الجزء السادس .. .

أمل دخلت غرفة رهف ..

أمل : مبروووك على الملجه
وقعدت عندها ..
رهف: تصدقين يا امل ما توقعت اني اتزوج موسى !!
امل: يمكن نصيبج انج تتزوجين موسى
رهف: امي ماتبيني اتزوج موسى .. تبيني لفيصل
امل : امي وخالتي من يوم كنتي صغيره واهم يقولون هالكلام رهف لفيصل .. بس ما يعرفون الله كاتبلج شنو ..
رهف : ......
أمل: قولي لي شسوويتي في لندن ومتى ترجع ندى ؟
رهف: اااااااه عبالي بتكون سفره حلوووه طلعت سفرره مرره
امل: ليه شصاير ؟
رهف: امل بقولج بس مستحيه
امل: قولي ولا تستحين
رهف قالت لامل انها كانت تحب موسى .. وامل بالبدايه سكتت وتحاول تسمع اختها رهف .. قالت رهف عذابها كل ليلة واهي ما تنام الليل .. وقالت لها شلون لقت موسى ..وقالت وقالت وقالت .. كانت رهف واهي تتكلم بصوت حززين .. وامل كسرت خاطرها اختها رهف ..
امل: والحين انتي شنو شعورج ؟
رهف : مادري احس في داخلي ضيقه .. لاني مستناسه ولاني حزنانه
امل : خلاص يا رهف اللي تبينه صار وموسى صار لج .. احمدي ربج على هالنعمه ..
رهف: الحمدلله ..
امل: والحين قومي معي نروح نشرب شاي عند امي .. ولا تفكرين حييل لان التفكير الزايد يضررر


......

موسى كان بغرفته منسدح على سريره ويفكر باللي ينطره ... اللي ينتظره مسوؤليه ...رهف اللي انعجب فيها في لندن صارت زوجته ...
دخلت امه قجاءه عليه .. عدل قعدته ... كان يدري انه امه بتفتح سيره رهف.. .

صالحه : هالرهف هذي انا مااحبها ..دورلك على غيرها
موسى مسك اعصابه وحاول انه ما ينفعل ..
صالحه : موسى
موسى : هلا
صالحه تقوس نبضه : عاجبتك رهف ؟
موسى ينكر : لا
صالحه شاكه ...
صالحه : وهديل
موسى : يما شنو تبين بالضبط ؟
صالحه : انا اقووول رهف هذي دام انها لا تعجبني ولا تعجبك .. يا تطلقها يا تتزوج عليها هديل
موسى : يما انتي شفيج ؟ ؟
صالحه : مافيني شي .. بس هالرهف مااحبها .. تزوج عليها هديل .. على الاقل هالهديل اعرفها اكثر من رهف..
موسى انسدح .. .
موسى : يماا لا تضغطين علي .. كافي اني تعبان
صالحه عصبت وتضايقت ..
صالحه في نفسها : ماكون صالحه ان ما خليتك تاخذ هديل على رهف
...

فيصل يبكي : ليتني ما عرفتك يا رهف اااااااااه يا حر قلبي عليك ... لو ما عرفتك ما كانت ذي حالتي ..وش اسووي الحين من عرفتهااا وانا مدري وش صاير لي .. هالرهف تجنن اللي ما يتجنن .. يا ويل حالك يا فيصل وش اللي ينطرك اكثرررر

فيصل في غرفته واهو يبكي .. يبكي من حرقة قلبه على رهف .. اهمل مواعيد ندى ومع ذلك ندى عاذرته وصارت تروح مواعيدها لحالها .. فرحانه لرهف وبنفس الوقت كاسر خاطرها اخوها فيصل ..

فيصل طلع من غرفته وبالصدفه شاف وجهه في المنظره .. حزن على حاله .. مسك وجهه ودقق في ملامحه ..
فيصل في نفسه : ذي نتايج حبك يا رهف .. بصبرررر والله يجازيني بكل خير .. ليه كذا اضحك وافررح وغيري يخطط ويفكررر .. اكرهك يا موسى كنت احسب انك رجاااااااال بمعنى الكلمه والا انت وش اقول بس ؟؟ رهف اصلا ما تبيني ولا تحبني .. انا وش اقووول الحين وش اخربط .؟؟ اخر مره يوم كلمتها كانت عاديه وكانت خجوووله مني مرره بس وش اللي غيرها علي كذا ؟
دخل الحمام ( كرمكم الله ) وغسل وجهه وتوضاااا ..صلى صلاة الفجررر وبعدها طلع يتمشى .. اليومين الاخيرين صاير ما يقعد في البيت ..

