| رد: مستحيل احبك مستحيل اعيش من دونك
الجزء العشرون.............
رتبت عهود اغراضها وحطهم تركي بالسيارة وبعدها راحو مطعم تغدوا فيه بس عهود مالمست
اكلها وحاول تركي معاها بس هي عندت لانها كانت مو مشتهيه حتى ريحت الاكل وراحو لبيت اهله
تركي وعهود: السلام عليكم
الكل: وعليكم السلام
ام عبدالرحمن: الحمدالله على السلامه ياوليدي
تركي يحب راس امه: الله يسلمك
ام عادل : الحمدالله على السلامه
تركي :الله يسلمك
رغد ومها يحبون راسه: الحمدالله على السلامه خالي
تركي: الله يسلمكم
ام عبدالرحمن: شلونك يابنتي
عهود: الحمدالله خالتي وانتي شلونك
ام عبدالرحمن: الحمدالله بس يابنتي ليه وجهك اصفر كذا تعبانه
عهود: لا بس تدرين سهر وقلة نوم
رغد: عهود قومي نروح الغرفه الثانيه
تو عهود بتقوم الا تركي سحبها وجلسها : وين وين
عهود: بروح معاهم
رغد: خالي خلها تجي ولهانين عليها
تركي يحط ايده على كتف عهود: والله مو انتوا بس الولهانين عليه وانا بعد
رغد:خالي ترك عنك نذالتك انت بتصير عنك ارع وعشرين ساعه بوجهك اما حنا لا
تركي: يالله اتكلي بس حتى مرتي يتشاركوني فيها
مها : خالي اثقل مو طايرة البنت
تركي: ايش قلتي ماسمعت
مها: مو طايرة البنت
تركي: تصحيح لكلامك عهود مرة وليست بنت
رغد: ابوك ياللغه العربيه
عهود حمر وجهها وقلب مية لون بصوت واطي: تركي
تركي ماسك نفسه لا يضحك: هلا
عهود: اترك عنك ثقالة طينتك مو هنا بعد
تركي: هنا وهناك وفي كل مكان عندك مانع
رغد: ياهو نحن هنا
تركي: ماتقومون تضفون وجيهكم رجال صار له شهر ماشاف زوجته وقاعدين نشبه
مها : والله عندكم غرفتكم خذوا راحتكم فيها
عهود تأشر لمها بمعنى انثبري
رغد ومها:ههههههههههههه
تركي: شعندكم
رغد: سلامتك ماشئ
تركي بنظرة: اقول قلبي قومي ابي اريح
عهود: روح انت انا بجلس
تركي يقوم ويمسك ايدها: لا مافي تجلسين قومي طلعي لي ملابسي
عهود بصوت واطي: من متى انا اطلع لك ملابس
تركي: من اليوم ورايح بطلعين لي
عهود: طيب روح انت بجلس
تركي يسحب عهود: نو نو
وراح تركي مع عهود لجناحهم وراح الحمام يتروش بعد ماقفل باب الغرفه عشان ماتطلع
وفسخت عهود عبايتها وكانت لابسه فستان نعوم لنص الساق ابيض ومشجر جبينيز
ورافعه شعرها وحطه كحل وغلوس وجالسه على الكنبه متمملله طلع تركي ولاف
المنشفه على خصره ويمسح راسه لفت عهود عليه بتقول له انها تبي تطلع بس على طول
لفت وجهها اول مرة تشوف تركي كذا: هي انت روح البس
تركي راح لعندها ووقفها وبصوت رايق: اظن لي اسم
عهود منحرجه :طيب روح البس
تركي يسحب الكليب من شعرها : كذا احسن
عهود تتهرب من انها تشوفه:..............
تركي يلف عهود ويناظرها: ممم
عهود: تركي روح البس
تركي: ليه البس
عهود: بتجلس كذا
تركي : عادي
عهود: تركي
تركي: عيونه ..اقول عهود
عهود: نعم
تركي: شرايك اوريك شلون السلام الي اقصده
عهود بتروح عنه بس هو مسكها : تركي وخر بطلع لك ملابس
تركي يقرب عهود منه وباسها : بعدين قلبي بعدين .....................
