 هام جداً جداً
السلام عليكم ورحمة الله وبركاته اول شي اللي خلاني اكتب الموضوع هو ان اختي اللي اصغر مني جاها مرض السكر من فتره بسيطه الله يشفيها ويشفي كل مريض وحابه اعطيكم نصيحه واتمنى انكم تنفذوها وهي شراء اشرطة لتحليل الحمض الكيتوني والكيتون ماده سامه تخرجها مجموعة خلايا موجوده في جسم الانسان ممكن تسبب في موت الانسان لاقدر الله واعراضه 1 كثرة التبول2 نقص الوزن 3 الم في البطن وغيبوبه واغماء 4 تغير في رائحة الفم الى رائحه مقاربه لمادة (الأستون)مزيل المناكير وقي هذا الوقت يعطى المريض جرعه انسولين ويكثر من السوائل وفي حالة الاغماء لمريض السكري يعطى ابره اسمها(الجلوكاجون) تعطى بالعضل عشان يفوق وبالنسبه للأشرطة اللي قلت لكم عليها تكشف عن الكيتون وتكشف عن نسبة السكر في الجسم وعلى فكره مرض السكر موشرط يكون (وراثي) يعني مو لازم يكون احد من افراد العائله مصاب بهذا المرض وللمعلوميه احنا من فضل ربي محد من العائله مصاب بالسكر ووش اعراض السكر 1 نقص الوزن 2 التبول المستمر 3 الدوخه 4 الرؤيه الغير واضحه 5 الجروح اللتي لا تبرأ بسهوله 6 العطش بكثرة وانا حضرت محاضره للدكتوره عواطف السويلم مرشدة مرضى السكر ووحدة امراض الغدد الصماء والسكري بمستشفى قوى الأمن بالرياض الله يجزاها عنا كل خير واللي حرق قلبي اني شفت اطفال ماتعدوا السنتين وهم مرضى ومالهم غير يومين بالمرض وطفله عمر سنوات الله يحميها تدق ابر الأنسولين لنفسها ومن ضمن كلام الدكتوره ان السكر صار منتشر ويجي فجأه وللي ساكنين بالرياض ترى يقدرون يحضرون المحاضره في مستشفى قوى الأمن كل يوم الخميس الساعه 8ونص صباحا والدعوه عامه وسامحوني على الاطاله بس والله خايفه عليكم وبحاول اكتب كل اللي عندي موجود بالكتب بخصوص هذا الموضوع في قسم ثاني وباقرب وقت واتمنى اني افدتكم باللي قدرت اختصره لكمِ
__________________
فقط اتفقدكم
|