| رد: مستحيل احبك مستحيل اعيش من دونك
الجزء الخامس والعشرون .........
دخلت البيت واستقبلتني امي وبكت لانها اول مرة تشوفني من حملت وحضنتها على طول لاني ولهت
عليها وجلست بحضنها لحد مارحنا بيت جدتي وسلمت على خالاتي وهم فرحوا لما شافوني وجلسوا يدعون
على تركي ومرته الجديدة وخالتي العنود عطتني محاضرة وقالت هذي اخرة افعالي الرجال مل وراح يدور
على الراحة عند غيري وبعدين قلت لهم لا يفتحون الموضوع معي ولا بمشي
والحال عند تركي مو احسن كانت امه وابوه زعلانين منه ومتضايقين من فحر لانهم مو عارفة اصلها
وفصلها ولانه اخذها من غير شورهم مر اليوم بسلام وطبعا مايخلى من نقزات بنات خالتي عفاف وسارة
صحيت من النوم على جوالي يدق وبصوت كله نوم :الو
تركي : هلا صحيتك
عهود: امم في شئ
تركي : لا بس انت شلونك امس ادق عليك ماتردين
عهود: ماكان لي خلق ارد عليك
تركي :وانتي ماتعدلين اسلوبك ابد
عهود: لا خير في شئ ابي انام
تركي بنرفزة : الظهر خلك جاهزة بمرك عشان بنروح مزرعة ابوي
عهود: افففف مالي خلق مزارع
تركي : ابوي موصيني مااجي الا بك
عهود: اذا عشان عمي خلاص
تركي : وانا
عهود: انت ايش
تركي بتنهيده : ولا شئ كملي نومك
عهود: لا بنتظرك اجل يلا بس
وسكرت منه وحطيت جوالي صامت ونمت الساعة ثنتين جلستني امي تقول ان تركي ينتظرني تحت
اوف راحت على نومة قلت لها تقول له ينتظر لحد مااجهز ولا يروح واخلي عبدالله يجيبني راحت
وبعدها رسلت لي الخدامة تقول انه بينتظرني قمت ودخلت الحمام وتروشت ولبست فستان حمل حلو
ظابط على جسمي ومو باين اني حامل منه قصير لنص الساق ولونه وردي وفيه ورود بيضاء ضيق
من عند الصدر وبعدها يوسع لتحت اما شعري حطيت فيه جل ورفعته باهمال ونزلت لي خصل على قدام
وحطيت لي شدو وردي مع كحل عربي يبرز عيوني وحطيت غلوس وردي ولبست لي اكسسورات مناسبة
للفستان وبعدها رحت شفت نفسي بالمراية طلع شكلي مرة كيوت بالفستان وباين شكلي وكأني بيبي بسبب
اني نحفت كثير من تزوجت تركي بس عجبني لانه مخليني ابان اصغر من عمري واخذت عبايتي ونزلت
للمجلس شفت امي مع تركي :تعالي ياعهود كلي لك شئ
عهود: لا مو مشتهية توني صاحية ومالي خلق اكل
تركي يقزني من فوقي لتحتي : هلا عهود
عهود وانا اجلس جنب امي : اهلين
ام عبدالله : يلا انا بروح احط الغدا لابوك
تركي تنح على شكلي : تصدقين الحمل مغير شكلك
عهود: مم طيب مغيره للاحسن ولا الاسوء
تركي :مم وقفي اشوف
وقفت له ودرت : ها شرايك
تركي : اكيد للاحسن
عهود: عارفة
تركي يطالع بصدري الي احس انه تغير من حملت : عهود مو كان فتحة الصدر واسعة
عهود انحرجت من نظراته : لا مو وسيعة بس عشانه ممتلي من الحمل
تركي يعض على شفته : بس تدرين شكله خطير
عهود ارتبكت من تلميحه : مم شرايك بفستاني ترا هذا فستان حمل
تركي : فستان حمل
عهود: ايه ليه مو باين
تركي : لا الفستان باين عليه ولا انتي باين عليك الحمل
عهود: كل هالكرش ومو باين
تركي جاى لعندي وحط ايده على بطني واربكني بحركته : وين الكرش بطنك لاصق بظهرك
بعدت عنه وانا وجهي محمر لاني من حملت وتركي مايقربني : تجامل
