| الفرق بين بنت الناعمه والدفشه
نصائح قبل قراءة الموضوع
البنت الناعمة اقرئي بهدوووووء والبنت الدفشة< ا قرئي بسرعة
البنت الناعمة:
طبعا هذة البنت وهى نايمة فى غرفتها الدبدوب والارنوب كلهم فى احضانها واذا قامت من النوم
ما تقوم الا الساعة وحدة الظهر واللى تقعدها من النوم الشغالة وطبعا تكلمها بالانجليزى بترجم
لكم ايش قالت لها الخدامة 00 تقول قومى ما ما وقت واجد تأخير 00 والناعمة اول ما تصحى
من النوم تفتح الستارة والشباك علشان الغرفة تتنفس وشغلت موسيقى رومانسية علشان
يكون الجو رايق وتاخذ حمام محترم وبعد ما تطلع من الحمام على المراية تحط من هالكريمات
والصبغ 00 لازم تحافظ على البشرة 00 خلصت من المراية وتتجة الان الى الاستشوار
وبعدين تلبس البنطلون الجنز والبلوزة 00 وتنزل تاكل الفطور اللى يكون عبارة عن دونت
وعصير برتقال 0
البنت الدفشة :
تقوم الساعة 8 الصبح وهى ما ودها تقوم وتدخل امها عليها بالغرفة وتصرخ عليها قومى
شبعتى نوم ترد الدفشة على امها 00 زين زين الحين بقعد 00 وتقعد تأفففففففف ويطلع من
فمها ريحة تسطل00 بالاضافة الى انها وهى نايمة كل دقيقة تطيح من على السرير 00 وبعدين يدخل
اخوها الصغير ويصرخ 00 وجع 00 يالله كفاية نوم 00 ترد علية : اطلع من الغرفة والا
ارميك من الشباك الحين 00 المهم اخوها اللى اكبر منها يروح لها الغرفة يرفسها وبعد تلك
الرفسة العنيفة 00 تصحى من النوم
نرجع الى البنت الناعمة
ما تتغدا الا الساعة 4 ولا 5 ولا تتغدى الا على عيش ابيض مسلوق
وسلطة تحافظ على رشاقتها 0
اما البنت الدفشة
تتغدا الساعة 12 بالضبط ولا تغدا الا كبسة ولحم او دجاج واذ خلصت تشرب البيبسى شربة
واحدة يعنى ما فى مجال انها تتنفس 00 وهاتك تكرييع0
البنت الناعمة:
طلعتها تكون من بعد صلاة المغرب ما تطلع العصر تحافظ على البشرة من ضوء الشمس
البنت الدفشة
تطلع الساعة 2 القايلة تروح مشى لبيت خوالها لحد ما تنقلب سمرة 0
البنت الناعمة:
تروح ستار بكس او اى كافية وقبل لا تطلع تمر على الصالون تحط هذاك الميك الاب 0
البنت الدفشة
تحط كحل يملا العين "مصدقه عمرها" واذا بتروح تروح السوق ولا سوق الحراج 0
البنت الناعمة:
اذا تبى تضحك تقول ( هههههههههه) ويدها على فمها من الخجل والضحكة من الصعب انك تسمعها
البنت الدفشة
ها ها ها ها 00 هع هع هع هع وصوتها واصل لاخر الحارة
البنت الناعمة:
اذا تحب تسمع اغانى ما تسمع عربى ما تسمع الا ريكى مارتن طبعا لانة حلو وممثلها المفضل
توم كروز لوسامتة وميل جبسون وجيم كارى لخفة دمهم 0
اما البنت الدفشة
ممثلها المفضل بو هلال وعبدالناصر درويش ومطربها المفضل خالد الملا ومزعل فرحان وحجاب بن نحيت 0
البنت الناعمة:
لما تتفرج على التلفزيون تقعد على الكرسى وتحط رجل على رجل وتبتسم لان الابتسامة تضفى بشاشة على الوجة 0
البنت الدفشة
تنسدح على الارض وتحط رأسها على المخدة وتمد رجلها وتحطها على التلفزيون واذا تبى
تغير القناة دقت التلفزيون باصبع رجلها وغيرت القناة 0 ههههههههههههههههههههههه
البنت الناعمة:
اذا تبى تحلم احلام اليقضة طلعت فى حديقة بيتهم وقعدت على الكرسى هزاز وقام الكرسى
يروح ويرجع 0
البنت الدفشة
تروح بالحوش وتمد السجادة اللى فيها خمسة وثلاثين لون احمر واسود وابيض وجابت كاسة
ستة متر متروسة شاى
هههههههههههههههههههههههههههاااااااااي
__________________
أحتاجلك لا ضيق الوقت صدري
أبيك تمسح عن عيوني شقاها
وأحتاجلك اذا الفرح ضم فجري
ودي تحس بفرحتي ياهناها
أبيك تسال عن حياتي وتدري
عن ضحكة أيامي ووافي
لا صرت روحي كيف أحيا بدونك
...............................
والله ماحطيت بين الحقد والخوه حجاب ** حتى غدوا ربعـي يحدونـي علـى الضيـق أشكـره
أثر المصايب ماتجيك إلا من الناس القراب ** وبهالزمن حتى الخـوي اللـي تثـق فيـه أحـذره
لابارك الله في رفيـق ٍ تزعلـه كلمـة عتـاب ** ولاجمـع الله الرجـال اللـي تفرقهـم مـره
الصاحب اللي مايجي من صحبته غير العذاب ** نذر ٍ علي إن ماهجرني وإلا أنا اللـي بأهجـره
من يفتح لفرقـاي بـاب أفـك لـه عشريـن بـاب ** وأذا خويـي مايقـدر خوتـي ماأقـدره
|