بعد صلاة العشاء :تركي اصحى
تركي:مم
عهود: قوم صل العشاء
تركي: اذن
عهود: اذن وصلو بعد
تركي: اوف ليه ماجلستيني
عهود: انا توني صاحيه
تركي: اهم
عهود: هذا ملابسك جاهزة وانا بطلع للبنات
تركي: تعالي تعالي
عهود: نعم
تركي: لاحقه على البنات ماراح يطيرون انتظري لحد مااخلص وطلعي معاي
عهود: بس انت بطول على ماتحمم وتجهز اجلس هنا شسوي
تركي يحط ايده على ذقنه انه يفكر: مم..طيب ليه ماتتحممين معاي
عهود تبلع ريقها: ها
تركي ماسك ضحكته: اقول ليه ماتتحممين معاي
عهود: لا لا انا تحممت وخلت قوم انت
تركي يروح لعندها ويحوطها من خصرها: ابيك معاي
عهود تحاول تفك منه: تركي روح صل العشاء لا تأخرها اكثر من كذا
تركي بصوت رايق وواطي: لا تغيرين موضوعنا ابيك معاي
عهود حمرت من الاحراج: تركي اترك عنك ثقالة الدم واتركني وروح صل
تركي: تدرين انا اذوب لما اشوفك مستحيه ومنحرجه كذا ومااقدر اقاومك
عهود: تركي الصلاة مايجوز تأخرها
تركي وهو يترك عهود : احمدي ربك ان وراي صلاة ولا والله ماتركتك
عهود تسرع لباب : يلا صل تعال
تركي وتوه منتبه: عهود
عهود: نعم
تركي: تعالي
عهود: تركي روح صل احسن لك
تركي: بصلي بس انتي تعالي اشوف وش لابسه
عهود" لاحول الله":فستان يعني وش لابسه
تركي: ادري انه فستان بس مو كأنه قصير
عهود: لا مو قصير هو عند الساق ويغطي اكثر من ثلاث اربعاها
تركي يقز: طيب مو مفصل جسمك
عهود" الله يطولك ياروح": طيب عادي اجل اخليه وسيع على
تركي : لا بس مايكون مظبوط كذا
عهود: تركي لا تصير معقد الفستان عادي ومافيه شئ وبعدين انا بجلس مع حريم مو رجال
يعني ماراح يقزون مثلك
تركي بنظرة : عارف انك مو جالسه عند رجال بس ممكن اخواني يجون وعيال خواتي يجون
عهود تنرفزت: والجلال وش فايدته
تركي:بس
عهود تقاطعه: قلت لك لاتصير معقد وبعدين الحمدالله انا محترمة نفسي ولما يدخلون اخوانك او
عيال خواتك انا بقوم من المكان زين
تركي: اعصابك
عهود: تركي والي يرحم والدايك ترا واصله عندي مو بعدين تقولي لا تطولين لسانك مو متحملتك ترا
تركي: انجنيتي انت شصارلك توك زينه
عهود وصلت حدها: منك ومن قرفك ياخي صاير تقرف شكلك وريحتك وكل شئ فيك
تركي عصب : لا انتي انهبلتي اكيد
عهود: اففففف
وطلعت من الجناح وراحت للصالة بسرعه وتركت تركي مفور "شفيها ذي توها مافي احسن منها
وفجأة انفجرت ولا الحمارة تطلع وتسفهني بعد انا اوريك ياعهود بس نرجع لبيتنا "وراح يتحمم
وبعدها صلى وراح عند اهله و شاف عهود مبسوطه ولا كانه صار شئ بس لما شافته كشرت ولفت
عنه وانقهر منها وجلس يتقهوى معاهم
عهود: يلا رغد قولي لامك بس الاسبوع ذا
رغد: بس اخاف ماترضى وبعدين تو خالي جاي من سفر ونروح معاكم فشله
عهود: لا فشله ولا شئ بالعكس بتونسيني لاني امل لحالي هو يروح الدوام وماعندي حد
رغد بغمزة: اخاف نخرب عليكم تدرين صار له شهر ماشافك
عهود تخبطها بالمخده: عن قلة الحيا وتعالي معانا ترا والله ازعل منك
رغد: ها مها شرايك