تركي جلس جنبي وحط ايده على كتفي : لا مااجامل ..مم عهود دخلت الشهر الرابع صح
عهود: اهم
تركي بنظرة خلتني احس اني من غير ملابس : يعني انتهت فترة الوحم عندك
عهود وانا ابلع ريقي : ليه تسأل
تركي : بس اسأل حرام
عهود: لا مو حرام .......الا وين زوجتك الثانية
تركي كشر بوجهه : ليه تسالين
عهود: بس كذا ..يلا مو ماشين
تركي يطالع بالساعة : يلا
ورحنا المزرعة ودخلت جاتني ام عبدالرحمن واحضنتني وقالت لي لاازعل قلت لها عادي مو زعلانه
وجلست معهم بالصالة وكانت فجر موجودة معهم وكانت لابسه فستان ينربط من الرقبة ويوصل للركب
وفاتحة شعرها وحاطه ميك اب عرس وتناظر فيني احسها منقهرة لان ام تركي والبنات جالسين حولي
ماعدا بدور وسمر احسهم فرحانين بزواج تركي وطبعا مافي اسعد من سعاد
دخل عزام وعزوز : هلا والله بمرت خالي تركي وينك من زمان عنك
عهود وانا اضحك على اسلوبهم : هلا فيكم اخباركم
عزام: بخير بشوفتك يالغلا
عهود: الله يسلمك
عزوز: وانا اقول المزرعة منورة اليوم وشوي مظلمة "وهو يلف على فجر "
عهود:افا مظلمة
عزام : لا اقصد انها منورة بوجودك ومظلمة بوجود غيرك
عهود: ايه عدل كلامك
عزام : عهود متى بيشرف عزام الصغير
عهود: من عزام الصغير
عزام : ولدك
عهود: ومن قال بسميه عزام
عزام بزعل : ليه مو حلو
عهود: حلو بس اذا سميته عزام عزوز بيزعل ولا
عزوز : اكيد بزعل
عهود: شفت
سعاد: عزوز عزام تعالوا سلموا على مرة خالكم
عزام بستهزاء : وانتي ماتشوفينا جالسين نسلم ونسولف معها
سعاد: اقصد الثانية
عزوز: انا مالي الا مرت حال واحدة الي هي عهود
عزام: صح لسانك
عزوز : تسلم
تركي : تغطوا ياحريم
دخل وسلم على خواته وقامت فجر له وخلته يجلس جنبها : هلا حبيبي اشتقت لك
تركي وهويطالع فيها : ليه مو حاطه شال عليك ماتشوفين عزام وعزوز
فجر بدلع : عادي حبيبي هم صغار
عزوز: ماقلت لك عهود
عهود: هلا بعيون عهود
عزوز تشقق : تسلم عيونك تصدقين الحمل محليك بزيادة انت من قبل قمر والحين غطيتي على القمر
عهود: ههههههههههههه
تركي تنرفز : انت ماتستحي على وجهك تتغزل بمرتي وانا جنبك وانتي "يأشر على "فرحانة
عزام : زالله احنا شفنا انك مو مقدر النعمة الي عندك قلنا احنا نقدرها
عهود ماعجبني اسلوبه مهما كان هذل خاله : عزام عيب هذا خالك ولا تبيني ازعل
عزام : لا كله ولا زعلك
تركي : طيب تعالوا هنا مقبلينها شوي وبتأكلونها يلا قوموا
عزوز: خالي خلنا نسولف معها والله ولهنا عليها
تركي عصب : قم انقلع برة انت وياه يلا خلاص من بكرة وهي متغطيه عنكم
طلعوا عزوز وعزام من الصالة لانهم خافوا من انه يسوي لهم شئ
فجر : تبي اصب لك قهوة
تركي ومازال معصب ويطالع فيني : صبي
فجر بدلع : ان شاءالله
عهود: رغد ممكن نقوم من هنا
رغد: يلا
وطلعنا انا ومها ورغد وتركي مانزل عينه عني لحد ماطلعت وجلسنا بالاستراحة الخارجية
وبعدها طلع تركي
عهود كشرت بوجهي : يانعم خير ليه تارك زوجتك وجاي
تركي : وانتي زوجتي بعد
مها ورغد عرفوا انها راح ندخل بنقاش تركوا المكان
عهود: شفت خليتهم يروحون روح لفجر
تركي : الظاهر الفترة الي تركتك فيها خلتك تنسين انك زوجتي بعد
عهود: وانت تخلي احد ينسى
