الجزء الحادي عشر ..


وترحل .. صرختي تذبل
في وادي... لاصدى يوصل
ولاباقي أنين
زمان الصمت

ياعمر الحزن والشكوى
ياخطوه ماغدت تقوى
على الخطوه.. على هم السنين
حبيبي .. كتبت اسمك على صوتي
كتبته في جدار الوقت
على لون السما الهادي

على الوادي
على موتي .. وميلادي
حبيبي .. لو أيادي الصمت
خذتني .. لو ملتني ليل
أناعمري ..انتظاري لك
لاتحرمنى ... حياتي لك

..........

وش اسوي الحين وانا هالشي انتظره من زمااااااااان ااااه يا عيووني ما اقوى اغمض جفني علييج .. اااه يا قلبي من وجع حبك يا موسى هالدرجة حبك عذاااااب؟
يا ليتني ما حبيتك ولا كان هذا حالي .. حرااام عليك تسوي فيني جذي ؟؟ وانت بعييد وحبك في قلبي مدفووووون ..
وتتنهد بقووووه ...
ما استاهلك يا فيصل
وتبجي ... وتتذكر فيصل .. يوم مات صارت تتذكره كثييير وحبته ..
ليه يا حب طووّولت ؟ بعد ما رااااااح الغالي يا حب جيييت ؟
...
دخلت ام حمد .. وانصدمت .. شافت رهف لامه على نفسها وتتكلم ..
ام حمد : رررهف شفيك ؟ من بعد ما راحت شما وانتي في غرفتك ؟
رهف ساكته ...
ام حمد قربت تبي تشووف شفيها ..
ام حمد : رررهف
رهف تطيح بحضن امهاااااااا. .
رهف تبجي : يمااااااا تكفيين خلاااااص والله تعبت ...
ام حمد تمسح على راس رهف واهي خايفه ... كانت تحسب ان بنتها رهف قووويه .. بس اكتشفت ان رهف ضعيفه بقلبها . .
رهف تكمل: يمااا خلااص ما اقدرر استحمل والله احببببببببه .. احببببببببه يا يمااااااااااااا
ام حمد : ........
رهف تبجي .. ما كانت تحس باللي قالته ...
ام حمد تدري ان رهف تحب موسى من سنيين بس عمرها ما حبت تفتح هالموضوع مع رهف ..
رهف تبجي على حضن امها ... وام حمد خايفه عليهاااا ..
بعد وقت طووويل ..
رهف : خطبتني شماا لموسى !!
ام حمد بهدوءها : وش قلتي ؟
رهف: ما قلت شي .. ابي اسمع ردج يا الغاليه ..
ام حمد : انا معك يا رهف .. حرام علييك هدمتني حياتك بيدك ...
رهف تقطاعها : انا يا يمااا ؟؟
ام حمد : أي انتي هدمتيها .. كان المفرووض تسوي اشياء كثييره
رهف سكتت ما تبي تفتح هالموضوع ..
ام حمد : توكلي على الله .. انتي وموسى محتاجين لبعض . . ولا تنسين اللي ببطنك .. وبنتك رهف .. محتاجه لابوو ..
رهف : يعني اوافق؟
ام حمد تهز راسها . .
رهف: وعمتي صالحه ؟ والسحرر اللي سوته اهي وحنان لما كرهني موسى عشانه ؟ اكييد بيسووون سحررر مره ثانيه ؟
ام حمد : ما عليك منهم .. ارقي نفسك وارقي موسى ..
رهف محتااره .. ودها لو اهي وموسى بهالدنيا وبس...

.....

في المستشفى ...

دخلت صالحه غرفة موسى ...

