| رد: مستحيل احبك مستحيل اعيش من دونك
الجزء الثاني والعشرون .........
ودخلنا المطبخ وجهزت رغد الفطور وطلعت لحم مفروم عشان بتسوي محشي كوسا للغدا
وبعدها فطرنا واكلت اشوي بس وبعدين صلينا الظهر وجلست مها وراحو المطبخ وخلوني
بالصالة عشان يسون الغدا مع اني قلت لهم مايحتاج تركي بيجب معه بس مارضوا
الساعة ثنتين دخل تركي وشافني نايمة على الكنب وجلس عندي
تركي: عهود
عهود: مم
تركي: قومي نامي داخل
عهود: لا مافيني نوم بس انسدحت اريح شوي
تركي: شلونك الحين
عهود "يالله بيذبحني الانسان هذا على كل الي اسويه فيه ولسته طيب وحنون معي ويخاف علي
والله ياتركي انا مااستاهلك انت تستاهل واحدة تقدرك وتحسسك بقيمتك ":الحمدالله
تركي يساعدني على الجلوس: مم ..عهود
عهود: نعم
تركي: انت قلتي لامك
عهود: اقولها ايش
تركي بتردد خايف اني ارجع لحالتي الي امس :انك ..حامل
عهود سكت بعدين تكلمت : لا ماقلت
تركي: شوفي ياقلبي هذا شئ صار ومامنه مفر ولازم تعودين نفسك عليه وتتقبلينه
عهود : بس مو قادرة غصب عني مو قادرة احس فيه ولا قادرة اتقبله
تركي بهدوء خالاني اروق منه: ياحبيبتي طبيعي هالشئ الحين لانك رافضة الفكرة بس لما تعودين
نفسك عليه بتحسين فيه و بعدين الاهم من هذا كله مو انتي تبين تفرحين امك وتنسينها مرضها
عهود هزيت راسي بمعنى "ايه":.........
تركي: وهذا الخبر بيفرحها وبينسيها واذا مو متقبله حملك عشاني وعشانك تقبليه عشان امك
عهود سكت وفكرت بكلامه " صح الشئ الايجابي من السالفه هاذي انه بيفرح امي ":.........
تركي : شرايك نكلمها ونخبرها مع بعض
عهود هزيت راسي له بالوافقه
ودقينا عليها وبشرناها وافرحت كثير واحسها طارت من الفرحه وجلست توصي تركي علي وتدعي
لنا وهي تصيح بعدها كلمني اخوي عبدالله وبارك لي وهو فرح بعد وعمر بعد مو مصدق انه بيصير خال
وسكرت منهم بس مافرحت مثلهم فكرت لما اكلمهم يمكن احس بفرحتهم بس الظاهر مثل ماتوقعت انا
عديمة احساس
تركي: وش مشتهية تأكلين على الغدا
عهود: رغد ومها سوو غدا
تركي بعتب: ليه خليتيهم كان قلتي لهم اني بجيب
عهود: قلت لهم بس قالوا انه اكل المطاعم مو زينة لي
تركي : اذا كذا اوكي وبعدين بيني وبينك خلي قيهم منفعة
مها: أي قول كذا جايبنا عشان تكرفنا ها
تركي: بسم الله من وين طلعتي انت
مها: من الارض
تركي: ايه فقع الظاهر انتي
رغد: لا تضيع الموضوع
تركي: كملت .... المهم ايش طابخين لنا
مها : محشي كوسا
تركي: حلو بس الله يستر الصراحة انا مو مستغني عن نفسي وعن حرمتي
رغد رافعت حاجبها : وانت يحصلك انت ومرتك ان انا ومها نطبخ لكم
عهود: انا شدخلني هو الي تكلم خلاص لا تخلونه ياكل
تركي: واهون عليك
عهود: ايه لاني انا مو مااكله عشان كذا لا تاكل مثل ماولدك حارمني من الاكل انت لاوم تنحرم
تركي: الله عليك تبين تموتيني جوع