.....

راشد ( بوعبدالله ) : موسى
موسى التفت على ابوه ..
موسى : هلااااا يباااااا
راشد: تعال
قرب موسى من ابوووه .
موسى : هلا يبا بغيت شي ؟
راشد : وين بتروح الحين ؟
موسى : الجامعه
راشد: اسمع يا موسى اذا خلصت من جامعتك رح السووق واشتر هديه لزوجتك
موسى تضايق: بعدين يبا انا مو فاضي
راشد : انت تفهم كلامي
موسى سكت خاف ان ابوه يعصب عليه ..
موسى: ان شا الله يبا اذا خلصت من محاظراتي على امرك بروح السوق واشتري هديه لرهف
راشد : وانسى هديل وكلام امك انت فاهم
موسى سكت وكمل دربه ...
موسى في نفسه : انا جباااان من الدرجه الاولى الحين في احد يتزوج غصب عنه ؟؟؟؟؟؟ والله اني خايف على رهف من امي . عاد امي كرهها الوحيد عمتي حنان .. الله يعينج يا رهف مادري ليش موافقه علي؟

....

ام فيصل : بالله عليك يا حنان !!!!! ليه سويتي كذاااااااااااااااااا ؟؟ ؟
ام حمد ( حنان ) : وش اسوي يا ساره ؟ اكسر بخاطر عمها اللي جا واهو مريض ؟
ام فيصل : بس انتي عارفه اني بغيتها لفيصل وش اقوله الحين ؟
ام حمد : ماله داعي تقولين له انا قلت له امس
ام فيصل: انتي من صدقك يا ساره حرام عليك كسرتي له قلبه وانتي عارفه انه رهف في خاطره من قبل لا يسافرون لندن
ام حمد: ......
ام فيصل: انا زعلانه عليك يا ساااره
ام حمد : افا يا خويتي وبعدين لا تزعلين الزواج قمسه ونصيب
ام فيصل: حنان ليه سويتي كذاااا وانتي ما تحبين اهل زوجك ؟ انتي مخططه لشي ؟
ام حمد : لا والله ماني مخططه لشي وان شا الله اموووت لو خططت لشي .. انا مادري كيف اقنع الناس ان عمها راشد اهو اللي يبيها لموسى ؟
ام فيصل: دخلتي رهف في مشاكل انتي وياها في غنى عنها
ام حمد سكتت .. تدري ان كلام اختها ساره صح .. وان رهف الحين فمشاكل .. هذا واهي ما تزوجته ومشاكل الله العالم وش بيكوون تاليها ؟؟

......

خالد بخوف : أمل !!
أمل تنوم عمر في فراشه ..
أمل : هلا
خالد ما عرف شقول ..
خالد : طالعيني يا امل
امل : خلوود تدري اني انووم ولدك في فراشه هههههه لا وبعد من اللعب حتى شكله معصب
خالد عصب شوي : أمل
اخترعت امل والتفت تشووفه اول مره يعصب عليها .. كانت تبي تبجي بس شافت عيون خالد ..
امل في نفسها : خالد يبي يقوول شي .. اما علي غباااء ....
امل : هلا خالد
خالد : امل انا تعبااان وابيج تسمعيني شوووي
امل : .......
خالد : أمل اسمعيني زين وخلييك قووويه .. امل انااا مريض !!!!!!!!!
امل انتفضت وحست بحرارة جسمها تحرقها .... شافت ملامح خالد تعبانه .. وحتى عيووونه من كثر التعب ذبلانه .. بجت بس بصووت قلبها الحزين ..
امل : يعله فيني ولا فيك يا بوعمر
خالد قرب منها ..
خالد : أمل ما حبيت اقولك واضايقك .. ولا تزعلين علي لان هالكلاااااااام هذاااا مو صج
امل فتحت عيونها من الصدمه ...
امل : ها ا ؟؟؟
خالد يضحك : ههههههههههههههههههههههههههههههههههههههههههههه جذبت عليج
امل تبجي : الله ياخذك
خالد قرب منهاااااا..
خالد: الكلام هذا من قلبج ؟
امل تطالعه : اكييد لاااااااا بس حرااام عليك لعبت في قلبي
خالد: تستاهلين .. مو معطتني اليووم وجه ... وكل ما اكلمج تقولين عمر وعمررر .. انا متزوجج والا متزوجكم اثنينكم
امل تضم خااااااالد بحرقه قلبهاااااااااااااااااا ..
امل: خالد حبيبي تكفى قلي انت بخيررررررررر
خالد : امل حبيبتي شفيج انا اضحك عليج وما فيني شي . يغمز لها . انا غالي عندج
امل : أي غالي وغلاك بقلبي ماله حدود
خالد قرب يبي يبووسها .. والا اهي تدزه وتركض وتضحك عليه ... واهو لحقها وجرها مع شعرها ..
امل : ااااي ااا شعررررررري
خالد : نياهاهاها هذا السلاح اللي نقدر نمسكم فيه هههههه

.....

