| رد: مستحيل احبك مستحيل اعيش من دونك
الجزء التاسع عشر..................
بيت جدة عهود : والله انك خاينة
نجود: ليه
عهود: جاى طلال وجطلتي فيني
نجود: حرام عليك ماجطلتك
عهود: الا قبل لاتتزوجينه كنت يوميا تكلميني والحين اذا ذكرت كلمتيني
نجود: عذريني
عهود: بعذرك الحين بس والله ان رحتي له ومازلت مجطله فيني بجطل فيك بعد
نجود: لالا ماراح اسويها
عهود: نشوف
عفاف: الاعهود الين الحين ماغيرتي جوالك
عهود: وليه اغيره
سارة تنط: أي مو هوجوالك ايوم انخطبتي
عهود: ايه
عفاف: أي الي اعرفه ان في الخطوبة الرجال يجيب لخطيبته جوال وبعد الزواج نوع ثاني
عهود: مو لازم بعدين جوالي عاجبني
سارة: طيب ماشرى لك لاب توب
عهود: ليه
عفاف: يعني ماعندك
عهود: وش فيها اذا ماعندي
عفاف وسارة: هههههههه
عهود: ليه تضحكون
عفاف: في وحدة توها متزوجه ولا عندها لاب توب
عهود: بس انا عندي بالبيت
سارة: هذا من ابوك
عفاف: والي عرفته ان ابوك مارضى انك تاخذينه
سارة: وليه ماجاب لك تركي
عهود: لاني ماطلبت
عفاف: يعني لو طلبتي بجيب
سارة: لا مااتوقع شوفي شلون قاطها بيت اهلها وهم توهم متزوجين
عهود: هو ماقطني انا طلبت اني اجي
عفاف : علينا انا الي اعرفه الي توهم متزوجين مايفارقون بعض وانت ماصدق يفتك منك
عهود"أي صدق حتى ماخذ رايي اذا كنت ابي اجي او اروح معه":............
سارة: وتبينه يجيب لها لاب توب بعد
قامت عهود من عندهم متضايقة وراحت لمقرهم وفي اللحظة ذي دق تركي على عهود
عفاف: جوال عهود يدق وينها
عمر: غثيتوها وقامت وخرو وين جوالها
اخذ عمر الجوال وشافه تركي: هلا تركي
تركي مستغرب: مين
عمر: انا عمر
تركي: هلا والله اخبارك
عمر: الحمدالله وانت شخبارك
تركي: الحمدالله الا وين عهود
عمر: والله زعلانه
تركي: ليه
عمر: بنات خالاتي زعلوها
تركي باهتمام: وليه
قال عمر لتركي السالفة كلها لانه كان موجود
تركي: وهي وينها
عمر: بمقرها
تركي: وهم دايما كذا معاها
عمر: من زمان وهم كذا ودائما يجرحونها
تركي: طيب نادها
عمر: ماظنتي بتكلمك او بتكلم احد الحين
تركي : طيب خالك بسام وينه
عمر: مو هنا .. تركي
تركي: هلا
عمر: لا تقول لعهود اني قلت لك
تركي: ولا يهمك
في الصالة الكل كان مجتمع وسوالف وضحك
دانة: والله بندر ذبحني تحقيق
العنود: أي معه حق اخوي يمكن انهبلتي بعد مثل باقي الحريم وتبين مهند
دانة: وعععع زوجي وعاجبني بهيبته حتى بجافافه ولا هالخكري مهند
نجود: علينا من الي كانت تقول ياليت خالكم يحس شوي ويصير مثله
دانة: أي ابي بس شوية رومانسية بس مو كذا والله لو يسوي مثله كان طاح من عيني
فروحة: والله انتوا يالحريم ماينعرف لكم مرة تبونه مثل مهند ومره لا حددو
عهود: والله انكم مخفات خلاص ذا تمثيل مو حقيقة الي تبي مهند والي يحى وين احنا فيه هجدو
ام عبدالله: أي والله لا بنات ولا حريم كلهم تهبلوا على هالمسلسلات