عهود: ياسلام وهذاني مامت
تركي: ايه انتي عندك الي يصبرك خرابيطك وانا مااحبهم وش اكل
عهود: والله شف لك حل يخليني اقدر اكل من غير مااخاف اني اشتفرغه
تركي: اها عشان كذا مو مشتهية تاكلين ولا يهمك اليوم العصر نروح للدكتورة تعطيك حبوب للوعة
عهود: ماراح تفيد لاني شفت مرتي خال تاخذهم ولا استفادت منهم
تركي : طيب انتي مشتهية حاجة اجيبها لك
عهود: لا تغدوا انتوا بس ابي تفاحة
تركي: ياعهود لازم تتغذين عشانك وعشان الي ببطنك
عهود تنرفزت لما ذكرني فيه: لا تخاف الي ببطني بيتغذى سواء كلت ولا مااكلت
تركي ماحب يفتح نقاش معي : يلا رغد حطوا الغدا وانا بروح اغير
حطوا الغدا وجلسوا وسال تركي عن سمر وبدور وقالوا انهم مايتغدون وعشانهم سهرانين
ماراح يجلسون الحين مر علينا يومين وانا لسة ماتقبلت الوضع عكس تركي الي الفرحة
باينا من عيونه
الساعة واحدة بالليل جالسين انا والبنات نتفرج على فلم مرعب
عهود: تدرون ايش مشتهيه
البنات : لا رد كانو مندمجين مع الفيلم
عهود اخذت مخدة وخبطت رغد
رغد: أي
عهود: احسن اجل اكلمك ماتردين
رغد: شتبين
عهود: اقولك تدرين ايش مشتهية
رغد: ايش
عهود: ورق عنب
مها: ولا يهمك الحين نسوي
عهود: وانا بنتظر لحد ماتقومون وتجهزونه
رغد: اجل وش بتسوين
عهود بخبث: الحين اعلمكم
وقمت دخلت الغرفة وتركي كان نايم وشغلت الانوار كلها ورحت جلست على السرير ورفعت الغطا
عنه : تركي ..تركي قوم
تركي: عهود خليني نايم عشر دقايق بس
عهود ضحكت يحسبني اجلسه للدوام : تركي تررررررررركي
تركي : صحيت .. صحيت
عهود: قوم عشان تجيب لي ورق عنب
تركي فتح عيونه : كم الساعة الحين
عهود: واحده ونص الليل
تركي : عهود حرام عليك مجلستين الوقت ذا ليش
عهود وانا اتربع على السرير : ابيك تقوم تجيب لي ورق عنب
تركي بتعب : من وين اجيب لك بالوقت ذا ورق عنب روحي قولي للبنات يسون لك
عهود: وانا ايش يصبرني على مايسوونه نمت
تركي: من وين اجيب لك
عهود: المطاعم موجودة
تركي : واي مطعم فاتح لك
عهود: مالي خص ابي ورق عنب الحين قوم دبر نفسك
تركي يجلس : عهود رحميني صار لي يومين مو نايم زي الناس منك
عهود: وانا ايش دخلني والله هذا ولدك
تركي بقهر: ولدي ها اجل ياالظالمة تخليني انام على الكنب القصير رجولي وظهري تكسروا
عهود وانا اضم المخدة: مو مني اذا ولدك مو مشتهيك ولا تضيع الموضوع ابي ورق عنب الحين
تركي بتنهيدة: امري لله
قام وغسل وجهه ولبس له ثوب بيت وطلع شاف البنات جالسين وهم استغربوا منه
رغد: خالي لا يكون ازعجناك
تركي يطالعني بقهر : لا بس عهود تبي ورق عنب بروح اجيبه لها تبون شئ انتوا
مها تطالعني بلوم: لا خالي لا تتعب نفسك روح نام واحنا نسويه لها الحين
تركي: لا مايحتاج على مايستوى تهون انا ماصدقت تبي شئ زي الناس تاكله
تركي وهو عند الباب :تركي
تركي: يانعم
عهود: جيب لي من كذا مطعم يمكن مايعجبني من مطعم واحد
