][ فجأه} دق جواله { آلو } قالها بلهفة احساسه..!!



كان بزحمة شجونه ..
يلملم باقي أوراقه ..
صباحه يمر كالعاده ..
شرب القهوه من بدري ..
ورايح يقضي شؤونه ..



فجأه ...!!


دق جواله .. هاذي الرنه اذكرها ؟!
صارت ترجف يدينه ..
صارت تدمع عيونه ..
هذا رقم مضنونه ..؟!!!

ااالو ..
قالها بلهفة احساسه ..
صباح الخير ياجافي ..
ياأقسى من عرف قلبي ..
صباح الخير ..
ياوجه الخير ..
ياحبي ياسبب غلبي ..

حبيبي ..
ليش تهجرني ..
وينك يوم ناديتك توك .. توك تلبي ..؟!

تدري ياكريم الجروح ..
تدري ياغلا الروح ..
أنا ماأنام إلا صورتك جنبي ..

وإلا .. أقولك مابعاتب ،،
يكفي ان اليوم صبحي ،بحضورك، اختلف عن كل يوم..؟!
أدري يابعد حالي .. أدري وش تبي تحكي ..

صحيح ان السلام المفروض انت تبدا به ..
حبيبي والله ماتفرق..
حبيبي سلامنا واحد ..
حبيبي والله ماتفرق ..
سلامي اول وتالي ..


عساك بخير
بشرني ..
عساك بخير
ياغالي ..
عسى دنياك فرحانه ؟
تعال قولي علمني
غريبه عليك تذكرني ؟!
وتذكر رقم جوالي ؟!
عسى دنياك جتني ولهانه ؟


عن أشواقي لاتسأل ..!!
عيوني حييييييييييل مشتاقه ..
ضناني الشوق واشقاني ..
وصبري ذبلت أوراقه ..
تعال ..
تعال باحكي لك ..
أنا تغيرت عن أول صرت أنام من بدري ..
عشان أحلم وأشوفك ..
ويطول حضني لطيوفك ..
صرت أصحى من بدري ..
وصارت قهوتي مره ..
وغطاني همي من كبره ..

أنا تغيرت عن أول .. وهجرك طول وطول ..!!

أحبك ..


باقي تذكرها؟
لسه تذوب من حرارتها؟
سوالف ليالينا ..وحلمنا الوردي ..
مانسيتها .. أعيش ماضيها وحاضرها

أحبك ..
وإنت تهجرني؟!
هاذي يعني أخرها؟!


أوووووه .....( أسف حبيبي )
أعذرني..خذاني الشوق ووداني ..
حبيبي يالله كلمني ..
طفي شيء من ناري بصوتك ..
وليتك تداوي القلب ياليتك ..


آلو : يااخوك أنا آسف ..


أنا غلطان
توي مطلع الجوال ..
وكنت أبغى رقم فلان!!





مما رأاأق لي