الجدة: هذا الي يجي العصر
عهود: اوف اوف حركات امي مريم تتابع بعد لا يكون تبين جدي ينقلب مهند بعد
الجدة: والله مااتبعه بس اشوفكم منهبلات عليه
فروحة: طيب ماجاوبتي تبين جدي يقلب ويصير مهند
الجدة: ومن هو مهند بعد
فروحة: اه ياقلبي على مهند ووسامة مهند بس
دانة: بس والله المسلسل فتح عقولنا على شئ مااقول غافلين عنه بس ماتجرأنا نتكلم عنه
عهود: الي هو
دانة: ان الرجال وخاصة الخليجيين ماعندهم رومانسية كل يهمهم بطونهم وملابسهم الي تنغسل
وتتجهز لهم
العنود: طبيعي واحنا تعودنا
دانة: أي بس مهما كان المرة تحتاج الحنية وتحب تسمع الكلام الحلو من زوجها وهذ الشئ مفقود
عندنا
العنود: مااقول ان كلامك خطأ بس المرة وخاصة السعودية المفروض تتعود لان هذا واقع حياتنا ومجتمعنا وخاصة بعد بالحسا
دانة: أي صح يس والله نحتاج للشئ هذا ونحس ان احنا ناقصين من غير هالشئ ومااقول انه لازم يصيرون
مثلهم بالرومانسية بس على الاقل يحسسونا باهميتنا عندهم بالكلام مو لازم فعل
العنود: وجهة نظر واحترمها بس المفروض انكم تعودتوا ولا تأملون انفسكم باشياء ماتصير وخاصة
من رجالنا لان كذا بتعبون وتتعبون انفسكم وفي النهاية انتوا الخسرانيين
نجود: بس ياعمتي دانة معها حق
العنود: وانا مقلت ان هي على باطل قلت الواقع حياتنا وبعدين حمدوا ربكم عندكم فترة الخطوبة
يدلعونكم مو احنا بوقتنا جدكم مش راضي نكلم بالتلفون او نشوف بعض
عهود: بس لي اعرفه ان جدي سمح لك انتي
العنود: أي وخلي خالك بسام رقيب
فروحة: امانة خالتي وش كنتو تقولون لبعض
العنود: وش نقول بعد
نجود: أي عمتي وشو احنا الحين زي ماقلتي فترة الخطوبة كل الكلام الزين ينقال وحتى المحظور
العنود تستهبل: يقولي تبين كاكاو ولا حلاوة
فروحة: هاهاها
العنود: وانتي استحي على وجهك توك صغيرة على هالامور
عهود:ذي تعلمك وتثقفك بعد
العنود: أي بنات الايام فاسخين الحيا من ابتدائي تشوفينهم عارفين كل شئ
عهود: وانت نجيد وش الكلام المحظور الي يقولك طليل
نجود: لو سمحتي اسمه طلال
عهود: مالت عليك وعليه
نجود: عهود لا تغلطين عليه
عهود: والله قاصين عليكم وانتو مصدقينهم في الخطوبة جميع انواع الغراميات والمسجات وبعد الزواج بالغلط
تطلع منه كلمه حلوه ولا مسج عدل منه وغير كذ تخدمونهم وتوفرون لهم جميع سبل الراحة ولا
يعجب بعد وكله كوم اذا قال انه عزوبي ومو مرتاح بعيشته مع انه السعودي اكثر واحد مرتاح
وطلباته مجابه
العنود: وهذا الصح المرة من لها غير زوجها وخدمته
عهود: هذا انتو يالمخفات اما انا مستحيل مثل ماله حقوق هم انا لي حقوق ومثل ماهو يرتاح انا
بعد ارتاح
نجود: وماتغيرتي ياعهود
عهود: وماراح اتغير
العنود: بس كذا الرجال يمل ويتركك او يتزوج غيرك
عهود: مايهمني والاغبياء الي شوهو سمعة المرة عشان مسلسل لاراح ولاجا يستهلون الي
