انت العراق


انت الشعب بشيعته و سنته
منو كلك ناسيك هم ينسه القمر وقته
لو نبض القلب يتعثر بدقته
عشقتك عشق مفضوح وعشق الناس كله مساتر و سكته
صرت انت السبت من يوم اليهودي وهم شايف يهودي يجوز من سبته


انت انت الفارس الي يسبق هبوب الريح و ما اضن خيل سابقته
وانت الي يرهم ترابك كحل للعين ودوه ااي ما شفت علته
ومن طينك نحني جفوف المعرسين
و انت الي ريحه ترابك ترد الروح هيل و زعفران و عمبر
ومثل تراب كاعك مالكينه تراب يرهم للصلاه من طين تربتك
انت انت ينام بيك المرتضى الكرار ابو الحسنين
و انت ينام بيك بكربلاء الحسين
و انت بيك شارة العباس لمن طاح دنك الفرات و باسه من شفته


و من طلعت منك يوم طرن البين قلبي ويايه ما جبته
اثاري نسيته اهناك عندك كلبي امنته و شتلته
و شتلته بجرف دجله الخير ويه سباح الشواطي امنته
و امتدت جذوره بهذيج الكاع وبماي الفرات و دجله عمدته
ولمن صار ينقل جذمه ابين الناس اخذته ويايه للكاظم زورته
بس مدري شيصير بيه لمن يجي طاريك احسك دفو تموز وسط الشته
العالم نسه 11 ايلول و صار بيك سالفته
ناس تكول لازم نحتويه ونشفط البترول ونعوض الراح و كنص ركبته
و ناس تكول لازم هل حصار يدوم
و ناس تكول لازم ننزع اسلحته
وناس تكول خطيه اطفاله ماتو من الجوع
و ناس تكول حيل وياه ماحمد ربه وشاكر نعمته



انت اول وطن ادم وضع جذمه عليه و كال يا الله
انت اول وطن حبه النبي ابراهيم ودعا ربه يصونه و يرحمه ويعزه
وانت اول وطن مرسه لسفينه نوح
وانت اول وطن علم الابجديه ويكتب التاريخ
وانت اول وطن قانونه سننته
وانت اول وطن ماتشبه الاوطان مدري شلون ربك خلقك سبحان ربي شلون صورته
صورته العراق وبس لينا احنه يلوك و احنه نلوكله من يجي وقته

__________________