تركي : على بالي وبعدين عشان اضمن ماتنسين من نرجع راح انام بغرفتنا واظن
الوحام انتهى
عهود: وبتترك زوجتك لحالها حرام لساتها عروس
تركي : لا ببدء الجدول من الاسبوع الجاي
عهودوانا اتمسخر : واي جدول ياحج متولى
تركي : تطنزين
عهود: مدري عنك انت وجدولك
تركي : أي جدول ليلة لك وليلة لها
عهود: وانا مستقنية عن ليلتي لها
تركي بنظرة : وانا مو مستغني والصراحة من شفتك بالفستان وانا احس اني اشتقت لك
عهود ماعجبتني نظرته وقلت اغير الموضوع : وبعدين تعال وش الاسلوب هذا الي كلمت فيه
عزام وعزوز
تركي : وشلون تبيني اكلمهم وهم مقابلينك وفاكين فممتهم عليك
عهود قهرني : وليه فاكين فمتهم وش شايفين تراهم عيال اختك ومااظن ان هذا تفكيرهم
تركي بقهر : أي مراهق بيشوف الزين بيناظر فيه وانت ماقصرتي سيقانك وصدرك مطلعته لهم
عهود : حرام عليك انت شايفني وانا جالسة مدخلتهم بالفستان واما صدري حاطه الغطا عليه لما دخلوا
وبعدين ياحبيبي اذا بتحاسب روح حاسب مرتك
تركي يدخل اصبعه باذنه ويحركه: عيدي ماسمعت
عهود: روح
قاطعني : لا اقصد حبيبي
عهود: لا تفرح غلطة مطبعية
تركي كشر : غلطة
عهود: غلطة وزي ماتتكلم على لبسي ليه ماتتكلم عن لبسها وانا استر منها ولا يقول يحبني
لو انك تحبني ماغثيتني ولا فكرت بعيال اختك كذا
تركي يمسكني من خصري وانا ابعده : طالعيني
عهود وانا احاول افك ايديه : بعد
تركي مسكني بايد ورفع وجهي بايده الثانية: تدرين لما شفتهم قبالك حسيت اني اغلي من داخلي
وماقدرت امسك نفسي ماعجبني ان في احد غيري يطالعك
وحضني لصدرة بقوة : انتي لي عارفة شلون لي ومااحب حد غيري يشوف زينك سواء حريم
او عيال
عهود: طيب ليه حاط علي وعلى لبسي مع اني محتشمه ليه ماتقول الكلام هذا لفجر
تركي بصوت خالني ارجف : لاني احبك انتي انتي وبس انتي دخلتي قلبي وغزيته وصار مايفكر ولا يحس
الافيك ويموت من القهر لحد طالع فيك
عهود مادري ليه حسيت باحساس غريب صوته جذبني وماقدرت اقول شئ:............
تركي وهو يشد على : ليه مو راضية تحسين فيني
عهودوانا احاول قد مااقدر احارب هالشعور الي بدى يتملكني :خلاص الحين عنك واحدة تحس فيك وباين انها
تحبك وبتعوضك
تركي : بس انا ماابي الاانتي ابيك انتي تحسين فيني
عهود حسيت اني لازم اساله: اذا كنت تحبني ليه تزوجتها ولا تقول انا الي قلت لك لان مافي رجال يسوي
حاجة مو مقتنع فيه
تركي : انا
وتقاطعه فجر :حبيبي
على طول بعدت عنه : روح لها ياحبيبها "وانا اقلد صوتها "
تركي كشر بوجهه: شلون تطلعين كذا روحي البسي عبايتك
فجر :ليه تكلمني كذ شسويت انا
تركي : ماسويتي شئ بس مايصير تطلعين كذا المزرعة مليانه رجال
فجر:طيب حبيبي بروح البس عبايتي وارجع عشان تفرجني على المزرعة اوكي
تركي بنرفزة : مو اوكي ويلا ادخلي ولا عاد اشوفك تلبسين كذا هنا سامعة يلا ادخلي
لف يشوفني بس انا مشيت من اول ماطلعت ورحت داخل وهو راح للرجال ودخلت فجر مبوزة وطالعني
بحقد حسيتها انسانة حقودة بس ليه ماحسيت بهالشعور من اول ماشفتها مع ان احساسي ابد مايخيب
بالناس وليه حسيت بالقهر لما شفتها اليوم لاصقة فيه معقولة حبيته لا لا مو معقول طيب ليه حسيت بقهر