صالحه : السلام عليكم . ..
موسى منزل راسه ولا رد ...
صالحه قربت منه ..
صالحه : السلام لله ...
موسى وصوته يخرع من العصبيه : الله لا يساااامحج
صالحه : شنووو ؟ شهالكلااااام ؟
عصبت صالحه على موسى ...
صالحه : تراااااااني امك
موسى اللي صدم صالحه يبجي...
اول مره تشووف موسى يبجي بهالشكل
موسى : يا ليتج ما حملتي فينييي ولا انولدت ولاااااااااااااا كبرررررررررررررت ولاااااااااا حجززززززززت هديييل ولااااااا حبيت رررررررررهف ولاااااااااا تزوجتهاااااااااااااا ... الله لا يسامحج يا يماااااااا .. لعبتي فيني اااااااه اطلعي بررررررررى الله لا يوفقج
صالحه ساكته ...
صالحه معصبه: انت شفيييييييييييك ؟؟؟
موسى : شفييينيي؟؟ قووولي شنووو اللي مصبرررني عليييج .. تحسبنيي ما عرفت ؟؟ عرررفت ويا ليتني ما عرفت .. سحررر يا يماااااااااااا؟؟؟ انتي كافرره ؟؟؟ تسحرررين ولدج ؟؟؟ ليه ؟؟ عشانه حب وتزوج ؟؟ اطلعي برررررى يلااااااااا
صالحه قااامت .. انصدمت من كلامه ...
صالحه : ............
انجرحت صالحه من كلام ولدها موسى .. كانت مهتمه فيه اكثر من عبدالله واحمد .. كانت تحبه اكثررر واااحد ...
طلعت من غرفته واهي تذرررف الدمووووع .. موسى كرهها
صالحه في نفسهااا.تبجي : يا بعد عمررري يااا موسى سامحني يا وليدي قسيت عليييك !! انا ادرري بحالك يا نظر عيني ..الله ياخذني ولا اشوفك بهالحال ..
طلعت صالحه من المستشفى واهي تبجي ... ردت البيت وعلى غرفتهاا .. غفلت غرفتها عليها واخذت تبجي ...
صالحه اللي تعرفوونا قاسيه بس محد يعرف عنهااا انهااا يوم كانت شابه عااشقه .. كانت عاشقه ابو رهف ..(سالم) .. كانت تموووت على تراب ممشاااه .. ان ضحك ضحكت .. وما توسعها الارض.. وان فكرررت فكرت فيه .. محد كان حاس في هالانساانه العاشقه الضعيفه ..سافر سالم السعوديه وبالتحديد الشرقية .. وهناك صارت قصة حب سالم وحنان .. قعد سالم فالشرقيه 3 سنين .. 3 سنين وقصة حب بينه وبين حنان ... خطب راشد صالحه لانه اكبر من سالم .. وتزوجته بالغصب لانه ولد عمها .. تزوجته وكان عمرها 16 سنه .. كرهت سالم لانه سافر وخلاها .. كانت تتمنى لو يرجع وتتزوجه .. وبعد 3 سنين .. رد سالم ومعاه حنان واللي صدمووا فيه حمده و صالحه .. كانت صالحه تتهرب من راشد وتروح تقعد لحالها وتفررغ اللي فيهاا .. كرهت حنان لان سالم فضل حنان عنها ... وكبر هالكره وهالحقد على رهف وامها ...

...

