط عليها ومره يتبعد
وجفينك سما ومجفي اعله رمشك ليل
والباقي المره الجايه للشاعر العراقي نائل المطفر
|