مها: انا ماعندي مانع اذا وافقت امي بروح
عهود: هذا البنت الاوكي مو انتي يلا خلصي قومي قولي لامك واذا قالت خالك ولا شئ
قولي هو الي عازمكم
رغد: ام الصواريخ خالي لا قال ولا شئ
عهود : صرفي انتي ووجههك يلا روحي ترا بكره بنمشي خلصي
رغد: طيب ..يلا مها
هم قامو من هنا وتركي جاها : الحين انتي متى تتعدلين وتتركين عنك حركات الاطفال ذي
عهود كشرت بوجهها: اف قوم قوم عني انت تحممت ولا لا
تركي عصب : لا انتي انخبلتي وش شايفتني اجي لعند اهلي من غير مااتروش ولا مرة شميتي
فيني ريحه
عهود: ايه هذا انت الحين ريحتك عفنه وبعدين شوف خشتك اشوي ويطلع لك وجه ثاني
من كثر ماتأكل
تركي يخبطها على راسها: قولي ماشاءالله وجع اول مرة اشوف زوجه تكلم زوجها كذا
عهود: هي انت احنا جنب اهلك
تركي: ادري انا حنا عند هلي وبعدين على مااظن انه لي اسم
عهود: وياثقل طينته هالاسم
تركي: عهيد ظبطي نفسك لا اهزئك الحين وافشلك قدام هلي
سعاد بلقافه:مادام ماشبعتوا من بعض ليه جيتوا كان جلستوا في جناحكم
عهود بنرفزة: وانت شدخلك
سعاد انقهرت: لا مادخلني شئ بس اشوف كان عندكم كلام قلت اريحكم واقول انكم معذورين لو ما
جيتوا وجلستوا معانا
عهود يتتكلم بس تركي حط ايده على فمها: بس بس كبريت صايرة لنا
عهود عضت ايده:ايييي
عهود: احسن ماحد قالك تحطها عند فمي
تركي:خليتك عند اهلك شهر وتوحشتي
عهود بنظرة : خلني ساكته لا اثور فيك
تركي حب ينرفزه: تعالي لا يكون هذا وقتها
عهود داست على رجله وقامت عنه
تركي:اخخخ
ام عبد الرحمن : شفيك يايمه
تركي متوجع:ها ولاشئ ولاشئ
ام عبدالرحمن: بس توك تقول اخ
تركي يطالع عهود الي جلست عند نورة زوجت راشد بقهر: لا بس عهود وهي ماتدري
داست على رجلي
ام عبدالرحمن: الله يهداك يابنتي كان انتبهتي
عهود: ما خذت بالي خالتي
ام عبد الرحمن : تبي قهوة يمه
تركي: ايه الله يعافيك
توه ام عبدالرحمن بتقوم : وين يمه
ام عبد الرحمن : بصب لك
تركي : لا ارتحي انتي "لف على عهود"عهود قومي صبي لي قهوة
عهود ماقدرت تقول له شئ عند اهله وقامت وصبت له وتوه بتروح سحبها تركي وجلسها جنبه
عهود: خير شتبي
تركي يشرب القهوة: قصري صوتك
عهود: طيب اترك ايدي بقوم
تركي من بين اسنانه: وين تقومين انثبري مكانك لا ينتبهون هلي
عهود تتحلطم
تركي: تكلمي بكلام مفهوم ولا سكتي
عهود: اقول انت متأكد انك تروشت
تركي: يعني بكذب عليك
عهود: اجل وش هالريحه العفنه الي فيك
تركي شك بنفسه: توني الحين متروش وجيت ماامدها الريحه حتى تتطلع
عهود: اجل من ريحة عطرك الخايس
تركي: الحين عطري خايس
عهود: ماادري المهم انك عفن ريحتك صدعت راسي وجابت لي لوعة وخر بس
تركي تركها خاف انه يرتكب فيه جريمه وجلس طول الوقت يتوعد فيها وعهود تتجاهله وتتجاهل
نظراته لها وتعشوا وبعدها كلن راح لبيتها وعهود وتركي راحوا لجناحهم وعلى طول راحت
لدولاب وطلعت لها ملايه ومخدة وحطتهم على الكنب وراحت هي على السرير وطول الوقت
تركي يتفرج وساكت
عهود: لو سمحت كبدي لايعة منك ومن ريحتك نام على الكنبه مو قادرة اتحملك