دخل راشد وشاف صالحه تبجي .. فرك عيوووونه عدل .. مو مصدق اللي يشووووفه صااااالحه تبجي ؟؟؟ اول مره يشوفها بهالشكل واول مره يشوفها ضعيفه ...
راشد : صالحه ؟
صالحه شافت راشد ومسحت دموعها ... صالحه اللي يشوفها على طوول تعجبه .. طووول وبياض وعيوون سووود .. اللي يشوفها ما يحط عمرها 44 .. اللي يشوفها يحط عمرها بالعشرينات .. صالحه حلوووة ومزيوونه بس عمرها ما بينت للناس انها حلووة .. تتعمد صالحه في كل طلعااته .. تخريب نفسها .. مثل تخربط الكحل وما تضبطه لانها قاصده هالشي .. بس راشد اهو اللي يشوفهااا حلووووة ..
راشد قرب منها ..
راشد : وش فيج يا نظر عيني ؟
صالحه تحاول ترد قوتها ..
صالحه بدون نفس: وش تبي؟
راشد : ما تعبتي ؟
صالحه عصبت ...
صالحه : اسم الله علي .. انت وش فيك يا رجال؟ تبي تحسدني يعني ؟ ؟ قووم عني
راشد سكت ..
راشد : تبجين ؟؟ على شنو يا صالحه ؟؟ ما اظن ان في شي يحررك مشاعرج ؟
صالحه تطالعه ..
صالحه : يعني ما عندي احساس يا راشد ؟؟؟؟؟؟؟؟ ولدي طايح في المستشفى .. طررردني يا رااااااشد طردني
طاحت على حضنه وتبجي ... ما استحملت كلام موسى اللي فالمستشفى كانت رايحه تبي تتطمن عليه بس طردها موسى حاولت تمسك عمرها .. خلااص ما فيها طااقه ..
راشد يمسح عليها . . ويذكر الله .. راشد بطبعه ما يحب يبين مشاعره للي حوليه .. بس هالمره طلع كل احساسه ومشاعره الدافيه لصالحه ...
كسرت حواجز قلبه .. قدر يحس شلوون كانت صالحه ناااعمه ورقيقه في مشاعرها .. كان في باله ان صالحه ماكو احقد منها .. قدر يحس بهالثواني الي حضن صالحه شلووون طافه كثير من الاشياء اللي المفروض يسويها .. حس انه اهمل صالحه ولا اهتم لها ولا اهتم لمشاعرها .. ولا حتى فهمها .. ولا حتى يسألها عن طلباتها .. كانت صالحه تبي شي وااحد ..تبي احد يقوول لهاا شلوون اهي حلووووة ومزيووونه .. تبي تحس بقيمتها .. تبي احد يقوول لهااا احبك .. يا حبيبتي .. يا غناتي .. ياالغاليه .. يا الغلاااا.. فديتج .. هالكلمات البسيطه .. بس شلوون هالكلمات تغير في البنت ...
....

شما قاعده تلعب مع راشد الصغير .. ومع جابر ...
جابر : عمة
شما : هلا يا قلبووو يا جووجووو انت
جابر : انا مليت من اللعب مع راشد . . اووووف
راشد : مليت مني ؟ انا الغلطان اللي مخلي ربعي وقاعد معاك ..
جابر: مو من زين قعدتك
وقعدوو يتهاوشوون ويتضاربوون ...
شما ارتفع ضغطهاااااا ..
شماا تصرررخ : بس
خافو جابر وراشد وسكتوو . . اول مره تصرخ فيهم عمتهم ..
جابر بجى ..
شما: وليييه .. جوجو ليه تبجي ؟
جابر: تصارخين علي؟
شما تضم جابر ..
راشد : وانا ؟
شما :يماااا يا الغيررره .. تعااال شوشو
وتضمه ..
شما : انا اليووووم بوديكم مكااااان راح تحبووووونه كثيييير
جابر + راشد : وين ؟
شما : مراح اقول لكم ... مفاجاة ..
راشد : عممممه تكفين قوووولي ؟
شما : انا قلت بعدييييييين ...والحين كل واحد يرووح لامه تكشخه .. يلااااا
ركض راشد ويا جابررر يتسابقووون منووو اسررع واحد بكشخته ... جابر وراشد مزاااييين ... والزين فيهم توارث .. جمال ( راشد + صالحه ) انتج هالزززيييين ...
اخذت الموبايل ..
احمد : الوووووووووووو
شما :حمااااااده ابيك توديني انا والعيال الحين
احمد بكل بروده : وين ؟
شما : الحديقه ..
احمد : انزززين الحين جااي ..
شما :يلا سي يو
احمد : باي
طوووووووووووط
شما : يا برد اعصااابه . .
وراحت فووق تلبس عبايتها ..

.......