يجيهم
دانة: والله صادقة الي تطلقت والي ارسبت
فروحة: أي انا قريت بالجريدة عن واحدة زوجها رجع من الدوام وجلست تحن عليه ليه ماتصير
مثل مهند الين تعب وطلقها وقال لها روحي تفرجي على مهندك ببيت اهلك
عهود: ومافي اغبى منها الاهو بعد الي يصدقها ويحط عقله بعقلها يعني المرو مخفة يروح يطلقها
لو انه صج يبيها حرمها منه ولا خلها تشوفه مادمها بتتأثر فيه
دانة: مو انتي ضد تحكم الرجال بالمرة
عهود: أي بس هالنوعية من الحريم هذا الي يفيد معاهم ولا بالله هذا كلام يطلق مرته عشان السبب التافه
ولا الاغبياء البنات الي ترسب واتذكر عشان ماتفوتها حلقة من المسلسل والي رسبت
بالتعبير
نجود: بالتعبير وش دخله
عهود: الله يسلمك كتبت قصة نور بالامتحان وانتهى وقت الامتحان وهي ماخلصت ولما قالت لها المدرسه
خلص الوقت وبتسحب الورقة قالت ماخلصت قالت لها طيب مااشوفك تكتبين قالت أي لاني مو عارفة
النهاية قالت حطي النهايةوخلصي قالت طيب لسه مانتهى قالت وشو قالت المسلسل
الكل: هههههههههههههههههههههه
فروحة: والله نكتة البنات ذولي والمشكلة تطيح السافة على روسنا احنا
دانة: صادقة يسمعون ازوجنا عن ربعهم وزوجاتهم ويعقبونا احنا
نجود:حتى الاخوان والاباء
فروحة: هذا ابوي وامي يسمعون من ربعهم يتكلمون عن بناتهم ويتعقدون وتطيح براسي
ويحرموني اني اشوف
عهود: ماقالوا الخير يخص والشر يعم
دانة : تعالي عهيد مو قلت بتروحين تقصين شعرك مع عنيد
عهود: أي بس بعلي مارضى
دانة: وانت متى قلتي له
عهود: يوم دريت انها بتروح المشغل
دانة: غبية
عهود: وليه ان شاءالله
دانة: تعلمي ياحظي وانت نجيد تعالي خلوني اعطيكم دروس واكسب فيكم اجر
عهود: قولي ياخبيرة زمانك
دانة: اذا بغيتوا شئ وتتوقعون انه بيرفض قول له بالوقت الي يكون مضيع فيه
عهود: والي هو
دانة : وقت ...........
عهود: وجع يالفاصخة وانا اقول خالي مختربة اخلاقه منك صح
دانة: والله محد خربني غيره والي قلته عندي دليل على صحته
نننجود: وشو الدليل
دانة : شعري على انه قصير وكل ماقلت له بقصه قال لا واجلس انوح عنده ودموعي اربع اربع
ولا في فايدة وبعدين جربت الي قلت لكم وقلت لهبقصه قال سوي الي تبين بس خليني مروق
ولا يوم قصيته قال من امرك وقال قصيه قلت له انت قال متى قلت له يوم الي سكت وقال عاد انتي
لاتاخذين بكلامي بذا الوقت
العنود: هههههه والله مضيع هالاخو
دانة: مااوصيك ياعهود سويها وماراح تندمين
عهود: روحي بس انا وقتها ابي اقوم من غير مااشوفه او اسمع صوته من الاحراج وتبيني اتميلح عنده
دانة: اموت على الحيا انا
عهود: اجل انت يالفاصخة صرتي فاصخة صار الكل فاصخ مثلك
دانة:ههههههههههه طيب ياعهيد شوفي من بيعطيك دروس بعدين
عهود: الله لا يحوجني لدروسك
العنود تكمل عليها:طيب عهود ماتبين دروس عشان تخلينه يلصق فيك وما يقوم "وتغمز لدانة"