تركي متكتف: نعم خير وش قلتي
عهود: الي سمعته
تركي راح لعندها ومسكها من زندها : انت الظاهر جنيتي
عهود: اتركني المنتي
تركي: خلك يمكن تحسين على دمك
عهود: اييي اتركني
تركي: سمعيني عدل ياعهود ترا والله ان ماعدلتي اسلوبك
عهود تقاطعه: بطلقني عادي
تركي وصل حده: حلمي طلاق مافي لكن راح ادبك ياعهود
عهود خافت بس ماحبت تبين له : بتضرب عادي تعودت على الضرب
تركي: لا مو وقته الضرب الحين
عهود: اتركني
تركي نفض ايدها بقرف : بتركك والي مايبيني انا مابيه ومو انا الي انام على الكنبه انتي
الي نامي والسرير مثل مالك حق تنامين فيه انا لي حق فيه بعد واذا ماتبيني كيفك بس
ماراح انام الا على الكنبه "مسكها وقربها لحد ماصار وجهها بوجهه"سامعه
عهود دفته عنها وراحت للحمام تستفرغ مع انها مااكلت شئ بس تفاحه ولما جات تطلع حست بدوخه
بس قدرت تمشي لحد ماوصلت للكنبه وانسدحت عليها على طول وتركي انسدح على السرير وناموا
جلسوا الظهر وهم يتغدون وصلت رغد ومها
الجزء الحادي والعشرون................
ابو عبدالرحمن : هلا والله تو ما نور البيت
رغد ومها وهم يحبون راسهه: بوجودك جدي
ام عبدالرحمن: يلا تعالوا تغدوا
رغد: بالعافيه احنا تغدينا بنروح الصاله
ام عبدالرحمن : على راحتكم
عهود: لحظه بجي معكم
تركي مسك ايدها: وين مااكلتي
عهود متقرفه منه: شبعت
تركي: وين شبعتي صحنكي مثل ماهو
عهود : اكلت فاكهه وعصير
تدخلت ام عبدالرحمن: يمه وهذا اكل شوفي شلون وجههك غادي اصفر وضعفانه
عهود: والله خالتي مو مشتهيه
ام عبدالرحمن : مو زين لك يابنتي
عهود: معليش خالتي على الاقل اكلت تفاحه واذا على الضعف احسن
ام عبدالرحمن : ليه تسوين رجيم ..بس جسمك زين يمه لايكون تركي قال لك ضعفي
عهود بخبث: ايه ياخالتي كله يقول لي اني دبه ويبيلي اخف
تركي شرق بالماي وفتح عيونه على الاخر: انا قلت لك كذا
عهود: شفتي ياخالتي يسوي نفسه برئ
ام عبدالرحمن : لعنبو دارك شتبي البنت تصير تبيها تختفي
تركي : والله ماقلت لها يايمه
عهود: ايه انكر ومو قلت اذا ماضعفتي بتزوج غيرك ضعيفه
تركي يطالع بعهود بقهر : طيب انا قلت بس الحين غيرت رايي ابيك تسمنين
عهود: انا على من كلام الي قبل وبس
وراحت لرغد ومها بالصالة اما تركي اخذ من امه وابوه محاضرة طويله عريضه انه كيف يبي يجوع
بنت الناس واني امانة برقبته ومايصير الي يسويه فيني
عهود: بتروحون
مها: ايه خذنا الوافقه وجبنا عفشنا بعد
عهود: حلو
رغد: بس
عهود: بس ايش
رغد: امي قالت لخالتي ام خلود وهي قالت لبناتها وقالوا بيجون
عهود تضايقت بس مابينت لهم : حلو كل مازادالعدد كل ماصار احسن
راحت مها وسوت لها قهوة تركيه واجلست وجابت لعهود معاها وجلسوا يتفرجون على التلفزيون
وبعدها دخل تركي وماحسوا فيه بس عهود حست بقرف: بنات ماتشمون ريحه
رغد تشم : لا مافيه
عهود: بس فيه ريحع عفانه من صدكم ماتشمون
مها : عهود شفيك ضربت فيوزاتك مافي ريحه
عهود تحط ايدها على انفها : افففف والله ريحه