محمد : شمااا انخطبت ؟ وشنو رديتوو عليهم ؟
عبدالله : احنا موافقين بس لين الحين ما قلنا لهم ..
محمد : لا تقوول شي وارفض.. انا ولد عمهاااااا وابيها
عبدالله باستهزاء : انت ؟
محمد يرفع خشمه ..
محمد : ولييه وش فيني ؟
عبدالله : كل البلاوي فيك انت ..
محمد : يعني هذا رايك فيني ؟؟ .. ما علي منك .. انا بقول لعمي .. وبعدين انا ولد عمها ولا تخلوون الناس يضحكوون عليكم .. تزوجونها للغريب وولد عمها يبيها ا ..
عبدالله يكرره محمد .. ماعنده طموووح ولين الحين ما استقررر .. عمره 30 ولا تزوج ..
ومثل ما تعرفون عنه اغلب سفراته لبنان .. ويعرف عنه انه متزوج عرفي من اردنيه ..
عبدالله : تحسب اني ما ادري عن الاردنيه اللي انت ماخذها ؟
محمد ما عرف شيقوول ..
محمد في نفسه : لا بالله ما تزوجت شما ..
عبدالله: اسمع لا عاد تفتح هالموضوع مره ثانيه انت سامع ؟
محمد : أي .. أي .. سامع ..
محمد عصب .. قرر انه يروح لاحمد عشان يطلب شما منه .. بعد ما غسل يده من عبدالله ..
......
موسى طلب الدكتور لغرفته ...
موسى : طلال ابي اسافررر العلااج ..
الدكتوورطلال : ليه يا موسى ؟ اهني متوفر كل شي ؟
موسى : طلال انا ابي اغير جووو .. احس نفسي اهني ما اقدر اتنفس ولا اتشافى ...
الدكتور طلال: على نفقتك الخاصه ؟
موسى : أي
الدكتور طلال : المانياااا والا بلجيكاا ؟ هذيلا عندهم احسن الدكاتره واقدر الحين احجز لك عندهم ..
موسى سكت وفكرر في رهف .. في مكان واحد في العالم اللي جمعه فيها ..
موسى : لندن
الدكتور طلال: لندن عليها زحمه
موسى : دكتور انا ما احب اثقل علييك بس تكفى تصررررف .. ادفع أي مبلغ بس تحجز لي هالاسبووع في لندن ..
الدكتور طلال : موسى عيوني لك .. من عيوووني ...
موسى ابتسم : تسلم عيونك يا الغالي. .
طلع الدكتور طلال من غرفة موسى ...
موسى ارتاااح .. في باله اشيااء كثيييره ...اول شي .. يبي يرتااااح نفسياا .. وثاني شي يبي يروح للندن حبه الاول .. وثالث شي يبي يبعد فتررره عن التفكير في رهف .. وعنده اشياء كثيره ..
بعد فتره ..
دخل الدكتور طلال ..
الدكتوور طلال: الحمدلله يا موسى .. لقيت لك حجز باااجر . .
وعطاه ورقه ...
موسى يطالع فيها ..
الدكتورطلال:حجزت لك في هالفندق اللي قرريب من العياده ..
موسى : تسلم لي .. وكرمك هذا ما انساااااه .. يا طلااااال .. انت الوحيد اهني مونسني ..
الدكتور طلال: تروح وترد بالسلاااااااامه ..
....

احمد دخل البيت .. وشاف ولده راشد وولد اخووه جابر متكخشين وجاهزززين وشاف شماا لابسه عبايتها وجاهزه ..
شما : يلا يا شبااااااب هجوووووووووووووووووووم
وركض راشد وجااابررر للسيارره ..
احمد : ههههههههه ليه عاد مستعجلييين .. ؟؟ نونوووو اصبروو ساعه على ما اروح اتسبح واكشخ مثلكم
شماا: لا لا يا احمد الشباب كاشخييين وانا بعد ونبي نررروووووح الحين .. وبعدين ريحة عطررررك زوووووغه وتفووووووح مو محتاااج سبوووح .. يلا يلااا قوم شغل السياره ..
احمد : اووووووووووووف
وركبو السياره ووصلوو للحديقه ..

