رمضانكم مبروك وإن شاء الله عشاكم بكبوك
ها جاكم رمضان توا عاد بنبدو فى الماكله والأكل وفى صرف الفلوس اللى فى البنوك
وبما ان كل واحد صايم وجعان ومصارينه مخلينه تعبان
فأكيد كل واحد خاطره فى حاجه ياكلها وماما اطيب ودير وهو راقد ماد السيقان
وياناري علينا احنى البنات فى الكوجينه حاصلين من الظهر للفجر بش تاكلو انتم ياجعانيين
وبهادي المناسبه زي كل رمضان , حنفتحو هادا الموضوع ونخلوه للتشويق والتجويع
يعنى اللى هادا يخش ويقول شن فطرو وشن عبو بطينتهم
ولو فيها كيف تحطو تصويرات مرفقه للأكل
بالنسبه لينا احنى , يعنى بما إن انى بنت وبنخش نطيب فنعرف شن بنطيبو
مش زي الولد يلود يلود وقت المغرب تلقيه يتلصق فى الكوجينه ويقولك شن درتو
احنى مدايرين بيتزا وشربة عربيه ورز بلاو ولازانيا وفطائر البصل المفروم
هادا اللى قدرت نديره ساد والحمدلله
وانتم شن عشاكم ؟ طبعا الولاد يقولولنا بعد المغرب
وصحه شريبتكم مقدماً
وكل سنة وانتم طيبيين وعل الكساد متجمعين
وحقا ماتنسوش تحضرو خالتي مشهيه , وإنبهاااااااااااااااااار إنبهارررررررررررررر