عهود: لا ان شاءالله انا مااصدق يقوم يفك عني اخليه يلصق ومايحتاج
دانة:طيب نعلمك اسلوب الاغراء
عهود طلعت عيونها: لا شكرا ماابي مايحتاج هو من غير شئ ثور هايج
العنود: استحي على وجهك حد يقول على زوجه ثور
عهود: ماقلت شئ غلط مايمديني البس ولا تطلع مني حركة عفوية الا هاج
دانة: طبيعي اول الزواج يصيرون كذا وذا شئ حلو
عهود: قلت فاصخة
دانة: مو قصدي الي فهمتيه قصدي هذا دليل انه مو مجرب من قبل
عهود: شلون
دانة: اذا كان له تجربة ماراح يكون متحمس وبيكون عنده شئ عادي مو مثل الي يكون اول مرة
عهود: عادي حتى الي عنده تجربة الرجال مايفكرون الا بالشئ هذا
العنود: ايه بس صح كلام دانة
نجود:طيب انا عندي سؤال يطرح نفسه
العنود: سألي
نجود: ليه الرجال مايحب تكون مرته عارفه عن الامور هاذي
العنود: لان الرجال يحب يكون هو الي يعرف مرته بالامور هاذي ويحب انها تعرف منه مو من احد ثاني
لان طبع الرجال شكاك وبيقول مادامك عارفه اكيد لك خبرة
دانة: أي شوف حالات الطلاق الي صارت من الموضوع هذا بسبب ان البنات خذوا راحتهم
وقالوا لهم انهم يعرفون الواضيع هاذي
عهود: وليه يبونا نصير جاهلين
دانة: عليك نور وطبعا مافي بنت ماتعرف الامور هاذي بس نصيحة تخلي روحها جنبه
دبشه وثورة بعد
نجود: وهذا انا خايفة يزل لساني مع طلال
عهود بنص عين : وليه تتكلمون بالامور ذي
نجود حمرت: شسوي هو الي يتكلم وانا مستمعه
عهود: والله انه خالع رجلك ذا مثل الفاصخة
دانة: احترمي نفسك عطيتك وجه اكثر من الازم اشوف
نجود: والله انه يحرجني واذا قلت له ماابي اسمع الكلام هذا يقول لازم اعرفها عشان
مارتبك وانصدم بعدين
عهود: والله لاعب عليك وانت مصدقته يالبقرة
نجود: انتي البقرة
ودخل ولد دانة :ماما ابي نانا
دانة: يمه ياقلي جوعان انت
يهز راسه: ابي نانا
عهود تاخذه: يمه على الزين ذا يزنن
وعطته رضعته وحطته بحظنها وشوي داق جوالها: هلا تركي
تركي: اهلين
عهود: شفيك
تركي: انا مادري متى تتعدلين
عهود: ليه شسويت بعد
تركي: في مرة زوجها يدق عليه وتقوله وهو يقلد صوتها"شفيك"
عهود: والله انا كذا
تركي: الله بالني بوحدة ماتعرف للرقة والرومانسية
عهود: ماحد طقك على ايدك وقال لك خذني
تركي: ماعلينا المهم ليه مارديت من فيل دقيت عليك
عهود: متى
تركي: من ساعة دقيت ورد اخوك عمر
عهود: مم الجوال ماكن جنبي
تركي : اها "ويسمع صوت تبوس"
عهود: بس قلبي خلاص
تركي: من تكلمين وش ذا الصوت
عهو تضحك: ولد خالي يبوسني
تركي عصب: نععم
عهود حمود يبوسها ويطلع صوت : بس حبيبي خالص
وهوولا على باله يحسب انها لعبة ومبسوط
تركي: عهود
عهود: نعم
تركي: من هو ذا
عهود: منهو
تركي: لا تستهبلين من الي يبوسك أي واحد
+
عهود: انهبلت انت ذا ولد خالي بندر
تركي: حمود
عهود: ايه
تركي: وجع مو صوت بوسه له صعيدي يشرب شاي وهو يبوس
عهود: قول ماشاءالله ووجع