خذت موبايلهاا شمااا .. واتصلت على امل ..
شماا: اهلين بالزززززين كلللللللللللله
امل :اهلين شماااااااا
شما: انتي مشغوله .؟
امل : لااا
شما : طيب انا الحين بمرررج ..
امل : حياااااج يابعدي انتي لحالج ؟ او احد معج ؟
شما: بس انا والشباب
انصدمت امل : شباااااب ؟؟ اجل خلاص بجهز لهم الديوانيه
تضحك شمااا ..
شماا: اقصد عيال اخوووي راشد وجاابر
امل تضحك : هههههه مكبرتهم يعني
شما : يحظي مو مني .. اهم يحبوون يكبروون عمرهم ..
امل: اجل خلاص تعالي انتي والشباااااب وحياكم الله
شما: الله يحييج .. يلا بيبااااي
امل :باي
طووط ..
قامت شماا. .من العشب .
شما: يلا يا شباب قومو
راشد تضايق: لااا عمه توونا نلعب كررره .. اصبرري شووي.. وبعدين ابووي مو اهني رااااااح
جابر: لااااااااامااااااااااابي
شما: بنرووح مشي على الاقداااااااااام
جابر: ماااااابي اروووح
راشد: بيتنا بعيييييد
شما: اللي بيجي يجي انا بررووووووح
راشد يكلم جابر..
راشد: قووم جيب الكرررره عمتنا مجنوووونه تسوويهااااااااا
جابر: انزين
ومشت شما واهي تضحك عليهم ..
جابر خذى الكره ويلحقوون عمتهم شما. . واهم يتحلطموون ..

....

احمد وصل البيت ...
شاف 5 اتصالات من محمد ..
احمد :اوووووف هذا شيبي الحين ؟؟
اتصل عليييه ..
احمد : هلا محمد بغييت شي؟ .. لا مو معصب بس جاي تعباان وبروح انام .. الحين ؟ .. خلهااا بعد شوي المغرب.. لازم يعني ؟ .. انزززين .. وينك انت الحين ؟ .. انزين الحين جاي .. باي.
راح احمد دوانيه محمد .. .
سلم عليه وقعد ..
احمد : شبغيت ؟
محمد: اختك شماااااااا
احمد : انخطبت دور لك غيرها
محمد: مابي غيرها ا. . انا ابيها اهي .. بنت عمي وابيهاا ما فيها شي
احمد : انزين كلمت ابوي؟
محمد : لا .. بكلمه باجر ..
احمد: الكلمة كلمة شمااااا وانا مالي شغل
محمد يحاول يستفز احمد...
محمد: افااااا الحين كلمة المراة تمشي عليكم ؟
احمد ... .
محمد : البنت اللي تمشي رايها على اهلها ينقال عنهااا ماعندها اخوان
احمد : نعم ؟
محمد : نعم الله علييك
احمد قام معصب وطلع ...
....

شما وصلت لبيت امل ..
شما: قوووووووووووووووووووووووه
امل: هلاااااااااااااا شممااااااااا حياااااااااج
ودخلت شما ..وسلمت على امل ..
جابر: عمة منو هذي. ؟
امل : انا اموووله بنت عمهااااا
راشد: اموله ؟
امل :هههههه اسمي امل بس ادلع عمري
جابر : يحليهاا تدلع حالها ..
راشد: اول مره اعرف ان البنات يدلعون نفسهم
شما: أي أي ندلع نفسناا ليه محترر ؟
راشد: موو محتررر الا نااقد
شما: ما علييكم شررره يا عيال اخواني .. اخواني نقووديين نفسكم
امل : هههههههههههههههههههههههه
دخل عمر ..
عمر : يمااا
امل: هلا يماا تعال سلم على خالتك امل
ويروح عمر يسلم عليها ..
راشد + جابر .. ودهم يعرفون منوو هذااااااااااا؟؟
شماا: عمرمر العب مع راشد وجاابر
ويروحون ال3 يطلعون الحديقه ويلعبوووون ..
شما: امل انا جايه لج في موضوووع وابيج تساعديني فيه ..
امل : من عيوني يا شمااا
قالت شما كل شي لامل . .
امل: صدقيني يا امل انا اعرف رهف .. مراح توواافق ..
شما بخيبه امل : ليييه ؟
امل : انا ادري انج تعبتي .. بس هالشي صدقيني مستحييل يصيررر .. وخاصه في هالوقت ..
شما: مووسى محتاااج لاحد يحبه ويهتم فيه .. اخووي تعباااااااااااان ومررريض
يحب رررهف وناااااااااادم ويحس انه السبب في عذاابهاااااااا بعد ما مات فيصل في الحادث اللي صارر.. موسى متعذب يا امل .. ابيج تساعديني في هالشي .. هالاثنين مو متهنييين بالمره .. يبي يعوووض رهف عن كل شي ..
امل : انا معاااج يا شماا . .
...
في الحديقه ...

