السلام عليكم ورحمة الله وبركاته
ومساكم الله بالخير
مصافحة اولى
اتمنى ان تتقبلوها بأخطائها وكسورها وفقرها للجزالة
وان تحوز على استحسان ذائقتكم الشعرية
تحياتي
 | |  |
| انتي وانا ضحية عشق مجنون .. جامح ومحدن(ن) يفهم ظروفه
من عرفتك والقلب بك مفتون .. ومن تغيب تغدى العين مكفوفة
ما تشوف الا انت يا كنز مكنون .. بصندوق الغلا والروح ارفوفه
يا ضي النهار ارويني يا مزون .. بامطارن ندية ودموع مذروفة
سكابة لا تركتك والصدر محزون .. من فرقا سببها اكذوب مكشوفة
بظلمة الليل تحتريني يا الحنون .. ما يهمك ند أو اخطار محفوفة
ملعون يالبعد انا اشهد انك ملعون .. طول المسافة يخلي النفس ملهوفة
على شوف الجميل والقلب ممنون .. واعراض الهوى للعشاق معروفة
وان تكلمنا غدا الصوت ملحون .. من زود ما ارتويت من أعذب احروفه
ويسألني والفكر مشحون بظنون .. ان تحب غيري يا نديمي بشوفه
واضحك واضمه للصدر بالهون .. وابوس جبهته لا حضنت اكتوفه
ما سباني غير نظرته بأجمل عيون .. لا شفتها اطلب الله رفقه وروفه
انسجم والنفس ترتخي والجفون .. والنغم بلسانه العذب ما اعوفه
بعد كل هذا فجأة يهون وشلون ..على خلي الهجران واليد مكتوفة
سقت القصايد على خافقي المغبون .. قمت ارددها بين الخلايق معزوفة
انطعنت وادميت بسكين مسنون .. سكين النصيب قطعت جوفي وجوفه
ما قويت بعده واشهق كما المطعون .. واطلب الله يداوي الجرح ونزوفه | |
 | |  |