تركي: ماكأنك مصختيها عطيتك وجه وانتي تسبين
عهود: عادي خلني اخذ راحتي مادمك بعيد ماتقدر تسوي شئ
تركي: معلي ياعهود جامعهم لك المهم وخريه بسه هراك بوس
عهود: خله على كيفه شيحرك انت
تركي: لاااا حرام على وحلال على غيري
عهود: الحمدالله والشكر تحط حالك حال بزر
تركي: لا اخليه يكيف وانا محروم
عهود: على الاقل هو عملته بريئة ماوراه نية سودة من تبوسه مثلك
تركي: اه ياقلبي لو اني جنبك كان وريتك بس شلون النية السودا على اصولها
عهود: الحمدالله منت جنبي
تركي: كلها اسبوع واطلع كل حرتي بالشهر هذا
عهود حمرت: اقول اخلص شعندك داق
تركي: اقول عهود مرة خالك بندر جنبك
عهود رافعه حاجب : وليه
تركي: جنبك ولا لا
تركي: قولي لها يقولك تركي علميني اصول الرومانسية وشلون المرة تكلم زوجها
عهود: نعععم
تركي: الي سمعتيه
عهود: اتكل بس يلا عطيتك وجه اشوف
تركي: عهيد ظبطي لسانك ولا حرمان ثلاث شهور ماانزلك الحسا
عهود: خلاص اسحبها
تركي: اللين ماينفع معاك وين خالك بسام
عهود: موهنا واظن انه عنده جوال تكلمه عليه
تركي: اخرتي بذبحك او اقص لسانك
عهود: يلا انا مشغولة الحين باي
تركي: وانا مشغول ولا كان سمعتك كم كلمة تظبطك باي
عهود: اف علة هالادمي
العنود: عهيد
عهود: والله نشبة في كل شئ بيدخل
نجود: ياخوفي بكرة تحبينه وتتمنين اتصال ولا مسج منه
عهود: مستحيل هالشئ يصير
نجود: ماتدرين
عهود: ادري وعارفة لان قلبي مستحيل يتقبله
فروحة: لا صدقوني بتحبه كم مرة قريت الروايات الي بالنت يوم تتزوج البطلة من واحد ماتوطنه
وبعدين تموت عليه
عهود: بس انا مو مااوطنه بالعكس تركي والنعم منه بس المشكلة فيني انا ممكن تقولون قلبي
حجر وماعندي احساس بس مااقدر اتقبله كزوج لا هو ولا حد غيره
العنود: تعبنا معاك ياعهود واحنا نقول لك تعلمي تحبينه وتتقبلينه
عهود: حاولت بس مااقدر
دانة: ياقلبي توك ببداية الطريق وان شاءالله مع الوقت بتحبينه
عهود: تحلمون وارجوكم سكرو الموضوع
:عهيييييييييد وينك
عهود: نعم
بسام: عهييييييييييد تعالي بسرعة
عهود: شفيه يصارخ استخف
نجود: قومي نشوف
عهود: اظن قال عهود ماقال نجود
نجود: عادي بس خلصي
فروحة: وانا وياكم
وراحوا له بالصالة الكبيرة وكان جالس يطلع شئ من كيس كبير
عهود: خير شفيك
بسام: تعالي ياطويلة اللسان عندي لك مفجأة
عهود عاقدة حجاتها : الله يستر خالي بسام مسوي لي مفجأة
بسام: مالت عليك بس
فروحة متخصرة: ياسلام ناس وناس
بسام: اولا المفجأة مو مني
عهود: من مين لاتقول زياد
بسام: قولي شئ عدل ولا انطمي
عهود: مافي الا هو راعي المفجأت ثقيل الطينة
بسام: لا من واحد اشرف منه ومايطول ظفره هذا من تركي
عهود:تركي
بسام: تفضلي
اخذت عهود الكيس وافتحته وشافت لاب توب سونيلونه احمر لونها المفضل
فروحة: يااااااي روعة
نجود: خطييييييير
عهود متفجأة:........................