تركي :حاضر شئ ثاني
عهود: لا بس اذا في بدق عليك ..ايه صح بيبسي
تركي: لا بيبسي لا يضرك تبين عصير
عهود وانا مبرطمة: ايه وجب ايس كريم بعد قول يضر
تركي: لا مايضر
وطلع وعلى طول لفوا على رغد ومها: حرام عليك وراه دوام بكرة
عهود: والله يتحمل شئ يبيه مو بس انا اتحمل تعب الحمل
رغد: اوكي بس مو كذا
عهود: شوفي الصراحة انا الوحم عندي بالاشياء الي تتعبه وغير كذا صايرة مااشتهي اشوفه
بالبيت اذا طلع ارتاح واذا جا يضيق صدري وقبل لا تقولين شئ هذا مو مني
مها : الله يعينك ياخالي بس
بعد ساعة رجع تركي وجايب معه ست صحون من كذال مطعم وجاب للبنات عصير مثلي وايس كريم
جلست اكل بس الايس كريم مع اني مشتهية الورق بس اكلت واحدة وماعجبني طعمها وعلى طول
الحمام ورجعت وجلست اشرب العصير
تركي: كلي ورقك الي راجيتيني عليه
عهود حبيت انرفزه: والله انت تأخرت وفقدت شهيتي وماابي
تركي : لا حول الله... وقام....يلا انا بنام
عهود قمت معه عشان حسيت ان البنات بيلوموني ورحنا الغرفة وانسدحت : تركي تعرف من غير مااقول
صح
تركي بقهر اخذ مخدته وبطانيته وانسدح على الكنب : ياصبر ايوب
عهود: قلت لك اروح انام مع البنات مو راضي
تركي: نامي نامي
سمر :هلا زياد
زياد:اهلين وينك عن الجوال من زمان وانا ادق
سمر: ماقدرت اكلمك
زياد : اها
جيت انا ومها ورغد الصاله عشان بنتفرج على فلم :سمر بتتفرجين معنا
سمر: لحظه مزون
سمر: ايش الفيلم
عهود: فيلم الزبيث تاون
سمر : مين الي يمثل
عهود وانا اتنهد: اولاندو بلوم
سمر ضحكت: شفيك
عهود: اه ياقلبي على هالمزيون يذبح
سمر :هلا مزون اكلمك بعدين
زياد بشك: مين الي تكلمك
سمر: عهود مرت خالي
زياد: مارجعت الدمام
سمر: الا بس احنا عندها
زياد:انتي بالدمام
سمر: ايه
زياد: ياسلام والزباين
سمر :ينتظرون لاني ماكنت ابي اجي بس امي اصرت علي وغير كذا نساعد عهود
زياد: تساعدونها بايش
سمر: وانتي وش دخلك
زياد: انتي ناسية انها بنت عمي
سمر بشك : بس لانها بنت عمك
زياد: بس المهم متى ترجعين
سمر : على الاسبوع الجاي
زياد: ليه مو الاسبوع هذا
سمر: لان عهود مايصلح لها طريق الحين عشان حملها
زياد بصدمة: ايشششششششششششش
سمر باستغراب: شفيك
زياد بعصبيه: متاكده
سمر: ايه متاكده ليه
زياد"لا مستحيل يعني عهود ماراح تكون لي ..لالا عهود لي سواء حامل ولا لا بتكون لي":اوكي انا بسكر
الحين اذا رجعت دقي علي
وسكر ورجعت سمر للصالة تتفرج على الفيلم
عهود: شوفي هالقمر يحب الشينه هاذي
مها: صادقه والله
عهود وانا احط صبعي على خدي: والله يذبح الادمي ذا
رغد بخبث: وخالي
عهود رفعت حاجبي : وش دخل خالك
رغد: مايذبح
عهود: روحي بس وش جاب لجاب
مها: تقصدين حالي
عهود وانا اتربع: لا طبعا شوفي ياقلبي خالك يمشي الحال بس اورلاندو وجيف هاردي وجوني ديب
ذولي التوب عندي