تركي : يمكن منك
عهود شفته وعلى طول قلبت معدتي ورحت بسرعه للحمام واستفرغت كل الي بمعدتي وبعدها طلعت
وانا احس اني مرة دايخه وجاني تركي قلقان ومسكني من ايدي : تركي بعد والله ريحتك تقرف
تركي تركني وهو معصب: هذا جزاتي جاي اساعدك
عهود: تساعدني ببعدك عني روح تحمم ولا شوف لك صرفه
تركي: عهود بتجنني توني متروش
عهود: اجل عطرك او شامبوك غيرهم لان ريحتهم تقلب لي معدتي
تركي : وليه ايش الي تغير من اول ماتزوجتك وهذي عطوراتي
عهود قرفانه : والله مادري بس المهم لا تقرب مني لحد ماتغيرهم
ودخلنا الصاله وجلست عند رغد ومها وتركي جلس بعيد عشان مااحرجه بس مازلت اشم ريحه
وماشميتها الا لما دخل هو يعني منه ودق جوالي الا هي عمتي امنه استغربت شعندها : الو
امنه: هلا عهود شخبارك
عهود: الحمدالله تمام وانت شخبارك وشخبار عمي
امنه: الحمدالله بخير لو صدق مهتمه كان سألتي عنهم وعن عيالهم
عهود: ولا يهمك شلونهم
امنه: مين
عهود عارفه قصدها: اسماء وابتهال وزياد
تركي سمع اسم زياد على طول جى لعندها : مين تكلمين
عهود تأشر له ينتظر
امنه: بخير المهم انا داقه عليك اعزمك
عهود: تعزميني
امنه: بكره خطوبة اسماء بمزرعة جدك
عهود: مبروك وعقبال ابتهال وزياد
تركي نقزها بكوعه على جنبها: مين
عهود تحط ايدها على الجوال : اه جنيت انت وجعتني
تركي: مين تكلمين
عهود : مرت عمي ارتحت
تركي: شتبغى
عهود: بعدين خلني اكلم المرة قبل
امنه: الو ..الو عهود
عهود: هلا معاك
امنه : وين رحتي
عهود: اسفه بس جوالي خرب مدري شفيه
امنه: طيب قلتي لرجلك يجيب لك غيره ولا مو راضي
عهود: لا تركي مايقصرمعي بس لانه طاح على وعلق ولا هو مافيه شئ
امنه: اهم المهم لا تنسين تجين بكرة وخلي ام رجلك تجي معاك
عهود: طيب بس مو احسن تعزميها انتي
امنه : طيب هي جنبك
عهود: لحظه
وقمت بروح لخالتي مسكني تركي: وين
عهود: برجع بس بودي جوالي لخالتي مرت عمي تبيها
وراحت لخالتي وقلت لها مرت عمي تبيها عشان تعزمها لخطوبة بنتها ورجعت للصالة وجلست على
كنبه فرديه لان مالي خلق لتركي
تركي: شتبغى مرت عمك
عهود: تعزمني على خطوبة بنتها بكرة بمزرعة جدي
تركي: ماشاءالله متى انخطبت هاذي
عهود: مااعرف بس هم متعودين على كذا مايقولون شئ لحد مايملكون وهالمرة تكرموا وعزمونا على
الخطوبه
تركي :هم ..بس بكرة بنمشي
عهود: لا تركي ودي اروح
تركي: مم..بشرط
عهود حطت رجل على رجل: الي هو
تركي: تظبطين اسلوبك وتبطلين سخافات
عهود: طيب
تركي: لا اا لقيتني بزر يعني بصدقك
عهود: قلت لك طيب مو مصدقني ليه
تركي: لاني جربت كلامك من قبل وماصدقتي فاعذريني لصار مافي ثقه الحين
عهود: لا اواعدك هالمرة
تركي: نشوف نلحق الكذاب
قاطعته: يعني انا كذابه
تركي: لا ابد محشومة انتي عن الكذب
__________________ احذر عدوك مرة وصديقك ألف مرة فإن انقلب الصديق فهو أعلم بالمضرة  عضوة فى شله هيناتا عضوة فى شله البرنسيسات شلة لكل البنات عضوه في بوكمون (لمحبى الانمى)
|