عمر : ريووووووف
ريوف تلعب مع رغد ...
ريووف: تصارخ : هاااااااا شتبي ؟
عمر : تعاااااالي اهني انتي ورغد ..
راشد وجابر مستغربين ليه رغد اهني ؟ ...
ريوف وصلت عندهم ..
ريوف: يا كثر ازعاجك يا عمرر.. وبعدين وش جايب معااك ؟؟
راشد حب يطفر بريوف..
راشد : الظاهر معطيينج وجه اكثررر من اللزوووم
ريوف عصبت : جااااب اسكت
وتروح تضربه مع راسه ..
راشد تألم : آآآآآآآآآآآآآآآي
ويلحقهاا يبي يضربهاا وريووف تضحك عليه وتركض...
رغد : ريوووووف تعالي اهني
جابر: ررغد انتي ليه جايه اهني ؟ ومنو هذي؟
رغد : هذي ريووف اختي
جابر: اختج ؟
رغد : أي ..
عمر: رررغد تعرفين جابر؟
رغد : أي جابر وراشد عيال عمي
عمر حس بالغيره من جابر..

في الصوب الثاني من الحديقه ..

تركض ريووف ويلحقهاا رااااااشد ..
ريوف: هههههههههههه
راشد : راح اذبحج اليووووووم
ريوف: ما تقدرررر
راشد: تشووفين
وتصدم ريووف بامها رهف ..
رهف استغربت من ركض ريووف من هالولد ..
رهف : حبيتي منو هذا وليش يلحقج ؟
ريوف: ههههه يبي يضربني بس انا ما خليته
راشد: تشوفين راح اضررربج .. لانج مغرورة وتبطين الجبد
فجاة تذكرت رهف .. يوم كانت طفلة .. نفس هالموقف صار معاها مع موسى .. تذكرت موسى دايما يلحقها يبي يضرربهااا .. واهي تهرب منه .. دمعت عيونها ومسحتها بسررعه ..
رهف: حبيبي انت منو ؟
راشد : اناا راشد
رهف: انت ولد ام وليد ؟
راشد : لااااا انا جيت اهني مع عمتي شماا
رهف: شما؟ وينها عمتك ؟
راشد : راحت هناك ( يأشر على بيت امل ) ..
رهف: امك اسمها نورة ؟
راشد : أي
ريوف : يمااااااااا تعرفين امه ؟
رهف : أي امه تصير بنت عمتي وابوه يصير ولد عمي
ريوف ما عرفت شي ..
رهف شافت شما جايه صوبها .. حاولت رهف تبتعد عنها ومشت ..
شما تضايقت بس اللي براسها تسوويه ..
شما تنادي عليها ..
شما :ررررررهف
رهف تسك اذنها بايدينها وتمشي بسرررعه .. تسمع صووت شمااا بس تمشي .. ماتبي شي .. تبي تبعد وماتبي تسمع أي شي عن موسى .. خايفه لا تأثر عليها شمااا مثل قبل يومين لما زارتها .. اثرت عليها بقووه ..
مسكتها مع كتفها ودارتها عليهااااااااا...
شما تبجي : ليه يا رهف انتي انانيه ؟؟؟؟؟؟؟ موسى يتعذب وانتي تتهربين منه ومني ؟؟؟؟؟؟ ليه تخافين انج تعيشين بحب وبوناسه .. ليه تبين تفرقين بين ريوف وبين ابوهااا اللي اهوووو حبيبج
رهف تبجي : بس تكفين اسكتي مابي اسمع اكثررررررررر
شما تمسح دموعها : رررهف افهمي معااااااي وركززززي موسى محتاج لج .. حطيهااا في باااااالج
رهف تبجي مثل الطفلة : محتاج لي ؟؟ انا محتاجه له اكثررررر .. انا احبه يا شمااااااااا احبه بس مقدرررر .. مقدررر ارد له
شما: ليه ؟ طيب ولمتي ؟
رهف بعدت نظرها عن عيون شماا...كانت شماا مثل الملاك اللي بنظرتهاا تغيير كل شي فيه ...
رهف: مدري
شما تبجي .. مثل الطفلة اللي كسرو لها لعبتها .. راشد راح لهاا .. ومسك عبايتها ..
راشد : ليه تبجين ؟
شما تنزل له. .
شما تمسك يده : ولاشي يا راشد .. خلنا نمشي من اهني .. مافي شي يستاهل نقعد عشانه ..خسرت راحتي وراحة بالي بسبتج يا رهف ..
قامت شما ومسكت يد راشد وراحت ... ورهف منصدمه من كلام شماا اللي هز كيانها ..شافت شما واهي رايحه .. تبي تناديها بس عبرتها مخنووقه .. دموعها تسييل وجهها مافيه تعبير غير الخوف من الفراق..