الصبح ... 10 ...

حمد شاف ان امه رايقه ..
حمد في نفسه : يالله انك تعيني ...
حمد: يما
ام حمد : هممم
حمد : يما ان طلبت منج هالطلب توافقين
ام حمد : على حسب
حمد في نفسه : يارب تستر
حمد : يماااااااا ابي اتزوووووج
ام حمد شافته بذهووول ..
ام حمد : صدق !!!
حمد : أي يماااااااا وتكفين يما لا تضغطين علي .. انا اخترتها
ام حمد : مين ؟
حمد : هديل
ام حمد عصبت : والله انك ما تستحي على وجهك
حمد تعجب : ليه يما ؟ الله يهديج عشان قلت لج ابي اتزوج هديل قلتي ما استحي ؟
ام حمد : الحين لما ملك موسى على اختك وخلا هديل بالباي باي .. واهي الحين صايره تكره اختك .. ولا بعد كل ذا تبي تجيبها هناا عندي ؟
حمد : يماااا انا ابيها
ام حمد : حمد اعقل واثقل هديل مو حاصله لك افهم هالكلام .. اذا تبي غيرها من عيوني اما هديل انساها
حمد : طيب واذا قلت ندى ؟
ام حمد فرحت : ندى كل الزين ... ابرك من ذي هديل .. تعال لايكون تبي ندى بس كذا كلام ؟ انت تبيها من صدق ؟
حمد : يماا ندى عاجبتني .. وهديل بنت عمي
ام حمد : ان شا الله باذن الواحد الاحد اذا ردت ندى اخطبها لك .. بس خوفي ان فيصل يرفض
حمد رفع حاجبه : وليه عاد ؟
ام حمد : يمكن لان احنا رفضناه
حمد : لا لا يماا والله ان سواها بذبحه
دخلت رهف ...
رهف : تذبح منوو ؟ ؟
حمد : اذبح ولد خالتك ان رفض
رهف في نفسه : ياربي مابي اسمع عنه شي
رهف قعدت تصب لها كوب حليب ..
رهف : ليش يرفضك ؟ انت مقدم على شغل عنده ؟
حمد : لاااااا انا ان شاالله ناوي اخطب ندى
رهف : صج الف مبرووووك يا حمد منك المال ومنها العيال ان شالله تستاهل كل خير
حمد : الله يبارك فيج ..
رهف: طيب ليه يرفضك ؟
ام حمد : ان رفض فيصل خطبه حمد لندى .. يعني انه لين الحين زعلاااان
رهف سكتت لانها حست انها ما تبي تتكلم كثير . .
حمد : يماا متى بتكلمين خالتي ساره ( ام فيصل ) ؟ ؟
ام حمد : انا وش قلت لك قبل شوي ؟ مو قلت لك ان ردت ندى اخطبها لك ؟
حمد متوترر .. يبي ينتهي من السالفه بسرررعه ...
حمد قام ..
حمد : انا تاخرت عن شغلي االله يعيني على رئيس القسم
رهف: ههههههه وهذا لين الحين حاط عليك
حمد : وش اسوي بعد .. يلا فمان الله
رهف + ام حمد : فمان الكريم ..

.........

العصررر 4 ...

موسى في سيارته متردد وخايف ... يدخل او لا ؟؟ ابوه وصاه انه لازم يسلم عليهاا ويهديها .. توكل على الله ودخل . .