مها: ذولي عرفانهم بس جيف هاردي مين
عهود: انت ماتشوفين مصارعة
مها :لا
عهود: فاتك نص عمرك اجل كفاية القصص الي تصير والمزيايين الي يطلعون
رغد: وانت تتابعين
عهود: ايه انا وبنت خالي نجود حتى فروحه
رغد: بس مو هي للرجال
عهود: هالكلام من زمان وبعدين انا مايهمني المصارعة نفسها يهمني القصص مثل وحده كانت بتتزوج
حبيبها بس جا واحد وقطع عليهم وقال مايصير زواجاهم لانها زوجاته
مها: يعني ماطلقها
عهود: لا اصلا هي ماعمرها تزوجاته بس هو حط لها منوم بمشروبها وتزوجها وحط لهم الشريط
الي يثبت ليه بس عشان يغيض ابوها وغيرها من قصص يعني كانك تتابعين مسلسل بس فيه ضرب
مها : امم
عهود: ولايهمكم اليوم افرجكم عليها عندي سديهاتهم
دخل تركي توه جاي من الدوام : وش جالسين تسوون
مها: نتفرج على فلم
تركي : من وين تبون الغدا
سمر: كيفك
تركي: عهود
عهود:.................
عهود وانا مندمجة مع الفيلم:لا لاتبوسها مو حلوه ..اخ ياقلبي حسافه عليك المزيون هذا
ومانتبهت الا بمخدة تخبطني على وجهي وعصبت: من السخيف الي رماها
تركي معصب: مالسخيف الا انتي الحين ياقليلة الحيا مو ناهيك انك تتغزلين بالرجال ولا جنبي بعد
عهود حبيت اغيضه: ولا مو ذنبي اذا شفت واحد حلو لازم بتكلم عنه ولا انت بذمتك حد يشوف
اورلاندو"وقلتها بهيام" وامايتغزل فيه ويذوب
تركي عصب وقام طلع السيدي من الجهاز وكسره: وريني الحين شلون بتشوفينه
عهود وانا ماسكة نفسي لا اضحك: شفيك ليه تكسره الحين من وين اجيب الفيلم
تركي مفور على الاخر: احسن ولا اشوف عندك فلم للتافه هذا
عهود ناظرته من فوق لتحت ولفيت وجهي عنه:
مها تهدي الوضع: عادي خالي عهود تمازحك
تركي توه ينتبه بالبنات وهدى نفسه: المهم شتبون على الغدا
مها: عادي أي شئ بس عهود مشتهيه حاجه
عهود وانا اقوم من الصالة: لا مو مشتهية بروح انام
ودخلت الحجرة مالي خلق اشوف وجهه احس انه ثقيل وغثيث مرة وخاصة ريحته
تركي تنهد بقهر: خلاص بطلب لنا وجبات
وطلب تركي الغدا وتغدوا وانا طول الوقت بالغرفة اتهرب من تركي وتحججت باني مو طايقة ريحة الاكل
واخذت جوالي وارسلت لنجود الي قاهرتني من يوم ماانخطبت وهي ناسيتني "اقول مالت عليك من بنت خال
وصديقه تزوجتي ونسيتيني يابايعة العشرا ماعنك ماتستهلين تدرين بس بصير احسن منك وبقول انا حامل
وابي منك ورق عنب لاني مشتهية وهذا امر مو طلب سامعه يلا اخاف اشغلك عن طليلك مالت عليك وعليه"
وصلت نجود الرسالة وضحكت عليها وعلى طول دقت على وكلمتها ومازالت ماخذه على خاطري منها
واعتذرت مني وقالت انها مقصرة بحقي وانها بتجي وبتجيب معها الورق عنب وسكرت منها
ودخل تركي علي وجلس جنبي على السرير وانا على طول قرفت من ريحته وكشرت بوجهي : تركي
قووووووم ريحتك قرف
تركي بضيق : انا مادري مين الي داعي على لاانت طبيعية تبين قربي وحتى وحامك يبي بعدي
