قصيدة اليبرق
يبرق مع العصاعيص يا حبي تحتك دهن شرحــــات متخبي
والتوم نيفا انسـاب واتسوسح والريحة آاخ , ولي على قلبي
والزفرة عم تلمع على خــدودك اي أبوس روحك قولــة الحلبي
والمرقة عم تنضح بحامضهــا و عم ينقف الهبّال على عصبي
وكم يبرقاية اتفزرّت واتسقسقت وانبحتت الرزات على دربــــي
يا يبرق الأحرار كرمــــالـك أنا بفخر بكوني مواطن ٌ عربــــــي
جاية عبالي قول: أنـــــا بحبك بكل اللغات الشرقي و الغربي
يالله استوي وحققلي أحلامي قد ساف قلبي في لظى اللهبِ
لقد استوى يا فرحتي وسـعدي يا عمري يا أنسي وَ يـا طربي
هاتـــوا الخبز والطنـجرة كلهــــا وبعدولي مــــــــا بدي حدا جنبي
لا خيِّ لا أختي لا جدي لا ســـــتي لا عمي لا عمتي لك لا أمي لا أبي
عم أمضغ العصعوص واليبرق سوا شو هالنعيم هــــادا يــــا ربـــي
اذا رحـــت فيهــــا بـــــعـــد هالأكلة ذنبك يـا أمي هادا ........ موذنبي
مهداة إلى كل من شطة ريالته و ما معه ياكل