ام حمد : هلااااا والله بولدي موسى كيف حالك ؟
موسى : بخير الله يسلمك وانتي شلونك يا عمه ؟
ام حمد : بخير دامك بخيرر . ..
موسى : انا جاي اسلم على رهف ..
ام حمد : اروح اناديها لك ..
راحت ام حمد ودخلت غرفة رهف ..
ام حمد : رررهف قووومي البسي بسرررررررعه موسى هناا يبغي يسلم عليك
رهف توترت ..
رهف: لا يماا قولي له اني ناااايمه
ام حمد : من صدقك انتي ... يا خبله قومي الحين .. والا تبين يقولون عنك منتي بغلايه عنده
رهف : طيب الحين جايه ...
طلعت ام حمد ..
ورهف توهقت شتلبس ؟؟ اكثر لبسها تنانير قصاار للمناسبات والباقي جينزات وبدلات رياضه ...
لبست وتكشخت وحطت مكياج خفيف ... وقرت المعوذااات هههههههه تحس انه جني ^_^ من كثر ما تخاف منه ..
نزلت رهف بعد ما تاكدت ان شكلها اوكي ... كانت خايفه انها ما تعجبه اليوم ..
في الصوب الثاني ..
موسى كان متوتر ويتصبب عررق ... شاف رهف خفت عن التوتر .. رهف سلمت عليه وخامسته ..
ام حمد : رهف بنيتي ارتاحي ... موسى
موسى : هلاااا
ام حمد : انا بروح شوي وجايه خذ راحتك يا وليدي
موسى : ان شا الله ..
طلعت ام حمد .. ورهف خايفه ,,,
موسى : شلونج رهف ؟
رهف: بخير
رهف متوتره وموسى اكثر منها .. سكتووو ..
موسى قام ..
موسى : يالله انا الحين ماشي .. تامريني على شي؟
رهف: سلامتك
موسى : ماتشوفين شرر
رهف: الشر ما يجيك ..
رهف في نفسها: الله يعيني .. يارب توفقني معاه ..

....

عمر : ريوووووووووووووووووووف
ريوف حاطه يدها على خصرها: نعم
عمر : ليه تنحاشين ؟
ريوف: مو فاضيه لك برووح عند خالتي
ريوف تركض وعمر وراها ..
ريوف: خاااااااالتي
امل اخترعت ..
امل: بسم الله خرعتيني
ريوف :ههههههههههههههه
امل : المزعجه وش بغيتي ؟ وش فيج تركضين ؟
عمر يبجي :مامااا شوفي ريوووف ضربتني
ريوف تروح وتضربه على راسه ..
ريوف: تستاااهل
امل : انتي ما ينفع معج الا امج ...
ريوف تحضن خالتها امل .. .
ريوف: خاااالتي امانه امانه دقي عليها خل تجي بشووووووفهاااااا
امل : والله انج مسكينه يا بنتي
عمر: ماما انا مسكين مو ريوووف ... ضربتني مع راسي
ريوف: جب جب انت
امل : بس يااا بزارين ... اكبرو شووي
رن موبايل امل ...
امل بابتسامه عريضه : هلااااااااا والله هلاااااا بالطش والرش
رهف: هلاااااااااااا فيج امووووووووله اخبااااااركم
امل :بخييييير دامج بخييييييير انتي شلوووووونج
رهف: تمااام التماااااااااام .. وين ريوووووووف بكلمهااااااا
امل : كاهي عندي ..
امل : ريووووف ماما تبي تكلمج
ريوف تبجي: مااااااماااااااااا
رهف: ريووف حبيبي شفيج تبجين ؟
ريوف: ماما خالتي امل ضربتني
امل اخذت الموبايل ..
امل : يوووووو يا رهف يحب بنتج للجذب
رهف: ههههههههههه اعرفهااا ريوفه دووم تجذب
ريوف تصارخ : مااااماااااااااا
رهف: هههههههه عطني اياها بكلمها
ريوف: ماما متى تجيين ؟
رهف: الاربعا ماما
ريوف: وعد ؟
رهف تبتسم :وعد
ريوف: بس مو تجذبين .. مثل ذاك المره يوم جذبتي وقلتي بتجين ولا جيتي ..
رهف: لا لا هالمره بجي .. خلاص ماما
ريوف: انزين .. تبين خالتي
رهف: أي يماا عطيني اياها
امل : back again
رهف: اهلين .. اقولج انا الاربعا بجي اووكي .
امل : خوفي ما تجين وتقلبها عاد ريوووف حرررررب
رهف : ههههه فديتها بنتي ... لا ان شا الله جايه يلا الحين لازم اسكرر بااي
امل: بااااااي

طوووووووووووووووط طووووووووووووط

ريوف تبجي ..
عمر قرب منها ..
عمر يبجي : ريوووف لا تبجين
ريوف تضربه مره ثانيه على راسه : جب
عمر يبجي..
امل : لا اله الا الله انتو الاثنين وبعدين منكم ؟؟ وانت تعال مسوي فيها روميوووو
ريوف : خالتي خالتي
امل : هاااا شبغيتي ؟
ريوف: متى يجي خالي خالد ؟
امل : بعد شووي .. بغيتي شي؟
ريوف: أي .. ابي يوديني عند ماما
امل: والله انج غبيه .. .الحين امج قالت لج الاربعا بتجي ليه تعاندين ؟
ريوف: اففففف
وراحت ريوووف ولحقها عمرر . ..