عهود كسر خاطري بس غصب عني : تركي انت عارف انه من ولدك هو الي مايبي قربك
تركي: ولدي ها
عهود: كله منك انت الي كذبت علي وخليتني احمل قبل لا اتقبلك وقبل الفترة الي اتفقنا عليها
تركي بقهر : وانا ايش دخلني هذا الي ربي كاتبه
عهود: عارفه بس برضوا منك
تركي تكتف: شلون
عهود انحرجت بس بقول: انت ماتشبع كل يوم ولا اخر ماتوصلت له ماخذ لك حبه كانك ناقص
تركي بخبث : وهذا الي رباك وسنعك
عهود غيرت الموضوع لاني خفت من نظراته :تدري ايش مشتهيه
تركي مازال يطالعني ومبتسم بخبث: ايش
عهود: لا تطالعني كذا
تركي: شلون تبيني اطالعك
عهود: انت عارف المهم مشتهيه ايس كريم من باسكن
تركي : بعدين اجيبه لك
وقرب مني وعلى طول فزيت ورحت الحمام واستفرغت وجيته وانا معصبه : مو قلت لك لا تقرب مني
مو طايقة قربك
تركي انسدح على السرير وتغطى بقهر : اطلعي خاليني انام
عهود: والا يس كريم
تركي : اذا جلست اطلعي رفعتي ظغطي وشكلك بتجيبين اجلي
ونام وانا طلعت من الغرفة وجلست مع البنات وعلى المغرب صحى وراح صلى بالمسجد ولما رجع
جاب معه الايسكريم
عهود: بس انا ماابي النوع ذا
تركي: مو انتي دايما تطلبينه
عهود: ايه بس الحين مابيه
تركي :طيب تبين حقي
عهود شفته وماعجبني : لا وحتى ذا انا ابي بالنعناع
تركي : بالنعناع اتنتي ماتحبينه
عهود: كيفي انا احبه ممااحبه خره
تركي يتعوذ من ابليس : طيب انت كلي الحين واذا طلعت حبت لك غيره
عهود : لا ماابي عافته نفسي
البنات لما شافوا تركي متنرفز من تصرفاتي قاموا عنا
تركي: عهود ممكن اطلب منك طلب
عهود: خير
تركي بصبر : ممكن تحسنين اسلوبك معي قدام البنات على الاقل
عهود حسيت على دمي صدق اني زودتها لو واحد غير كان داس ببطني بس ليه متحمل وساكت ليه هم
يقولون انه عصبي ونذل وانا مااشوف هالصفات فيه كل مرة اعاند واطول لساني عليه واقلل من احترامه
وبالمقابل يعاملني معاملة مافي احسن منها يعاملني وكاني اعامله بااحسن من معاملته
قاطعني تركي : كل هذا طلبي ثقيل عليك
عهود: لا بس انت عارف انه مو بيدي
تركي بتفهم ذابحني : عارف ياعمري
عهود يالله من زمان عن الكلام هذا :طيب تركي ممكن اطلب منك طلب
تركي: ممكن انتي لو تبين عيوني ماتغلى عليك
عهود ياربي بيذبحني بطيبته ليه مااقدر ابدله شعوره: مم ..انت ليه ماتتزوج
تركي بصدمة:ايييييييييييش
عهود : تتزوج احسن لك ولي من جهها انت تلقى راحتك مع غيري وانا ارتاح
تركي بقهر: انت سامعه ايش تقولين في مرة عاقلة تطلب الطلب ذا
عهود: شوف ياتركي انا حاولت قد مااقدر اني اتقبلك واتقبل خياتي معاك بس ماقدرت ومافي شئ
يجي بالغصب وانت طلاق مو مطلق وخصوصا انه ثار يربطنا طفل وعشان نعيش مرتاحين لازم
تتزوج
تركي يمسكني من يديني ويقربني له وياشر على صدري: انت الي هنا ايش
عهود ماقدرت اجاوبه لاني نفسي مو عارفه ايش هذا :...............