بسام: شرايك حلو شغليه
عهود: ليه
بسام: وشو الي ليه بعد
عهود: وش المناسبة يشتريه
بسام : والله ماادري انت زوجته والمفروض تعرفين وقال لي قولهاكيدي عذالك ولا تحرين
نفسك
عهود مستغربة"شلون عرف ": أي عذال
بسام: ماادري ها الي قال..... دقي عليه ياحظي وشكريه
طلعت عهود جوالها ودقت : هلا تركي
تركي: اهلين
عهود: مشكور على الاب توب
تركي: العفو انا كنت ناوي من زمان اجيبه لك بس انسى
عهود: ماكان كلفت على نفسك
تركي: ولو كم عهود عندي ....المهم عجبك
عهود: أي حلو وخالي بسام جاب لي لوني المفضل
تركي: لاني انا الي قايل له
عهود: انت شدراك
تركي: ياعهود انت زوجتي ولازم اعرف كل شئ عنك
عهود: على العموم مشكور
تركي: تعالي انت من وين تصرفين على نفسك
عهود: ليه تسال
تركي: لاني لما شيكت على الحساب عشان ازيده شفت انه مانقص
عهود: لاني اخذ من امي
تركي عصب: وليه تأخذين من امك مو مسؤلة منك انا المسؤل
عهود: لا تصارخ لو سمحت
تركي: ياعهود ليه تحبين تنرفزيني وترفعين ظغطي
عهود: انا مو قصدي
تركي: احس ياعهود انك تتعمدين
عهود: يتهئ لك
تركي : طيب يلا اذا رجعت عطيت امك الي صرفته ومن اليوم ماتأخذين من احد
وانا بكلم خالك يسحب ويعطيك اياهم
عهود مو عاجبها الكلام: طيب يلا
تركي: يلا
وسكرت منه واخذت الاب توب وجلست عليه وعجبها كثير اما عفاف وسارة ماتو من القهر
من عهود
ببيت اهل عهود بالليل
ابو عبدالله يصارخ: تي على ايش شايفه نفسك انت وبنتك على اهلي ها
ام عبدالله : شتقول انت
ابو عبدالله : ايه بريئة انتي ماتدرين وشو
ام عبدالله: هد نفسك وقولي الموضوع
ابو عبدالله : لا ومن الي مشجع بنتك ومقوي راسها تطول لسانها على امي واختي
مو انتي لو انها تشوفك محترمتهم كان ماطولة لسانها لكنك وحدة حيوانة ماتربيتي
ام عبدالله:حدك لا تغلط وبعدين مثل ماسمعت من امك تسمع السالفة منا
ابو عبدالله: كلي تبن عارف انك بتكذبين وتألفين من عندك لكن انا اوريك ياكلبة
عهود:لا تغلط على امي
ابو عبدالله يلف عليها والشرار يطلع من عيونه: وتطولين لسانك علي ياتبن
عهود: عادي اغلط على بس لا تغلط على امي
ابو عبدالله توجه لها وشد شعرها : ياكلبة تعالين صوتك ايه مو منك من التربية الحسنا
عهود تحاول يفكها: تربيتك
ابو عبدالله عطها كف : لا تظنين انك تزوجتي خلاص ترفعين صوتك على وعلى اهلي
سامعه
وسحبها وعطها كف ثاني ودفها على الارض وراح لغرفته: وسمعوا عدل خلوني اسمع مرة ثانية
انكم غاثين اهلي ولا مطولين لسانكم ماتلمون الا انفسكم
عهود وهي تصيح: اكرهه اكرهه
ام عبدالله وهي تحضنها : خلاص ياقلبي خلاص
عهود: ان شاءلله يموت
ام عبدالله : لاتقولين كذا
عهود: كله منك انتي انتي الي خليتيه يتمادى لانك راضية انه يهينك
ام عبدالله: خلاص عهود هدي
عهود تنفض ايد امها عنها : وخر عني انت بضعفك خليتيه يستقوي عليك بس انا
مستحيل اخلي رجال يستقوي علي مثلك مستحيييييل
وراحت لغرفتها ورمت نفسها على السرير وماحست بنفسها الا ماسكة الجوال وتدق
على الشخص الي حسسها بالامان : هلا عهود
عهود تصيح:تركي متى بترجع
تركي انفجع: عهود ليه تبكين شصاير
عهود تشاهق : تعال ياتركي والله تعبت منه تعبت
تركي: عهود قلبي اهدي وفهميني
عهود تصيح وتصارخ: اكرهههههههههه
تركي عرف من تقصد: سوى لك شئ
عهود تشاهق:......................