في الصوب الثاني ...

شما قربت ..
شما والحزن باين على وجهها ..
شما : جابر يلا مشيناا
جابر: ان شا الله عمتي
شما : وانتي يا رغد ماتبين تجين ؟
رغد : لااا بقعد اهني
شما : كيفج .. على الاقل يمكن اهني احسن من قعدتج عند امج اللي ما سألت عنج ..
رغد : ؟ ؟
شما حست نفسهاا انهاا سخيفه وغبيه .. كيف بتلم شمل رهف وموسى واهم ما يبوون هالشي ؟ .. ضحكت على نفسها باستهزاء .. وكملت طريقهااا..
رهف تمشي وتمشي .. وتمسح دمووعهاااا ..
شما شافت رهف .. ابتسمت ..
رهف تمسح دموعها ..
رهف: احمد الله الف مره انج قمتي من الغيبووبة .. واحمد ربي لانج معاناااا وبيناا .. يا شمااا انتي خليتني افكرر بحلاوة الدنياااا وخليتني افكرر ب
شما استناست بكلام رهف ..
شما : قوليها ابي اسمعهااا منج
رهف بحيا: خليتني افكررر بحال موسى .. اللي صج محتاااج لاحد يهتم فيه و . وسكتت
شما تضم رهف ..
شما : ومحتاج لج بعد
رهف استحت ...
شما: رهف خلصتي عدتك صح ؟
رهف: أي ..
شما: الاسلام ما حرم زواج الارمله مره ثانيه .. وصدقيني فيصل يحبج ولو كان اهني يبي يشوووف الفرحه في وجهج ..
رهف سكتت ..
شما: رهف .. جيت اليوم اهني اعرف ردج
رهف .. خايفه لو تقوول أي .. وخايفه لو تندم اذا رفضت ..
رهف بهمس : موافقه
شما تهمس في اذنها : الحياة حلووة فخلينااا نحليهااا بضحكتناااا
رهف استناست لاووول مرررره .. بعد ما مات فيصل .. حست انها خلاااص قدرت ترد ابتسامتها بعد ما اختفت ... حست بالحرارة في جسمهاااا وظهرها يحترررق من الحرارة اللي مرت عليهااا شلووون بتشوووف مره ثانيه موسى .. والحين كل الحواجز اختفت .. حست بالشووووق لموسى وحست بالحب له من جديد .. مع ان فرحتهاا مراح تكتمل الا بموافقة موسى لحبهاااا ...


المحبة نارها نار وادواها دوى /
وانت في قربك سعادة وفي بعدك عذاب

ودي انك معاي اتعيش وان متنا سوى /
ما تغيرنا الليالي ولا طول الغياب

يا حبيبي مقدر انساك ولو قلبي نوى /
يا ما فينا الناس قالوا وياما الظن خاب

كم عذول في هوانا تحدى والتوى /
رافعين الراس في الحب ما نحسب حساب

يشهد الله الوفا فيك هو سر الهوى /
والا يا مكثر قلوب محبتها سراب

دايم المشتاق لو كان يشرب ما رتوى /
اسال اللي جرب الحب يعطيك الجواب

شنوو تتوقعووون ؟

رهف وافقت بس بعد شنوو بعد ما نوى موسى السفررر . .. تهقوون تقدرر تلحق عليه ؟ وتعترف له
قبل ما يسافر ؟ اوو بيساافر ويغترب ؟

شنو بيصيررر لاحمد تتوقعوون بيرفض زواج شما وجاسم ؟ وهل يقدررر او لا ؟



ترقبووو

__________________
لكى مرض دواء الا الحب فدوائه النسيان