تركي بحزن اول مرة اشوفه: ليه ياعهود منتي حاسه فيني منتي حاسه اني احبك
عهود انصدمت يحبني لا هذا الي كنت مابيه :
تركي : ايه حبيتك من اول مرة شفتك فيها وقلبي تعلق فيك
عهود يالله ليه ياتركي تعذبني اكثر ماتوقعتك انك بتحبني بس على ايش تحبني انا مامرة حسستك انك مرغوب
او حسستك باي شئ يخليك تحبني :............ز
تركي بحزن وقهر : ليه ياعهود ليه
عهود : قلت لك انا مستحيل احب أي رجال ممكن انه يهيني
تركي:طيب انا مرة هنتك ولا حسستك بهالشئ
عهود: لا بس ممكن تسويها لان كل الرجال سوا
تركي بيتكلم بس قاطعته: الله يخليك اجل الكلام الحين لانا حنا مو لحالنا
ودخلت غرفتي من غير لا اسمع رده بس سمعت صوت باب الشقة اكيد طلع "يالله حنن قلبي عليه مو قادرة
احبه مو قادرة ليه انا قلبي حجر مايحس ليه " وقطع تفكيري صوت الباب "غريبة مين الي جاي ......يمكن
تركي نسى مفتاحه" وراحت الصالة وشفت البنات قالو لي تستنين احد قلت لهم لا وراحنا كلنا نشوف مين
عهود: مين
:افتحي انا جارتكم
عهود:جارتنا
: أي الي ساكنين مقابلكم معليش اختي بازعجك بس ممكن اكلم بالتلفون
عهود: افتح
مها: ايه افتحي
ورتبنا اشكالنا وفتحت الباب ودخلنا الصالة
بغد ما فتحت وجهها وسلمت: انا اسمي فجر ال......... ساكنة بالشقة الي مقابلتكم
عهود: اهلين وانا عهود
وعرفتها على البنات
فجر: هلا والله بس اذا ممكن التليفون
عهود : لحظة
وعطيتها التليفون وكلمت اهلها وقالت انها نست المفتاح وجوالها خلص شحنه وانها عندنا
فجر: بثقل عليكم اهلي مو جايين الا بعد ساعة
عهود: لا عادي حياك الله
فجر : الله يحيك .......مم من فيكم زوجة تركي
عهود استغربت ايش عارفها بتركي : انا بس شلون عرفتي تركي
فجر : لانه هو مع ابوي اصحاب
عهود: اها
فجر بغمزة: غرتي
عهود: هذا من المستحيلات
فجر انحرجت :.........
عهود تداركت الموضوع: لا لا تفهميني غلط انا ماقلل فيك بس انا "كنت بقول مااحبه عشان اغار بس
مسكت نفسي "واثقة من تركي
فجر مبتسمه: الله يخليكم لبعض
عهود ابتسمت مجاملة لها:الله يسلمك
بعد ساعة بالظبط جاو اهلها وسلمت علينا وطلعت ووعدتنا نها بتزورنا مرة ثانية ..الساعة واحدة رجع
تركي وهو متضايق ولا تكلم دخل الغرفو غير ملابسه وانسدح على الكنب ونام وجلسنا على الحاله
هاذي ثلاث ايام وتركي مايكلمني كل كلامه مع بنات اخته بس قهرني انا ماتعودت على تجاهله لي
"طيب ليه منقهرة ممكن اكون احبه لا لا وشو تحبينه انتي عشان ماتعودتي على عدم اهتمامه
معه حق اجل الرجال يقول احبك تقولين له تزوج اخ ياقلبي ليتني ياتركي اقدر احبك بس مو مني
ياربي ماابيه يتجاهلني حتى طلباتي يأحذهم من البنات "
الجزء الثالث والعشرون ..............