يمكن الااكيد انا مااحب اشارك حد بشئ وتركي طول ماانا زوجته هو ملكي بس حرام تركي عنك الانانية
ياعهود خلي الرجال يلقى الي ماحصله عندك يحصله عند غيرك أي غيري بس هي لا لانها خانتني واذا
خانت صاحبتها اكيد بتخون زوجها اففففففففف ياربي مابي افكر بتركي
حطوا الغدا وانا مااكلت الا سلطة وفاكهه لاني مااحب الرز واللحم وبعدها حطوا الحلا ومااكلت احس معدتي
بدت تقلب دقيت على اخوي عبدالله وقلت له يجي ياخذني وارسلت لتركي لاني مابي اكلمه او اسمع صوته
ماعجبني الاحساس الي حسيته اليوم وانا معه ودق على ومارديت وارسلت له "اذا ماتبي فضايح خلني بحالي
وبعدين نتفاهم لاني الحين تعبانة وابي اروح البيت واذا صدق تحبني خلني على راحتي "وبعدها لادق ولا
ارسل وجاى اخوي ومشيت معه وصلني البيت وعلى طول رحت لغرفتي ابي اختلي بنفسي وافكر ليه انا
حسيت بالاحساس ذا
بدور : ردي ياسمر ردي "ياربي الحين بتصحى امي لصلاة الفجر وتجي تجلسنا وماراح تشوف سمر
يالله وينك ياسمر اففففف بتفضحنا الادميه ذي اذا سالتني امي شقول لها شسوي .......مافي الا زياد
:هلا زياد
زياد: اهلين بدور بجلالة قدرها داقة شصاير لايكون اشتقتي لي
بدور : ارجوك زياد مو وقتك سمر عندك
زياد: سمر ..لا هي من زمان طلعت مع ناصر يوصله البيت
بدور بخوف : من متى بالظبط طلعت
زياد: من ساعة
بدور: يالله اخاف صار لها شئ ادق على جوالها ماترد
زياد : تلاقينها مشغولة مع ناصر لانه الصراحة ذايب فيها واحس انه مايشبع من<.......<
بدور بقرف : حسن الفاظك لو سمحت
زياد: ليه يعني انك مؤدبة ولا سويتي هذا
بدور عصبت وسكرت السماعة بوجهه سمعت الاذان يالله وينك ياسمر رجعي قبل لا تسوين لنا
مصيبة
:ابو خلود
ابوخلود:ممممم
ام خلود: اصحى جوالك يدق
ابو خلود :ههمم
ام خلود : قوم جوالك يدق
ابوخلود: الو
:السلام عليكم ورحمة الله وبركاته
ابو خلود : وعليكم السلام مين معي
: انت وليد فايز ال.........
ابو خلود : أي نعم بس مين معي
:معاك الظابط فواز ال.......
ابو خلود: ظاااابط خير في شئ
الظابط: تقدر تشرفنا المركز
ابو خلود بخوف : ليه شصاير
الظابط : لما تجي راح تعرف بس ياريت تشرفنا الحين وضروري
ابو خلود : طيب طمني
الظابط: تعال انت ويفضل تجيب معك مرافق
سكر الجوال ام خلود: خير شصاير
ابو خلود مرتبك : مو عارف يبوني اروح عندهم الحين
ام خلود: ليه
ابو حلود: مدري بس دقي على تركي خليه يجهز بمره يروح معي
ام خلود: ليه شدخل تركي
ابو خلود: طلبوا مني اجيب مرافق معي
وعلى طول دقت على تركي الي كان صاحي لصلاة الفجر وقال لها انه ينتظره وهو جالس ينتظره
شافه ابوه وسأله ليش جالس وقال له السالفة وقال بيروح معهم وصل ابو خلود وركبوا معه
وراحوا المركز
ابو خلود: خير طمني الله يرضى عليك شصاير
الظابط : انت عندك بنت اسمها سمر
ابو خلود : ايه شفيها
الظابط: والله مدري شلون اقول لك بس بنتك صار لها حادث وتوفت مع الي كانت وياه
ابو خلود بستنكار : لا لا انت غلطان بني بالبيت
الظابط : هي بنتك وهذي بطاقة الاحوال حقتها
ابوخلود انهار :شلون ومن كانت معه
الظابط: بنتك متزوجه
ابو خلود انهار :................