مرت 6 سنين ..
ريووف عمرها 6 .. نسخه مصغرررره عن امها ... واكيد عرفتو امها (( رهف )) ,,
تزوجت رهف من موسى .. وبعد شهرر تطلقت منه بسبب امه صالحه وجدتها حمده ... وحملت بريوف .. ولما ولدتها .. تقدم لها فيصل وتزوجته من القهر اللي فيهااااا من موسى .. وراحت السعوديه فالشرقيه ..وصار عمر رهف الحين 24 سنه .. وحمد تزوج ندى وعندهم الحين ساره على اسم ام ندى اللي ماتت من 3 سنين .. وهديل تزوجت موسى وجابت منه رغد ( 5 سنين ) ومشاري ( سنتين) ...

في السعوديه ( الشرقيه ) ..
رهف صدع راسها ..
فيصل شاف رهف تعبانه وركض لها ..
فيصل بخووف : حبيبي فيك شي ؟
رهف : راسي
فيصل يمسك راسهاااااااا ..ويدلكه ...
فيصل: حبيبي شلونك الحين ؟
رهف تبجي : تعبااااااانه يا فيصل تعباااانه
انسدحت رهف على صدر فيصل ...
فيصل: فيني ولا فيك .. قومي معي خلينا نروح المستشفى
رهف: لا لا مابي
فيصل سكت ...
رهف: فيصل
فيصل : عيونه
رهف : ابي اورح الكويت الاربعااااا
فيصل: حبيبي انا مشغووول
رهف عصبت وقامت ..
رهف: انا الغلطانه اطلب منك .. من تزوجتك وانت ما تسافر معي للكويت ... فيصل انت من شنووو خايف ؟؟؟؟
فيصل قام : مو من شي
رهف: ليه ما تسافر معي ؟؟
فيصل: قلت لك مشغول
رهف: أي مشغووول اضحك علي بهالكلام ... من عرفتك وانت مع البنااااات .. ما اشوووفك الا الفجرر جاي ... تسهرررررررر مع البنااااااااااات
فيصل ضرب رهف كف على وجهها وطيرها هالكف للسرير ...
رهف: تضربني يا فيصل؟
فيصل منصدم لانه ضربها..
فيصل: وش فيك صايره ما تنتحملين !!!!!!!
طلع فيصل معصب من رهف ... ورهف تبجي بغرفتهاااااااا.. الايام الاخيره تعبت نفسيتهاااااا كثييير ...
تبي تشوووف بنتها ريوووف .. تبي تعيش كل يوم من حياتها .. بس فيصل مانع بنت موسى تعيش معاه بنفس البيت ...
رهف تصارخ : لكشمي
تركض الخدامه لكشمي لغرفة رهف..
لكشمي خافت : مامااااااااااااااااااا !!!
شالت لكشمي رهف من غرفتها ولبستها عباتها ونقابها والخدامات ساعدوها .. وكلهم ودوها المستشفى ...

في الشركه ...

فيصل معصب وبنفس الوقت كره نفسه على اللي سواه برهف ...
فيصل في نفسه : ما الومها باللي سوته .. حرمتها من بنتها واهملتهااااا .. انا ليش اسوووي جذي ؟؟؟؟؟؟؟؟؟؟ اجازيها يعني واعذبهاااا مثل ما عذبتني يوم كنت بلندن ؟؟؟؟؟؟ اااااه ياربي سامحني
الموظف : طووويل العمرررر خط طالبك
فيصل معصب: حوله لي ..
الموظف: ان شا الله ...
لكشمي : بابااااا
فيصل: ها لكشمي انتي يبغي شي ؟
لكشمي تبجي : بااااباااا ماماااااااا في طبيب تعبااااان واااااااجد
فيصل اخترررررع ...
فيصل بخووف: أي طبيب؟ ؟
لكشمي : *************
فيصل: يلا يلا انا جاي الحين ..
طووووووووووووووووووط

ركض فيصل للمستشفى مثل المجنووووووووون ...
فيصل : اااااااااااااااااااااااااه ياربي ليه اسوي كذا فيهاااااااا ؟؟؟؟؟؟ لا بالله كرهتني ؟؟؟؟؟؟؟؟؟؟


شنو تتوقعوون يصيررر ؟؟؟ ؟

تظنووووون نشوووف موسى سعيد ومرتاح مع هديل في البارت السابع ؟؟؟
وهل فيصل يعذب رهف باللي سوته فيه قبل ؟؟؟؟؟

تابعووووووووووو