تركي: مد ايده عليك
عهود: متى ترجع
تركي: بكرة ان شاءالله انا عندك .. يلا روحي انتي غسلي وجهك واقري لك قران وهدي
نفسك وانا من الصبح بتشوفيني عندك يلا
عهود مثل البزران: لا لاتسكر
تركي: ماراح اسكر بس قومي غسلي وجهك وانا انتظرك
عهود: اكيد
تركي: اكيد يلا روحي
قامت عهود غسلت وجهها ورجعت وجلس تركي يتكلم معاها لحد ماحس انها هدت
وماسكر منها الا لما حس انها بتنام وبعدها دق وحجز له على اول طيارة وطلب من المدير
انه يعذره لان عنده ظروف عائلية وتفهم
صحت عهود وهي متضايقه كثير وبعد ماتروشت وجففت شعرها نزلت لعند امها بعد ما تاكدت
ان ابوها بره :السلام عليكم
ام عبدالله: وعليكم السلام
عهود: امي شفيك
ام عبدالله ماسكه جنوبها : يعني وش الجديد
عهود بحزن: يعني تأكدو من مرضك
ام عبدالله: ايه
عهود بدت تصيح: كله منه هو السبب
ام عبدالله: ياحبيبتي هذا الي الله كاتبه ومال لاحد دخل والحمدالله انا راضيه بالمكتوب
عهود: ومافي حل
ام عبدالله: الحين بلتزم بالغسيل واذا.....
عهود: واذا ايش
ام عبدالله: اذا ساء الوضع بحتاج لزرع الكلى
قامت عهود وحضنت امها تصيح: كله منه هو هو اكرهه اكرهه
ام عبدالله: لا لاتقولين كذا حبيبتي مهما كان هذا ابوك وقلت لك هذا الي ربي كاتبه
عهود: هو....السبب...اكرهه..اكررررررررهه
:وقص بلسانك ياحمارة انا الي ميت فيك
انتفضت عهود من مكانها :................
ابو عبدالله : وانت ساكته لها
ام عبدالله: هد حالك البنت زعلانه ومو منتبه وش تقول
ابو عبدالله: لا منتبه بس انت الي علمتيها انها تكرهني الله يخسك انت ويها
عهود: مو امي الي علمتني
ابو عبدالله: شبببببببب... ياقليلة الحيا يلي ماتربيتي الظاهر يبلي اربيك من اول وجديد
يالحيوانة شوفي"يأشر على امها" هذا الله عاقبها بمرض الكلى وباقي انتي جاي دورك
وان شاءالله تموتون وافتك من بلاكم
عهود: ان شاءالله انت وعدوينها معاك
ابو عبدالله والشرار يطلع من عيونه : صدق قليلة حيا
وراح لعندها وعطها كف من قوته طاحت على الارض وتوه بيكمل الا دخل عمر: تفضل
تركي: مشكور
عهود لما شافته راحت تخبت وراه : تكفى تركي بعده عني
تركي كان متوقع انه ابوها ورى الحالة الي كانت فيها امس: شصاير ياعمي شفيهل عهود
ابو عبدالله راح لعند عهود وسحبها بس تركي نفض ايده عنها : خير خير
ابو عبدالله: مرتك قليلة الحيا تدعي على بالموت الخسيسه
تركي يحاول قد مايقدر انه يمسك نفسه ولا يغلط عليه: وهي شلي خلها تدعي عليك
ابو عبدالله: من زين التربيه تدعي على الله ياخذها
تركي ياقطعه: لا تدعي عليها مهما كان هاذي بنتك وزي ماقلت لك من قبل لو غلطت او سوت
أي شئ ماتقولها شئ تقولي انا وانا اتصرف معها
ابو عبدالله : اتوقع انها بنتي واسوي الي ابيه
تركي: بس الحين هي مرتي ومالك أي امر عليها
ابو عبدالله: اخ يالقهر ماحد كبر راسها الا انت لو لني مزوجها زياد كان مارفعت صوتها على
ولا قلة ادبها بس الغلط منك ماعرفت تمسكها
تركي: وش هالكلام الله يهداك الحين هي مرتي وتقولي ليتني مزوجها زياد وفي وجهي بعد
ابو عبدالله طلع من البيت لانه عارف انه ماراح يوصل لنتياجه
عهود متمسكه بثوب تركي وتصيح من غير صوت خوف من ابوها وكانت تنتفض
لف تركي لها بس على طول بعدت عنه وراحت لامها وغطت وجهها بظهر ها
تركي يحب راس ام عبدالله: شلونك عمتي
ام عبدالله تمسح دموعها : الحمدالله وانت شلونك
تركي: بشوفتكم انا الحمدالله
ام عبدالله: الحمدالله على السلامه ياتركي معليش اعذرني
تركي: الله يسلمك ولا يهمك بس انتي بشري شصار على النتايج
ام عبدالله بتنهيده : فشل كلوي
تركي: لا حول ولا قوة الا بالله
ام عبدالله: الحمدالله على كل حال
تركي: وانتي ياعهود مو مسلمه علي
عهود:.....................