الظابط نادى العسكري الي بره وطلب منه يدخل مرافقيه وقال لهم السالفة
تركي : مع واحد بس البنت مو متزوجة
الظابط :للاسف بنتكم كانت مستغفلتكم وتطلع من وراكم والحالة الي شفنها فيه تدل
تركي بغضب : تدل على ايش تكلم
الظابط : انها حالة دعارة لانهم كانو سكرانين وملابسها يالله تستر جسمها
تركي : تقصد انها
الظابط : مو متأكدين للحين بس بعد مايكشف عليها الطبيب الشرعي راح نتأكد
تركي راح لابوه الي بدى يفتح ازرار ثوبه من ضيق التنفس :يبه ارتاح
جلسه على الكنب وشربه ماي
تركي : وش تحس فيه
ابو عبد الرحمن بتعب : صدري ياتركي صدري
واغمى عليه وبسرعة ودوه المستشفى وبعد ساعة طلع الدكتور
تركي : بشر يادكتور شلون الوالد
الدكتور : والله مش عارف ايه اقولك بس الوالد اداك عمره
تركي بصدمة : اييششششششش
الدكتور : الله يرحموا
تركي جلس على الارض مو مصق الي صار ابوه مات مات وابو خلود بالعناية بعد ماسمع ان بنته
بعد الكشف اكتشفوا انها مو بنت وانتشر الخبر بالعيلة وبالجرايد بس خلوا الهوية مجهولة رحمة
لاهلها
مر اسبوع على وفاة ابو عبدالرحمن ام عبدالرحمن تبكي الغالي الي فقدته وابو خلود طلع من
العناية بس ماسوى عزا لبنته وقال لام خلود تنسى ان لها بنت اسمها سمر وام خلود كانت منهارة
وتركي واخوانه مو عارفين كيف يتعاملون مع الوضع
في بيت ابو عبدالرحمن دخلوا تركي واخوانه البيت وشافوا ام خلود ماسكة صورة بنتها وتصيح
تركي عصب واخذ منها الصورة ومزعها ورمها على الارض ويصارخ : مابي شئ من هالواطية
يدخل بيتنا بيتنا اشرف منها ومن اشكالها
خليل يهديه :هدي ياتركي هد
تركي : شلون اهدى وبنتها اساس المصايب كلها شلون اهدى قول
خليل بتنهيده : الله يرحمها
تركي : لا لا هذي متجوز عليها الرحمة هذي زانية كله منك انتي "وهو ياشر على ام خلود"لو انك
منتبه لها ودايرة بالك عليه كان ماصار الي صار ولا مات ابوي
عبد الرحمن : اذكر الله ياتركي يكفي الي فيها
تركي : لا اله الا الله
ام خلود :ليه ماخليتوني اشوفها ليه حرام عليكم هذي بنتي مهما سوت
تركي بغضب : قلنا لك انسى انها بنتك
ام خلود منهارة : حرام عليكم القاها منكم ولا من ابوها
تركي :الذنب ذنبك انتي وابوها اجل البنت طالعة بانصاص الليلي ولاتدرون وشوفي من
متى وهي على هالحال وانتي مو حاسة
ام خلود تصيح:.........................
ام عادل : خلاص ياتركي خلاص
تركي بقهر : ليه ماتبوني اقول الصدق ليه تبوني اسكت هو لو عليها في نار جهنم ان شاءالله
بس ابوي الي راح بسببها
عبدالرحمن : استغفر ربك هذا الي ربي كاتبه
تركي : ونعم بالله
كنت جالسة بجناحي وانا مرة حزينة على عمي وزعلانه على حالة ام خلود وافكر بتركي الي ماشفته
من توفى عمي كان يشغل نفسه بالعزا وينام برة البيت مدري ليه حسيت اني ابي اشوفه واتطمن عليه
ابي اسمع صوته ابي احس بالامان الي فقدته الاسبوع هذا وفجأة انفتح باب الجناح توقعتها واحدة من
البنات بس تفجأت لما شفت تركي يجلس على الكنبة بتعب انفجعت من شكله كان مرة تعبان كسر خاطري
شكله من زمان ماذاق النوم ودافن وجهه بين ايديه رحت لعنده من ورى الكنب وحطيت ايدي على كتفه
:تركي تبي اجيب لك شئ تأكله
تركي :.............
اخذ يدي وحضنها وبصوت مبحوح:تعبااااااااااااان
حسيت بضيق على حاله :تبي اجيب لك بنادول
تركي:لا
سحبني لعنده وحط راسه على صدري وحضني بقوة : محتاجك عهود
ارتجفت من قال الكلمة ذي وقفت عنده من غير ماتحرك
تركي : ابوي راح راااااح بسبب واحدة واطية
عهود:................