رغد: عهود خالي تركي يقول وش مشتهيه عشاء
عهود كنت بقول ماابي بس كنت جوعانه : ابي لازانيا
وبعد نص ساعة جى وجاب العشاء وتعشينا وكان طول الوقت يتجاهلني يالله حتى اكل مو قادرة اكل
قمت اغسل "حتى ماقالي اكلي شافني مالمست الاكل ممكن كرهني ليه متضايقة مو هذا الي ابيه
لا مستحيل يكرهني افففففف انا ماابيه يتجاهلني شلون اخليه يكلمني شلون ....... لقيتها "
رحت اسوي لي كوفي وحطيت الكوفي عند طرف الطاولة بحيث ينكب على رجلي انا من حملت
وجسمي على اقل شئ يتحسس بالبدايه حطيته فترة على رجلي لحد ماصارت حمرا واخذت ماي
دافي وكبيته على رجلي وملابسي وكبيت الكوفي:اييييييييييييييييي
دقايق الا تركي بوجهي : عهود قلبي شصار
عهود كنت عارفة انه هذا الي بيجيبك لساته يحبني بس ان شاءالله اقدر اكمل التمثيلية: ايي رجلي
تركي بخوف: شفيها
عهود وانا امثل الالم : انكبت الكوفي علي
تركي نزل على الارض وشاف رجلي محمرة : طيب ليه مانتبهتي
عهود: مانتبهت حطيتها على الطاولة وانكبت ايييييييييي
تركي يساعدني على المشي لحد الصالة وجابت رغد كيش فيه ثلج واخذه تركي منها وحطه على رجلي
تركي: ياقلب....عهود انتبهي
عهود: مو مني كنت شايلته وجاتني دوخه وحطيته على الطاولة وانكب
تركي : طبيعي تجيك الدوحة وانت ماتاكلين لازم تاكلين عشان تروح عنك الدوخه "ولف على سمر"
جيبي لي مرهم الحروق من الصيدليه
وجابته وحطه على رجلي : لا الحمدالله الحرق خفيف
عهود كملت تمثيلية ماشاءالله على مادريت اني ممثلة بارعة كذا : ايي بس يالم
تركي: معليش الحين حطيت لك المرهم وبيخف
جلس تركي جنبي : مها الله يعافيك جيبي عشاء عهود
عهود: بس انا مو مشتهية
تركي : على الاقل كلي لك شوي لانك مااكلتي
عهود يعني انتبه لي ماكان يتجاهلني : اوكي باكل بس على شرط
تركي : شرطي
عهود: انت تاكلني
تركي: وانا قبلت المهم تاكلين
جابت مها العشاء وجلس تركي ياكلني الصراحة انبسطت من اهتمامه لي
عهود: بس تركي شبعت
تركي يمد الملعقة لي : بس هاذي
عهود حطيت ايدي على بطني : خلاص مو قادرة
تركي: الله يهداك ما كليتي شئ
عهود: اذا اكلت ماراح استفيد منه لاني بستفرغه
حط تركي الصينيه واخذ علاجي وعطاني اياه بعدها رحنا ننام
__________________ احذر عدوك مرة وصديقك ألف مرة فإن انقلب الصديق فهو أعلم بالمضرة  عضوة فى شله هيناتا عضوة فى شله البرنسيسات شلة لكل البنات عضوه في بوكمون (لمحبى الانمى)
|