ام عبدالله: قومي حبيبتي غسلي وجهك وتعالي سلمي على زوجك قومي
قامت عهود تغسل وجهها وترتب نفسها
تتتركي: شصار شفيه حالها كذا
ام عبدالله : مثل كل مره راح لاهله وطبعا امه ماتقصر وجى يفرغ فيني وكانت عهود موجودة
وحط حرته فيها
تركي عصب : مو انا منبهه انه مايمد ايده عليها
ام عبدالله: هدي ياولدي واذكر الله
تركي:لا اله الا الله بس كذا مايصير ياعمتي كل مرة بجيبها عندكم بيلعب فيها
ام عبدالله: والله مافي ايدي شئ ياولدي بس الله يخليك لا تحرمني منها
تركي: ليه الكلام هذا من قال اني بحرمك منها الله يهداك
ام عبدالله: ادري انك ماقلت بس من بيلومك لو سويتها
تركي: لا تخافين ماراح اخرمك منها بس لي تصرف مع ابوها
دخلت عهود وسلمت عليه بيدها :الحمدالله على السلامه "وراحت عند امها بسرعه"
تركي : الله يسلمك
ام عبدالله : عن اذنك ياتركي بروح اجيب لك شئ تشربه
تركي: لا تتعبين نفسك مايحتاج
ام عبدالله: لا تعب ولا شئ "وراحت المطبخ "
تركي : عهود
عهود: هلا
تركي: كذا السلام
عهود: شقصدك
تركي يقوم ويجلس جنبها : قصدي كذا المرة تسلم على زوجها وصار لها شهر ماشفته
عهود:............
تركي يرفع وجهها بصبعه انصدم : هو الي سوى كذا
عهود تمسك نفسها ماتبي تصيح: خلاص تركي الله يخليك خلني انسى
تركي بتنهيده:شرايك نطلع ونروح نتغدا
عهود: لا مو جوعانه
تركي: الله يهداك ياعهود مو جوعانه اكيد من امس مااكلتي شئ وبعدين
شوفي نفسك شلون ضعفانة ليه ماتتغذين مو زين لك
عهود: بس انا اكل
تركي: اكيد خرابيطك الي ماتنفع بس تضر
عهود: تركي مالي خلق محاضرة
تركي:طيب قومي جهزي اغراضك عشان بكرة بنرجع
عهود: تو الناس
تركي: مااقدر لاني قطعت الدورة لازم اداوم
عهود: طيب
تركي حب يغير مودها: طيب مو مسلمه على
عهود:سلمت عليك نسيت
تركي: لا ماينفع عندي السلام هذا
عهود ارتبكت : واي سلام تبي
تركي يقرب عندها بس عهود قامت : بروح اجهز الاغراض
تركي:هههههه اوكي بس باخذ سلامي باخذه
__________________ احذر عدوك مرة وصديقك ألف مرة فإن انقلب الصديق فهو أعلم بالمضرة  عضوة فى شله هيناتا عضوة فى شله البرنسيسات شلة لكل البنات عضوه في بوكمون (لمحبى الانمى)
|