تركي شد علي :اااااااااه
عهود حسيت بدموعه تبلل بيجامتي "لا تركي يصيح معقولة بس هو رجال المفروض مايصيح "
حزنت عليه وماحبيت اشوفه كذا وحطيت ايدي على راسه وبديت امسح عليه :طلع الي بقلبك
تركي شد علي زايدة وكاني انا طوق الامان الي بينقذه:......................
عهود حضنته من غير شعور كان كل همي اني اخفف عنه كنت ابي انسيه حزنه جلست جنبه واخذت راسه
وحطيته على فخذي وجلست اقرا عليه وادعي ربي انه يهدي باله ويصبره وبدقايق حسيت من نفسه انه
نام اول مرة انتبه ان شعره طويل وناعم كان يوصل لرقبته جلست اتأمل شكل حسيت انه طفل على هيئة
رجال نمت معه على الكنبة وهومازال حاضني
انتبهت وشفت نفسي على السرير وتركي نايم بجنبي وراسي على صدره ومطوقني بين ايده شلون مانتبهت
وهويشيلني جيت بقوم بس شدني:وين
عهود:اسفه صحيتك
تركي :لا انا صاحي من زمان
عهود:طيب ليه ماصحيتني
تركي :ماخبيت ازعجك وبعدين انا مرتاح الااذا انتي متضايقة
عهود:لا مو متضايقة ....... مم تركي
تركي :عيونه
عهود:عارفه انها متاخرة بس لاني ماشفتك ..عظم الله اجرك
تركي بتنهيده :اجرنا واجرك
عهود:جوعان
تركي :ايه
عهود توني بقوم بس سحبني وحط راسي على صدره :وين
عهود:بروح اجيب شئ تاكله
تركي :لا مو لازم
عهود وقمت بسرعة من السرير :لا لازم "وحبيت انسيه"ولاتبي ولدك يظل جوعان
تركي ببتسمة باهته:لا كله والا ولدي
عهود:اجل يلا قوم توضا وصل وانا بروح اجيب شئ ناكله
تركي :طيب بس لا تعبين نفسك
عهود:ان شاءالله
رحت المطبخ وجهزت لنا فطور متأخر وسويت كوفي لتركي وعصير لي وله وخليت الخدامة تدخله
الجناح رحت انادي تركي وشفته يصلي ولما خلص جلس يدعي
عهود: تقبل الله
تركي : منا ومنك
عهود: يالله وصل الاكل وانا حدي جوعانه ياتلحق على الاكل ولا ماتلحق وسبقته للصالة
وجاى وجلس جنبي وبدينا ناكل وتركي كل شوي يأكلني :خلاص انا اعرف اكل كل انت
تركي يطالعني بحب : اذا اكلتي انت كاني ماكل
شفته مو ناوي باكل قمت اكله وانا احط الاكل بفمه عض اصبعي:ايييييي
تركي :هههههه
عهود :يامتوحش ويقول مايعض هو
تركي ضحك على شكلي وانا حاضنه صبعي :ههههههه
عهود بدلع :ليه
تركي : الصراحة صبعك يشهي اكثر من الاكل
عهود:ها
تركي :تصدقين طعم الاكل غير من ايدك
عهود: بالعافيه
تركي : الله يعافيك
عهود: شرايك نطلع لخالتي نونسها
تركي : فكرة حلوة يلا
ورحنا الصالة وشفنا خالتي جالسة والحزن باين عليها سلمنا عليها وجلسنا نسوالف معها بس نقص
على فجر يوم شرفت وعلى طول لصقت بتركي الصراحة تنرفزت ليه تلصق فيه كذا بس مابينت لها
فجر : هلا حبيبي ولهت عليك
تركي : اهلين
فجر: عظم الله اجرك
تركي بجمود:اجرنا واجرك
فجر: حبيبي اكلت اجيب لك شئ
تركي : لا انا اكلت مع عهود
فجر لاوية بوزها : بالعافية
جيت بقوم لاني مااحب اجلس بمكان معها بس وقفني تركي :عهود
عهود: هلا
تركي : وين
عهود:بروح الجناح
تركي :تعبانه
عهود: لا
تركي برجاء :اجلسي معنا
عهود ماحبيت اكسر بخاطره وراحت جلست جنب خالتي
مر علينا شهر من وفاة عمي وسمر وتركي مازال كئيب وانا حسنت من اسلوبي مع تركي واليوم ادخل الشهر
الخامس واحس اني ثقيلة مرة وبطني واصل لحلقي بس تركي واهلي يغيروني يقولون مو مصدقين اني حامل
لان بطني مو باين .....زالعصر وحنا جالسين بالصالة بشقتنا حسيت بشئ غريب ببطني :اااااااه
تركي بخوف : شفيك
عهود وانا خايفة ان البيبي فيه شئ :بطني
تركي :وش فيه
عهود بديت اصيح:تركي اخاف البيبي فيه شئ احس بشئ غريب ببطني اول مرة احس فيه
تركي بخوف :تروحين المستشفى
عهود:مم
بسرعة تركي جاب عبايتي ورحنا المستشفى ...الدكتورة تكشف على بالجهاز
عهود: دكتورة طمنيني البيبي فيه شئ
الدكتورة : البيبي بخير ومافيهوش حاجة
عهود: طيب والي صار
الدكتورة : ايه الي حصل بالظبط
عهود وحسيت مرة ثانيه ببطني : اه دكتورة بطني
الدكتورة كشفت على مرة ثانية
تركي بقلق : خير يادكتورة
الدكتورة:هههههههههههههههههههه
انا وتركي نطالعها باستغراب :........
الدكتورة :ههههههههههه
تركي عصب :الحين تقولك بطنها تضحكين
الدكتورة : وربنا انتوا حالتكم حاله
تركي بنفاذ صبر : وبعدين معك
الدكتورة : الطفل والمدام مافهيمش حاجة كل الحكاية ان الجنين بدء يتحرك
عهود: يتحرك
الدكتورة:ايوة الي حسيتي بيه هو طفلك وعمال يتحرك ببطنك وانتي عمالة حالة قلق لزوجك ونفسك
تركي يطالعني : الله يهداك ياعهود طيحيتي قلبي ببطني كيف ماتعرفين انه يتحرك
عهود وان منحرجة : وانا ايش دراني اول مرة يصير
طلعنا من المستشفى بعد مافهمنتنا الدكتورة الوضع وتركي كل شوي يضحك علي وهو يتذكر الي صار
عهود وانا مناقضة منه : خلاص طيب
تركي :ههه قسم بالله ههههه ان شكلك وانت تصيحين هههه يفطس ضحك
عهود:لا وانتي يعني ماشفت نفسك
تركي : منك يعني مو عارفة ليه حسيتي كذا
عهود: وش مدريني قالوا لك خبرة
تركي :هههههههه
عهود حسيت فيه مرة ثانية وعلى طول اخذت ايد تركي وحطيتها على بطني
تركي بملامح تضحك:يمه هذا ايش يسوي
عهود: وتلومني يوم خفت
تركي بخوف : يالمك
عهود:لا بس احس باحساس غريب
تركي يحط اذنه على بطني : اسمع حركتك خفف منها امك واحدة خوافة
عهود: تطنز
تركي : ايش احساسك الحين حسيتي فيه
عهود : وتعلقت فيه وحبيته من قبل لااشوفه
تركي :يعني موندمانة
عهود: لا ندمانة اني تمنيت انه يطيح
تركي : يالله متى يجي اليوم الي اشيله بيدي
عهود وانا مبوزة :ليه ماخليتها تقول ايش نوعه
تركي : خليها مفجأة احسن
عهود: على الاقل اعرف ايش اشتري له
تركي : ماعلينا ....عهود
عهود:هلا
تركي بخبث:اليوم منو دوره
عهود ورفعت حاجبي : الثانية
تركي : الثانية ها
قام وسحبني من ايدي لغرفتنا وطالعني بنظرة فهمت معناها وارتبكت وخجلت :تررركي
تركي بهيام : عيون وروح تركي
عهود: مو وقته اخاف يأثر على البيبي
تركي يلعب بحواجبه: لا مايأثر انا سألت الدكتورة وقالت عادي
عهود طلعت عيوني : ايش سألتها
تركي بخبث : الي بطبقه فيك الحين
عهود حمرت من تعليقه :طيب خله بكرة
تركي يمسكني من خصري ويقربني :لا كفاية اربع شهور حرمان وكبت
عهود ضحكتني كلمته:ههههههه كبت
تركي : ايه كبت وحرمان وانتي وهالمفعوص الي ببطنك ولا على بالكم
عهود ابي انرفزة:ليه مافرغت هالكبت عند فجر
تركي بتنهيده: العطشان مايضمى الا بالماي مهما عطوه وانتي مايي
عهود:طيب ا
حط تركي ايده على فمي :اشششش خلي الكلام بعدين
ووو............................................... .................................................
اليوم الثاني بغرفة فجر
فجر :تركي
تركي :هلا
فجر : ليه احسك مو فرحان بي
تركي : كيف
فجر : تركي انت تحبني
تركي :...................ز
فجر :تركي انت ليه تستهين فيني
تركي : متى استهنت فيك انا مرة اهنتك ولا قصرت بحقك
فجر : لا
تركي : اجل
فجر: انت ماتعاملني مثل عهود ولا تحبني مثلها
تركي بضيق : سمعي انا مااملتك بحبي ولا اخذتك برضي وانتي عارفة والصراحة انا احب عهود وماكنت
راح اتزوج عليها بس الظروف حكمت وبعدين تقبلت الواقع
فجر : يعني انا مفروضة عليك
تركي : اظنك عارفة جوابي وبعدين لك على اني مااقصر عليك بشئ ولا اهينك بس الي ماقدر اعطيك
قلبي لان الي ملكته واحده الي هي عهود
فجر بقهر : بس هي ماتحبك
تركي : عارف
فجر : وترضى تعيش مع واحدة ماتطيقك
تركي : من قال هي صحيح ماتحبني وانا متقبل الشئ هذا بس متقبلتني وهي بنفسها قالت
فجر: طيب ليه تقول ان اهلها قاطوها على شايب
تركي فتح عيونه : انا شايب
فجر :انا مالي دخل عهود الي قالت
تركي تضايق : نامي وراي دوام
فجر : بس
تركي : لا بس ولاشئ نامي
وانسدح ونام تو فجر بتنام الا دق جوالها :هلا يمه شلونك
:جنبك بغلك
فجر : ايه بخير
:ماولهتي
فجر : وهذا يحتاج سؤال اكيد
تركي : فجر روحي كلميها بالصالة ابي انام
فجر : ان شاءالله
وطلعت الصالة وجلست على الكنبه
فجر :هلا زياد
زياد:اهلين اخبارك
فجر : تمام وانت
زياد: مشتاق لك
فجر : ههههه خلاص انا الحين على ذمة رجال
زياد: وانتي يهمك
فجر : لا طبعا
زياد:طيب قمحة ولا شعيرة
فجر: لا لسى الرجال متعلق فيها
زياد: وحد يشوفها ومايتعلق
فجر : المهم مااكون فجر ان مانسيته اياها
زياد: وهذ المطلوب ابيك تخلينه يطلقها
فجر : ولا يهمك انا تركي دخل مزاجي
زياد: هو دخل عليك
فجر : بلا عباطة طول الوقت عنده وما يقربني
زياد: طيب كيف ماحس انك مو بنت
فجر :ههههههه الله يسلم العمليات سافرت مع خالتي قبل ست شهور وسويت عمليه ترجعني بنت
زياد: خطيييييرة من عمرك
فجر بفخر: تربيتك
زياد: طيب بطولين لحد تخلينه يطلقها
فجر : شكلي بطول لانه مايفكر الا فيها مدري ايش شايفين فيها عادية مرة
زياد بقهر : انتي ماتشوفين الي نشوفه بس ياريتها تصير لي وانا اصير اسعد انسان بالعالم
فجر: بتكون لك وتركي يصير لي
زياد: ايه انتي خطتي البديلة والاخيرة
فجر: البديلة
زياد : ايه كنت بلوي ذراعه ببنات اخته بس تراجعت كفاية بلوة سمر وماظن انه بيهمه فضيحة الثانية
عشان كذا انتي املي الوحيد الحين
فجر حست بصوت : اوكي بيكون بينا اتصال بس الحين لازم اسكر
زياد: اوكي باي
باي كلمه ونزل معي بيدخل بس انا رفصت وتحججت بان اخوي عبدالله بيعصب اذا شافه واقنتع
وراح بعد ماعطاني مصروف وقال لي ادق عليه اذا احتجت أي حاجة
__________________ احذر عدوك مرة وصديقك ألف مرة فإن انقلب الصديق فهو أعلم بالمضرة  عضوة فى شله هيناتا عضوة فى شله البرنسيسات شلة لكل البنات عضوه في بوكمون (لمحبى الانمى)
|